HAYDEN911的個人專頁

今日同朋友去咗元朗一間Cafe食午飯，餐廳環境光猛，有鮮花作為裝飾，幾有 feel 😆我哋叫咗一個lunch set，有八隻餃子，揀咗粟米豬肉餃同三鮮餃子，餃子輕微煎過，咬落微微焦脆，脆得嚟又帶住餃子皮嘅軟糯，每隻餃子都十分飽滿，比較欣賞三鮮餃子，有韭黃、蝦仁等材料，比較新穎。lunch set仲配埋兩個馬德蓮同埋芝麻醬沙律，夠晒豐富😍朋友就叫咗一個全日早餐，有煙三文魚、黑松露炒蛋、煎腸、兩塊pancake同埋一個芝麻醬沙律，款式豐富，最欣賞黑蘑菇，爆哂汁😝最後叫咗兩杯飲品，上枱嘅時候拉花好靚，有動物嘅圖樣😍好可愛🥰兩杯飲品分別係日式焙茶鮮奶同本月限定—抹茶朱古力Childhood，兩款飲品都唔太甜，抹茶朱古力好有特色，有好濃嘅可可味😋下次仲會試吓唔同嘅餃子口味同藍帶甜品😙…查看更多

今晚同女朋友去左尖沙咀鮮味蒸滾鍋食晚飯，成餐飯好豐富，有齊海鮮蒸鍋同打邊爐，好似食咗兩餐咁😌首先嚟嘅係養生滋補燉湯，老黃瓜排骨湯頭清甜，滋補暖胃。九點後入座仲有挪威三文魚刺身，肉身肥美。之後係一個活蜆盛合，蒸完之後隻隻都開晒，仲要冇沙，食得好滿足。生猛龍蝦大大隻，肉質爽口彈牙，原汁原味。然後係自選海鮮四款，我哋揀咗生猛元貝，活北寄貝、蟶子同埋台山生蠔，款款都鮮甜無比。最欣賞台山生蠔同北寄貝，生蠔成隻手掌咁大隻，北寄貝食落清甜無沙，滿足晒海鮮控嘅慾望😬。食完海鮮之後，仲有彈牙嘅活蝦丸、梅菜豬肉丸同埋蟲草花蒸雞配陳村粉，款款都唔錯😆之後仲有火鍋嘅部份，有手切牛頸脊同埋脆肉鯇任食，出面仲有丸類、菜類同埋甜品任攞😗最後點少得吸收晒所有海鮮精華嘅南瓜排骨粥，食完真係大滿足🥰…查看更多

今日同女朋友去咗觀塘海濱花園嘅一間浪漫西餐廳食飯，有live band同埋可以現場點歌，夠晒情調，十分浪漫🌹。我哋叫咗一個餐湯，今日嘅餐湯係甘筍湯，非常濃郁，入口順滑，十分暖胃。之後係白酒忌廉煮活青口，青口每隻都幾大隻，全部都開口，而且十分新鮮，配上白酒忌廉汁，特別惹味，忍唔住飲幾啖白酒忌廉汁🤣炸番薯薯條份量頗大，大份到兩個人都食唔晒，炸得十分香脆可口，點上茄汁一流😋😋左口魚三文魚子燉飯都算幾特別，充滿着日式風味，輕微火炙過嘅左口魚邊配上三文魚子，鮮味十足，油香爆曬出嚟，但係食到最後略嫌過油膩，但整體而言都好特別，出邊未必食到😆最後叫咗個朱古力心太軟配雲呢拿雪糕，心太軟熱辣辣仲要留心，配上雲呢拿雪糕，冰火相容，甜甜蜜蜜🥰我哋亦都叫咗一杯Mocktail Mango Fizz，類似芒果薄荷梳打，飲落幾清新😆總括而言，呢間餐廳環境氣氛一流，食物質素亦都好高，非常適合情侶拍拖享用😍…查看更多

