dec1225的個人專頁

同好友相約放工後到中環食飯，大家想鍾意飲燉湯，我就諗到呢間「4口」，地點方便坐得舒服，位於IFC內但晚市套餐連燉湯$200有找，價錢平民化。點將兩個$168嘅晚市套餐，包煮食燉湯同小菜，仲可以加錢點甜品。🔅晚套：《高湯燜炒純米粉套餐 $168》+1×黑蒜粒竹笙燉雞湯+1×鹹香酥炸黃花魚（套）加配 椰奶銀耳燉桃膠 $20🍲 新竹米粉用湯燜煮，口感清爽！用料亦多，有蜆、蝦、菇、花生、菜、香脆嘅紫菜～所有嘢都好入味～喜歡嘅仲可以加辣醬添～🔅晚套：《厦門沙茶麵套餐 $168》+1X拌萵筍絲（套）沙茶麵係傳統福建小食，湯底濃郁，有鮮蝦、蜆肉、魚肉、五花腩、豆卜及溏心蛋等，油麵煙韌彈牙，沙茶醬小辣，味道層次非常豐富。散點：🥢《山蘇拌球菌 $38》口感似雲耳，菜好新鮮冇青草味，加上微辣帶酸嘅醬汁好開胃。🐟《 福建紅糟鰻魚 $138》看似香脆，但咬落彈牙。用紅糟醬煮製，口感滑嫩，帶有醇厚酒香～🥬《黑松露蘆筍炒帶子 $178》黑松露味好香，蘆筍鮮嫩，帶子新鮮彈牙～ 服務員好友善，會每枱去問下客人意見，又會主動介紹餐廳最新活動，亦會送客，很讚👍🏻…查看更多

一直對呢一間餐廳好好奇，因為個名好特別，上網一search原來係代表喺四川烏蠅館意思係「味道不錯嘅餐廳」！ 呢間係食烤魚，即刻打去book book位！《 烤魚自選組合 $ 398 》 - 清江魚 ， 包一款小食及三款配料。「清江魚」揀咗*招牌香辣（小辣） - 魚肉結又肥美，肉厚嫩滑。湯底入邊本身有木耳、菇片、金菇，整體小辣好惹味。小食揀咗 「 爆海红糖滋巴（全份）不拼薯格 」- 即炸熱辣辣 ，入口香糯，中間有流心红糖，好好食！三款配菜揀咗 「鮮淮山片 、鴨血、特級香菇貢丸」*全部配菜都可以加錢點全份*鴨血半幾滑，鮮淮山片爽口，貢丸爆汁彈牙！另外散點 「 四川寬粉 」全份 $13食烤魚我一定會落寬粉，吸晒佢啲汁好惹味～「蟹肉棒 * 半份 $25 」 「雲南豆皮* 半份 $18」 呢款腐皮唔會溶，掛湯好味～《成都老酸奶 $20》大陸啲酸奶好好食，好似布甸嘅口感好滑！《桂花蜂蜜 $18》《原葉梅檬茶 $18》《 檸檬蝶豆花（凍）$18》 …查看更多

Book左星期五晚去食「 春夏滋味套餐 」$338 就有得食片皮鴨同酸菜魚！仲有另外兩個套餐都好抵食，唔怪之得咁多人！ 「 Book左星期五晚去食「 春夏滋味套餐 」$338 就有得食片皮鴨同酸菜魚！仲有另外兩個套餐都好抵食，唔怪之得咁多人！ 春夏滋味套餐 $338 《 姚姚酸菜魚（精裝版） 》自選*免辣*少酸*免芝麻啲魚好滑呀，酸菜都幾開胃，下次要加餸落湯底先！一鴨兩食：《 川味鴨架 》我地好中意啜骨，所以呢個好岩胃口！有少少肉癡住加上川式麻香味好正，唔會辣但麻味好惹味！《 片皮鴨（半隻） 》 皮色油潤吸引，脆口唔肥膩；鴨肉都出奇地嫩滑，有三款配料、一款醬油，包皮薄身煙韌。散點都係$94 半隻！估唔到專食酸菜魚嘅 姚姚整片皮鴨都幾出色。不過如果可以再配埋沙糖，同埋皮下有小蠟燭在暴就更好～《 麻醬雞絲粉皮 $68 》麻醬看似好少，但絕對夠撈勻全部。《 紅豆烏龍冰粉 $38 》 原來每人加$12就可以出自助區任食㗎啦，有前菜同冰粉任mix! 下次我識啦！ …查看更多

