zxzxxzxhk的個人專頁

今日去咗薩莉亞意式餐廳度食嘢，要等大約20張枱，不過都好彩等左大約四個字左右就入去食啦，咁我哋就點左總共四樣嘢，咁就有8件雞翼，溫泉蛋肉醬多莉亞，蒜蓉汁肉牛排，惹菌忌廉意粉。啲食嘢時間大約15分鐘就上哂，佢哋仲有嘢飲任飲套餐只需要加$13，嗰度部自動汽水機可以將唔同嘅汽水幫你混合例如可以橙汁溝忌廉，最有驚喜係個牛排，諗住$69食質素麻麻，點知黎到勁大塊,另外就係個雞翼，個皮好脆，有少少辣，愈食愈想食。總共百幾蚊兩個人食得飽，都唔錯。…查看更多

去意樂餐廳食早餐，叫左個嫩煎香草雞扒配炒蛋、火腿多士、仲有一杯粟米，另外叫左沙嗲牛肉麵同至營桂格燕麥片，餐牌嘅選擇都算幾多，仲有營養健康餐，岩哂老人家，覺得餐廳嘅價錢適中，早餐一份二十幾蚊倒，雞扒有啲細件，食完都唔係好夠，炒蛋幾香滑，燕麥片好香奶味，一碗份量都夠食，沙嗲牛肉麵就同岀面茶餐廳差唔多。店員嘅服務都唔錯，會主動提供水，紙巾等等，又唔會好趕急咁一食完就趕你走，呢餐叫左咁多野兩個人食都係一百蚊倒。…查看更多

想食海南雞飯，上網見到呢間金蘭花泰國餐廳好似唔錯，買咗兩盒外賣返屋企食，原價$68依家有九折， $109蚊有兩盒，返到屋企打開個盒聞到好香，最好食係佢個泰式辣醬，酸酸辣辣咁樣，又唔會太辣，十分開胃，點埋啲雞肉配合得啱啱好，撈住飯食都好好食，啲雞肉超級新鮮，有一盒係雞脾，一盒係雞胸，唔會太老， 10分滑，啲飯唔會太濕，一粒一粒唔會黐埋一舊舊，整體來講，呢個飯好好食，最特別係佢個醬汁，下次可以試埋其他嘢食，值得一試。…查看更多

琴日同朋友去食牛陣，喺銅鑼灣睇完戲去食， 5:30左右唔使等位，仲有好多位剩，叫咗個$179嘅肥牛，壽喜燒湯底，不過我哋覺得個位有啲大風，要求換位，店員同我地講已經book晒啲位，唔俾掉位我哋喺自助吧見到好多嘢食，自助吧食物嘅款式尚算多，有雞肉、娃娃菜、生菜、公園、烏冬、手打魚蛋等等。個人覺得手打完彈啊比較好食同彈牙，我哋叫嘅肥牛一次嚟兩碟，豚肉兩碟，牛肉嘅花紋尚算好睇，新鮮，切得好薄，入口唔會太晏，非常容易咬，我哋食咗大約八碟，食完打邊爐，仲有得任食Häagen-Dazs雪糕，有士多啤梨、芒果、朱古力味，食咗三杯，好滿足…查看更多

打完邊爐同朋友去食甜品，搵到呢間氷屋，見到啲泡冰超級吸引，一大個鉛球咁樣，就決定去食，一去到門口比較多人排隊，要等大約五張枱，連入面大約只有10個位，空間比較細，喺門口店員就會問我哋想食啲咩，我哋見有比較多都吸引，例如抹茶焦糖雪花冰、三士多啤梨味、朱古力味、好多都好吸引，我哋叫咗一個抹茶焦糖，抹茶味好濃，賣相好吸引，價錢來講我哋呢一個$88 ，兩個人可以食一個，覺得唔算太貴，味道其實唔錯，啲冰會比軟快溶，一般10分鐘就會食完…查看更多