夜晚緊係要同自己既末來老公慶祝，如果冇佢既努力對我好，我又點會有快樂人生
男朋友鬼仔峰請我食西班牙餐慶祝，唔怪得要我一定著裙，原來去呢ｄ高級地方，有洋燭係檯，好浪漫男朋友話我今晚係公主叫餐呢ｄ事係親愛既男朋友做，我係公主我唔知佢叫乜名，全部都係薯仔仲有八爪魚，八爪魚唔難咬，薯仔好林，全部有醋既酸味。我唔知佢叫乜名，多士上面有蝦，冇殼，蝦上面係炸咗既蒜片，有苦味，男朋友話係一齊食，一齊食我唔可以大口，切細ｄ，蝦好爽口。我唔知佢叫乜名，燒雞上面又係一堆炸咗既蒜片，又係有苦味，不過燒雞好香好味。點解其他人有生日歌播，ｄ店員走晒出嚟拍手，我冇既，點解ｄ店員會知人地生日但唔知我既，其他人有蛋糕收，係碟有寫名，我冇既?
…查看更多
有一日佢記得我地既承落，佢先請我食新加坡海南雞飯，當做首期喎男朋友鬼仔峰仲幫我叫咗走皮雞胸既海南雞飯，可惜廚房ｄ人冇盡力做好，雞胸仲有皮，我知中意食皮會話可惜，但我要保持至fit身材，唔係又點可以照顧我既寶貝。 海南雞飯兩份食，雞胸肉冇肉味，所以要點晒三隻醬，甜豉油酸辣椒同薑容先有味，男朋友話雞胸肉好鞋，不過雞胸肉就係甘樣樣，個飯好大碗我食小小已經夠，個飯硬羅，同平時食飯冇分別，裝飾個蕃茄好唔新鮮。…查看更多
食完雞雞我要食甜品，男朋友嗌咗份紅餅餵我食，我問男朋友乜野係紅餅，佢好叻
叻咁教我，紅餅係韓國傳統小食
。紅豆夾心，餅乾嘅質地，查咗好多糖漿喺餅，用手揸住好痴笠笠，好彩雞店有洗手間洗手，痴笠笠咪唔可以拖實我親愛嘅男朋友鬼仔峰
，點可以嫁
紅豆甜蜜蜜，餵你一啖，餵我一啖，餅乾好脆，好痴牙。…查看更多男朋友對我好，我願做佢嘅小狐狸伴喺小王子身邊。食西餐喺北角，紐約客 New York Dinner, 原來紐約人食呢ｄ!漢堡包好大個，有牛肉有煙肉，兩隻手揸住，好熱有ｄ甜酸漿流落黎，攪到我成口成手都有漿，男朋友鬼仔峰重笑我傻得可愛 我要聽多次，男朋友好大聲講多一次:「佩君，你傻得可愛，我愛你」，好多人望住我地 好大個包，我係食唔曬，要同親愛的男朋友兩個分，漢堡包好好味。 漢堡包無薯條，係薯片，男朋友教我點漿食，好脆，有ｄ鹹，唔似薯片。 親愛的男朋友食炸魚薯條，好大舊炸魚，食完一舊又多舊魚，炸魚肉好滑，唔魚腥，炸魚好脆，點沙律醬食好好味
大舊炸魚,飽死! 飲左奶昔，好奶好甜，桃味唔假。原來紐約人食呢ｄ, 所以佢地好肥!
邊有我男朋友鬼仔峰咁有型…查看更多
細粒粒嘅有綠茶味，又甜又脆，丹麥麵包痴哂蜜糖，好似我同男朋友鬼仔峰咁甜蜜蜜
長果條係鹹嘅丹麥麵包，果形狀好尷尬，鬼仔峰仲話條麵包釀咗珠，乜野珠，我唔明 
果條鹹嘅丹麥麵包有火腿芝士，又鹹又甜又脆，好奇怪，我唔鍾意食，但係鬼仔峰鍾意食我又鍾意番食。…查看更多
我男朋友鬼仔峰係唔會對我唔好，上次先同我去食西餐，仲話會買禮物送俾我。 果日鬼仔峰知道我鍾意食腸，特登嗌咗碟俾我 茄汁芝士腸，卜卜脆，腸仔有芝士噴出嚟，茄汁唔係茄汁，仲有茄肉，鬼仔峰餵我食完一條，我又餵番佢，好好味嫁！呢度嘅生蠔好平，男朋友餵完我食腸，我餵番佢食蠔，阿媽話生蠔對男人好補，我係乖女朋友係唔可以俾男朋友咁辛苦嘅，我記得嗌咗三種生蠔，美國係最大隻，其他唔記得哂，事旦la補咪得羅! 跟住嗌咗個泡菜豬頸肉芝士溶岩飯，姐姐將碟飯送嚟之後又淋蛋黃漿又刨芝士，好大陣仗，男朋友叫我將碟飯炒云，我唔識煮飯唔知乜係炒云，炒緊果時我見到蛋黃熟哂，好叻叻嘅男朋友咪話:「唓，普通炒飯都攪咁×多野。」係羅，一早炒出嚟咪好。 炒飯有泡菜味，酸酸辣辣咁，芝士食唔出，豬頸肉好好味，或者下次我會帶阿媽老豆嚟食，因為飲野係任飲，唔洗錢，我係乖女女，要孝順父母。…查看更多
男朋友放工但係因為喺中環，中環ｄ鋪頭貴，好容易一餐已經食咗我地一日人工，佢好叻叻識得用openrice上網，結果買咗飯盒一齊食。飯盒食得多，無食過用紙盒裝，又要係粉藍色，中環人真係連食飯盒都要high class ｄ