為咗慶祝考完試，今日同女朋友撐枱腳，去咗深水埗嘉頓附近嘅一間鐵板燒食晚飯，價錢親民，食物質素幾高。前菜係芝麻醬沙律，之後係刺身拼盤，有帶子、真鯛、皮剝魚、油甘魚，款款都好新鮮，最欣賞嘅係油甘魚，魚油香十足，配上柚子胡椒特別清新。之後上嘅係活龍蝦，龍蝦肉質十分爽彈新鮮，師傅用蝦膏醬炒得特別香，令人忍唔住一啖接一啖。活鮑魚好有驚喜，鮑魚切成厚厚的一片，口感特別彈牙，一啲都唔靭，配上輕輕嘅胡椒調味，十分出色。鵝肝多士亦都保持高水準，鵝肝外脆內嫩，爆哂油，邪惡得嚟又十分滿足。之後嘅牛肉薄燒，配上香蔥同蒜片，層次感十足，但略嫌煎過老。之後嚟嘅係麵豉湯、炒菜、炒飯，炒飯粒粒分明，鑊氣十足。總括而言，呢間鐵板燒餐廳價錢親民，食物質素亦都好高，值得一試😋…查看更多

今日同屋企人去咗韓式chef zone食自助餐，餐廳寬敞，佔地面積幾大，嘢食種類都幾多，款式幾豐富。首先係韓式嘅海鮮，有韓國即拆紅蟹、醬油蝦、醬油蟹，每款新鮮即切，鮮味爆錶。喺香港真係好少食到醬油蝦蟹😆除咗海鮮之外，仲有各式各樣嘅壽司、刺身等，款式多得五花繚亂。之後到熱食，有魚糕、玫瑰醬／辣炒年糕、鮑魚粥、人參雞湯等傳統韓式食品，年糕煙靭，湯品暖胃，最驚喜嘅係酥皮忌廉湯，滿滿嘅牛油香配上磨菇忌廉湯，冇諗過自助餐都有酥皮湯飲。甜品方面，有各式各樣嘅生果、啫喱、蛋糕、雪條等，五花八門，任君選擇。可惜嘅係，今日辛辣麵部機壞咗，冇得食 😭…查看更多

今日同女朋友食酒津，餐廳環境好有格調，可以坐住bar枱睇住廚師煮嘢。🌟 汁煮吞拿魚眼🌟充滿骨膠原嘅吞拿魚眼，配埋濃郁又鮮甜嘅湯汁，令人食到一啖又一啖停唔到。配料嘅蘿蔔吸滿湯汁，淡淡好鮮甜，非常推介。🌟松葉蟹膏甲羅燒🌟濃郁同creamy嘅蟹膏好邪惡好好味，加埋蟹肉同埋蟹籽，配埋多士，啖啖都充滿蟹嘅香味。🌟鱸魚刺身🌟呢道刺身好地道，爽口彈牙又好鮮甜嘅鱸魚刺身，配埋柚子醋嘅酸甜令鮮味再上一層樓。🌟牛肉鵝肝卷🌟烤牛肉嘅焦脆同炭香，配埋軟身又入口即溶嘅鵝肝，令成個卷嘅質感同味道增加左好多層次。🌟帆立貝壽司🌟帆立貝大隻飽滿，醋飯酸甜度適中，鮮味十足。🌟三文魚飯團&明太子飯團🌟烤飯團烤得啱啱好，外脆內軟，又唔會熱氣。明太子醬微辣好開胃。🌟免治雞肉棒（自家製）🌟免治雞肉棒特別嘅地方係有雞軟骨，令佢嘅質感更豐富同埋有咬口。🌟焦糖燒菠蘿🌟菠蘿外脆內軟，焦糖醬唔會太甜，但係又可以昇華菠蘿本身嘅鮮甜同香味。菠蘿好消滯，好適合做飯後甜品。總括而言，係十分出色嘅一間日式居酒屋。…查看更多

