sanya的個人專頁

二人入去食早餐，A1 火腿通煎雙蛋餐包熱飲$32，A2五香肉丁通火腿煎蛋餐包熱飲$35，落單前問轉多士加幾錢，佢話加一蚊，兩個餐都轉左多士。但係見到張手寫單收$33(加左$1啱)同$38(加左$3?)，問返落單嗰個人有冇落錯單，佢就話我$38嗰度收多咗一蚊改返$37，我話唔係應該$36咩？佢就即刻話A2轉多士加要加$2，我問佢點解一係加$1一個係加$2係咪份量唔一樣，佢就話總之A2係要加$2！餐牌上冇寫明加幾多錢，落單前我地亦都有問又無咁講過，其實真係明呃！其實多$1唔係啲乜嘢跌都跌左，不過呃就唔ok囉！咁唔老實做生意一定唔會再幫襯！…查看更多

朋友生日，無意中發現呢間cafe有個焦糖榴連芝士蛋糕見食評話最好預訂，咁早一日就打去金鐘分店但話預訂都無再打去銅鑼灣分店（其實係近天后地鐵站）因為我要加生日牌（免費嘅），所以要入左錢先留到個蛋糕到第二日拎蛋糕，個焦糖係即燒嘅，布滿成個蛋糕面又燒得好夠，拎左蛋糕五個鐘後先食都仲係超脆聞落唔重榴連味，但食落真係好正榴連同cheesecake好夾，cheesecake個質感仲好好係 new york cheesecake 嗰款當晚個個都係榴連愛好者，個個食到讚不絕口個生日牌係曲奇餅會另外pack，到切時先自己放上去，幾好$148 一磅，細細個但幾重手我地6個人食飽飯先食，每人細細件因為太好食所以覺得有啲唔夠喉😆呢個蛋糕一定會再encore仲有，店員服務態度真係好好，笑容滿面，值得一讚👍🏻…查看更多

去買外賣，見到門口旁邊貼住張午餐特價紙但我只睇食咩無留意價錢叫左個上海粗炒，收左$68等外賣期間再望下張紙見到張紙寫特價$54但收我$68我就問店員，店員話$54係堂食外賣收正價因爲無收茶水同加一原來張紙右下角有寫外賣收回原價，係我自己無睇但特價旁邊嘅原價係寫$60我又問店員點解收我$68佢話張特價紙個正價係唔啱，要睇番個餐牌價錢我話張紙個正價唔啱就唔好貼出黎啦佢仲要話出面有另一個餐牌要睇嗰個即係兩個餐牌價錢係唔一樣，收價錢高嗰個？張午餐特價紙個正價係呃人嘅如果堂食$54+$4茶水再加10%服務費都係$64外賣無茶水同服務費仲要貴$4其實真係唔太合理個上海粗炒叫左走肉多菜，係有多菜到嘅味道幾好但未必會再食…查看更多