Kuromi_hungry的個人專頁

觀塘人多車多，特別夏天真係特別熱🥵 食完lunch 返公司途中，經過見到有間鮮果茶手搖店，忍唔住真買返2杯消消暑🥤📌蜜桃冰茶 $34 🍑見到招牌寫住係必點Top 1，飲落除咗有濃濃嘅蜜桃，仲有淡淡青檸檬香，襯托埋茶嘅香氣，整杯飲品非常之清新解渴🤩📌楊枝甘露 $33🥭十分之足料，濃郁嘅芒果香，配搭西柚嘅清香，再加上啫喱的爽口，口感十分之豐富，甜度亦都適中，唔會過甜😋另外，比較特別仲有牛油果甘露，同榴槤甘露，鍾意榴連/牛油果嘅朋友可以嚟試吓😆…查看更多

朋友推介元朗Yoho 附近開咗間新嘅韓日餐廳，由韓國人主理，主打濟州嚟嘅豬肉。雖然餐廳座位十分闊落，雖然好多枱都燒緊肉，不過唔會好大陣油煙味。點完菜會先上韓式小菜，一啲都唔hea有6款，仲可以refill，當中最推介魚乾仔！📌濟州五花肉 $180 🥓餐廳主打濟州豬肉，當然要試試佢。 豬肉嘅色澤均勻，睇顏色已經覺得高質。 一開始燒已經聞到陣陣肉香，個人鍾意燒耐少少，迫咗啲油出嚟食落會冇咁油膩，燒到外表金黃帶少少焦香，配埋老闆娘特製嘅辣椒醬，更加惹味！😍📌豬皮 $138 🐷呢間係食過香港少有好食嘅燒豬皮。豬皮本身有少少鹽，胡椒粉同蔥調味，燒落唔會啪啪聲四圍彈，食落口感煙靭，有滿滿嘅骨膠原😋📌牛肋條 $260 🥩一碟份量都幾多，牛味濃郁，簡單點鹽食已經好好食！📌 1000馬格利酒 $98 🍾推介唔係好飲得酒，但又想試下嘅朋友。呢款馬格利酒酒精濃度算高，飲落甜甜地帶少少酸，配燒肉解膩一流！…查看更多

元朗朗屏俊賢坊新開咗間劉興記生煎包，見到menu 都幾抵食，咁岩有位就入去試下。生煎包可以跟套餐或者散叫，套餐會免費送一杯豆漿。另外，餐廳仲有多款上海小食。😋📌皇牌套餐2: 麻醬手撕雞絲粉皮+ 生煎包2隻 $54 📌皇牌套餐3: 鮮雞湯小雲吞12粒 + 生煎包2隻 $54生煎包係即叫即整，店員上菜時都十分貼心提醒小心熱同爆汁😆 生煎包面煎得金黃香脆，個底灑滿黑芝麻，賣相已經十分靚仔，一咬開入面果然皮薄餡靚，爆多肉汁！🤩麻醬手撕雞絲粉皮配有大量青瓜絲，麻醬好香花生味，粉皮十分掛汁，食落好爽口清新，啱晒夏天咁熱嘅天氣食😋鮮雞湯小雲吞細細粒，一啖一粒易入口😆📌手工豆沙鍋餅 $28外皮金黃香脆，加上滿滿嘅豆沙餡，甜度適中，飯後甜點一流😍…查看更多

返工經過鴻圖中心地下見到新開咗間麵包舖，寫住係用日本麵粉，天然酵母，啲包全部都係師傅現場新鮮焗，款款包都脹卜卜，賣相十分靚仔，即刻問埋同事買幾個一齊試下😆📌裸麥合桃提子包 $15🌰size勁大個，可以兩個人share食，睇外表以為會好似法包咁外皮好硬，估唔到原來係十分之鬆軟，合桃同提子比例啱啱好，每一啖都可以食到哂👍🏻📌宇治抹茶紅豆忌廉包 $18 🫘麵包帶淡淡抹茶香，內裡忌廉口感幼滑，配上紅豆蓉十分夾😋📌甜薯包 $18🍠番薯蓉十分之幼滑，食落有淡淡嘅番薯甜香😋📌紫菜肉鬆卷 $12 🥪滿滿嘅肉鬆，加上紫菜絲，麵包寄既鬆軟又紮實👍🏻📌Latte $28 (跟餐減$5)☕️十分有誠意，係用日本明治牛奶👍🏻…查看更多