今日同女朋友去咗中環嘅一間西餐廳撐枱腳，餐廳位於蘭桂坊附近嘅樓上舖，位置比較隱蔽，但係食物質素絕不馬虎。首先嚟嘅係一個法式龍蝦湯，上面有少少橄欖油，飲落去海鮮味好重，十分濃郁，又唔會過鹹，熱辣辣，飲落亦都好順滑。之後係一道法式焗蝸牛，出邊好少有得食，每一粒嘅肉都好飽滿，配上牛油薯蓉，風味十足🥰下一道菜係紅酒燉牛面頰，上枱已經好大陣紅酒香氣，牛肉燉得好軟淋，輕輕咬落去，陣陣嘅紅酒香味喺口中散開，回味無窮。之後係檸檬汁帶子意粉，帶子煎得半生熟，表面焦香，入面卻無比鮮嫩；配上微酸嘅檸檬汁調味，增加味道層次感😆最後係蘋果批配雪糕，金黃酥脆熱辣辣嘅蘋果批配上雲呢拿雪糕，冰火交融，係十分出色嘅一道甜品。下次會再試吓其他菜式😙…查看更多

今日同女朋友食生日飯，去咗尖沙咀 The One 19樓嘅一間西餐廳食飯，一望出去有270度海景，夠晒浪漫🥰我哋今日試咗一個 tasting menu，同女朋友每人叫左三道菜，全部食物都好高質素🤩第一道菜係北海道帶子他他配火龍果脆片、紅石榴蓉，賣相十分精緻，帶子十分新鮮，配上火龍果脆片同埋清新嘅紅石榴蓉，無論味道同埋質感，層次都更上一層樓😍第二道菜係煙燻海螯蝦、石榴巴馬火腿清湯蜆湯果凍，凍湯鹹中帶甜，配上半熟剔透嘅海螯蝦同新鮮嘅蜆肉，飲落特別清爽😙第三道菜係日本帝王蟹蛋泡沫配24個月法國康帝芝士脆片及海膽，帝王蟹配上海膽令到整道菜味道好濃郁，配上滑嫩無比嘅蒸蛋，勁好食😍之後係西班牙八爪魚配意式薯仔麵團，八爪魚一切就開，軟腍得來又保持到咬口，配上辣肉腸甜椒汁，令到整到菜食起嚟好惹味🤩慢煮伊比利豬肋眼上蓋肉表面呈鮮紅色，切落去特別軟嫩，咬落去特別重肉香，好少食到咁高質素嘅豬肉😆配上隔離嘅柚子沙律，中和左肉類嘅油膩感。最後甜品係香檸檬芝士蛋糕，酸酸甜甜，配上隔離嘅雪葩同曲奇，為此餐畫上完美嘅句號。…查看更多

今日同屋企人去咗佐敦上海街一間韓國餐廳食嘢，餐廳見到好多韓國人光顧，睇得出好地道。店員首先會遞上五道韓式小菜，分別係泡菜、腐皮、脆魚仔、蛋卷同埋醃製菠菜，夠哂地道，可以用嚟開開胃😋燒五花腩肥瘦均勻，店員仲會同你燒埋，自己一定唔使煩，又唔會怕燶。擺上燒盤嘅時候油香逼哂出嚟，配上燒雞脾菇、豆瓣醬同埋生菜，滿足得來又唔會太油膩。份量亦都好大，有成十幾片肉😌另外，我哋都叫咗一個野菌燉牛肉鍋，湯底清甜，牛肉燉得軟腍，配上各種雜菜同埋豆腐，飽肚得來又暖胃，係清清哋嘅好選擇😇仲有兩杯飲品，分別係百香果梳打同埋西柚梳打，兩杯都酸酸甜甜，夠哂解渴。…查看更多

