housewife123的個人專頁

在隔離餐廳食完飯見到有甜品店，裝修好新好靚所以入去試試，可惜望見個餐牌已經想走，衹有幾款甜品吃。話說有小甜頭，中甜頭，大甜頭，但入面啲材料差不多，主要是綠豆，西瓜，薏米，雪糕，呢啲<至陰至寒>食材，不是所有女人都受到。之後想揾下有冇啲冇雪糕或熱食甜品，熱的衹有蕃薯糖水和麻糬，又不是太啱口味。建議：~其實甜品係好食，但冬天就不是太多熱食~小甜頭，中甜頭，大甜頭可以好似芋圓咁樣有其他配搭，例如不是人人可以食寒凉食材，可以改成紅豆，芋頭，芋圓~ 布甸好食，但又一定有雪糕，可以有布甸 only 選擇嗎？~ 冬天少人吃凍甜品，要多些熱食選擇…查看更多

在銅鑼灣揾嘢食，行過見到排隊走去試試。叫了一個招牌雞湯麵 ($88)，我沒有叫套餐，衹點了一個湯麵，點知來到除了湯麵還有飯有配菜，韓式泡菜還可以無限添加。雞湯麵內有好大隻雞，差不多佔了碗的一半，湯味道好鮮甜，好好味，最後成碗湯飲曬！麵見到師傅新鮮即整，彈牙！今餐好有驚喜，下次會再來！…查看更多

從未飲過，聽聞大陸高人氣，見新張有<買一送一>所以試試，點了No. 1人氣<伯牙絶弦>及<春日桃桃>。<伯牙絶弦>茶味好香，但比較清淡，反而<春日桃桃>有驚喜，茶味香而且有清新桃味，好喜歡！新張<買一送一>，所以好多人！我點餐是中午12點，已經要排600杯，最終等了差不多2.5小時，去到取餐放了超過100杯等人取，好彩我取茶時才幫我唧 cream，所以都算新鮮！…查看更多

今天中午行過見到新開去試試，我們2人要搭枱，佢話對面就快食完。好啦，對面食完我叫老公坐番去對面，唔夠5分鐘又叫咗一個女人來坐叫老公坐番對面，但當時店舖其他位置是有位的，我問點解唔叫那女人坐第二度？個肥服務員話我個卡位係4人枱，咁我話你又有位又唔係冇位，點解迫人搭枱？？好明顯趕客啦！！！我叫了石斑湯麵和韮菜餃，但麵好淋非常唔好食，水餃一般，但咁嘅服務態度，以後都唔會再來了！！！其實我由叫餐至食完唔夠半小時，點解唔可以俾安樂飯我食？？…查看更多

去這間新開的餐廳，一試有驚喜！叫了一個午餐「石斑漢堡」，份量大到嚇親我，隔離枱見到都嘩一聲！😁 基本上是炸魚+漢堡，炸魚好脆，又有薯條，沙律，好好味！之後叫了「抹荼紅豆窩夫」，份量又係大列嚇死人！😅 有4塊窩夫，窩夫中間是嫲薯，好特別，非常好味！成個餐廳環境好舒服，午餐不太多人又可以坐好耐，下次會再來！…查看更多

一直好想來這間餐廳，今天有機會食 lunch, 入到去問我有冇訂枱，我冇訂枱等了15分鐘咁啱有窗口位置，非常舒服！我們點了3個午市套餐，滑蛋豬扒飯，豬扒還是脆的，其他好多餐廳豬扒已經唔脆，這個有驚喜！安格斯稻庭烏冬，湯底好味，牛肉非一般牛肉，好濃牛味，好好食！加錢叫了飲品，熱朱古力好濃，似 Dark Chocolate, 好飲，另一個是凍朱古力咖啡(Mocha), 可惜凍飲份量太少，隻杯好細隻仲有冰，根本冇幾多可以飲。我們之後還叫了2個蛋糕，日式芝士蛋糕(跟餐+$23)和荔枝芒果芝士蛋糕，荔枝芒果芝士蛋糕好特別，味道好清新，好味！整體感覺非常好，環境舒服，食物好味，價錢ok, 我們食完之後坐了約半小時聽下歌，玩下手機，都冇人趕，下次會再來。…查看更多

諗住去個月名叫牛魔王好好食， 試下外賣一盒咖哩牛腩飯， 點知一返到去見到 啲牛腩碎濕濕， 好似全部唔要嘅牛肉 頭頭尾尾整成， 同期望中嘅咖哩牛坑腩飯差好遠， 仲要$73， 又貴又唔好食， 好失望！…查看更多

今天在booking app 訂了所有六折， 但原來每人要叫一杯原價飲料。餐廳環境好靚，好多打卡位！ 一入門口有個花環，見好多女仔喺度影相。菜色款式很特別， 開頭都怕撞起上嚟唔知好不好味，即管試試！青咖哩豬頸肉連薄餅，份量比較少，但好好味！柚子大蝦pizza， 聽起嚟好似好奇怪，食落個配搭有幾好味， 每一塊pizza也有一隻大蝦和一嚿柚子，好正。可惜個餅底有啲厚。 德國脆豬手好好味，個皮好脆！整體有驚喜！環境有驚喜！食物有驚喜！下次會再幫襯！😊…查看更多

