SuetmuiLee的個人專頁

之前自己同朋友食過「斗滾」覺得唔錯，所以今日帶屋企人去試試！👭🏻👭🏻入到去檯與檯之前就有啲啲逼，但我地6個人比左8個位嘅檯比我地，坐落都算舒服！🫰🫰坐低後，侍應哥仔就即刻幫我地落雞煲，雞煲要自己炒，每2分鐘翻炒一次，前後4次就可以食啦！雞肉好嫩滑惹味，完全唔比食雞煲專門店差，真係好好味啊，因為係任食，所以我地叫左兩轉，食到大家lamlam 脷😋😋係食緊第二轉雞煲嘅時候，已經幫我地蒸好盤無敵大的海鮮啦！海鮮盤有「聖子、鮑魚、扇貝、海蝦、龍躉、烏冬」海鮮十分新鮮，用簡單嘅蒜蓉蒸，夠鮮甜美味！烏冬吸曬各款海鮮嘅精華，真係一絕😍😋食左海鮮已經感覺少少飽了，再上個蟲草花烏雞湯，個湯夠甜，唔似味精湯！🫕🫕飲湯嘅同時，已經幫我地上埋打邊爐用嘅番茄薯仔花甲湯，哇！好正吖！🍅🥔like 社交平台可以無限送手切牛頸脊，牛頸脊高質，啲肉唔鞋好嫩滑，出面仲有丸，菜，飲品自助！好飽，好飽，真係好飽吖！最後還有甜品每人一客鮮奶雪燕，真係由坐低食到走！滿足😋😋…查看更多

趁係防疫措施收緊之前梗係同屋企人食埋生日飯先，一家食飯通常都是係酒樓多，聽人講「譽宴.星海薈」唔錯，甘梗係要試試佢譽宴嘅裝潢好華麗，特別係天花嘅燈！位置好寬淌，坐得好舒服今次我地叫左皇牌必食套餐「冰鎮五頭南非鮮鮑魚」煙霧瀰漫，好有睇頭；鮑魚鮮嫩爽口，拌以wasabi食，真係好正吖「雪梨無花果花膠燉湯」燉湯以雪梨、無花果、花膠清燉，花膠雖然薄薄地，但啖湯就夠清甜，好味！清肺養顏👍👍「招牌白胡椒龍蝦」白胡椒🦞肉質彈牙，啖啖肉，好惹味「清蒸虎杉斑」都斑夠新鮮，師傅火喉控制得岩岩好，嫩滑清甜「蝦乾浸白菜」白菜充滿蝦乾嘅鮮味，好食，個人最欣賞😋😋「脆皮一品炸子雞」啲皮夠脆，味道中規中矩「砂窩章魚炆雞粒飯」一大砂窩熱騰騰上黎，啲飯充滿著章魚雞粒嘅咸香味，個底仲有少少飯焦，好好味「原籠蒸蔗糖馬拉糕」馬拉糕鬆軟香甜，十分美味…查看更多

心血來潮好想食打冷，想就要做！即刻出發「明記海鮮潮州菜」「蒜蓉蒸聖子王」聖子好新鮮，師傅控制火喉岩岩好，食落口感鮮嫩彈牙，蒜香味滲入曬到聖子中，聖子嘅鮮味入曬落粉絲中，真係超好味！滿足滿足「韭菜豬紅」豬紅沒有腥味且夠曬入味，湯汁十分濃郁惹味，有水準，真係必食「滷水鵝肝」滷水鵝肝蘸上米醋一齊食，口感粉，嫩，滑，不比法國鵝肝差！「滷水拼盤」食物好豐富有紅腸，鵝腸，豬耳，豬腩肉，墨魚片，豬大腸…每款食物都好入味且唔會太咸，好好食Happy ending食埋個惹味啫啫通菜！開心滿足…查看更多

