yingying930124yy的個人專頁

週末咁悠閒，嘆番個半自助brunch先！見呢間$98就有餐湯飲品連半自助bar枱食物(自助bar既食物都絕不欺場!)，再加錢就可以叫埋main course!試試佢~10oz NZ Rib Eye Steak + $198我叫咗七成熟再熟少少，切開夠粉嫩，食落好有肉汁，牛肉味很香濃，肥瘦比例好，肉眼位無筋，所以肉質十分軟嫩！配上由原個薯仔切開鮮炸嘅薯條，大滿足！Crispy Pork Belly + $88有三大嚿豬腩仔，豬皮炸得好香口，配上佢自家製嘅洋蔥汁中和左嗰種油膩感~有墨魚汁珍珠pasta on the side，咸香又煙韌。自助bar有各式沙律，有蜜桃caprese salad、青醬意粉、三文魚Blinis等，食得出用料新鮮。熱食就有肉丸同雞塊都唔錯(少少失望既係平時有炸雞/單骨雞翼但嗰日無)，甜品就有自家製軟心朱古力同夏威夷果仁曲奇&忌廉戚風蛋糕我最鍾意佢有得自己整Caesar salad! 佢地d羅馬生菜新鮮又嫩口！可以狂加croutons、煙肉粒同芝士粉環境乾淨、優雅，座位闊落，有種酒店食Brunch既feel！會再去…查看更多

今日喺銅鑼灣行街一經過呢間蛋糕店，Display counter入面既精緻蛋糕真係好吸睛！今次就試左兩款細細件既: 柚香熱情果$50/PC, $90/2PCS柚子蜜既清香同百香果的酸甜加埋好refreshing~戚風蛋糕體軟熟輕盈，配上煙韌麻糬，誰能不愛！食得出係少油少甜，健康無負擔，小朋友食媽媽都放心！蘋果阿里山金萱茶$58/PC, $110/2PCS見佢係秋冬限定，當然要試下！入面有抹茶戚風蛋糕、阿里山金萱茶忌廉、香甜蘋果內餡、堅果酥脆粒，仲有面層有塊富牛油香既香脆曲奇，口感十分豐富！金萱茶忌廉茶味十分濃厚~中意烏龍茶既人一定唔好錯過…查看更多

家人推薦呢間，加上之前都聽講過呢個鬼佬，所以去試下。叫左藍芝士pizza、青醬意粉、Truffle rigatoni、肉丸、沙律、炸雞同奶凍。pizza食得出麵糰係新鮮手搓，有麵粉香同煙韌，但藍芝士係acquired taste，我覺的可以唔加意粉做到al dente，which is一定要的因為佢係意大利人兩款都掛汁，味道也不錯。炸雞略嫌太厚粉，但入面都做到嫩滑入味。肉丸家人話好好味，但我覺得還好，肉味唔夠。沙律無乜特別。但奶凍令人有點失望，無乜牛奶同忌廉味，仲有士多啤梨Jam蓋過晒奶凍味碟頭略嫌細左d，但員工幾好服務，全晚不停加暖水可以試下既~…查看更多

富山麵家出左角落生物主題中意可愛野既我當然要去打個靚卡！特製白鹽蝦拉麵每碗特製拉麵都有隨機嘅角落生物魚蛋~超可愛！鹽味湯底好Umami！味道清甜！仲有勁多配料~好入味軟稔既豬軟骨、厚切叉燒、溏心蛋、紫菜、海蝦仲好鮮甜，口感彈牙，拉麵係太麵好煙韌好滿足~極上海皇醬拌麵炸蝦尾公仔上面係脆脆既天婦羅面衣，撈埋鮮味十足既蟹肉蟹黃醬，加埋煙韌面條、魷魚圈同鮮蝦令人一啖接一啖食唔停口~栗子紫薯餅熱辣辣炸起嘅紫薯餅外層酥脆，入面既紫薯蓉口感軟糯，仲有栗子粒粒特製芭菲士多啤梨奶凍上有雲呢拿雪糕同strawberry jam，奶凍好滑溜溜唔太甜，仲有士多啤梨、藍莓、年輪蛋糕~特製白桃烏龍奶茶係雪頂忌廉加埋白桃烏龍奶茶~仲有可愛既煙韌棉花糖特製荔枝梳打又係有可愛既煙韌棉花糖，有荔枝椰果toppings加上清甜的梳打，解膩一流~小朋友見到咁可愛既餐點，都乖乖自己食飯…查看更多

