Lili family的個人專頁

網上見到不少人推薦，於是同朋友兩人一齊試午餐。我朋友要了一份海膽丼，海膽鮮甜濃郁，最令我驚喜是壽司飯，海膽仔無論是落醋的比例，還是飯的溫度，掌握得剛剛好。(我個人認為壽司飯是壽司同丼的靈魂，烹調得好更有效帶出刺身的鮮美)海膽丼超贊絕對會Encore! 下次想試試握壽司。海膽丼另外跟麪豉湯同沙律，沙律忘記拍照，朋友手速太快。我就要一份牛舌拉麪，牛舌是厚切，同白蘿蔔炖得十分軟淋入味，糖心蛋超好食，整體不錯，但因為個人更喜歡薄切牛舌，算是自己大懵點錯菜，下次想試下豬軟骨。我們另外加配兩個小食，一份是酥炸生蠔，即叫即炸，裡面生蠔個頭不小，吉列裹得剛剛好。好食會Encore的菜式!另一款是牛肉薯餅，其實即是可樂餅，味道尚可，但是對比其他菜式，有點一般。最後是西京燒銀鱈魚，味道尚可，但是油太多。總體來說，餐廳環境整潔舒適，服務態度良好，上菜速度算快，食品質素有保證，會是一間我會再光顧的餐廳。…查看更多

之前買過外賣，味道尚可。假日經過想試食堂食。當時不少人在店內外等候，侍應派飛情況有D混亂，竟然可以在客人面前嘈。我們要牛腩河和牛筋河各1碗，跟凍檸茶同茶走。牛筋河尚可，但是碗牛腩河真是很恐怖，深啡色全瘦肉，仲要碎濕濕，好似買車仔面D柱侯牛腩賣剩。食落口咸到我以為食左更豉油落肚。食物質素差，服務態度更差，可能覺得唔憂做，侍應都聚埋傾計，舉手冇人應。更離譜的是同侍應反應食物問題，佢竟然話返我，堅稱牛腩都是咁。我同佢講我之前食外賣絕對不是，要佢換返碗俾我，唔得就轉牛雜 (我一口河都冇食過)。最令人生氣的事嚟! 佢不斷大聲話人，講嘢仲句句帶骨，講到我碗牛雜河到先勉強收聲。碗牛雜河都冇好幾多，牛肚勁咸，牛膀好腥...唉! 我之前外賣從未試過咁差。最後成餐飯居然得杯茶走OK。食物質素差，服務態度更差，可能覺得唔憂做，侍應都聚埋傾計，舉手冇人應。…查看更多

見呢間餐廳新開，從外面睇環境唔錯，氣氛良好，卡位更有小靠枕，顯得溫馨且窩心。雖然菜價略高，但依然想一試，點知。。。😑首先座位，我一行5個大人，俾咗張縮埋一角嘅枱，位置勁窄，坐最入個個要屈埋個身去食，加上冷氣細，佢只serve熱水俾客人，全程大汗揼細汗咁食😥問可唔可以轉位，服務人員好惡話得呢張枱，唔要就算。最後有friend話算啦，張就一下。點知食物到時，我地大跌眼鏡。首先咖喱蝦，蝦嘅做法有啲似天婦羅，外面有層皮，但是浸咗咖喱汁，成個外皮淋哂。個咖喱汁唔辣，色澤同蛋黃差唔多，味道尚可，不過真係唔似咖喱。其次是去骨海南雞半隻，雞淡而無味，份量精緻，仲要冇任何配菜，得兩片生菜鋪底。跟住嚟咗既巴東牛展同薄餅跟蒜蓉包，牛肉唔錯，幾腍但是個汁根本就係沙嗲醬，我有個巴東牛肉迷朋友食到扁哂咀。唯一是個餅同包酥脆好食。重頭戲是個冬陰功（大份），勁咸我幾乎是一口湯一口水咁飲，除左咸味，完全食唔到冬陰功嘅香酸辣嘅爽快感覺，湯裡面嘅蝦有兩隻，蝦肉勁霉，完全是似雪咗勁耐嘅雪藏蝦。跟住嚟咗串燒，2豬2雞2牛，牛食落香口，但是有朋友表示雞有雞屎味，而且仲要俾咗4串雞，冇豬，唔知係咪豬太貴。不過呢度菜最差係個醬，勁甜甜到嗆喉。最後嚟嘅炒粉絲，餸多過粉絲，粉絲少到得個幾啖，味道一般，但比起之前個幾道餸都算好成餐埋單$895，我地覺得唔值，總之是一個我同friend唔會再食嘅餐廳…查看更多

因朋友推薦，見到Open rice 訂座會有88折，所以特意跟朋友一試，誰知道結果~唉! 我地兩個女仔叫左一份威靈頓牛肉，一份Fish & Chips同一份水牛城雞翼。等菜的時間唔耐，而且仲會有小吃送，是墨西哥薄脆配千島醬，吃完可以再添。首先上菜的是小食水牛城雞翼，賣相不錯，共有6隻。可惜金玉其外，敗絮其中，最主要是雞亦好似炸完再炸，好dry!雞亦無咩味，只有 外面個層醬味道還可以，酸酸辣辣，不過會有點嗆喉。然後是Fish & Chips，是最差的一道菜，魚柳薄到好似紙咁，連外面個層脆皮都厚過D魚柳。仲超多油。有沙律菜同薯條拌碟，沙律菜的黑醋略甜，薯條同魚柳一樣超高含油量，同雞亦一樣炸完再炸，裡面仲要有D新炸不過炸唔透嘅薯條，好怪:(:(:(最後是威靈頓牛肉，是唯一令我地OK的一道。牛肉是Medium rare 到 Medium。裡面的野菌亦炒得頗香，冇腥味，配菜還可以。唯一的是酥皮有D油。最後埋單$543蚊，簡單總結就是食左一桶油入肚。…查看更多

衝著米芝蓮的名銜去試一試，點知食到一肚火。想落單叫咗十幾分鐘都沒有人應，終於有個阿姐見到，只不過同佢講等咗十幾分鐘咁耐都冇人應，佢一句駁過來﹕咩吖，啱啱先見X到，邊有咁耐! 仲要落單時EE吟吟，態度極差。至於食物可圈可點，星洲炒米同干炒牛河都不錯，唔會太油，面夠乾身。招牌鮮蝦雲吞面(細蓉)雲吞大小夠正宗，餡料亦新鮮，湯底鮮美，味精唔大。另外銀芽炒面都好食，面體質量好，配魚片粥是一個好選擇。反而混醬腸粉就一般。環境尚可，坐位舒服，但是下午茶關係所以特別嘈，需要排隊入坐，唔派飛。不過他們的服務真心唔掂，個加一服務費絕對唔值!…查看更多