今日難得假期嚟長洲玩，但好多餐廳都冇開。行行吓經過呢間餐廳嘅時候門口有個女人招呼我哋入嚟食，話會送一碟菜俾我哋，我哋覺得難得嚟到長洲冇理由出返去市區食，於是就求其揀咗呢間。我哋點左兩碟餸。兩碟餸都好快上菜，但啲食物質素麻麻，啲蜆又冇味又多沙。我哋等咗好耐碟菜都未上，於是就同侍應講。但啲侍應態度差，聽完我哋講就走去做其他嘢完全冇入廚房問過。我哋催左四五次都冇用。等到真係食完所有野，唔想再等嘅時候，我哋就決定埋單。埋單位阿姐竟然同我哋講廚房煮唔切，因為太多人，但我哋明明見到隔離左右枱都好快上菜。阿姐分明係講大話。我覺得如果你一開始唔想送就唔好講大話呃人囉。我來過長洲幾次，呢間係我食過嘅餐廳入面最差嘅一間，以後都唔會再幫襯。因為本身冇諗住寫食評，於是就無幫食物影相。…查看更多