由於媽咪特別鍾意食客家菜，見到元朗新開咗間客家人窯燒雞，當然要買隻返屋企加餸！提早WhatsApp餐廳預訂，師傅會計好時間，夠鐘就由窯到拎隻雞出嚟，以確保客人拎嘅時候燒雞係最好嘅狀態！📌招牌窯燒雞 $198/隻🐔窯燒可以令到隻雞均勻受熱，更加能夠鎖住肉汁！雞皮燒得香脆，有少少似酒樓炸子雞外皮，不過保留更多嘅肉汁，一撕開肉汁多到流晒出嚟，肉質亦十分嫩滑。調味方面，味道啱啱好，雞身入面有大量迷迭香，隔住個外賣盒都聞到香氣十足！ 另外，餐廳仲非常貼心，外賣會附送鉸剪同手套！…查看更多

位於元朗千色廣場對面嘅生生市場，係由韓國人主理嘅韓式外賣小店🇰🇷 舖頭雖然細細間，但應有盡有，除咗有多款韓國菜式之外，仲有好多韓式拌菜，例如：泡菜、鵪鶉蛋、八爪魚等，價錢仲十分抵食👍🏻📌芝士紫菜飯捲 $48🌯個人鍾意最基本嘅口味，青瓜絲同蘿蔔絲十分清新，再加上黃蘿蔔酸酸甜甜地，同少少芝士嘅鹹香，十分開胃！📌辣炒年糕 $45 🍢傳統韓式甜辣醬炒年糕，唔算好辣。年糕煮得啱啱好，夠煙靭有嚼勁。📌泡菜煎餅 $48 🫓份量都幾多，有少少可惜因為外賣焗腍咗，建議可以用焗爐焗一陣，外皮焗返脆之後會更加香口！📌 甜辣無骨炸雞 （細） $48 🍗有2個size 可以選擇，細份嘅份量都唔少，有6-8嚿。一口一件，無骨啖啖肉，食得好爽！📌 韓式炒粉絲 $45 🥙粉絲爽口彈牙，唔會煮得太腍黐埋晒，芝麻同麻油嘅香氣濃郁，配菜有菠菜、紅蘿蔔絲同香菇，令口感十分豐富！…查看更多

位於元朗教育路一間十分有誠意嘅平民小店，店舖唔大，主要以附近街坊生意為主。📌無骨海南雞飯 $60 🐔無骨海南雞啖啖肉，肉質嫩滑，肥瘦適中，雞皮都十分爽口，唔會油膩。可以揀配白飯或者黃薑飯，我哋揀咗黃薑飯，蒜香同雞油味好出，軟硬度啱啱好，粒粒分明，絕對可以食哂成碟!😋 📌無骨鹽水加積鴨飯 $60 🪿除咗海南雞，鹽水鴨都十分出色，鴨肉嫩滑，一D都唔會柴，原本已經有鹽水調味，配上酸汁更可以帶出鴨肉嘅鮮味!😋📌紫菜湯跟餐會送一碗紫菜湯，不含味精，係由大量雞殼熬出嚟!📌蜂蜜生薑茶 (跟餐加$5)📌生薑柑桔蜜 (跟餐加$5)…查看更多

呢間位於元朗Yoho 一期嘅餐廳有齊泰國、馬來西亞同印度菜🇹🇭🇲🇾🇮🇳餐廳嘅燈光好有氣氛，座位闊落舒適，環境唔會太嘈，好啱朋友聚會傾計。📌 Puni Puri 脆炸薄圓球 $78 🥠好出名嘅印度小食，之前見到人介紹重慶大廈印度餐廳已經好奇想試。外皮係酥脆嘅炸麵團球，餡料見到有薯蓉、豆、紅石榴同香葉。配有2款醬汁，紅色個款酸酸甜甜，有少少似山楂水，另外，黃色有豆個款帶少少微辣。店員教要將醬汁倒入個圓球到，再一口食咗佢。食落感覺都幾得意，推介大家可以一試!📌Tom Kha 酸辣椰奶湯 (雞肉) $98 🍲椰奶香氣濃郁，雞肉份量都唔少，酸中帶辣，十分開胃。📌Beef Madras 印式椰香牛肉 $148 🥘睇落細細一盤，牛肉分量都幾多，牛肉係腩肉位，煮得好腍身👍🏻 咖哩比較濃稠，椰奶中和返咖哩嘅香辛味，香料同調味唔會太重，十分順口!📌Naan 烤餅 (芝士) $38 🌮有4款口味可以揀 (正宗/ 牛油/ 蒜蓉/ 芝士)，我哋揀咗芝士味。烤餅外脆內軟，口感煙韌，中間帶有淡淡芝士咸香，點咖哩一定要點埋烤餅!📌咸魚炒芥蘭 $88 🥬份量多，有咸魚嘅香氣十分惹味!📌Mango Milkshake $52 🍹📌Passion Fruit Smoothie $55 🍹…查看更多