中秋節夜晚，約咗同舊同學去咗尖沙咀賞月，順便去左K11搵左間燒肉餐廳食飯。餐廳環境好有露營風，食物質素亦都好好😆我哋叫咗一個二人餐，首先嚟嘅係黑醋冰蕃茄沙律，冰冰涼涼，酸酸甜甜，十分開胃😋伊比利亞豬肋條略帶嚼勁，微帶肉香，配上鹹甜既燒肉汁，食落大滿足🥰夢見鳥雞腿肉啖啖肉，配上蒜蓉芫荽醬好特別，啱哂作為芫荽控嘅我😋北海道豚肉卷肥瘦均勻，配上柚子胡椒醬，消除咗肉類嘅肥膩🤩花切長牛舌係今餐既MVP，長得好誇張，食落十分爽口。主菜方面有夢王蛋海苔飯同埋柚子梅素冷麵，海苔脆脆既口感配上邪惡嘅蛋漿，層次感十足；柚子梅素冷麵解暑一流😇佢個餐就包咗兩杯嘢飲，我哋叫咗百香果梳打同海鹽菠蘿梳打，十分清爽😝夜晚仲會開埋一個戶外酒吧，可以一齊飲酒傾偈😆總括而言，係一間性價比高、環境食物質素勁佳既餐廳😇…查看更多

今日同屋企人諗住飲茶食點心，去咗中環嘅一間老字號蓮香樓，入邊仲係用傳統推車仔嘅模式，懷舊感十足😆入場之後人山人海，就算係平日下晝都堆滿咗客人，十分熱鬧。我哋周圍攞咗幾款點心，每樣都好出色。蟹籽燒賣大大粒，餡料豐富，有大大粒嘅冬菇、蝦仁。菜苗餃外皮有著軟糯嘅口感，裡面亦都好足料，有豆苗、鮮蝦等。懷舊蝦多士炸到金黃酥脆，十分香口，令人回味無窮。花膠魚翅灌湯餃湯底清甜，刺開灌湯餃嘅外皮裏面嘅花膠、魚翅、豬肉等餡料湧出，食完大滿足😆馬拉糕熱辣辣，咬落鬆軟，亦都唔會過甜，份量都好大嚿，夠哂飽肚。成餐飲茶最出色就係呢個燕窩椰皇燉蛋白，上枱嘅時候已經聞到一陣好香嘅椰香味，入口蛋白十分滑嫩清甜，冇諗過喺酒樓都食到咁出色嘅甜品😆下次會再試吓其他點心😌…查看更多

今日同朋友去左銅鑼灣一間中菜廳食晚飯，叫咗一個夏日精緻套餐，食到唔少有驚喜嘅菜式😆✨紫砂功夫燉湯✨是日嘅燉湯係人參瘦肉湯，湯底清甜滋補，有淡淡嘅人參味，倒出嚟細細杯咁飲，好得意❣️✨前菜四小碟✨四小碟分別係香煎蓮藕餅、青瓜海蜇頭、子薑皮蛋凍，同埋黑魚子煙燻流心蛋。蓮藕餅煎得香脆，海蜇頭酸甜開胃爽口，皮蛋凍晶螢剔透，流心蛋煙燻味濃，一啖咬落去特別滿足。✨金鈎蒜蓉蒸勝瓜✨清清哋嘅一道菜，勝瓜新鮮，蒜蓉味濃，蝦亁大大粒，提升左整道菜既鮮味。✨香馥秘製脆皮燒鵝✨呢餐飯既戲肉，燒鵝皮脆肉嫩，肉帶甘香，調味適中，十分出色。…查看更多

