FrancisAu7885的個人專頁

今日下午茶時段，坐在中間位置，但不知道何故，內子突然身上有些白色粉末，職員懷疑是座位上方的出風口噴出不明粉末。遂協助我們換枱，由於食物未上，但餐茶已到，職員也特別換回兩杯餐飲。食物質素就比較一般，福建炒飯唔夠熱，炸雞髀也太乾，熱鴛鴦沒有奶茶味。但是職員因為事件再額外在結算時提供折扣，這也是很有誠意的服務。不過要長久經營，食物質素真的要加把勁。…查看更多

由大窩口小店變成光輝圍、荃錦兩店，燉湯是鐵膽，點心拖蒸飯，真正連贏位置一拖二。湯佬（老闆）真心鑽研燉湯學問，湯水火喉夠，又體貼當區客人的需要。始終我哋長時間係辦公室，加上香港夏天又熱又濕，祛濕清熱湯水好重要。今晚覺得有啲熱氣，想清吓熱，湯佬推薦「百海無雪」，加多籠臘腸卷，變咗我柯打唔到蒸飯啦！原本第一籠蒸出來個皮濕咗水，湯佬堅持要再蒸多籠，這份執着既窩心又感動。湯佬要保重！經濟吹逆風，大家的確守得好艱難。…查看更多

4:30叫了瑞士雞髀沙律餐、咸牛肉蛋治，總體是水準之上。沙律夠大份，只係$40，包餐飲，外賣杯用cafe咖啡杯。三文治足料，夠熱，唯一是忘記問可否轉麥包，$28包熱飲也是超值啦！5:00截單，堂食的話無敵海景，咩都值回票價。電話落單快，而且始終係食堂，就只有現金付款，職員態度都好nice. 如果想在這放空一下自己，又唔阻住工友午膳，不妨可以考慮下午茶時間，對住無敵藍巴勒海峽美景，確實少少消費，大大享受。…查看更多

通關後禮拜六午市，之前打電話問有冇訂枱，職員話冇。Walk in 都預咗要等位，12:40到現場，取飛（6人）見到仲有兩張就到，斷估都係等多半個鐘。點知明明見到有啲6人枱走人，個叫飛都唔跳，但放咗一啲話訂咗枱嘅客入場。火都嚟，問清楚個知客，仲西口西面話訂枱滿咗，所以答你冇得訂枱。咁你唔早響？問佢要等幾耐，佢仲話有好多客訂咗，答唔到。個時我望錶，1:15，佢夠膽放訂咗1:45啲客入去。真係可以當你透明😡。為咗討回公道，唯有質問個知客，係咪當我哋Walk in客死？經過一輪擾嚷，終於要叫經理，成班人先死死氣叫坐咗超過90分鐘客人埋單，放Walk in 客入場。就算有靚景美食，俾呢班倒米職員咁搞，神仙都難救。…查看更多

美景花園向來是青衣區內隱世美食集中地，今次試下三和棧。因為美景花園食肆主力客源是IVE學生，所以消費比較經濟，而且在放學及放假時段，食肆會休息，這點要留意。本來想試燒味印尼撈麵，但用餐已經是晚上八時半，燒味已沽清。唯有轉為食小菜，二人餐，$82，包白飯以及飲品，今時今日邊度搵到。1. 通菜炒牛肉 2. 菠蘿生炒骨總體是不過不失。要批評容易，例如牛肉太多梳打，生炒骨太油膩。但一間街坊小店，價錢是取勝，在集團以外，還是有選擇。…查看更多

平日晚飯時間要等位，5-10分鐘左右環境光猛，唯比較嘈吵，在北葵涌一帶算是比較企理了食物在石蔭路茶餐廳雲集區域中，比較出眾，民生區域，街坊生意，還是要靠價錢與食物質素。推介：芝麻脆皮雞，火喉恰當，烹煮時間拿揑準確。個人喜歡雞肉滑，但有些人可能驚唔夠熟，下單時同店員說明吧…查看更多