我作為一個重度碳水愛好者，行過見到咁吸引既display counter，點會忍到唔試！愛爾蘭咖啡千層撻來到hashtag b點可以唔試佢個signature千層撻！老母作為咖啡控，就試左呢個咖啡撻！佢個可可拿破崙撻皮脆得來有點回甘，配上撻底層嘅咖啡焦糖醬同帶有愛爾蘭忌廉酒香既蛋漿，成件事好harmonious! 係大人的味道！mont blanc牛角包Very airy and flaky! 加埋甜而不膩栗子蓉好正好有秋冬feel~薄菏朱古力酥皮窩夫酥皮窩夫真係超級吸晴！原本以為係軟既原來超級脆！dipped with黑朱古力同少少薄菏白朱古力(比例just right)，中間夾左脆脆榛子醬餡料明太子熱狗熱狗同明太子嘅醬汁真係好夾！加上pickles，就係好味！…查看更多

雙重芝士燒肉丼燒肉丼嘅牛肉比起普通牛肉飯嘅牛肉多咗一份鑊氣焦香感，牛肉肥瘦比例適中，配上勁量熱熔拉絲芝士同珍珠米，令人一啖接一啖咁停不了口！芝士雙重魔王堡估唔到快餐店都可以整到咁出色既漢堡！食得出係落左order先即刻煎~牛肉漢堡patty濕潤有肉汁，牛肉味香濃，配上酸瓜千島醬汁&芝士同烘香左嘅牛油包包，一口咬落去大滿足！套餐入面有配既蜜桃汁同冰紅茶都好好飲，唔會太甜又解膩！真係價廉物美！份量夠大食得好飽…查看更多

刺身種類繁多，有三文魚、北海道帶子、虎蝦、生蝦同北寄貝，食得出好新鮮！又夠厚切啖啖肉成個放題唔止有刺身，仲有魚翅羹、燉湯、串燒、炸物、乳鴿等等，就算有選擇困難症都唔怕甜品方面，有大大個甜品櫃仼你揀～有Haagen-Dazs、movenpick 雪糕、同原個芒果冰任食、小朋友至愛既candy bar同朱古力噴泉，仲有得免費升級馬來西亞直送榴槤！老母覺得呢度坐得闊落舒服環境又衛生，上菜、refill快又無漏單，菜式種類又夠多元化，就算有小朋友老人家都唔怕唔啱食！午市時段坐足三個鐘仼飲仼食真係性價比一流！…查看更多

今次見到呢間本地品牌荳品廠，入去試一試佢！杏仁豆腐花 滑溜豆腐花配上杏仁露同香脆既杏仁薄片，一滑一脆雙重口感泰茶麥芽桃膠豆腐花麥芽同椰香味幾重，中意佢唔太甜，仲有好多桃膠！杞子圓肉紅棗黑糖豆漿冬天當然要滋補一下！呢隻有齊杞子、圓肉、紅棗、黑糖同薑，夠晒溫補滋潤，啱晒女仔飲。圓肉紅棗薑味好出I like，仲唔會太甜！原味豆漿原味先飲得出豆香！完全無豆腥味，又十分香濃魚肉煎豆腐 自家制嫩滑豆腐煎得外脆內軟，配上煙韌魚肉，係經典的美味！蘿蔔糕 入面食到絲絲蘿蔔，十分鮮甜！肉鬆蛋餅 佢地既蛋餅粉漿係用豆漿同蕃薯粉調配，食落有淡淡豆味之餘，仲多左份煙韌柔軟感！配上古早味醬油膏真係好似翻左台灣早餐店食咁喎老乾媽炒米粉 炒得好香口，好有獲氣但唔油膩(佢所有煎炸野都唔油好乾身)加上爽脆菜絲令人忍唔住一啖接一啖開心果蛋餅近期大熱既開心果口味！煙韌蛋餅上面淋滿朱古力醬同開心果醬，入面都夾左勁多開心果醬！開心果控必試！食物味道不錯又新鮮！仲要好大份！性價比一流！媽咪最中意佢地所有豆品都係減甜口味，啱晒小朋友食夠健康…查看更多

