外賣四碗粥加幾件油器，一直喺舖外面等，期間一直有啲遲過我落單嘅人入舖頭裡面催，因為真係等得太耐，大家都等得唔耐煩，職員就猛咁叫返啲人出去等。我見到有四碗粥擺咗喺度20分鐘，但係職員又一直冇pack冇叫人拎，我諗梗係咪外賣平台嘅order，等咗45分鐘後我眼見住遲過我order嘅人都入去拎走外賣，我忍唔住入去問，個職員好忙亂，問咗我個外賣號碼之後，佢就喺度排啲外賣單，然後見廚房出餐佢就拎俾堂食食客，職員搞完其他嘢之後終於行返嚟理我，我問呢四碗粥係咪我㗎？我見放咗喺度好耐！佢完全無視我問題喺度pack外賣，就係擺咗好耐呢四碗粥，然後交俾我，果吓我嬲到冇聲出，呢間嘢真係冇下次！其實廚房出餐時間唔耐，係樓面嘅職員分工好混亂，要顧住order、送餐、pack外賣、收錢，好多外賣放晒喺枱冇人理，所以外賣客個個走入去催，邊個入去催就pack咗佢先！仲有呢間粥檔居然係冇牛脷酥，淨係得油炸鬼，當我叫咗幾件油炸鬼我先至望到地下個雪櫃，原來雪住啲急凍油炸鬼！急凍嘅仲要同外面粥檔即造嘅同價！$11，叫完果刻勁後悔…外面啲粥檔油器就算依家幾縮水都好，都叫即製，呢間發記真係令人失望😞…查看更多
以上食評乃用戶個人意見 , 並不代表OpenRice之觀點。
讚好
用餐途徑
外賣自取
