PeaceB的個人專頁

一直都想嚟試呢間餐廳，無奈成日都大排長龍，就喺一個下著微微雨嘅晚上，一時興起約朋友嚟呢度，出奇地不用等位，就坐底食晚飯。墨汁均勻地滲入每一條意粉，魷魚有輕輕煎炸過，非常香口，估唔到呢度嘅鹹食咁出色。豬仔骨配上燒汁烤焗，非常惹味，特別鍾意呢度嘅薯條，係有炸過同加咁調味粉，唔係普通M記薯條味。下次再嚟一定要試甜食！…查看更多

尖沙咀真係好少出色嘅車仔面或雲南米線，所以一諗起星林居嘅雲南米線，就算行老遠都要專登過來。次次嚟都必叫呢3個餸－豬紅、豬腸、蟹子丸以往都唔覺份量咁少，今次嚟覺得餸嘅份量少咗，不過豬紅同豬腸都係咁好味，蟹子丸就好似唔夠熱湯底仍然係星林居嘅精華，我叫咗少少辣同少酸，一樣有肉碎，一樣咁出色…查看更多

以前好鍾意黎親荃灣就幫襯呢間泰國菜，仲睇住佢愈做愈大開分店，但估唔到今次黎番呢間地舖，會差左咁多！首先佢開咗另一個位置，多咗好多枱，的確冇以前等位等好耐嘅情況，但係佢廚房冇加大、人手冇多，其實等出菜嘅時間都喺度！食到一半先記得影相。以前好鍾意食呢度嘅蒜蓉包，鐘意佢夠多蒜蓉夠熱辣辣，點知今次等咗半個鐘先上嘅第一樣食物，會係凍嘅，而且水準差咗咁多！可能唔夠人出菜，而且座位同廚房都有一段距離，所以D菜黎到已凍！呢碟好彩夠熱，不過太辣，我食咗一啖就冇食，其餘成碟由朋友清咗！個咖喱汁有用蛋汁煮，係幾滑幾香口，可惜元貝係完全唔入味，食落有D淡！串燒就豬牛雞都有，都係唔夠熱，不過加埋醬汁味道還可以。總括來說係失望。荃灣泰國菜一定有更好選擇。今時唔同往日，要擴充生業都要管理好人手服務同保持食物質素，否則會生熟客都慢慢流失。…查看更多

上次見到明太子溫泉蛋烏東已經想試，不過最後都係試咗雪蟹烏東，今次再黎一定要試呢個！明太子好足料，加上紫菜絲，鹹鹹地充滿日式風味，將溫泉蛋攪勻混合烏東一齊食，好滑好滿足！叫咗中size已夠食，另加兩件蝦餅亦只需$20。蝦餅炸得好鬆脆，仲有一隻隻蝦肉在內，真材實料！…查看更多

一般人黎中環永樂園，就想起呢度馳名嘅港式熱狗。今日係中環做完嘢，明明過咗午飯嘅顛峰時間，但係間間餐廳都咁多人，又有少少肚餓想食碟炒粉面，於是過黎永樂園。本身想食碟星州炒米，兩三年前食過至今亦難忘，黎到見到魚香茄子飯又好吸引，於是決定試下。魚香茄子莫講話有冇鑊氣，仲要係暖、唔熱嘅，茄子仲好似有少少凍，質素連一間街坊茶餐廳都比不上，真心有少少失望。可能呢個不是推介食品吧，下次都係黎食熱狗算。…查看更多

中學時期好喜歡食嘅小食之一，但係當年都要10蚊4包，估唔到十多年後的今天，經過通貨膨脹，可以平過十幾年前。不過當然份量真係好少，可以當係口痕食下，千祈唔好諗住可以飽肚，除非你食20包。冷面、海哲、牛柏葉、螺肉老實講，撈埋一齊之後真係分唔到咩餸打咩餸，因為太細份，當過下口癮囉…查看更多

比起朋友喜愛的韓式炸雞，我可能更喜歡台式炸雞－喜歡有如雞胸肉般的雞肉，以及惹味的唯鹽粉，加上一杯珍珠奶茶簡直是完美的配搭。雖然係即叫即整，但等候時間不算長。細份大約有7件，價錢算貴，但由於係台灣帶來香港，貴些都冇辦法。味道方面因加了調味粉及辣粉，一定惹味，可惜朋友覺得有少少雪藏味，希望店舖可加以改善。…查看更多

最近見到openrice同food blogger都有唔少食評介紹葵涌廣場嘅美食，而最近呢間壽司店嘅海膽手卷就人氣爆燈，所以今日放工後就專程黎試下。鵝肝手卷 $22如果可以煎或燒得外脆內軟，再加少少黑醋，絕對可以提升口感海膽手卷 $30海膽都算新鮮，有少少海水嘅鹹味，份量都算係咁三文魚腩手卷 $18:)切得太厚，冇咗三文魚腩個種油脂嘅口感，但整體來說是新鮮的。值得一讚是舖頭有立食區，備有幾張座椅或甜豉油／芥辣豉油，方便客人即場進食。總括來說，性價比高，絕對可以一試。…查看更多

搬返黎屯門之後，都有搵過幾間大排檔，呢間算係價錢較為大眾化、水準可以的大排檔之一。是夜想同朋友啤一啤，於是又再次去呢間大排檔食晚飯。菠蘿咕嚕肉叫咕嚕肉，黎左生炒骨，骨多過肉，炸得太老，所以口感麻麻，下次唔會叫椒鹽鮮魷成日會黎叫呢個餸，次次水準不一，今次算唔錯，炸粉夠薄石鍋馬拉盞通菜第一次叫，夠熱夠鑊氣，送啤酒一流！…查看更多

今日唔想去咁遠食飯，就近近地搭幾個輕鐵站去虹橋搵野食。見到呢間茶餐廳有幾張枱排緊隊，D小菜套餐又平平地$50-$60有交易，仲送埋湯，不過白飯就要另加$8。又揀左我既最愛－西蘭花炒花枝片($58)有鑊氣，花枝片夠大塊，加埋蝦醬真係一絕另外老公嗌左佢最中意既梅菜扣肉煲($52)好入味，D扣肉夠晒肥，送飯一流最後連兩個白飯$126蚊埋單…查看更多

是晚家人於此日本餐廳請食飯一行七人，一共叫了多款美食包括：刺身船、壽司、汁煮油甘魚頭、炸物、燒牛肉、炸雞軟骨、燒雞翼串、清酒煮硯、燒鮑魚等 未來之前看過網上食評，都有些擔心加上最近日本地震，又話大部分日本料理不再從日本輸入食材所以擔心日本食物水準會大幅下降是晚一試便知龍與鳳個人認為刺身非常新鮮最正是汁煮油甘魚頭，煮得非常入味燒鮑魚亦處理得不錯，起碼比中環某三百幾蚊放題好食…查看更多