JxxC的個人專頁

呢間餐廳明顯吾歡迎定本地人。但對外籍人士完全唔同態度！首先係冇客人嘅情況之下（餐廳室內位置只有寥寥可數嘅二台客），而且已經過咗午餐時間，侍應都唔俾你坐張大小小嘅四人枱，兩個人要你坐上去吧枱。咁我哋唯有喺毛毛雨嘅情況之下，坐出去室外座位（佢有開遮嘅）。不過咁嘅情況，間唔中都會遇到，所以本身都諗住算啦。但之後實在太激氣，令我的起心肝第一次留comment，希望其他人唔使好似我咁一肚氣！亞洲外表嘅侍應本身已經唔友善，但最過分嘅係，我去完廁所出嚟見我朋友將個本來用袋袋好放喺枱面嘅口罩收返入袋，我問佢咩事先知道原來個侍應話唔好擺個口罩喺枱面，費事引起其他客人唔舒服！！！我哋只係叫咗咖啡，同埋朱古力。落單嘅時候已經問咗朱古力有冇加糖，佢話冇。但係唔知點解都係超甜。咖啡只係一般般， 飲完即刻走。冇食嘢，所以唔知佢啲食物有可能幾咁好食，但係咁嘅態度，唔會再幫襯！…查看更多