hifi072007的個人專頁

今日同朋友去食咗個午市放題，第一90分鐘已經係比一般時間短，肉類明目雖多，但太部份都係超級薄切，話厚切嗰啲其實都冇0.3 cm，試問咁樣燒肉邊度有味道，雖然服務員表現良好，叫他們更換燒烤網也也沒有托手踭，但係有啲食物嗌咗幾次都冇上到，亦都冇太多解釋，埋單前30分鐘已經係話last call，自問咁樣客人點可以盡興，總括而言可以唔使再嚟，比起同一集團另一個火鍋放題，感覺差很遠，今時今日，雖然唔係好貴嘅價錢，咁樣嘅食物質素，怪不得只有三份一人入座。…查看更多

一攞住海鮮入去，老細就招呼我，三樣海鮮，我都冇問加工費係幾多，老細望住海鮮就自己自動波喺度講，豉油王大頭蝦、豉椒蟶子王、陳皮蒸金古，送一碗例湯，另外叫咗兩杯嘢飲同埋一碗飯，埋單$270。…查看更多

本土化的泰國菜，木瓜沙律好味道，木瓜夠清爽，咖喱蟹，蟹肉新鮮，加個蒜蓉包，可以領略最佳的咖喱汁味道，燒烤，中規中矩不太難吃，唯獨是燒雞，為真店滋補，但係肉質偏硬，而且比較乾身，亦都係沒有什麼雞肉味，比較失色，要留意飲品，一般價錢較貴又30多元至40多元，可樂最抵飲$19.1罐，買市揀餐可以考慮一下…查看更多

， 10:30早茶，環境尚算清潔，服務員姐姐有招呼，問你飲乜嘢茶，水滾茶，杯碟及餐具，沒有傳聞之中咁污糟，都要簡單清洗一下，炸蝦角、西米甜品、蝦餃、鮮蝦粉果，味道良好，熱力充足，反而叉燒包嘅感覺就比較差少少唔係唔夠熱，係啲餡料比較多肥膏，可能係傳統製法係這個配方，總括來說性價比算高，但係留意多數係要搭枱，除非你有三至四個人，值得一試！…查看更多

味道唔太差，杯凍齋啡都可以，最緊要麵包係新鮮唔係預製菜，個公仔麵就比較淋差少少，但以咁嘅價錢都算係合理，仲要喺地鐵站隔離，要求有不能夠太高，炒蛋都OK，食落都有雞蛋味…查看更多

價錢唔貴，味道可以，仲可以自己用紙仔落單，有懷舊的味道，食物質素良好，不過唔好要求又好靚嘅裝修，普通食吓飯係好選擇，串燒味道OK，豬頸肉沙律調味偏淡，炸蝦餅就一般。…查看更多

叉燒燒牛飯，加多碗例湯都係$45 ，今時今日荃灣嚟講，算係抵食，肥差咬落又咬口，燒鴨都唔係淨係骨頭，飯就差啲比較硬，但係味道正宗葵涌佢，可以回來翻食，外賣$30的燒味飯多人幫襯，堂食就可以舒服啲…查看更多

平價之中是一個選擇，蔥油雞扒味道可以，不過蔥油要加多一些，雞扒份量正常，今次叛意上海麵，味道中規中矩，唔會特別太鹹亦都唔會特別太甜，鍾意味濃嘅人可能要加一些辣椒醬，整體上來講算可以，例湯係送嘅，冇乜味精…查看更多

星期六中午一點，唔係太多人，現在有優惠午餐一個羊肉一個豬，另外仲有丸拼盤及一個澱粉煮食，仲要有一杯嘢飲，本身已經好足夠，朋友小聚要加多個鴛鴦湯底，仲嗌埋招牌羊肉串，加埋啤酒，蔬菜仲要係任食，最好就係有A菜及豆苗這類較高質的菜類，由於人不多，環境比較舒服，冷氣亦都很足夠，沒有火鍋平常見到嘅擠迫感，午間係一個好好嘅選擇，食得落嘅加多碟羊肉都係$14.1小碟，性價比算係高，唯獨是不適合一些希望半放題類的飲食，因為沒有說句或者其他飲品自助去處理…查看更多

18:00入座，比較少客，服務較為良好，中途要轉台加咗朋友，都會轉俾你冇詐型，羊肉一般味道都可以，最理想食蔬菜任食嘅酒都好唯獨是服務員太過年青未夠細心，燒烤羊肉串味道性價比高，不過一開始落單就要叫，因為佢個次序係唔會理你，佢會離晒邊爐啲嘢食食吓中途，啲羊肉串支持你，可能要等多幾台一齊製作，若想多啲客可以考慮吓食物安排的次序…查看更多

1:30進食二人午餐，一個豬扒金邊粉，一個船河金邊粉，味道份量都很足夠，並非如形容般只是輕食，如果食量不大叫一個粉面，再加啲小食可能都足夠，眼見都有返枱，多為年青人幫襯，食物味道不算差，但中間夾雜左港式的風味，並非單純係Mirror效應，樓上店，價錢合理，可以一試！…查看更多

環境清靜，區內抵食之選，即叫即做普通午餐都係$4-50，有滾熱辣的茶提供，仲包括一罐飲品，汽水麵加錢，食物質素良好，沒有奇怪的味道，環境清靜，茶餐廳的價錢已經食到不錯的壽司質素。…查看更多

平日午餐時段，一碗粉麵20幾蚊，兩個人兩碗粉麵+2杯嘢飲，再加多碟菜，都係90幾蚊，份量唔算多，但如果唔係太食嘅，都已經很足夠，同區裏面應該好難兩個人食粉麵平過$100仲要有菜有飲品，凍檸茶有質素可以一試並不是過啲假檸檬或者係魚制檸檬水。…查看更多

平日晚上，二人晚餐，一個雞皇飯一個焗豬扒飯，味道不過不失，最少份量足夠仲有兩杯凍飲，加埋都係百多元港幣，有時真係要支持吓留港消費，但係商舖都要爭氣，如果唔係個個都走咗去，加油努力，製作合適食品！…查看更多

兩個人食70分鐘，每人嗌一個餐，平均$120，食物種類豐富，味道可以，牛肉份量就一般，其中丸、其他小食同埋蔬菜都企理，有油麥菜、羽衣甘藍及其他蔬菜，飲品亦都豐富。…查看更多