中環街市變身中環市集，順理成章吸引了中環上班一族放工後在市集內happy hour，除了有很多年青人的創業小品牌外，G/F更有頗多不同的美食和酒精性飲料和啤酒。近日天氣濕熱, 所以放工後跟同事去了市集內的越南美食食返碗正宗越南河粉兼鬆一鬆口氣。首先點了蕃茄蟹膏蟹肉蝦丸扎肉湯檬/$88.-蕃茄蟹肉湯檬是一道香港常見的湯檬粉。湯底通常以番茄熬煮，帶有番茄的酸甜滋味，但這碗蕃茄檬粉搭配蟹膏、蟹肉、蝦丸、扎肉等配料，風味獨特，深受歡迎。 另外的傳統順化湯檬$82.-（冰凍汽水+$10.-）係越南河粉嘅一種，起源自順化，湯底會落蝦醬、香茅同辣椒。把牛肉這道菜將酸、甜、鮮、辣，以及檸檬草的味道融合在一起。牛腩先醃製後和牛骨湯一起燜燉，使得牛肉完全鬆化。其肉湯通常由牛骨、發酵蝦醬、香茅、乾紅辣椒製成。配料有牛肉、牛丸、扎肉和扎蹄，食用時也常一起加入薄荷葉、豆芽、檸檬、切碎的蕹菜等。另外點了至愛的香茅鷄翼（4件/$52）香茅雞翼是一道以香茅配料的雞翼調味，通常會將香茅、蒜蓉、紅蔥頭等材料與雞翼一同醃製，然後煎、焗或炸至金黃香脆。而且香茅雞翼加返罐冰凍汽水，真係正到不得了。…查看更多

第一次同屋企人參加海上觀光遊輪🛳️仲有埋自助餐食，開頭以為起碼成千蚊點知四月原來只係$370/成人，長者用悠遊卡仲只需$270/2位！大癲！ 星期四晚上船，本地人同旅客各佔一半上雪船就可以開始食自助餐，食物種類比預期多連小龍蝦都有，又有其他海鮮，湯品、即切牛扒、即煮喇沙麵、即煎青口、串燒等等，冷盤前菜同甜品都好吸引🤩 大家都無爭搶嘅情況，因為廚房會一直refill食物，有時會出新菜式添！ 香港嘅#幻彩詠香江 於每晚8時開始，差唔多時間就可以行上甲板欣賞香港嘅百期夜景，仲可以睇勻港九兩邊嘅燈光效果～呢個時候當然係打吓卡啦📸 香港嘅夜景係無敵㗎！ 自助餐期間會有Live Band表演🎤先會唱下慢歌，之後就快歌💃🏻好多人都出咗舞池同歌手起舞，我估唔到個氣氛係會咁熱鬧、好有活力😆 到咗9:30pm 就開始落船啦，但係職員話其實係可以食到10:00，啲食物因為不停refill，所以其實仲有好多嘢食㗎！我嘅屋企人即晚就話下次要再去！咁抵玩，無問題啦～等我留意吓五月有咩優惠先！ 另外碼頭有隻貓船長角色，有隻放養嘅貓，但今次遇唔到佢，下次再撞下佢先～🐱 前往方法：北角地鐵站A1出口，向前面北角匯方向前進，沿岸向右行1-2分鐘，應該就會見到架船同碼頭㗎～ …查看更多