屯門行街見到新開咗間越南餐廳，叫「春嬌」幾特別，加試天氣熱好想食撈檬，所以就入去試下。餐廳細細間幾別緻，坐位唔多。📌香茅豬扒撈檬 $62🥙📌香茅雞翼撈檬 $62🥙配料有青瓜絲、紅蘿蔔絲蔥油同花生碎，食落口感豐富，蔥油香味好出，撈埋青瓜絲同紅蘿蔔絲中和返好清新，再加上酸味味嘅越式酸甜汁，十分開胃，非常啱夏天食。鍾意食辣嘅朋友，可以自己加啲辣椒乾會更加惹味😋🥩香茅豬扒份量十足，有2大塊，醃得好入味，肉質幾juicy，唔會太乾。🍗香茅雞翼有3大隻，炸得金黃香脆。📌脆炸米網蝦春卷 $48 🫔即炸熱辣辣，脆卜卜，餡料有芋頭蓉令香氣更出。📌凍志明奶茶 （跟餐+$12）📌凍越南煉乳咖啡 （跟餐+$12）志明奶茶有驚喜！揀咗少奶少甜，茶同奶嘅比例啱啱好，茶味香濃又唔會澀。…查看更多

已經多次回訪嘅一間十分道地韓式料理小店。平日星期四夜晚7點左右去到，餐廳已經坐滿人，有唔少都真係韓國人。餐廳坐位唔多，不過都舒適闊落，唔會好擠迫。餐廳主打正宗韓國料理，有多款馬格利酒，如果食厭咗連鎖韓國餐廳，大家一定要嚟試下!📌鐵板炒年糕 $95 年糕外面煎到脆卜卜，外脆內軟，口感煙韌，加上韓式甜辣醬炒，十分地道!📌辣雞腳 $189韓國其中一樣著名嘅國民下酒菜! 餐廳十分貼心，淨係留返雞腳一條大骨，雞瓜細骨已經去咗，帶有微微炭香味，辣味十足，送酒一流!📌海鮮煎餅 $149 每次嚟食都必叫! 外皮金黃香脆，餡料十分豐富，有韭菜、蝦仁、魷魚同大蔥，每件都可以食到大大粒魷魚!📌砥平生米酒 $135隨機揀咗一款，米酒十分清甜易入口。餐廳會用倒入韓式金水煲上，再用碗仔飲，恍如置身於韓國布帳馬車!…查看更多

之前見到呢間餐廳個名叫「走過十萬八千里找到你」咁特別已經想試，今次約咗一班女仔朋友等登嚟打卡影相😆 餐廳天花有大量乾花束裝飾，窗邊亦都鋪滿一排芒草，成個環境都十分浪漫🌷🌻🪻不過夜晚環境比較暗，其實都唔係好影到相😆📌日式原條鰻魚意大利飯 $178 🐟原條鰻魚十分厚身，肉質有彈性，意大利飯入面加有翠玉瓜粒，令到口感更加豐富😋📌明太子岩燒蟹粉貓耳朵 $148 🍝必食推介！貓耳朵口感煙韌，醬汁creamy 唔會太膩，加上明太子同三文魚籽食落口感十分有層次😋📌主食加$55 可以跟餐，包餐湯、餐包同$60以下飲品🍹☕️手工黑芝麻Latte 🍵 桂圓紅棗茶…查看更多