今日Tea time 去左銅鑼灣一期RBTea今日假期去到都唔使等位又幾好噢，入到餐廳，座位都算闊落，不過得兩個鞦韆位，我地就冇得座啦！Anyway都好舒適好休閒乳酪芝士草莓雪糕鬆餅；窩夫鬆餅極富蛋香味且外皮香脆內裡還保留著鬆軟，果真係外脆裡軟👍👍再配上一球雪糕香甜嘅士多啤梨醬同乳酪芝士，真係好食到一啖接一啖白汁海鮮意粉；海鮮分量很足，但個白汁味道唔夠濃，整體味道略為普通小食拼盤；有香腸，雞塊，雞翼，蝦片，沙律菜，入面嘅雞翼我最中意，香脆多汁，食曬甘多小食再食翻少少沙律菜認真唔錯新鮮水果茶，珍珠奶茶都夠大杯，味道中規中矩都算唔錯…查看更多

早上可以吃一份豐富嘅All day breakfast絕對係開始一天的動力！今日我嘅動力起點站「順流精品咖啡」Cofflow coffee尼度嘅裝潢好特別好有格調！打卡一流👍👍All Day Breakfast入面有炒蛋、沙律菜，番茄、牛油果、芝士豬肉腸、紐倫堡腸、半分Bagel，食物夠曬豐富，味道就不過不失，但其中最驚喜就係佢嘅Bagel，香脆得黎又夠煙韌，唔錯唔錯！煙三文魚Bagel；Bagel都係一樣甘好食，配上煙三文魚又真係好好味啵😋😋順流熱鬆餅；即叫即整嘅熱鬆餅，真係做到香軟蓬鬆，配上雪糕，蜂蜜，堅果一齊食，口感非常豐富，因為有埋士多啤梨同藍莓嘅關係，食完都唔會覺得膩，不過真係好飽，分量真係for兩人咖啡我地叫左3杯，3Mixed，Brown cow；同埋我個杯Matcha Latte，一上到黎個拉花有幾得意幾靚，整到我有少少唔捨得飲，特濃咖啡鮮奶抹茶，口感濃郁順滑，真係好心動…查看更多

放假無無聊聊帶兩位公主入左去大尾督消磨時間！行下玩下又到食飯時間，最後係附近搵左間好有泰國風情的餐廳「泰太廚房」「泰太廚房」環境舒適，門口有車位可以泊車，行入餐廳，門口有架篤篤車，好似即刻帶我去做泰國一樣！餐廳分左室內同室外，不過夏天甘熱就選室內會舒服d,如果天氣涼翻d選室外肯定好似身處泰國一樣☀️🏝🏖「泰式魚露生蝦」推車擺設賣相好吸睛，一份有8隻，生蝦啖啖肉夠大隻且爽口彈牙，個泰式辣汁好好味（不過就辣左少少）好傳統配左生蒜片，辣椒同苦瓜一齊食，味道更上一層樓「醃豬肉碎沙律（生菜包）」惹味辛辣的豬肉碎包入爽脆的生菜，讓人食指大動「馳名冬陰公湯」酸酸辣辣的湯配上大大隻的大頭蝦🦐🦐， 個湯就偏咸左d,味道都還算唔錯「泰太咖哩蟹肉焗麵包」一上到黎，個店員就會幫手切開，個麵包表面焗到脆卜卜，入面裝住香濃的咖哩蟹肉，咖哩汁偏甜d汁索曬落個包到，真係好好味吖，小朋友都食lam lam 脷，尼個真係值得推介😋😋「新鮮菠蘿海鮮炒飯」炒飯分量好大，味道都好好！最好食還是佢的燒新鮮菠蘿🍍，真係又甜又多汁…查看更多

趁假期去西貢遊船河，熱辣辣太多人去同陽光玩遊戲，所以一早就揸車入去搵位拍車！時間充足充足，所以就係碼頭「洪記海鮮酒樓」飲個中茶等上船🚢🚢🥵🥵尼到飲茶，幾特別坐底比點心紙你order,有專人送來，之後想加點心就要自己出去點心車羅（如果趕時間其實自己出去羅會快好多唔使等）梅菜叉燒腸粉：梅菜唔太鹹，加上甜蜜蜜嘅叉燒，好有驚喜！原來梅菜同叉燒係可以甘夾銀蘿千絲酥：口感鬆脆，蘿蔔絲一咬就斷唔會有咬唔斷的情形，蘿蔔絲嘅清甜配上酥餅皮，真係超好食雪山叉燒包：外酥裡嫩，表皮鬆脆香甜，叉燒餡夠曬足料釀辣椒：中規中矩，沒有太多驚喜翡翠筍蝦餃皇：蝦餃皮又薄又軟，蝦肉爽口彈牙，真係正吖歎完茶食飽飽，夠鐘行去碼頭又夠近，開心滿足…查看更多