Mozy Cafe & Bar 係一間早啡晚酒嘅西日餐廳～室內裝修感覺溫馨舒適，嚟撐枱腳一流～仲有室外座位添～ 同朋友出去chill下唔錯🍸位於希慎廣場兩分鐘嘅地舖，現逆市推出$208𝓊𝓅 𝓓𝓲𝓷𝓷𝓮𝓻 𝓢𝓮𝓽🍴 *有加一服務費* 我地點咗兩個set:𝔸𝕡𝕡𝕣𝕖𝕥𝕚𝕫𝕖𝕣🥗 《 巴馬火腿蜜瓜沙律 》 清新開胃～🥓《 牛肩肉無花果多士 》 慢煮牛肩肉夠腍，配埋多士添口感～𝕊𝕠𝕦𝕡 𝕠𝕗 𝕥𝕙𝕖 𝕕𝕒𝕪🍄‍🟫 《 蘑菇忌廉湯 》 富菇香，唔會重奶味～ 𝕄𝕒𝕚𝕟🍝《 蜆肉蒜蓉辣椒意大利粉 》辣得開胃，蒜香味濃，蜆肉多，愈食愈惹味！🍛 《 粉紅汁蝦意大利飯 》好多亞麻籽，仲有瓜粒、爽脆蝦肉、番茄肉，口感豐富，味道微酸，又係愈食愈開胃！𝔻𝕖𝕤𝕤𝕖𝕣𝕥 - ℂ𝕙𝕖𝕗 𝕣𝕖𝕔𝕠𝕞𝕞𝕖𝕟𝕕𝕒𝕥𝕚𝕠𝕟🍮《 自家製pancake 》鬆軟可口，配上鮮果及新鮮即打cream! 𝔻𝕣𝕚𝕟𝕜☕️包 熱檸檬茶/水或熱柚子蜜/咖啡 我地要咁熱&凍檸茶各兩杯，再慢慢傾下偈～呢度店員好nice，亦會主動添水～…查看更多

屋企人行完花墟就過嚟食個早飯，時間尚早仲有卡位坐幾舒服～ 門口寫住「 厚豬扒專門店 」，咁要試吓啦。《 焗豬扒飯 $68 （ 跟飲品，凍飲+$3） 》份量好足，豬扒果然好厚，真係足足有5cm，又夠多汁撈飯！《 厚豬扒沙律 $57 （ 跟飲品，凍飲+$3） 》豬扒厚實入味，生果沙律好減膩。特餐： 《 金牌沙嗲牛肉即食麵餐 $52 》 自選 太陽蛋 及 蒜蓉厚多士+$5紅豆冰 沙嗲味香，配埋港式風味濃嘅即食麵；蒜蓉厚多士幾香脆。鐵板扒餐： 《 一級牛扒 $112 》 自選 黑椒汁 +$8 意粉/飯附- 焗薯蓉、牛肝菌湯、蒜香法包 吱吱聲好吸引，牛扒大塊加埋黑椒汁好惹味。牛肝菌湯好濃稠，蒜香法包香口。*仲送埋豆腐花，送完即止*《 +$5紅豆冰 》 夏天飲好正。《 奇味火辣烤雞 $102 》附- 焗薯蓉、牛肝菌湯、蒜香法包 *仲送埋豆腐花，送完即止*好大隻雞！皮帶脆口，肉好嫩兼有汁，配酸辣醬原來好夾！《 奶油豬 $32 》 兩大件外脆內軟，加煉奶係重點！《 禾味燒BB鴿 $53 》 色水好靚又有油光，皮脆有肉汁，加啲淮鹽好提味。…查看更多

朋友返加拿大前同佢地嚟食晚飯餞行，款款菜式都好食，每款價錢只係貴一般冰室少少，性價比甚高！$18/茶位 ，有麥茶飲～《小食 $12/碟》 脆嘅水紫菜好食！平時嚟食蟶子，今次襯鰻魚節就食鰻魚，共有六款鰻魚菜式！《山泉水煮活鰻魚-例 $158》魚夠新鮮先可以用水煮都美味無腥！山泉水中只簡單加有枸杞、薑片，活鰻魚已經夠抽爽脆鮮甜！《莆日荔枝肉（例） $98》仲有爽粒已去核荔枝肉，香甜又juicy，豬肉爽嫩～ 《芋香鴨（例） $98》 外層脆口酥香，夾住芋添肉同骨鴨肉，整體入口有層次！《金湯時蔬（例） $89》 啲菜好新鮮 又有皮蛋肉，湯汁好香濃 你一《農家擦粉（例） $98》碎米粉混和豬血、牡蠣、芹菜等等入锅合煮；《桂圓檸檬烏龍茶（杯） $28》好飲，仲有第二杯半價優惠！臨走玩釣魚遊戲，抽到菜式半價呢！…查看更多

