como的個人專頁

一年一度稻香一蚊雞, 作為fans當然要捧場, 4月頭同一地點食左一次, 回味無窮, 趁月尾落幕前當然要把握時機, 再接再厲放工就去等位, 唔知點解, 閒日都等左半個中有多...(打邊邊的人較多)2丁友開左茶, 叫左3樣野, 1隻雞1份"特價孖寶","特價孖寶"就係$108有炒蟶子皇+雞湯菜苗等左咁耐位口都乾, 一坐低我就係咁飲茶, 飲左大半杯, 望下個杯, 駭然發現茶葉有異物飄浮心理上, 我係想嘔的; 理智上, 我算了, 反正酒樓的茶櫃都是很OPEN的...:(雞湯菜苗菜苗先上, 是白菜加什菌, 菜和湯底不錯, 什菌有點乾...等左好耐蟶子同雞都未到, 唯有食住菜先...我地發現呢碟菜最與別特別之處就係愈食愈多發泡膠...最尾頂唔順同阿姐姐講, 姐姐幫我換左佢:(炒蟶子皇又等左10分鐘, 蟶子皇終於由遙遠的蘇格蘭抵步...冇呃人架真係大大隻蟶子, 炒得香濃惹味, 可惜過火,太韌了 :(呢個時候已經等左大半個中, 一蚊雞仲未見影, 碗飯又唔黎, 個人已經忟憎...追問之下, 原來阿姐姐漏單...................唉。一蚊雞當我表達完不滿之後, 一蚊雞終於送到, 脂肪唔算太厚,大部份位置都好滑有雞味, 一蚊價錢咁大隻雞真係抵食又好味, 但略欠調味, 只可靠豉油幫忙:(最後, 又等左10分鐘, 雞湯菜苗回來我身邊了...卻仍是一身發泡膠....連阿姐姐自己都講"哇mud咁多ga".....唉cancel了。:(…查看更多

見到綠楊又開新野, 仲有Taxi Chan黎開幕, 就去排下隊~呢度主打日式拉麵, 可以自選湯底 & 麵底北海道帶子烏冬- 豬骨湯底Menu 同Poster 都大大隻帶子, 就咁被吸引了.....由於圖片只供參考, 上枱只看見是一大碗白色濃湯, 挾起烏冬才發現落差那很大的小帶子, 帶子一家6口仲要未沖好涼添...湯, 很咸, 味精很濃; 其他的都沒什麼味道, 不值一提; 全餐最值得讚的是那半顆蛋。 茄子喔, 那就是茄子天婦羅, 不過冇天婦羅汁的。如Menu 所示, 一客有4塊, 不過這是超薄的。因為太乾了, 唯有要了天婦羅汁相伴一下。什菜拉麵 - 蕃茄湯底朋友點的, 賣相比北海道帶子烏冬好, 味道如何我不清楚, 他只說不會再來了。…查看更多

環境舒適寧靜, 好多人食甜品,2人叫了一個Set Dinner B + 帶子炒飯Set B - 白汁雞卷+三文魚扒+薯菜 ($138)通常叫set都冇咩驚喜, 但呢個確實色香味俱全,食之前都冇諗過賣相咁靚同有心思雞卷: 外層是脆皮, 包住雞肉+菠菜, 十分香口, 三文魚: 算滑,冇overcook,唔鞋口,薯角: 新鮮炸起, 好香脆, 冇俾d汁整腍哂, 亦唔會過咸同多粉槳白汁: 香濃, 食落唔太咸, 足以突出雞卷+三文魚的味道帶子炒飯 ($9x) 當我地為一個咁有水準的set仲驚喜ing + 開心ing 既時候, waiter 奉上一碟令我地"喜出望外"的帶子炒飯...嘩, 好多飯......一碟賣相 0 吸引力的.....飯....帶子都不算少, 十幾粒, 可恨的是粒粒都完全冇帶子味...不過都冇雪藏味既, 就係完全冇味.......囉........同埋好難咬開...朱古力 好彩, 响為碟飯傷心既時候, 香濃餐飲就送到,朱古力用鮮奶沖, 入口啖啖充滿鮮奶味, 正窩夫 + 芝麻雪糕 窩夫新鮮熱辣, 脆卜卜, 配自選芝麻雪糕, 正芝麻雪糕唔單止有打碎左既芝麻, 仲混有好多原粒脆芝麻, 好好味 overall, 見到其他食客d野都係甜品, 意粉, 焗野之頖比較吸引, 炒飯頖真係唔會再試。…查看更多

尖沙咀漫無目的咁閒逛, 見到呢間貼滿媒體宣傳品的小店, 見平平地好奇之下就坐下一試~叫左一個餐, 雙拼餛飩水餃+拍青瓜+豆漿, 盛惠$36上海菜肉餛飩 - 5粒:菜肉兩者皆十分新鮮, 切得很幼細, 咬落更是爽口!原來是用四季豆代替了經常食到的白菜!至於餛飩皮當然又薄又滑!洋蔥豬肉水餃 - 5粒:望見"洋蔥豬肉"未食前以為會係好咸的一味, 出乎意料地, 水餃咸未不重, 卻滲出淡淡的洋蔥甜味, 十分特別~鄰座食客還說害怕有洋蔥刺鼻的味道而拒點, 心想他就此錯過一味佳餚了湯底:味道不錯, 以醬油+麻油+葱花+蝦仔組合而成,迷你的蝦仔確實引人注目:)拍青瓜:味道調得十分好, 微辣不會蓋過青瓜的鮮甜,麻油的香味側令人食不停口! 美中不足是青瓜不夠爽脆:(…查看更多

朋友請去博藝會食飯, 好耐之前都黎飲過1次, 今次見佢D裝修好似比我印象中靚左好多, 特別係白色+落地玻璃透光既大堂, 好好fu~*:)入正題, 人少少, 我地炒左碟菜 + 2味送金沙蝦球:朋友強烈推薦下而叫, 蝦球甘香脆口, 大大粒, 彈牙+爽口, 仲鮮味十足! 咬落啖啖都有鹹蛋黃滲出黎, 仲係起沙既鹹蛋黃! 夾起蝦球碟面仲見到蛋黃油! 正! 必食推介~:)蜜味果仁黑豚排:炸過的脆排骨+蜜糖+果仁, 唔知係咪用“黑豚肉”既關係. 排骨肉腍亦十分嫩滑, 唔痴牙, 蜜糖甜甜地幾醒胃, 而果仁碎就增添幾分咬口, 不錯不錯~整體:都係鍾情佢個金沙蝦球, 埋單既時候已經約定朋友下個月帶我再戰~我要幫佢用盡D會員福利~(有7折,勁抵,hahahaha)…查看更多