今日去左朗豪坊搵食，基於我比較肚餓，見到乜都想食，最後又入左間泰國菜餐廳！唔好問我點解又係泰國菜，因為我真係真係好中意食泰國菜吖黎到Bamboo Thai，必會叫廚師推介「火山排骨」我地人少，所以叫左份小嘅，但分量一d都唔少野，排骨肉質鬆化，帶住手套撕黎食真係特別好味，記得點埋底個酸辣汁一齊食，完全油膩的感覺，食到lam lam脷「泰式大蝦炒金邊粉」金邊粉炒得夠鍋氣，唔會太淋，大蝦爽口彈牙，碟邊有芽菜，花生碎同辣椒碎比你自由搭配，我將全部撈勻一齊食，口感酸酸地甜甜地又辣辣地，真係好惹味好好食「椰子雞湯」奶白色的湯椰香味濃郁，十分順滑，雞肉嫩滑，十分足料，性價比高「馬拉盞通菜」通菜炒得很有水準，夠曬惹味可口…查看更多

放假落街慢慢歎個早餐，十分幸福！位於海怡西商場的台式餐廳十分幸福，一行入餐廳，裡面的裝潢好有台風，猶如置身於台灣一樣！座位都好寬落，環境舒適！台灣雙丸米粉一碗米粉有兩粒花枝丸兩粒香菇貢丸，花枝丸Q彈可口，食到一粒粒墨魚粒，香菇貢丸，口感彈牙有嚼勁，香菇味十足，米粉係台灣新竹米粉，加埋秘製蒜油，超香，即刻令成碗米粉提高一個層次，台灣腸辛拉麵普普通通的辛辣麵，➕上嫩滑微甜嘅台灣腸又變得唔普通，而且每個餐都會有多一個餸同牛油竹炭多士，佢嘅竹炭牛油多士，大概係索滿牛油再焗翻脆，所以入口有超濃的牛油香，真係會忍不住食埋隔離個塊歎完個早餐，再行下海旁真係幸福感滿滿❤️❤️…查看更多

近排真係好中意食泰國菜🇹🇭，今日到訪左旺角一間趣味十足，打卡又正的泰國菜餐廳No Money So Lonely餐廳的環境舒適，裝潢好靚，每個位置的擺設都好有心思，適合三五知己去吹水打卡📸📸餐廳的menu都好有趣真係so funny冬陰公大蝦比薩；pizza係薄批，餅底夠脆，大蝦🍤夠曬大隻且爽口彈牙，最重要係沒一件pizza都有🍤🍤，冬陰公嘅酸辣味唔算太重，但有邪惡的芝士搭配，食落都相當滋味蜜味酸辣豬肋骨；豬肋骨經過慢煮6小時，所以一切就骨肉分離，D肉夠淋，酸辣味夠出，非常惹味！食埋配搭的沙律菜，完全沒有油膩嘅感覺燒八爪魚要你慢慢地切沙律🦑燒八爪魚好長，真係要慢慢切黎食，八爪魚好彈牙，沙律菜夠新鮮加埋個泰式醬汁，食落好開胃…查看更多

晏左起身，早餐時間過左！落樓下搵食，最後兩條友仔入左去酒樓飲茶醫肚可能唔係假期所以人唔多，去到就有位，真係好開心😁😁家鄉煎薄罉薄罉個粉漿開得唔錯，食落唔會軟爬爬同黏口，餡料都算多，鹹香焦脆，香口惹味山竹牛肉球牛肉球咬落去夠鬆軟嫩滑加上有馬蹄同芫荽嘅香味，好食！加埋㴔汁就真係沒得輸金牌流沙包流沙包，熱辣辣嘅包咬落去即刻流曬d餡出黎，沙沙的餡軟綿香甜，食完唇齒留香👍👍實在太流沙食到我手忙腳亂蝦米煎腸粉煎腸粉就普普通通，表面煎得唔夠焦脆…查看更多