今天去吃自助午餐，之前去尖沙咀凱悅覺得好食所以也有少少期待。去到餐廳，地方好大好靚，對住東區走廊。餐廳分開3區: 熱食區，冷食區，甜品區。冷食區勁失望，剌身好少款，冷海鮮衹有冷蝦和青口，特別少少就是有專人在大芝士上整 凱撒沙律。刺身: 三文魚、 希靈魚、八爪魚、還有一款忘記名字，因為不是大路刺身沙律: 凱撒沙律、青木瓜沙律，有廚師的整， 但青木瓜沙律太酸壽司: 只有卷物壽司，沒有刺身壽司熱食區今期做韓國風，試了韓國BBQ 牛肉夾生菜， 塊牛肉好硬又多根，難食！😥 另外祉了燒牛肉和腸，還可以。韓式BBQ: 牛肉、豬肉、雞翼中式滷味區: 鹵水蛋、鹵水豆乾、 中式燒味韓式炸雞: 凍冰冰的😑還有食做湯麵，印度咖哩甜品區叫做最好，有多款選擇，但叫大家最興奮是XTC 雪糕， 種類好多又靚！ 薑味和椰子味雪糕最好味; 還有自助餐少有的「水信玄餅」。自助餐$300 在openrice 訂有8折，折咗再加一也要$270, 以這樣的食物實在不少太抵！…查看更多

今天老公生日，經openrice 訂座有8折。成人正價$ 728, 小童(3~12 歲)半價，點解揀呢間buffet, 其中一個原因是12歲小童仍可享有半價，其他酒店已經要付成人價。價錢衹包餐茶，所以一坐下就問你加唔加錢無限飲料。無限飲料價錢水果茶、汽水 $58水果茶、汽水、啤酒 $78水果茶、汽水、啤酒，紅白餐酒 $98老公點了$98, 阿仔點了 $58, 我冇加。生日還送了半磅蛋糕，我問太飽食唔到蛋糕可唔可以打包，侍應話可以。自助餐地方不算太大，食物選擇也不算多，但每樣都是貴價質素。必食新鮮龍蝦即煮，食法衹限白灼，龍蝦好大隻好多肉，都算鮮甜，但每人每次限取半隻。另一個必食是威靈邨牛柳，很少自助餐有得吃，這個非常好食，牛柳好嫰，正！👍魚生 bar 有3輪即劏即食魚生，會敲鐘通知食客出來取，每一輪好快就攞完，所以要留意住立即出來！冷盤海鮮有很多種類，長腳蟹，蝦，翡翠螺，但今次因為掛住食龍蝦所以反而冇食凍海鮮！😅另一個自助餐少有的鐵板鵝肝，好肥美，煎到皮脆內嫰，但食完2件已經好膩！這個燉湯必飲，當晚是「花膠雪耳燉竹絲雞」，料好足，好潤好正！突然又聽到響鐘，今次是「花膠燉蛋白」，好滑但畧嫌甜咗少少，但衹限一輪，記得出來攞！其他甜品種類好多，有馬卡龍，Tiramisu ，芒果拿破崙，楊支甘露，樣樣都好食！有少少失望冇生蠔和海膽(可能今次有帶子冇海膽)，埋單2大1小 共 $1800。…查看更多

今晚用另一個 app 訂了位有半價(衹是食物)，一出電梯見到入面好大幅連儂牆！成間餐廳主要是後生仔打理。坐下時侍應話每人最少要叫一杯飲品(正價)。我們叫了4樣食物明太子忌廉天使麵，好好味，好creamy!漢堡包賭城至尊pizza, 有腸，菠蘿，好薄好脆好味！這個叫「命運pizza」，我問店員有味料，佢話是廚司隨意放，最後是雞肉三色椒 pizza.抹茶鮮奶，好味，但畧嫌甜咗少少！食物份量較細份，3人最後半價咗共$400. 如果是正價畧嫌少少貴！但整體食物好食，環境舒服，下次會再幫襯！…查看更多

今天好想吃法式薄餅，search Google 介紹這店，於是訂座去試試。一上到去見到裝修有驚喜！ 有開陽露台，人不多，感覺很舒服。我們一家三口點了2個法式鹹薄餅和一個卡邦尼意粉。薄餅好味，畧嫌不夠脆。卡邦尼意粉好creamy, 好好食！最後叫了一個 Macaron crepe, 上面有2粒 Macaron, 餅皮上碟時仍然暖口，好食！整體非常好，畧嫌稍貴，下次仍會來。…查看更多

成日經過元朗都見呢間日本餐廳排隊，今天6:20pm去到已經要等位，等了15分鐘已經有位，原來6:30pm已經第二輪客，因為每枱限食45分鐘。一坐下已經立即order, 之後5分鐘即到，超快！帶子壽司大粒，新鮮。龍蝦沙徫軍艦，蟹肉蟹膏軍艦，葱吞拿魚軍艦，好食！蝦子沙律超大碗，可以分到6碗。但沙律醬比較少。唐揚魷魚圈，一般。鰻魚炒飯: 炒飯上面有塊炒蛋，怪怪的，味道一般鹽燒牛脷: 有8塊，好厚，好吃鹽燒雞軟骨: 好吃今晚3人吃，估唔到壽司太大件，太飽，所以一半鰻魚炒飯，魷魚打包。埋單$535, 壽司因為大件，份量等於元氣1.5倍，所以價錢比元氣貴，但流量大，食物新鮮！…查看更多

今天經openrice訂枱有85折，在中環這間法式小店晚餐。叫了2個鹹法式薄餅，Soho Vibe有煙肉，薯仔，旦，很好吃。另一個是chicken mushroom crepe, 冇影相。另外叫了Carbonara Spaghetti, 好creamy, 好好食。甜品點了Banana Shape, 皮很脆，好好食。小店有人情味feel, 而且店員親切有善，埋單有85折，下次會再來。…查看更多