tryfoodie12457的個人專頁

終於黎試社交平台名物之一西九龍中心意粉，但講真試完有啲。意粉賣相吸引，食到入面其實發現好多醬，而且勁多菇菇，意粉食落質感都唔錯，但係無咩味，剩係黑椒味重，如果落多幾粒鹽就好。份量方面，碟意粉真係好大份，食完超飽肚，見到其他人叫左都食唔晒，剩左大半碟，建議同朋友share食。要留意嘅係，六點幾七點晚飯時間要等45分鐘先有得食。另外，西九龍中心美食廣場啲位唔多講，出名難坐，衛生情況更加堪憂，唉…查看更多

Lunchtime去咗呢間大排長龍嘅餐廳，試咗佢嘅招牌櫻花蝦肉餅同鹹魚肉餅，仲有水蒸雞同麻婆豆腐。😆佢真係冇改錯名，啲飯真係太大碗食到好飽，而且套餐仲有涼菜同雞湯飲，整體嚟講有肉有菜好均衡。👍🏻首先肉餅整得好好食，煎得啱啱好，帶鹹香味送飯一流，個人覺得櫻花蝦味肉餅好食啲😂，好推薦大家去試吓！水蒸雞味道比較清淡，建議可以加配肉餅套餐入面嘅甜豉油😂好少見出面餐廳整麻婆豆腐，試完覺得都唔錯，但好似唔係平時食開嗰隻味🤔總體嚟講呢間餐廳食物質素又好又抵食，仲要裝修咁靚，唔怪得有咁多人排隊，支持！PS.見到隔籬枱好多人點忌廉湯通粉，下次都試吓先！…查看更多

今次去試嘅係熱辣辣炸雞+薯條🍟。其實個日原本想食隔離間意粉架，點知要等佢派籌，仲要兩個鐘先食到，所以最後去左呢間社交平台都大熱嘅炸雞店。餐廳廚房好開放式，坐喺吧枱可以睇到廚師喺度炸雞，廚房望落好衛生，所以更加放心食用👍🏻今次叫左原味試，薯條同雞都炸得好好食，個餐仲配咗一個好清新嘅醃菜，酸酸地咁，等我食緊嘅時候可以解膩，但係因為醃菜太少啦，配份量咁多嘅炸嘢真係唔夠，所以食到最後都係好dry，如果有多啲醃菜食就好啦🥹…查看更多

周末去左呢間旺角餐廳，成間舖都超有氛圍！一去到粉紅色店面已經非常吸睛，入到去見到餐廳充滿泰國特色嘅裝飾，仲要食住聽好有feel嘅泰語歌，一個字——正！今次叫左打拋飯同金邊粉——打拋飯加左炸皮蛋同炸臘腸，肉碎味道唔錯，又辣又開胃。不過炸皮蛋同炸臘腸就比較硬，試過就算。金邊粉配豬油渣好好食，同多數餐廳唔同嘅係佢類似濕炒，比較多汁。個人覺得豬油渣唔夠香，可能因為啲豬油渣少油少鹽（？整體黎講用餐體驗好好，會想下次再去試其他菜。…查看更多

前兩日星期五夜晚去左又一城食飯，好多餐廳都排晒長龍，最後揀左J.S. Foodie，因為條隊雖然差10個number，但係好快排到，依樣要比個like佢。order左黑松露意粉同煙肉牛肉burger（burger 掛住食無影到😂以前尖沙咀分店食過黑松露意粉覺得勁好食，一直想再試，今次再叫雖然無之前咁好食，但仍然好有水準，好食😋煙肉牛肉Burger好有肉汁，麵包有少少脆邊，食到唔停口，超正🤩！飲品叫左咖啡奶蓋特飲，覺得味道怪怪地，唔係咁鍾意。另外，搞笑嘅係個日坐bar檯，個侍應每次係靜雞雞係後面耳邊叫我，然後伸手過我膊頭上菜。唔係好明點解周圍咁多位，要搞到間諜接頭咁偷感十足，但真係有啲嚇親我😅（可能佢想營造個安靜啲嘅餐廳環境？🤔，但係可能大方啲比較好…查看更多