見到有咁可愛既PC狗主題仲要係拉麵，我個仔一見到話好想食特製黑松露忌廉烏冬煙韌麵條掛上濃郁奶香忌廉，伴有淡淡黑松露味，小朋友實中意食！特製牛奶拉麵湯底加入左牛奶，有種豬骨湯既濃厚感！麵條係太麵，口感QQ特製椰果可爾必思梳打上面有可愛綿花糖同忌廉奶蓋，下面係可爾必思加梳打水同粒粒椰果，好飲特製啫喱青蘋果梳打上面都係可愛綿花糖同忌廉奶蓋，入面有青蘋果粒同蒟蒻，幾refreshing~兩款飲品都好清新，配拉麵一流！特製蝦餃入面有彈牙蝦仁同筍，皮十分煙韌但唔會過厚，有酒樓既水準，加上pochacco樣子加分！特製黑芝麻蒸包軟熟包包夾住美味麻蓉~簡單的美味兩款點心都係超可愛！叫人點捨得咬落去特製北海道牛奶芭菲日本特濃牛奶味雪糕＋巨峰葡萄口味蒟蒻，仲有dango團子同哈密瓜波波，各種口感一次滿足！小朋友見到實心心眼，唔經唔覺又食多幾啖…查看更多

同家人去食過咁多間自助餐，呢間算性價比幾高海鮮種類唔算超多，但refill得快同算新鮮，有麵包蟹、蝦、青口、小龍蝦，最緊要有長腳蟹！又有cheese platter、刺身熟食種類都算多，最中意佢個燒乳豬，燒到好乾身，係葡式嗰隻，無晒皮下脂肪豬仔腳超嫩滑又有芝士焗龍蝦、日式串燒、即淥粉麵、印度咖哩等等等等十分之中意佢個甜品櫃，樣樣都的的色色又精緻，細細件又可以樣樣試下仲有哈根大師雪糕，同自己擠既frozen yoghurt佢個蜂蜜蛋糕勁好味、花生麻糬又正，上面係花生忌廉好特別…整體上都好食又精美生日仲有送生日蛋糕慶祝~如果係會員的話總結一下，款式夠，總體幾精緻，性價比不俗…查看更多

去完葵廣行街街之後，居然比我地發現到呢間隱藏喺葵芳邨入面既小清新cafe~中意試新野既我地當然要去打個卡招牌龍蝦濃湯蟹肉帶子麵果然係招牌菜~仲係極考功夫既一道菜！龍蝦湯極鮮甜濃厚好掛面，龍蝦味pack quite a punch! 仲有淡淡白酒香氣同蔬菜鮮甜味飲得出真係長時間熬煮，估唔到小店都做到高級餐廳既味道！配上Al dente既墨魚汁意粉，仲有海量既手拆蟹肉，大滿足秘製流心蛋治 烘到外脆內軟既brioche多士，夾住勁爆多既garlic aioli+蛋沙律，再topped with滑嫩既糖心蛋，份量大到兩個人食都夠！黑松露蛋黃醬炸薯條/蒜香雞翼 (跟餐+20)薯條新鮮炸起，配上黑松露蛋黃醬，簡單直接的美味！雞翼外脆內肉汁多，醃得十分入味。朱古力心太軟配開心果意式手工雪糕🍨手工雪糕個開心果味超濃😋整體順滑無冰粒感。朱古力心太軟又係水準之作！苦朱古力十分濃郁，同雪糕十分balanced，不會過甜。凍朱古力鮮奶小孩至愛！應該係用Hershey’s，係減甜口味藍瓶水母咖啡顏值一流，味道也一流！蝶豆花茶配上佢自家調配既咖啡(用兩款不同既豆)，帶烘烤nutty flavour加上有微微既花香幾好Cafe整體感覺好有feel又好chill！又寧靜舒服、闊落好坐，最啱約埋三五知己嘆咖啡打卡，仲係pet friendly！喜歡食意粉、西餐既人一定要來試下喇。食得出係心機之作，顏值亦爆表！…查看更多

