funghw96的個人專頁

在為學生補習的課堂之間，需要匆匆地吃一頓中午飯，但希望能吃些好的獎勵自己。於是，我來到在荔枝角地鐵站附近的台站，站著吃，在匆忙中享受一頓好的台式料理。店舖空間不大，但是站著吃不佔位，還是有足夠的空間吃一頓的。你也可以選擇叫外送，找更舒適的位置享受美食。我點了惹味蔥油拌麵、台式肉鬆蛋餅卷和黑白花枝丸。蔥油拌麵分量看起來雖少，但份量足夠。麵條不太硬不太軟，配上蔥油真的十分惹味和開胃。別看圖片覺得黑白花枝丸只是普通的花枝丸而已，口感良好，配上一些粉更好吃！最喜歡台式肉鬆蛋餅卷，蛋餅有一點乾，但配上裡面的蛋汁、芝士和肉鬆，口感豐富，味道絕配，絕對值得一試！在物價昂貴的香港，難得能吃上一頓又飽足又實惠的一頓，為我在補習課之前獲得好的力量。…查看更多

長沙灣深水埗區不嬲都有好多又平又好味嘅美食，今日幫人補完習就係附近同朋友去咗依間係元洲商場嘅媽咪隨意屋👍🏻位置好方便，係C2出口行幾分鐘就揾到個商場，住附近嘅街坊應該唔陌生😆先講講店鋪，雖然唔算好大，但空間感係絕對足夠嘅！有高枱同矮嘅枱，仲有靠窗對住街嘅位置👍🏻一般去收銀點餐，叫number攞食物，但店員態度都頗友善，會主動將食物攞到去你嘅位😊依家餐廳仲會俾儲分卡，去咗5次送串燒，去夠10次送船粉！👍🏻我叫咗一個套餐（泰式牛肉船粉加荔枝梳打特飲），再點咗一份泰式牛肉丸配沙嗲醬。朋友就點咗泰式蝦球涼拌粉。牛肉船粉都幾大份同多配料，有肥牛片、牛丸、白蘿蔔、生菜、芽菜同邪惡既炸豬皮。河粉比較淋身同飽肚，湯底係偏重口味嘅，但加翻啲菜同河粉一齊食就唔錯！我個人對燒物比較滿意，建議大定趁熱食！牛肉丸燒完就咁食都好夠味，配埋沙嗲醬就另一番風味！…查看更多

又係幫人補完習，要食嘢補充體力嘅時候啦！今日唔太想食飯或者麵，就一於去食餃子啦😆依間係太子嘅喜相逢好近地鐵站，超容易就可以揾到。店舖環境ok嘅，係暗咗少少😆我點咗一份雙拼湯餃子(四隻白菜豬肉餃同四隻雲耳椰菜豬肉餃）同一份水晶皮蛋。我怕自己受唔到辣，所以仲叫咗豆漿😂😂😂如果一個人去食，我建議大家真係好肚餓先點埋小食，因為佢啲餃子好足料🤣先講白菜豬肉餃，一食落去有少少酒味，再感覺肉汁嘅味好強烈，但因為有白菜嘅關係，味道重得離唔會太過👍🏻第二隻我就點咗辣油，食落又另一翻風味！我幾推介大家好似我咁先試佢嘅原味道，再根據個人喜好點辣油😆雲耳椰菜豬肉餃嘅豬肉味同酒味無白菜豬肉餃強，但依款餃子所有餡料嘅味都食得出，都唔錯呀！最後小食辣嘅水晶皮蛋幾特別，係透明㗎！😳因為配咗啲青瓜絲，所以辣都唔怕！…查看更多

去開荃灣嘅朋友應該對悅來坊唔陌生，不論由荃灣或大窩口行去都頗方便👍🏻今日又同朋友去咗悅來坊食飯，撰咗地庫依間拉麵店先睇店舖都有啲日式嘅感覺，坐落位置都好闊落，衛生良好👍🏻餐牌有唔同拉麵嘅選擇，可以撰湯底(味噌、醬油同鹽味）同麵嘅粗幼度。如果個日肚餓仲有唔同小食選擇😆我點咗地獄拉麵(因為係辣味，所以無得再撰湯底)，而朋友點咗豬軟骨拉麵(味噌湯底)。雖然係地獄拉麵，但係辣味唔會太強，唔會辣到去地獄😂普通粗幼度嘅麵食落軟硬度啱啱好👍🏻👍🏻，叉燒不過大失，但個蛋好好味，半熟狀態，配埋個湯就一級棒啦！拉麵仲有啲海帶、洋蔥同筍做配料，大家可以跟據個人喜好，睇下要唔要落單時走一啲配料！試咗朋友個味噌湯底，味道係偏濃嘅。如果你想試啲淡啲嘅湯底，建議可以點鹽味湯底😝整體我都幾滿意依一餐，值得推薦…查看更多

