mivimak的個人專頁

今日到灣仔返工,相約同事一齊食中午飯,路經見鋪頭招牌睇落似cafe,望真啲原來食韓國野即刻唔使諗喇等左15分鐘就有位一坐低台員即刻將前菜(泡菜,蓮藕,蘿蔔)上枱,味道有別於其他韓食鋪,味道不太濃,保留左韓國嘅原有風味·韓式辣炒豬肉豬肉係薄片質地,啲汁浸透哂落啲豬肉裏面,配飯一齊食一流辣味偏香港人口味,唔會激辣·韓式豆腐海鮮湯配白飯湯偏辣,帶有濃郁嘅海鮮味,海鮮種類多(蝦,帶子,魷魚,青口。。。)仲有豆腐同一隻蛋,小編最都要學下韓國人咁食(一啖湯一啖飯。。。)…查看更多

而家聚會除左酒店自助餐，日式放題，仲多左一樣野揀“燒肉放題”，今日5個閨蜜就試下日式自助燒烤每人贈送一隻甲羅燒,除左蠔細粒左少少,其他都幾新鮮㗎得120分鐘係一個相等於一張A4紙size嘅上燒食物,雖然食物選擇多,但唔夠時間燒我地將刺身三文魚用嚟燒,嘩。。。正到(入口即溶)由於燒唔切嘅關係,所以我地叫多啲熟食來頂下肚芝士年糕,南瓜餅都值得推介最後每位均贈送Haagen Dazs 雪糕一杯後記:店內冷氣非常大,但抽風系統卻非常差,希望下次去時店鋪會有改善:)…查看更多

將軍澳中心裝修後，開左好多新派食肆間間都大排長龍好受歡迎，今次我都排左30分鐘以上店鋪特別之處是全開放露天座位，與平時傳統餐廳不同坐底第一眼見到隻碟，起初以為係侍應未執枱，再睇真啲，原來係隻碟嘅點點圖案·黑松露野菌忌廉意粉（$78）有淡淡嘅黑松露香味，忌廉汁又唔會太多（剛剛好），意粉質地(偏硬)食落口感good·一口麵包配軟雪糕($78)今次揀左抹茶味軟雪糕，粒狀形麵(一口一啖)外脆內軟，再配上雪糕一齊食，會令味蕾受到冷暖的感覺·抹茶芝士餅(+$20)芝士和抹茶兩者都唔會搶左對方嘅味道(balance得好好)·伯爵茶鮮奶咖啡(+$28)係menu見到個名，味道會唔會似港式鴛鴦咁呢…嘩!!完全唔係囉，飲一啖後，伯爵茶會在口中留下咁香味帶有少少嘅咖啡味。後記:小編覺得侍應由廚房到上菜位會路經商場行人路，會有少少危險…查看更多

香港地人人都是崇尚日本，所以而家出面啲鋪頭大多都標籤住“日本直送”有呢四個字，硬係覺得成件事都會變得高級啲呢間cake shop其實都係呢幾個月開左好多分店，單是一個將軍澳廣場都開左2間（開正打對面）睇到海報話泡芙係日本北海道累積銷售賣左5億個喎當然要買個嚟試下喇泡芙口味都有好多款（吉士，士多啤梨，芒果，抹茶.....）身為抹茶嘅忠實fans,當然揀係試佢喇$12一個都唔算太貴，話哂都係日本直送嘛，忌廉同綠茶好creamy, 口感味道都好match,唔會太甜，但泡芙皮脆番啲啲會更加好…查看更多

