源源想養一隻aiba兔的個人專頁

7蚊酸菜魚，噱頭好吸引，去到上菜，一大個盆，魚片就好少，一個人食都唔夠飽。金髮姐姐，好似聾的傳人。叫乜都冇回應。上菜嘅時候又兼職「啞的使者」，全程黑面。個經理，由我上菜就開始過來追，問我幾時離座。 6點4入席，7點已經催我買完單，叫我離臺。😵‍💫你d劣質服務，我仲要俾10%服務費，真係好似俾人老屈！明白餐廳需要賺錢，但係你是酒樓，我俾佐18蚊一個人嘅茶位費，用餐時間唔夠1個鐘就要被催住離開？ 感你不如寫明，金額＜幾多錢，本店恕不接待喇🤬感嘅態度同出品，真係好難怪市民不留港消費👎🏻…查看更多

✨兩次都係在工作日晚上到店用餐，唔需要等位，不過餐位比較緊逼。✨點粉都會送一杯熱柑橘蜜，可以加錢換特飲，今次換佐一杯「椰汁紅豆冰」，味道幾好，唔會過甜，飲品不能選擇甜度。✨經典撈檬，係食肉獸嘅最愛😝肉量非常多，豬扒好好味，蜜糖味好正，不過肉質比較柴，太實。豬頸肉比較瘦d，再肥少少會更好。撈牛肉味道正常ok。✨今次係自選兩餸湯河，選擇生牛肉+牛筋。之前試過「牛萊了」，兩次都好正，真心推薦食湯河！不過氣溫低，湯唔夠熱，希望再調整下。✨下次再去試下「紅酒牛尾飯」…查看更多

工作日晚餐去覓食，店鋪好新淨，店員都幾nice，人多要搭檯。兩個人一共消費141，試到好多款小食，而且好飽肚😝花雕醉雞湯麵，花雕味好濃！湯麵有d藥材味，食起身好正。一開始睇上去覺得碗麵好細，不過食到一半都覺得幾飽肚。跟餐搭配佐杯凍烏龍奶茶，只➕3蚊，冇霖到味道幾好，唔會太甜而且茶味幾好。芝士蛋餅。一口爆芝士，因為食完麵再試，所以比較膩，但整體搭配好味，醬料搭配幾好！地瓜條好味！！！ 好推薦點，話梅粉便酸，不過加係一起就幾好味。九層塔鹽酥雞，味道ok的，但炸雞冇肉汁，仲係甜圓坊的炸雞好味好多。…查看更多

食完辣野就想食甜品，搜到哩間甜品店好似都幾出名，8點左右到店大把餐位。😅坐低睇到餐牌，d價格都幾高。芝麻糊要30蚊，屋企附近都係22蚊🥲最後選擇佐紅棗蓮子桃膠，整體味道ok ，紅棗味好濃，又唔會太甜，不過都係覺得有d貴。…查看更多

第二次去大圍掃街！🍖沿路就已經聞到燒烤嘅香味，叫咗一串豬頸肉+一串雞肉，第一次探店，調味係「蜜糖沙爹」。阿姐問佐幾次係唔係接受哩個味道，可能仲有其他口味可以選擇😂下次再去試試。✨烤肉串等大概5-8分鐘可以取餐，味道的確唔錯。個人覺得可以再多d蜜糖，會更香口。✨路過見到好大個招牌，於是今次試佐著名嘅辣汁魚蛋+燒賣。🍡魚蛋體積比平時見開嘅要細粒😂而且陳皮魚蛋都比較少食，一開始食第一粒覺得有d怪。但搭配上店鋪辣汁，又真係越食越上癮😂⚠️辣汁都比較辣，唔好隨便叫阿姐多辣😂…查看更多

跟朋友一起入屯門穩野食。星期六好旺，排隊等佐差唔多20分鐘，好鬼大風🥶 餐牌都係意粉為主。點咗個週末限定「加拿大海膽意粉」，129唔係太貴，不過分量就好少。 一行4人，兩個係叫帆立貝意粉，兩個叫海膽意粉。我嗰碟最先上，分量唔大。等到後期其他意粉上台，發現每碟嘅分量都比我大一倍🥲覺得廚房執碼個靚仔分粉唔太平均囖😤吉列蠔出品ok，不過蠔比較細隻。味道ok嘅，不過唔算太出眾，試過一次就算數了。冇下次。…查看更多

天氣凍，糖水鋪好生意，貪就腳，所以冇行過去松記，結果就中曬伏價格唔算好貴，不過質量就真係非常唔ok😰豆腐花，完全就係豆腐，仲要有d酸，食佐兩啖就唔敢食d豆腐花，將其他食曬就算了。薑汁好甜仲冇薑味😅芝麻糊，沖粉沖得超級稠，口感唔好，而且超級甜😢…查看更多