今日同女朋友慶祝紀念日，book 咗位於ICC 101樓嘅法國餐廳Odyssee，望住個無敵大海景，環境十分浪漫💕我哋叫咗一個$980嘅套餐，店員首先送上 cheese ball同埋幾款麵包俾我哋選擇，有酸種麵包、軟麥包等，款款都好好食😆首先嚟嘅係前菜三小碟，有春卷、牛肉他他同埋紅菜頭撻，十分精緻😍最欣賞係紅菜頭蛋白餅，面頭綿滑嘅紅菜頭mousse配上脆脆嘅蛋白餅，食落去好清新，非常特別 👍 之後嚟嘅係burrata cheese配無花果，burrata cheese十分絲滑，配上無花果嘅果香，層次感十足，打開味蕾，連平時唔食芝士嘅我都食哂😄之後嚟嘅會係法式洋蔥湯，上枱嘅時候比明火燒住，飲落去有浸煙燻嘅味道，唔會過鹹，整得好出色😋女朋友就叫咗藍龍蝦，採用咗慢煮嘅方式，龍蝦特別鮮嫩，配上龍蝦湯，鮮味十足🤩跟住嚟嗰度菜係煎馬友魚配蜆肉同西蘭花，魚肉煎到皮脆內嫩，沾上海鮮湯汁後，層次更上一層樓😆之後嚟嘅會係海鮮意大利飯，有八爪魚、蜆肉等配料，意大利飯整得好 creamy但同時亦唔會好滯，份量亦都係啱啱好😆另一個主菜就係美國牛柳，牛柳肉汁飽滿，配上旁邊嘅雜菜嫩牛肉，格外豐富。甜品送上士多啤梨疏乎厘配草本味雪糕，疏乎厘十分鬆軟，配上旁邊嘅雪糕，冰火相容。最後嚟咗個Petit Four，為晚餐畫上完美句號❤️…查看更多

今日同朋友食咗一間唔錯嘅泰國菜，嘢食都幾抵食😆蒜茸包（4片）$48.0蒜蓉包焗得香脆，亦好厚，都算抵食。泰式虎蝦金邊粉 $138.0金邊粉好煙靭，每啖都好有咬口，醬汁酸酸甜甜好開胃。兩隻虎蝦又大又啖啖肉，好新鮮。配料方面，有豆腐、芽菜等等都好充足。整體份量好夠飽。藍蝶花蟹肉菠蘿炒飯 $138.0呢碟炒飯最有特色嘅位係粒粒藍色嘅飯，因為用咗藍蝶花炒，好有新意。菠蘿又大嚿又新鮮，仲好多汁。炒飯嘅配料都好充足，亦都提升左個飯口感同埋風味。斑蘭椰汁糕（4件）$48.0一食落口，斑蘭味好突出，味道好清新。之後椰奶嘅香味令斑蘭椰汁糕嘅味道好多層次。楊枝甘露奶蓋 $48.0呢個真係大推，鍾意楊枝甘露嘅朋友唔好錯過！奶蓋creamy 又唔會太甜，楊枝甘露嘅料好夠，最有特色嘅係入面有好多芒果啫喱同埋芒果果肉，食得好滿足。菠蘿熱情果茶 (凍）$34.0果茶有熱情果嘅香味，清新得來唔太甜。…查看更多

今日同朋友去左中環一間中菜廳食飯，環境闊落，職員服務亦十分友善。我哋兩個人叫咗一煲飯同兩個餸，食物質素都好高，食得出係正宗嘅潮州菜😆⭐ 滷水雙拼—滷水鵝片及白烚大墨魚⭐作為一道潮洲招牌菜，鵝片同大墨魚都鹵得十分入味，配上豆腐吸收哂啲滷水精華，簡直大滿足❣️鵝片唔會過靭，肥瘦均勻，又唔會太肥膩；墨魚清爽彈牙，咬口十足。⭐潮州蠔烙⭐另一道招牌嘅潮流菜，蠔餅煎得金黃酥脆，入面亦都好足料，充滿著蠔仔既鮮味，加上適量嘅芫茜同胡椒粉再作昇華，更添風味。⭐芋頭香飯煲⭐上枱打開蓋嘅時候芋頭嘅香氣撲鼻而來，份量亦都好大，夠兩至三人分享。香飯煲鑊氣十足，粒粒分明，配上雞粒、豬肉粒、芋頭等材料，層次感十足😆🌟 綠豆爽及功夫茶🌟用餐完畢後送上綠豆爽以及功夫茶，綠豆爽唔會過甜，清甜解渴，最後嘅功夫茶可以消消滯，為此餐畫上完美句號💕。…查看更多