為咗翠華要我第一篇寫食評本身諗住食午餐鐵板餐，結果侍應同我講係用碟上問我O唔OK。梗係唔ok啦，我要食鐵板餐呀嘛！唔係用鐵板上仲學咩人叫鐵板餐。咁就轉食口水雞同埋白汁蘑菇煙肉煎龍脷柳扁意粉，叫咗紅，白湯各一，凍檸茶及凍奶茶走甜第一眼睇個白湯同紅湯個樣都正正常常，點知飲落就知龍與鳳！白湯杰過意粉汁，紅湯飲落質地似例湯，完全冇紅湯應有嘅味道同質地。 白湯飲落去極重麵粉質地，好似將忌廉湯同麵粉一比一咁樣煮落去，嘗試將佢擺落意粉，當意粉汁用，仲好用過佢原先個意粉汁，條條意粉都可以掛起啲湯！本身叫咗一個奶茶走甜，點知嚟到杯野勁甜，咁就叫個侍應姐姐嚟換。同佢講明本身叫咗走甜，但杯野仲係甜嘅，佢拋下一句：咁麻煩，就轉身換過一杯俾我。換返上嚟之後就叫我即場飲一啖睇吓仲有冇走甜，又同我講：我哋好唔得閒㗎，唔好一陣又話唔啱。 其實你哋唔做錯，咪唔使咁麻煩囉！飲晒碗湯，仲見到啲湯可以掛碗，從未見過啲咁杰身嘅湯我以後都唔會再嚟呢一間餐廳食飯，為免受氣，又要食好難食嘅嘢…查看更多
