FanJiuJai的個人專頁

《 🍽️ 榮昌茶座 》——————🎖️ 整體評分：🌕🌕🌕🌕🌑⏱️ 假日下午：唔洗等——————聞名乳鴿真係唔錯，其他嘢就正常，主要都係嚟食乳鴿。— 𝕄𝔸𝕀ℕ —【 🦆. 乳鴿 】外皮烤得幾脆，肉質滑嫩，加埋啲油脂，係值得嚟遠道而來試一試。價錢好合理、同出面燒味舖食差唔多，抵食。【🍛. 叉燒蛋炒飯 】因為淨係乳鴿唔夠飽所以叫個炒飯，正正常常冇特別，炒得都乾身嘅，份量都夠大，平日碟頭飯size，兩個人下午茶夠食。— 𝔹𝔼V𝔼ℝ𝔸𝔾𝔼 —【 🥤. 綠茶雪糕紅豆冰 】係茶記嘅味道～ 個雪糕係回憶嘅味道（經典雀巢杯裝雪糕嘅質感同綠茶味）。紅豆冰正常茶餐廳質素，懷舊一下可以飲吓。環境方面，露天茶座、有室內同埋室外座位可以揀。位置有啲偏遠，比較多行山或者越野單車客。我哋係揸車，有泊車位，好似巴士或小巴都可以去到。…查看更多

溶超快😂 有啲冰沙嘅感覺。睇落好似係單色單味但其實mix咗牛奶同波子汽水（好淺嘅天藍色），味道係有喺到嘅。附近都冇咩好似呢間咁嘅甜品舖，佢都有啲其他甜品杯可以揀。但就冇咩位可以坐…查看更多

🎖️ 整體評分：🌕🌕🌕🌗🌑⏱️ 平日夜晚：唔洗等————————————中環晚餐價錢算合理，cafe環境舒適，有素食選擇，好啱兩個女仔放工食飯傾計— 𝕄𝔸𝕀ℕ —【 🍔. 黑松露漢堡配薯條沙律 】揀咗豬肉漢堡，黑松露味唔會太濃，漢堡肉算juicy。薯條金黃唔淋，沙律清爽開胃【🥤. 雜莓高蛋白奶昔 】奶昔飲落去滑口，雜莓新鮮，有飽足感。輕食晚餐之選— 𝔹𝔼V𝔼ℝ𝔸𝔾𝔼 —【 ☕️. 紅棗桂圓杞子薑茶 】女仔養生必選，好足料，補血一流。唔算太甜，仲有唔少紅棗粒咬。薑味都唔會太搶…查看更多