The Beans 呢間鋪已經食過無數次，但無論咩時間食都要排上30分鐘隊先可以品嚐到今次就揀左中午時段嚟食。。。·芝士肉醬薯條（加$25）肉醬意粉就聽得多，但肉醬薯條就唔常見，仲可以拉絲芝士添·黑蒜蜆肉帆立貝意粉（$98）蜆肉同帆立貝都好鮮味，加配上黑蒜（甜甜地），口感都幾新鮮，但建議用少啲油會更加好·蟹肉牛油果他他（$78）睇到餐牌心諗咩叫“他他”，一上枱原來係沙律嘅一種名稱蟹肉加埋牛油果，仲有細細粒嘅彩椒，撈埋放落薄餅上面一啖放入口，嘩。。。正吖覺得薄餅多一塊會好啲，因為食到最後冇薄餅，要齋食他他:) ·熱玫瑰伯爵茶（加$28）聽到伯爵茶會諗係咪冇奶同糖，似用茶包沖嘅，點知錯哂佢原來係似latte 咁，有淡淡嘅玫瑰清香·焦糖燉蛋（加$25）燉蛋上面有脆脆嘅焦糖，唔太甜。。仲有配上綠茶，朱古力嘅蛋糕（估佢唔到，係熱㗎）後記：一間就算次次排隊都值得嘅店舖，每碟食物嘅擺設都有花心思，值得一讚…查看更多

行美食節前當然要食飽先有力氣去掃貨喇，正值中午時，經過見到都幾多OL係度排隊，所以咪試下囉。。。排隊時睇到menu棟左係門口，齋見menu已經好吸引店內環境佈置好似農場feel，有好多磚頭堆砌出來跟餐會有麵包送，上枱時仲熱辣辣㗎，好似剛出爐藍莓荔枝乳酪（$20）原來藍莓同荔枝兩種水果mix埋一齊好夾，再加上酸酸地嘅乳酪煙肉火腿凱撒沙律（$69）醬汁唔太多，煙肉火腿味道都ok嘅 和牛漢堡配薯角（$82）原本落單時，叫侍應幫忙將堡切開一半，可惜到最後上枱時都冇切， 侍應生話切開左隻蛋會爛仲有漢堡扒係用澳洲和牛整，食落好juice而薯角炸到剛剛好，點埋茄汁一齊食Perfect:…查看更多

收工日日都經過嘅小食工房，小編以為佢只係賣下鷄蛋仔，燒賣，魚蛋。。。原來佢都有糖水賣糖水種類都有幾多選擇，但以“凍”為住椰奶芋圓紫米西米露（$26）紫米略為少左啲，太多西米同椰奶，完全食唔出紫米味，仲以為自己食緊椰奶西米露 紅豆芋圓仙草凍（$26），同樣太多椰奶和仙草，冇咩紅豆，芋圓仲要痴埋一舊後記:勝在佢啲糖水唔太甜，仲要開係地鐵站出口，可能佢主打係小食而唔係糖水，所以會比正統糖水鋪略為爭少少，期望下次再食時會有改善…查看更多

係香港食到冬甩嘅鋪頭並唔多，今次係將軍澳中心竟然進駐左一間店鋪環境所有椅子，枱都是啡木嘅顏色一進門就看見一柜，各色各樣不同味道冬甩,可惜時間太夜，所以冬甩都賣得七七八八喇原本想試奶茶味（本店限定），可惜店員告知已賣哂喇最後揀左綠茶味同芝士蛋糕味（$15一個平到呢），綠茶唔會太甜外脆內軟芝士蛋糕裏面十分creamy, 軟綿綿的另外買左一杯Hot green tea latte,但我覺得佢太甜，少啲糖會好啲，而且綠茶味可以濃啲後記：離開時發現，原來間鋪有早餐類嘅包賣添，下次可以試埋先…查看更多

平時出外旅行，都會嚐試一下其他國家嘅starbacks嘅期間限定飲品，係香港梗係唔例外喇今日睇完戲，經過見到又有新嘅口味推出今次推出嘅係。。馥莓乳酪星冰樂飲落乳酪同馥梅混合一起，感覺好fresh 再加上裏面有爆珠，咬爆左啲珠，會浸出馥梅汁，做出多種層次嘅口味…查看更多