俾餐牌上嘅蛋包飯吸引咗，就決定試試！我叫咗日式肉汁蛋包飯。個蛋其實一睇就知會好好味！佢炒得好滑好香，份量好多，每一口飯都可以配到蛋離食！肉汁有啲甜味，加上蛋同飯係唔錯嘅配搭。不過比較可惜係蛋底下嘅炒飯，個炒飯乾身到有啲硬。個炒飯睇顏色似係加咗醬汁去炒，入面仲有啲蘑菇，但真係食唔出佢嘅味道。個人覺得，出色嘅滑蛋同肉汁，可能配熱喇喇嘅白飯仲好味😯因為個炒蛋真係好好，所以整體都不過不失，餐廳環境同員工服務都ookk啦，但就好似唔值咁貴啦。…查看更多

好耐無去沙田，去到先知開咗間新嘅Shake Shack。之前係中環lunch食過一次，覺得唔錯，就試試沙田依間啦！之前就食過Shroom Burger同Cheese Fries，的確係幾啱鐘意芝士嘅人！個蘑菇入面爆唒啲芝士😝今次想試下佢嘅肉係咪真係人哋講到咁好。我食叫咗Single ShackBurger同一杯Strawberry Classic Hand-spun Shakes，男朋友就叫咗Single SmokeShack同一杯Large Shack-made lemonade。ShackBurger: 佢嘅肉同配料係比較新鮮，牛肉嘅肉汁同burger嘅醬（有啲似千島醬）同夾同好味嘅。我個人覺得美中不足係佢個包雖然軟熟，但比較凍，所以整體食落去嘅感覺差少少。SmokeShack:試咗一口，我強推！煙肉同牛肉嘅肉汁好強烈，可以蓋過麵包比較凍嘅缺點。係邪惡之選😛Strawberry milkshake:好似飲雪糕咁，味道唔會太甜，飲到最後好飽個唔膩👍🏻比普通快餐店嘅milkshake好味，但真係好貴🤪Lemonade: 頗清爽，Large size真係好大杯，好口渴先叫Large啦😂…查看更多

想食平同地道嘢食，所以我哋就揾咗茶餐廳啦！因為疫情嘅關係，入餐廳之前大家都要量咗體溫先。茶餐廳內部都算整潔同坐得舒服嘅。我點咗個常餐（鮮茄叉燒通粉、香腸炒蛋、即烘牛油多士、熱茶走），再同朋友分享咗份西多士。先講常餐，通粉湯底非常足料，茄味濃郁，令我意外嘅係叉燒仲有蜜糖味😛炒蛋炒得滑仲有啲甜味，再配埋即烘牛油多士好好味😋熱茶走同香腸就不過不失。再講西多士，可以配煉奶或者糖漿，我就撰咗煉奶！西多士入面無塗花生醬，但都超好味，甜味啱啱口又香口！整體我好滿意依一餐😆…查看更多

西九匯主要係啲小朋友興趣班嘅地方，見個度餐廳選擇唔多，就決定係附近揾地鋪，揾到依間Daimaru Ramen位置都容易揾到，相信奧運站行過去都好方便。間店係Bar枱咁坐嘅，比較啱自己，或者同一至兩個朋友去，如果太多人一齊去傾計應該無咁方便啦！同拉麵專門店一樣，我哋可以撰湯底、麵嘅粗幼度同油量。我試咗蝦豚骨拉麵(幼麵、普通油量)。湯底好足料同濃郁，而麵唔太軟唔太硬，幾乎合我口味！溏心蛋嘅蛋漿配一口湯同一口麵好夾🤤我仲試咗關西風味日本式餃子，可能因為蝦豚骨湯底味道已經好濃，再食關西風味嘅餃子好似太重口味。不過餃子皮厚薄適中，整體個餃子都幾好味，建議大家趁熱食！…查看更多

深水埗真係好多又平又好味嘅亞洲美食。同朋友去完嘉頓山，近近哋就決定去深水埗區揾好嘢食😆兩年前都食過一次第一郡，相隔兩年又有機會離食啦！上次就試咗湯檬同牛油果奶昔，好好味😋不過今次試咗越式軟包同蔬菜燉牛肉😍😍😍無論係越式軟包定蔬菜燉牛肉嘅包都好軟熟🥰🥰🥰我成日食越南嘢都叫檬粉，真係好開心自己撰咗試新嘢，激力推介大家一定一定要點離食！特別係麵包愛好者，我相信你唔會失望😋蔬菜燉牛肉配軟包味道啱啱好，唔會太喊，值得推介！餐廳唔係好大但坐得舒服，同其他食客都有少少距離。服務態度好好，比我嘅感覺好有人情味。好開心兩次離第一郡，無論食物質素同服務態度都令我好滿意！希望大家有機會會去深水埗試下，唔同菜式都好味又抵食👍🏻👍🏻👍🏻…查看更多