灣仔一直是香港人揾食既地方，尤其係橫街小道進駐了很多不同地方的美食，其中克街是我最常去揾食的地點之一。 今次和友人走進了一間越南美食餐廳，坐位頗舒適，侍應很有禮貌地遞上餐牌，順勢就點了順化湯檬（$88）和淸遠蒸粉包（$65），另加配叫了青檸梳打（加配價$12）和珍多冰（加配價$12）。 順化湯檬有牛腩片、牛丸、扎肉。牛骨湯底香濃而不咸，檬粉爽彈幼滑，掛湯味。牛丸彈牙爆汁，扎肉大片，牛腩片鮮嫩不韌。 這間餐廳的清遠蒸粉包份量特別充足, 對於在大熱天時胃口並不太好時，吃上一碟蒸粉包配上地道的鮮味魚露，粉皮包裹着的豐富餡料，口感十足。若加配一杯冰凍特飲（青檸梳打或珍多冰$12）, 在炎熱的天氣下, 心裡自有一番清涼味道呢！…查看更多

好耐冇去澳門啊，上星期去開珠海玩，順便去埋澳門2日1夜！我哋去到就最鍾意搵葡國餐廳食飯，今次就試吓呢一間「葡頌苑」食晏，沿着大三巴一路行就會搵到！唔知點解食葡菜，我覺得配紅酒好夾～每杯都係$58。《 葡式炒牛肉粒 $118 》 牛肉粒幾有肉味，仲會加咗啲橄欖肉，佢都幾好味，所以配埋蒜蓉多士好夾！《 烤沙丁魚 $178 》好鍾意食魚嘅，我嚟到食套餐都一定會嗌沙甸魚食，呢個好香，用嚟撈飯或者配多士都好正。《 白酒蒜蓉炒蝦 $188 》估唔到份量都幾多，原來仲有埋青口同埋魷魚，好有蒜香，蝦都大隻同埋肉質爽嫩。最鍾意葡國菜好多醬汁，佢仲加咗啲飯喺底，好惹味！《 菜心 $70 》因為前面幾樣餸都比較濃味，所以嗌個清清地嘅菜心食。啲菜心好新鮮，完全冇渣，好清甜～ 呢間都唔錯，可以翻啅。…查看更多

今次專登入尚悅軒食海鮮，現場環境舒適，侍應招呼非常好，值得一再光臨的餐廳，整個用餐體驗也相當好。1️⃣豉椒炒蟶子呢碟十分惹味 煙韌既蟶子搭上香口既豉椒 搭配一流2️⃣蒜蓉開邊蒸波士頓龍蝦他家的龍蝦個很大，肉很結實，加上蒜蓉清蒸，不僅味道很鮮，而且超級夠味~~👍3️⃣果皮蒸大連鮮鮑配料有果皮及莞茜，蒸功不錯，鮑魚煙韌有嚼勁，還散發點點果皮香氣。4️⃣龍蝦湯油浸筍穀魚筍殼魚高溫熱油炸，炸至金黃酥脆，配以香蔥提鮮點綴，再澆上龍蝦湯，充分激活筍殼魚的鮮美，品嚐間能感受到魚肉的鮮嫩在唇齒間蔓延！…查看更多

夏天消暑地方莫過於逛商場，有冷氣歎，行攰了還可以食一個美味晚餐才回家。尖沙咀的K11 Musea永遠是我的首選。商場內除了有各式美食，飯後還可以到星光大道觀看維多利亞迷人的夜景。我今晚選擇了位於B1 樓的Chatterbox Cafe, 坐位舒適外，最主要食物質素有保證。今次還有一個小小警喜, 點餐滿$200元還可以在指定的餐點有半價優惠。還可即場今次選擇了《 蔘巴辣椒炒通菜 $72 》幼嫰通菜味道微辣並有香濃蝦醬味道，十分適合夏天的味蕾口感。《 海南雞飯 $138 》鷄肉幼嫰，一碗豆腐蔬菜清湯配上三種不同味道的調味料，再加上一碗香味濃郁的鷄油香米飯，絕對值得推薦。另外, 以優惠半價點了《 沙爹串燒拼盤/半價後$64 》 包抬牛、豬、鷄三款各二串。美味的串燒一定要配上清甜的青瓜和星加坡傳統的沙爹醬，一起配搭才能發揮沙爹串燒的濃濃味道。這餐廳除了供應美味的食物，也提供十分友善的服務，侍應的服務態度其實也是令顧客有賓至如歸的重要因素。結帳時職員推薦Cuisine Rewards 全新會員計劃給我，免費登記就會有$400迎新優惠，有 包括$25優惠券及免費特色咸蛋雞翼優惠券，都是我愛吃的，所以便順道做了會員，會更常光顧了。…查看更多