平時到太子行街，第一時間會諗到食川之味，因為佢嘅麻辣米線係我嘅最愛。。。。價錢合理，食物品種又多今次點左蘿蔔，豬軟骨米線，麻辣湯底就左6小辣，由於太好食，最後食到連湯底都清埋咁叫左一份麻辣雞翼（6只），一碟油菜，雞翼上枱時唔好即刻食，因為真係超熱，會燙到👄仔最後仲要加埋咸檸七做ending，簡直完美吖 後記：食完發覺原來7月29日係全國 雞翼日🤗🤗…查看更多

平時返工趕頭趕命逼地鐵，根本就冇可能輕鬆自在咁嘆個早餐所以每逢放假都會嘆返個早餐，正所謂一日之計在於晨嘛今次點左豬肉漢堡，五香肉丁，太陽蛋公仔麵配熱鴛鴦，味道都唔錯，價錢都屬於普遍價，但侍應服務態度就嘛嘛地，冇記性之餘仲會成日落錯單。。。…查看更多

以前返學為左慳錢，中午食飯多數會揀車仔麵，夠平嘛:)原來而家車仔麵有四川麻辣口味梗係要試下喇。佢堂食係站立式，價錢仲會比外賣平啲今次叫左一碗酸辣粉$22。。中辣口味配薯粉（炸菜，花生，芫茜，蔥），辣味可以接受，仲有麵質QQ啲，但唔知係咪因為食辣野，越食越熱，所以加左$5，要一罐可樂解熱另外仲買左台灣腸。。2條/$14（辣味+原味），食完之後發覺，辣味同原味一樣味嘅，懷疑緊店員係咪比左一樣味:)…查看更多

小編今日夜晚9點先收工，但心血來潮又想食返d 懷舊住家餸，路過見到唐記新出的“鹹蛋肉餅飯”，都係只係💰25蚊於是梗係二話不說買來試下啦雖然係咸蛋肉餅，但肉餅裏面加左粒粒馬蹄，食落口感清爽而不油膩，但是鹹蛋就差左啲，冇咩油水，太乾喇不過整體來說這個飯都ok,而且價錢相宜，值得一試！…查看更多

今日同閨蜜👧👩約定行完山👟，一定要去食冰凍甜品🌞作為解暑最佳之選但唔知點解次次係食甜品時都會有選擇困難症🤔🤔，兩個人睇住個menu, 一直不停係咁翻來翻去，因為樣樣都想試，樣樣都想食，最後小編揀左好耐，終於揀到…宇治金時抹茶冰露配上綠茶味嘅Mövenpick雪糕🍹🍧食一啖落口時，味道包羅萬有，既有甘香嘅抹茶刨冰又有QQ白玉，再加上甜蜜嘅紅豆蓉，以及不苦澀嘅抹茶雪糕，頓時覺得甘甜集於一口內…查看更多

因為父親大人比較愛好食海鮮和飲啤酒，所以今晚家庭聚會揀左係酒樓食。。。雞肉好嫩，個四川麻辣醬汁整得好好，值得一讚鹽燒鮑魚做到外脆內軟，仲加左炒香左嘅乾蒜同蔥，好惹味出面啲酒樓多數蒜蓉加粉絲蒸，但佢今次係用左紅米加蒜蓉蒸，好創新嘅做法，食落好特別聖子都好大隻，用左好多粉絲和蒜蓉一齊蒸，好鮮味芝士龍蝦伊麵芝士味都夠，但麵質太諗，龍蝦唔太新鮮同冇咩龍蝦肉沙巴龍躉都好新鮮，蒸嘅火喉剛剛好甜品～椰皇燉燕窩食第一啖時feel到唔多夠熱，心情down 左，好在佢勝在椰子味夠濃和燕窩足料咋小編～～極力推薦鹽燒鮑魚，真係食過返尋味…查看更多