鐘意食茶記嘅朋友會唔會同我一樣，鐘意尋覓好味嘅炒蛋同飲翻杯正奶茶呢？今次就去咗旺角嘅茶王冰室食午餐，食咗叉燒蛋包包同飲咗支樽仔奶茶！唔知係咪少人食蛋包包做午餐呢？侍應問我係咪知道蛋包包係包唔係飯😂我個人覺得蛋包包個炒蛋唔錯，唔會太乾身，而叉燒就不過不失。份量大，女仔食唒當lunch完全無問題！蛋包包係將炒蛋放係包住餡料嘅白麵包上面，所以麵包食落會比較淋😅如果平時食三文治鐘意烘底嘅人可能就無咁鐘意。我比較期待奶茶，但預算有限，今次就試咗平啲$30嘅樽仔奶茶。有預算嘅朋友，可以試下$88嘅茶王之王😂奶茶的確香滑，好順口，唔知唔覺已經飲唒，而飲完口裏面仲留有茶香味😆整體環境同服務態度都ok，去開旺角想食一茶記可以一試。…查看更多

中環區食晚餐嘅好處就係通常都有位，唔需要排隊！同朋友係中環放工，唔想去其他地方，就近近哋去Green Waffle Diner（唔係Dinner😆）嘅中環分店。平時食Waffle通常當甜品，今次我哋就當主食。我哋叫咗Sunshine Breakfast早晨全餐同Baby Country Brunch Skillet煙肉薯粒鑊仔。Waffle係頗鬆軟，但無話好味到一定要食嘅地步。煙肉有嘅overcooked嘅感覺。反而但Skillet有驚喜！可能無咩機會係香港食到，一食真係以前係英國交流會同朋友一齊食嘅Skillet嘅回憶翻唒離😛建議女仔唔大食都撰Baby Size，如果唔係都幾大機會浪費食唔唒！餐廳整體都舒服，店員亦好有禮貌，仲主動幫我哋加水😆…查看更多

網上見到大家話依間餐廳嘅朱古力好正，終於有機會一試！我同男朋友就無訂櫈，差啲無得入坐，建議大家晚餐想去可以預先打電話訂位，以免摸門釘啦！不過店員好nice，我哋係門口企咗一陣諗緊去邊好嘅時候，佢哋安排咗我哋坐bar櫈！主菜我哋點咗蘋果菠蘿醋汁豬肋骨配爆谷同明太籽櫻花蝦配青瓜絲扁意粉。飲品就當然要試下大家都讚嘅熱二世祖特濃朱古力啦！主食嘅配撘都好有意思！平時食西餐好容易覺得太膩，但豬肋骨同意粉食到最後都唔會覺得too much🤣🤣🤣朱古力真係好啱鐘意dark chocolate嘅大家！個晚我真係飲一啖就幸福笑一下！可能OT太多要啲好嘅飲品獎賞下自己😝最後我哋甜品叫咗朱古力心太軟配雪糕！好味！不過我覺得朱古力心太軟通常都好食😂整體來講，我都好滿意依個晚餐！店舖唔係太大，但好有空間感，坐得好舒服😌食物質素高，睇得出係有花心機去設計整個餐單！…查看更多

唔知大家係咪讚岐烏冬嘅粉絲呢？我自己就係啦！個個口感真係無得輸！食過幾次，依間餐廳嘅讚岐烏冬都無令我失望過！如果同朋友一齊去可以點下其他小食！係元朗西鐵站一出就可以到YOHO Mall揾到依間讚岐烏冬店，位置都幾方便！而且店舖都幾大，唔太需要排隊就可以入去醫肚我今次唔係太肚餓，就無點小食，試咗滑蛋蟹籽巨型蟹柳讚岐烏冬！平時滑蛋XX飯就食得多，滑蛋配讚岐烏冬真係第一次！滑蛋配蟹柳對我離講已經好新奇，點知加上讚岐烏冬都好match！個人覺得依個配搭真係好啱配烏冬，如果配飯或者其他麵類可以就無咁正啦！唯一美中不足係湯底偏喊，食到最後啲味俾湯底搶走咗…查看更多

第一次試acai bowl就係supabowl嘅灣仔分店一試就愛上成為小粉絲中環店開咗之後，如果個日lunch想食得light d 健康d就會行去食我個人就比較鐘意食最basic嘅supabowl如果你係紅肉火龍果嘅big fan，強烈推薦你試fire bowl，味道好特別！男士們可能覺得acai bowl係啲成日話要減肥嘅女仔先會食，當lunch唔夠飽，不過其實好多人都會當acai bowl為做gym後嘅小獎勵唯一嘅缺點就係中環同灣仔店舖都唔太大，大家可能要係附近揾地方坐低食，又或者邊行邊食！…查看更多