好耐冇食中菜喇，想起之前嚟呢間食過都唔錯嘅，今晚同父母再嚟試下佢地海鮮🐟🐟餐廳環境符合一般中菜廳格局，整體感覺乾淨衛生❤️店員哋有禮貌，老闆娘親切友善👍🏻呢間次次落手好重本！長腳蟹炒腸粉嘅每條腸粉都掛滿醬汁，仲要超大隻嘅長腳蟹，賣相好唔錯，蟹肉啖啖鮮味仲帶微微甜，食到最後超滿足，真心推介！一碗方魚肉碎蠔仔粥嘅份量大約分到4個細碗，雖然睇落清清地，但係睇味道好清甜，入面有細細燈嘅方魚碎同埋蠔仔，增加口感，唔想又食飯，發現食都夠晒飽又好味！芥蘭炒牛肉 非常推薦！牛肉嫩而不爛 恰到好處嘅香氣同嚼勁，溼炒嘅沙茶醬好鮮甜✅每次嚟呢度一定食上炸乳鴿，仲要原隻上😍，記憶總係細細個時爸爸媽媽帶我去食呢味菜。 乳鴿上檯，好大隻呀～😋😋熱辣辣嘅，帶上手套用手撕開嘅感覺真痛快🤣🤣薄薄嘅皮燒得好脆，肉質嫩滑，醃肉後帶出鴿嘅鮮味。👍煎焗大海蝦整得好香，食落惹味，有好香既豉油味，亦唔會太咸，蝦肉新鮮👍🏻👍🏻廚師將蝦切開一半，令蝦肉好入味👍🏻👍🏻…查看更多

閒日請半日假陪父母出下街，佢地想搭下渡海小輪，吹下海風再過尖沙咀海港城行下街、食下飯。行左陣佢地就見到Dan Ryan，話餐廳差唔多同海港城並存咗咁耐，好有代表性，亦好有回憶所以想去食。見有CHICAGO SET即係一人自選餐，但美式食物份量大，兩份set都夠三個人食。周打蜆湯 香滑濃稠有蜆肉。蔬菜清爽新鮮。超鍾意作佢地個麵包籃，有我最愛食嘅鬆餅！好多合桃肉喺入面好正！慢烤美國進口BB豬排骨（半份） $328啲肉好腍又入味，啖喺嫩肉。拌碟仲有令人食唔停嘅薯條、同減膩嘅椰菜沙律。平時唔食煎炸野嘅媽媽竟然話想食炸魚，又真係幾大塊又香口嘅！炸皮唔會太厚，魚肉又滑，點埋櫻桃辣椒他他醬真係好惹味。拌碟仲有薯條。DESSERT 有得揀美式雪糕新地或Brownie，我地就各一，真係滿足晒。…查看更多

中環街市就嚟變咗我個飯堂！平時同同事食晏、約喺中環做嘢嘅朋友食飯、甚至放工約人食飯，都係揀去中環街市！因為多選擇，座位任坐，每人可以揀食自己想食嘅餐廳。呢晚同朋友都想食台灣野，久久就岩晒啦！《古早老花鵰鷄卷麵 $72》雞肉嫩滑有酒香，麵條份量多，湯底都好香郁～《久久紅燒半筋半肉麵 $82》湯底香濃唔咸，筋肉都夠嫩腍，麵條掛湯～《珍珠奶茶 $16》 《芋香珍珠奶茶 $16》 跟餐抵飲～《古早芋泥三色芋圓 $38》仲有甜品食，一條龍喺度食晒晚餐同甜品，滿足～ …查看更多