✨第一次嘗試二鍋頭，只有沙田分店有午餐放題🤭好彩係openrice提前訂座，週日按時去到餐廳都要等幾分鐘先可以入座。✨我地兩人選擇a套餐，118+10（週末加價），再加收10%服務費，人均💰141，食足90分鐘。 個人覺得超級抵🤭🤭🤭以後肯定會再翻去幫襯！✨店內乾淨整潔，而且座位相對闊落，坐得好舒服。✨飲品種類繁多，仲有啤酒添😜雪糕只有3款口味，不過味道都好好。蔬菜櫃都好乾淨，而且蔬菜選擇都好多！✨今次選擇最平嘅套餐，雖然只有一款肥牛「牛胸腹」，但係肉質非常好，唔止肥瘦分佈合理，而且牛味濃郁！其他可選擇的肉類，肉質都好好，好值得全部都叫一次🤭…查看更多

✨餐位比較少，而且比較窄，坐得唔係好舒服。但營業時間比較長，到夜晚12點。✨68蚊一位嘅蒸飯套餐，一個飯+一個湯+一位茶，係尖沙咀真係抵食。加10蚊可以多一份點心，分量足夠我地2人分享。✨今晚10點左右去到，依然要等位，等佐大概20分鐘。✨今晚單獨叫點心，無論係鳳爪定係排骨，蒸出來都係「水汪汪」，完全冇醬汁嘅濃稠。而且大家都係用白蘿蔔墊底，兩者嘅味道差唔多，都唔突出。而且鳳爪的虎皮做得太一般，蒸出來都唔夠軟爛，完全唔入味。✨點心拼盤的6款點心，蒸出來的視覺效果都非常一般……至於味道只能打70分。✨總結：蒸飯套餐抵食，但單獨叫點心食就唔會選擇。…查看更多

✨茶餐廳式嘅扒房😝免加一，同時姐姐d態度算比較客氣👍🏻✨兩個人，雀仔胃，點咗一份本月特選晚餐share，姐姐仲好貼心比多2隻碗我地分餐👍🏻✨份牛扒好大塊，而且5成熟岩岩好，唔會韌！d帶子質量都ok，整個餐都幾好味。不過黑椒汁就唔夠黑椒味😂，同埋個雪糕唔好食😂去老麥買杯新地仲正！…查看更多

通过openrice订位，消费满300送一支红酒🍷，虽然唔系特别贵货，不过都系西班牙🇪🇸货，饮落都几顺口。人均消费大概120hkd，店员都系印度人，点餐需要英文。但系基本可以顺利沟通👍🏻咖喱味道好吃，而且nann又好好吃！我自己中意果仁Nann，甜甜地仲有d杏仁，拌住咖喱汁超级正。意想不到，印度煲仔饭，真心好香好好味😘有各种香料一起，味道好有层次感。而且印度长米同平时食开嘅泰国米口感有好大唔同，好新奇😋…查看更多

✨餐厅位于地库，如果有轮椅需要提前打电话同餐厅沟通，可以有货梯到达。✨用餐环境好整洁，餐具摸上手都觉得好干净，而且各位服务员嘅态度都好友善。✨下午茶餐，单纯129两个人都好抵食。整体分量其实足够3人吃，而且点心出品都几好，红烧豆腐同埋炒饭嘅味道唔错！✨而且+128蚊，就有一只北京烤鸭！鸭皮够脆又唔会太干身，保留到鸭的油脂香味！而且面饼数量足够，同埋够薄，口感好！✨推广期内绝对会再去帮衬😋，希望優惠期可以耐d喇！…查看更多

有2張優惠券，滿300-100，折扣力度都好大，於是帶埋媽咪一起去探店。立鮨已經有6間分店，整個風格都睇得出佢偏精緻貴價少少。要收加一，折扣完埋單458。材料的確食得出比較新鮮，但整體出品唔算特別吸引。壽司米，調味好酸，吃佐2件壽司就覺得成個口只剩低酸味，試唔出其他食材嘅味道。迷你海膽丼真係好細碗，可能為佐襯托翻d海膽睇上去會多d😂 不過海膽味道幾好！…查看更多

✨趁住有快閃價，於是晚餐就來吃次火鍋放題！肉質的確ok，性價比唔錯！✨下載佐kabu個app，點知道選錯店，攞唔到號，只能夠放工後來現場攞飛。工作日晚餐，整體排隊時間大概20分鐘。✨快閃價折實158HKD/位，包含4款肉：2款牛🐮+1款豬🐷+1款雞🐔，全部肉質都幾好！但放題嘅通病都係，加單上嘅牛肉全部都好瘦好柴，完全冇曬油脂😢蔬菜飲品小吃的自助區域勉強整潔，不過d飲品機有幾款都係按鈕有問題😅🍦雪糕味道幾好，朱古力味+朱古力醬，好正！✨如果以後仲有快閃活動，都可以再去幫襯！…查看更多

✨價格實惠，分量充足，味道正常✨經過見到外賣價格包飲品45，叫佐一份a餐「肉眼牛扒飯配凍鴛鴦」，一共47蚊，夠曬我地兩個人晚餐嘅分量😂✨肉眼扒分量足，不過的確食到d腌粉味，不過哩個價位有感多肉，算抵食了。✨追求碟頭大，可以選擇哩間店鋪，味道正常又有飽腹感🤗…查看更多