李家嘅炸雞一向都出名，餐廳岩岩香港開業時經常都大排長龍，今次隔左一段長時間之後再食，新加左好多唔同味道嘅炸雞，依然都保持到水準👍🏻傳統韓國餐廳裝修，以卡位為主，座位十分闊落。📌蜂蜜蒜蓉炸雞 （半份） $113 🍗可以自選半半唔同口味，有骨或者無骨嘅炸雞。必食推介蜂蜜蒜蓉味，面頭有滿滿嘅蒜蓉，同原粒蒜頭，蜂蜜醬帶少少微辣，炸雞外皮香脆，內裡仍然十分juicy😋📌醬油炸雞 （半分） $98🍗醬油調味岩岩好，帶少少甜味，唔會太咸。不過相比蜂蜜味，醬油味炸雞略為乾左少少🙈📌 韓式炒粉絲 $158 可以自選牛肉或豬肉，粉絲煙靭彈牙，唔會一夾就散哂，牛肉大大塊，份量十足！📌西柚味無酒精麗塔 🍹 $78炸雞當然要配啤酒，如果唔想飲酒，餐廳亦非常貼心，有無酒精嘅啤酒選擇，配上西柚味十分清新解膩！…查看更多

之前圍方開張時吹捧到大排長龍嘅過江龍手打烏冬店🍲今次大約6:30pm 左右黎到，人龍未算好長，排左15-20分鐘就入得。因為製作時間需時大約20分鐘⏱️ 店員係排緊隊，差唔多可以入座就會幫你落定單，之後就唔可以再加單。整個服務體驗就係店員好趕時間，一食完即刻收野趕人走咁😅 總括黎講，食物質素正常，賣相精美，味道唔算特別，可以一試，不過唔會特別想再食🤣📌黑豚肉煮烏冬 (黃金鰹魚清湯) $98 🍲📌美國安格斯牛肉煮烏冬 (老店傅傳統味噌湯) $108 🍲每份烏冬都會用瓦煲上，店員會係上菜時即場打開煲蓋，如果鍾意食腍身D烏冬就可以焗多陣先開蓋。一開蓋烏冬仲係滾住，配料有京蔥、雞蛋，同腐皮。手打烏冬口感煙靭有彈性，味噌湯會比較濃稠，口味偏咸，而鰹魚清湯口味則較清淡。另外，黑豚肉同安格斯牛肉就正常，肉味唔算濃。📌炸雞皮餃子 (3隻) $38 🥟雞皮炸得金黃香脆，食落唔會覺得油膩😋…查看更多

講起馬來西亞餐廳🇲🇾好多人應該都會諗起「蘇媽. 蘇媽」，今次介紹呢間位於尖沙咀嘅 So Bar係蘇媽.蘇媽嘅姊妹餐廳。餐廳分兩部份，入面係蘇媽.蘇媽，出面就係So Bar，食馬來西亞fusion菜🍸。📌炸饅頭配咖央 $68 🍞炸饅頭外脆內軟，咖央醬甜度岩岩好，唔會太甜。初初以為會好似蘇媽咖央多咁，已經夾左咖央醬係炸饅頭中間，點知原來d醬係分開上🤣📌 西川雞翅 $88 🍗雖然係單骨雞翼，但分量都幾多。 炸蒜，花椒嘅香氣，加上蜜糖甜甜地，非常惹味，餐前小食送酒一流😋📌馬來當歸燒春雞 $178 🐓因為好奇所以叫黎試下🤣 燒雞燒得岩岩好，內裡仍然可以保留到肉汁，唔會太乾，食落會會有淡淡嘅當歸味，藥材味唔會太濃。📌 Bentong Ginger Fizz $68 🍹📌 Passionfruit Lim Soda $68 🍹餐廳有多款cocktail 同 mocktail ，bartender 會即場調製🍾…查看更多

凍冰冰嘅天氣最啱食熱焫焫嘅湯麵暖身，呢間位於天水圍新北江商場嘅刀削麵世一好食! 😍 舖面細細間，座位唔多，會有少少逼，多數都需要搭枱，如果介意嘅朋友就需要考慮下。📌 麻辣刀削麵套餐 ($52)🍜有多款餸可以自選，分別叫左2個餐，試左麻辣金錢肚，同麻辣豬頸肉 (+$3)。餸同湯麵係分開上，金錢肚非常入味，豬頸肉肉質爽口彈牙，加上大量生蒜、蔥花同麻辣，勁香勁惹味😋 如果唔食辣嘅朋友，可以揀走辣，D餸都會跟有生蒜同蔥花。另外，刀削麵湯底好清甜，唔係味精湯，建議大家可以揀湯麵唔辣，餸先揀辣度，刀削麵由老闆即場搓，麵質比較粗身，堅韌彈牙。開放式廚房，大家可以睇哂成個製作過程😆…查看更多