deedee1990的個人專頁

外賣咗最馳名嘅藕餅豬扒飯，set入面有一碗仔老火湯，名不虛傳的住家好味道，藕餅香得嚟爽口、豬排大大塊好送飯，碗湯清甜無味精，食完成個人都好暖好舒服😌店員妹妹們也很可愛熱情～仲會事先準備好散紙等個客唔洗等，真係好窩心💛…查看更多

以前幫襯開濱海街嗰間，每日最疲憊咁放工經過時，就會忍唔住入去叫碟咖喱飯，味道香濃而不漏，難得有足量嘅蔬菜，牛肋的份量也頗有誠意，配合健康又好味嘅蕃薯飯，好似住家飯咁治癒，又比住家飯更美味。自從搬咗屋之後，差不多五年未嚟，味道還是一樣的味道，最難得係份量與價格竟然都係同樣無變，人工跟唔到通脹嘅年代裏，實在難能可貴。另，有人話佢哋服務差。就我多次幫襯嘅感覺，我覺得佢哋有d店員係cool cool哋嘅，不至於話差，但我完全無意見，一嚟佢哋嘢食值得驕傲同cool得起，二嚟咁樣嘅價格兼免加一，仲想點⋯佢keep住可以做到落去，已經係大確幸…查看更多

要離開工作六年的公司，希望散水餅同事食得開心，但又買唔起cova😂見到呢間評價都唔錯，並非大路嘢，幾骨緻又特別，訂了兩盒mini tartes boxes，每盒16件。講真收到實物嘅時候覺得好似細咗d，但派俾同事嘅時候大家都食得好開心，個個都話好食。如果錫同事嘅，我覺得其實可以訂三盒，等大家食多兩件，我就超後悔無訂多一盒，最後臨時在其他餅店買多盒我自己試咗朱古力味，慕斯結實香濃幼滑，同事就鍾意伯爵茶味嘅tartes，而且話對比起另外一間餅店嘅伯爵茶慕絲，tartes and pop 明顯茶味濃好多，甜度也剛好。其他口味嘅tartes都收到好評以後都一定會繼續幫襯的…查看更多

係香港想飲一杯靚自家烘焙咖啡其實係好難嘅，周街唔係Starbucks就係太平洋或麥當當，終於搵到一間咁嘅咖啡小店。我搬來呢度唔係好耐，周圍雖然都有好多咖啡店，但係大多數都係做烘培得好深嘅咖啡，得個苦字，味道無咩層次，更加唔好話有得賣手沖咖啡。偶然朝頭早落街係pregio買咗杯Ice Americano，感到好驚艷，特別係有我最鍾意嘅酸味，即係表示呢間店除咗手沖咖啡之外，其他嘅咖啡豆都差唔到去邊。以後放假都一定會來幫襯！ps.上次有試過all day breakfast，呢個就麻麻啦，都係乖乖飲番咖啡啦。…查看更多