親愛的男朋友鬼仔峰買咗白切雞叉燒飯俾我，雞皮咁肥我唔食嫁，但係我男朋友係超級超級咁錫我，佢好細心咁幫我一件又一件咁除哂ｄ皮，要我光脫脫咁食雞脾肉，好sweet佢話雞皮好爽口好有鹹鹹地嘅香味，我就覺得白切肉好滑，食到無渣。鬼仔峰話叉燒係慢煮，好慢咁煮，但係咁慢咪阻住做生意 叉燒好淋，慢慢煮嘅叉燒無平時咁好食，叉燒唔實，外邊晤脆，咬嘅時候一ｄ唔似叉燒，我都係中意快煮叉燒。鬼仔峰唔俾我寫咁多，我唔寫lu。因為我係乖乖珠…查看更多
男朋友好尊重我，成日問我食乜野，我唔知點答，佢話去邊度食都會跟住我，識到佢係我嘅福氣 佢帶我去食韓國炸雞，行到門口我仲以為食串燒(不過我無同佢講，怕傷佢自尊心，我有睇openrice嘅 
)男朋友話叫餸呢d工夫係男人做嘅，要我做幸福小女人乜都唔洗郁，佢叫咗杯芒果汽水俾我，汽水有糖漿喺杯底，一定要攪好云先飲得，好芒果香，好好飲。又叫咗個蜜糖炸雞，好熱好脆好甜，雞肉好滑，有油流出來，我以為呢度只有串燒食，薯角好味過麥當勞薯條，因為好脆但又有薯蓉食。鬼仔峰猛咁話見到我食野傻妹樣，食曬份糧都唔怕，抵錫 …查看更多
回想番佢都係摸住個肚腩講呢句，我嘅鬼仔峰點會唔夠力，唔通佢有冇能力我會唔知 不過嗰日自助餐真係好抵食，頭盤任我食，主菜我要食意米，甜品食乜都得，每位百二蚊，今次係用餐劵先有咁平，仲要係男朋友老細送，更加抵食，我咁大個女都食過幾次自助餐。 自助餐咁多嘢食我唔識寫，我覺得沙律好食好新鮮，有菜有豆有菇，可以自己加醬。三文魚好肥，我地食完一碟再排一碟，我唔覺得淡。燒買好味，最好味係炸豆腐。主菜食意米餐，平時阿媽煲湯我唔食，原來可以做西餐，意米煮大蝦，一粒一粒淋淋滑滑。女人嘅浪漫係食甜品，雪糕櫃圍晒小朋友，個個手多多，班cake都係，好難先排到就無漿，要叫人換袋我先整到兩塊同男朋友食，好味過麥當勞。 好飽但男朋友話係要不斷食，晚餐可以慳返時間睇場戲…查看更多
琴晚去完海旁談心，落雨撐傘，仲要喺黃色嘅，鬼仔峰拖住我去食糖水佢揀咗碗有蜂巢嘅薑汁二重奏俾我，話我有蜜糖咁甜兼有個蜂字代表佢食嗰時薑汁點樣二重奏? 係薑雪糕同薑布甸，薑味好勁又唔會辣仲要甜，薑布甸好似飲薑奶，好滑，Ｄ粉攪暈冇粒粒，即係冇奶粉做。薑雪糕唔會好甜，食入口好似沙冰，好似7仔思樂冰咁沙，喺個口溶好快，好味。蜂巢好甜蜜蜂味，咬咬咬變咗做膠，好似香口膠咁×膠。禮尚往來我嗌碗合桃布甸俾男朋友，阿媽話合桃糊好啱男人食，補腰補腎好男人
合桃糊有合桃味，唔臭，合桃糊好糊，冇一patpat，冇水尿尿。牛奶布甸好滑，彈彈下，牛奶味香，穌味唔講得，味道好似台灣統一牛奶布甸咁好食。…查看更多
而且仲見埋佢舅父, 緊張到我手騰腳震, 舅父讚我靚女之餘仲話我同男朋友一齊係浪費咗我, 唔係嘅鬼仔峰對我真係好好, 佢為咗証明有幾愛我仲即刻問佢舅父借錢, 鬼仔峰話要將佢呢個第一次送俾我 我特登攞今日放假, 白色情人節要寫我第一篇文,向全世界講鬼仔峰有幾愛我,我嘅第一次又俾咗你 琴晚係舅父請我地食, 六百幾蚊一個餐, 男朋友話要樣樣食物影,仲要記底食物名,食物味道,其實咁貴實好食洋蔥湯係第一次飲,我一直以為西湯係得紅白湯,洋蔥食得多唔係會口嗅咩,舅父叫試我一定要聽話,原來唔口嗅仲有甜味,洋蔥好林,個湯好鹹,貴湯係唔同d,好彩無口嗅唔係我點kiss我男朋友姐姐話佢地專賣黑毛豬,豬食橡果所以d肉好香,仲話可以生d咁食,咪雷我,阿媽教話豬要全熟,舅父反而幫姐姐話黑毛豬要生食,仲幫我叫咗五成熟, 我第一次食生豬肉, 生豬肉唔鞋,好爽滑,有炭烤味, 旁邊焦糖蘋果, 忌廉椰菜,好好味甜品拼盤有三樣, 除咗朱古力我都唔識, 白色又脆又硬, 朱古力有d苦, 男朋友話苦先係上等男朋友同舅父傾大人計, 冷落我呢個小女孩, 不自覺咁畫咗心心, 好愛佢一邊飲檸茶一邊畫畫喺度表明我愛你, 男朋友鬼仔峰 舅父餐飯又貴又好食…查看更多