假期帶班小朋友去愉景灣曆奇王國放電，最後我比佢地放曬我d電,🥵🥵熱辣辣我梗係要搵間餐廳食下野叉叉電，再同佢地作戰附近餐廳選擇都多，最後應佢地要求去左食pizzaPizzaExpress,環境舒適，入面裝修特別得黎又幾靚，staff都好nice簡單叫左幾樣野，雞肉蘋果沙律；入面有雞肉、青蘋果、核桃、青菜沙律，紅莓乾……，入口清新爽口，令我胃口大開蜜糖雞肉pizza；餅底夠薄，甜甜地嘅pizza🍕，好岩小朋友口味，好快就比佢地消滅左肉醬千層寬麵，熱辣辣嘅千層麵表面已濃厚嘅芝士包裹著，餡料味濃郁，口感豐富！食落每一啖都有濃濃的芝士好邪惡卡邦尼意粉，口感幼滑，蛋香，芝士和煙肉香都俱全，食到lam lam 脷蒜香新豬肉螺絲粉；新豬肉無論味道口感都同真豬肉一樣，加埋蘑菇同火箭菜一齊食都唔錯總括黎講，愉景灣PizzaExpree係一間唔錯嘅餐廳➕埋個海景就更加分，食完野羅埋張單仲可以換回程船飛（120蚊換一張）好低吖😁😁…查看更多

舊式冰宜家越黎越少，懷舊小食更買少見少！今日一預係打風前夕去西灣河懷舊懷舊，百利冰室，尼間冰室已有50多年歷史，門口招聘都傳統裝潢白底紅字，還有個玻璃櫥窗，放著糕點和非賣品擺設黎到百利冰室，一定要食他的名物「沙翁」，想食沙翁就必需早d起身，因為佢係8點出爐，通常12點前就會賣曬！今日我地好lucky,10點多到，見到櫥窗還剩翻兩個沙翁，即刻order定再慢慢等位沙翁，10蚊一個，比拳頭大小小的沙翁外皮酥脆沾滿白砂糖，內裡嫩滑輕盈，蛋香撲鼻🥚🥚，食落口感鬆化似蜂窩，十分美味沙爹牛出前一丁/五香肉丁出前一丁就中規中矩，沒有太多驚喜奶茶🍵🍵，真係要比👍👍，茶底茶香清新怡人，濃淡恰到好處，奶味甘香與茶味平衡，口感順滑濃厚，奶茶控嘅我真係🫶🫶…查看更多

今晚又去飯堂食泰國菜🇹🇭，成條街最有特色嘅店鋪裝潢666因為我地未到飯點就食晚飯，所以唔使排隊，入到去又係我中意嘅懷舊風，因為唔多人所以坐得都舒服，平時食飯時間多人就坐得逼d今晚叫左海南雞飯，豬肉船金邊粉，炸蝦餅海南雞飯：油飯充滿雞油嘅香味，雞油嫩滑，加埋秘製海南雞醬，惹味！每次必點之選豬肉船金邊粉：入面有好多餸（豬肉片，超有水準嘅豬肉丸，爽口嘅豬肚，好好味嘅炸豬皮，蘿蔔，通菜……）湯底用左藥材➕豬血熬製，金邊粉吸曬d湯，回味無窮炸蝦餅：香脆彈牙，有蝦味點泰式辣醬食，正吖！！666，真係泰國菜平靚正之選，性價比👍👍…查看更多

是日晚餐去左香港仔搵食，最後係香港仔中心四期見到好有日本🇯🇵風嘅九井食堂，甘一定要試試佢入面嘅裝修風格好有日本風，讓我猶如置身於日本一樣九井壽司盛定食🍱🍱🍱食物都好豐富（雜錦壽司🍣，麵豉湯，天婦羅，茶碗蒸，前菜）壽司夠新鮮；麵豉湯中規中矩；天婦羅入口鬆化唔會成口油，配埋個汁，好食；茶碗蒸完美，蛋香味濃，蒸嘅時間岩岩好，超級嫩滑回味九井日本蠔海鮮鍋有蠔🦪，青口，蝦🦐，蟹柳，帆立貝，豆腐，金菇，粟米，香菇……食物種類多夠曬豐富，包羅萬有！可配烏冬或拉麵，我就揀左烏冬，質地煙韌吸曬海鮮湯嘅鮮甜味，認真好味…查看更多