同朋友gathering，去左試呢間台灣野鹽酥雞醃得入味，炸得乾身唔油，但仍保有肉汁粟米仔墨魚滑幾惹味，墨魚膠墨魚味重，又有花枝粒粒蛋餅略嫌過甜，芋泥太少，食落一陣風。芝士味欠奉，可以加多少少美奶滋+芋泥+芝士碎無咁dry台灣腸好味，不過加工食品好難唔好味沙茶肥牛火鍋湯底惹味，沙茶醬味可以再重少少就好，肥牛得好少應該加d粉絲索下汁就更好。甜品，奶蓋味道也不錯。總括而言，菜式整體不錯，但全部份量太細…查看更多

叫了佢地個出名組合，紅豆冰同菠蘿油，係Standard的味道，唔算太有驚喜紅豆冰太水，應該要多加奶或淡奶，而家飲落淡茂茂仲有牛油太過薄啦，夾入去勁快就溶晒，食得唔夠爽！建議厚三倍先做到冰火效果！奶茶飲落十分濃郁，奶同茶比例算幾好。炸雞肶個味道不錯，好似香葉包雞嗰隻味！好多香料好入味！但唔中意佢切得太多刀，搞到肉汁流失晒！搞到好乾爭爭沙律就無乜特別，太多罐頭什果啦，加d蘋果薯仔咪好。總結係中規中矩啦，…查看更多

原本想飲杯野，但見佢午市套餐幾抵咁，就試下啦！我揀左醉湯烏冬+滷牛腱+醉雞卷+醉鴨舌+奶蓋炭焙烏龍清甜醉雞湯為上煙韌烏冬好夾！佢地採用特別調配既台南冰糖滷汁，令到滷水類全部炆得軟稔入味，牛腱煮得剛好，不太韌也不會過稔！花雕酒味香濃而不嗆！雞卷雞肉嫩滑，鴨舌處理得好好，入味之餘口感Q彈無腥味最中意佢個炭焙烏龍飲得出係靚茶，烤過之後入口更回甘香醇，配上芝士奶蓋又幾正另外揀左滷肉飯+滷牛肋肉+脆炸雞扒+台灣腸+芒果奶蓋草莓沙冰肥瘦均勻既滷肉撈埋煙韌珍珠米，配上辣辣地既榨菜，好吃！牛肋肉牛味香濃~十分軟稔！雞扒外面炸得香脆但入面仍然軟嫩。芒果奶蓋草莓沙冰味道唔假~仲揀左小食:夜市雞捲用炸到脆卜卜、皮下脂肪無晒既雞皮包住鮮嫩既雞肉，一口咬落去爆汁，大滿足！炸花枝丸上枱熱辣辣，食到好香魚味同花枝味，口感實在啖啖肉鳳梨蕃茄特飲見係佢地signature, 當然要試下啦~原來酸甜鮮味既蕃茄仔同菠蘿加上清新綠茶係出奇地夾，飲落好順口！入面仲有粒粒菠蘿芒果茶凍芋圓入面有仙草凍、台灣芒果刨冰、寒天同清香茶凍，食落有唔同層次又好清新！刨冰底都有清香茶味，唔會過甜…查看更多

今日同家人去飲早茶，第一次試呢間叫左人參湯蝦餃，食落係幾創新，人參味都濃，但個湯汁略嫌太杰，整體偏咸！炒銀針粉個粉同料比例係9:1…但味道係ok既…個紅米腸嚇死我…個米皮都還好，但有點太過淋一pat野！入面係翻炸既油炸鬼索晒油，睇個價錢($30)仲以為會有蝦膠….成舊野勁油！杏汁鮮竹卷味道ok，杏汁食唔到係杏汁味，內餡係一pat野，建議整翻少少菜絲增加口感整體上好咸好油。感覺上而家大部分大酒樓既點心都好hea…反而小店仲會用心點…查看更多