Carrie ccy的個人專頁

已數次購買Nuttea， 次次都會買奶蓋茶，中環啊間有OpenRice 優惠，所以每次到中環都會用OpenRice order.價錢平，抵飲！味道方面，我認為好真材實料，茶味唔淡，適中，而最精粹係上面嘅奶蓋。食落芝士味唔算超濃，係用淡芝士，但有芝士味。而且主打堅果🌰，會有細碎堅果混合喺面。無論芝士混合茶，或分開先食芝士後飲茶，味道依然好飲👍🏻👍🏻😆。推薦！間鋪好細，無企位/坐位慢慢歎～不過無影響，我都會拎走飲。服務方面無咩好壞，正常工作，裝修簡潔，細都還骨緻，光線夠，中環地貴，細細一間鋪，做到質素已經好好繁忙時間會排好長隊，所以要記得提早手機落單。個人小tips: OpenRice 落單+（以我所知）選擇中環分店=$20幾蚊一杯野飲最抵攻略*記得留意攻略會因店舖優惠政策改變。…查看更多

食過燒肉，食過醬油蟹，食過芝士拉麵，仲有人蔘雞飯。點評下醬油蟹先，味道都還ok，但朋友話太腥食唔落，我就還可以接受到。會有韓式石頭鍋飯提供，味道唔錯。無食過韓國嘅醬油蟹，無法比較。不過蟹壳好硬，而且店家唔會有食蟹工具提供，食唔到蟹腳肉。亦唔會有手套同濕紙巾，食完最好直接用店內廁所洗手，用干紙巾抹唔掂。我覺得燒肉會比醬油蟹好食多，肉汁偏甜，會睇到用好多油醃製，所以燒嗰時唔會癡底，但會好多油流到側邊。側邊會有泡菜雞蛋，如果好介意啲油留到側邊的話，可以食完再燒肉。前菜味道都偏甜，包括泡菜，醃茄子等。點左個芝士拉麵，微辣，味道都可以。仲有個人蔘雞飯，入面有隻鮑魚，我覺得幾好食，湯飯唔錯，雞肉軟，骨易碎，不過會耐少少先上到菜，估計要時間整。…查看更多

剛剛開店個時，食物質素比依家好，我幾鐘意食，但依家越黎越貴都算喇，服務一般都算喇，終於近日推出表明係新品又平的下午茶餐，成大個牌放係門口，打算試試。但個新黎既侍應超串，一聽到要下午茶牌姐，就睇吾起低消費人士，串我知吾知自己叫緊咩架，仲要大聲話個下午茶餐好難食架，難食你又推出黎！仲要成大個板放係門口！一直大大聲甘講，又不斷重複，想落我面。我都係常客啦！平貴都食過，今次想試下新推既下午茶餐姐，仲要被人串，真係火都黎埋。以後都吾再光顧啦！😡…查看更多