nateatgo的個人專頁

呢間西貢嘅餐廳環境真係一流 🌿樓底高，空間感十足，坐得舒服之餘❤️仲有桌球可以玩，無論係家庭聚餐定朋友聚會都啱晒 🎱Burrata ChorizoPizza即叫即焗，Pizza餅底麵粉香味突出，係屬於口感煙靭嘅一種🍕餡料配咗兩款芝士、西班牙香腸、火箭菜同燈籠椒🫑鹹香中帶少少清新，層次分明🧀Pulled Pork Lasagna千層闊麵入邊包住嘅慢煮手撕豬肉，BBQ醬味濃但唔膩😋配埋酸椰菜同紫洋蔥，表面焗到微焦，芝士拉絲效果一流🥰Cajun Prawn Aioli Chips蝦爽口彈牙🍤薯條配蒜香蛋黃醬好惹味🍟仲有少少墨西哥風味，食完一啖想再食🌮Tiramisu Pancake疏乎厘質地嘅班戟超級軟綿綿🥞咖啡糖漿再加埋軟滑嘅cream一齊食特別滿足🤓…查看更多

呢晚同朋友去咗中環六如食飯，前身係三小漁，菜式依然有水準，仲多咗幾分創意❤️黑磚豆腐外層炸到極脆，帶點蒜香，內裡豆腐仍然滑嫩，簡單但做得出色🥰百香冰心丹霞係糖漬小蕃茄，酸酸甜甜，開胃又清新，令人忍唔住一粒接一粒😚六如潮香滷水鵝滷得入味，肉質滑溜，鵝肝更係入口即溶，冇腥味，處理得好乾淨😛千絲芥未蝦球炸蝦球外脆內彈牙，芥末沙律醬唔會太嗆，配上炸芋絲，口感豐富🍤小河蝦油渣野菜粉絲煲蝦乾香氣十足，豬油渣增添香脆感，粉絲吸晒精華，又係一道食到停唔到口嘅菜式😇桃膠燉千絲豆腐呢個甜品就好似藝術品咁，豆腐切成花瓣狀，入口細膩，收尾完美👏…查看更多

觀塘上完工作坊之後，大家都肚仔打鼓，於是就去咗鴻圖道搵晚餐🥣揀咗一間氣氛唔錯嘅西餐廳，燈光柔和，坐得舒服，啱晒傾偈放鬆😎夏威夷薄餅餅底薄身有啲煙靭，咬落去有麵粉香🍕火腿切得夠厚，鹹香夠味，配埋啖啖Juicy嘅菠蘿片，酸甜平衡得好🍍 Mozzarella芝士拉絲效果唔錯，醬汁用咗俄勒岡葉同聖馬札諾蕃茄，味道清新唔會太膩🍅蟹肉巴馬臣芝士蕃茄忌廉汁通粉忌廉汁濃郁但唔會太重，蟹肉份量唔算多但鮮味夠🦀巴馬臣芝士令整體味道更有層次🍝黑松露薯條每條粗薯條都沾滿黑松露碎，香氣撲鼻🍟炸得外脆內綿，薯仔味好濃，食完仲想encore🥰飲品方面叫咗一杯SAPPORO🍺入口清爽，麥香突出，啱晒配西餐，唔會搶味又夠解膩🍽️…查看更多

呢日收工喺上環搵咗一間氛圍舒服嘅Cafe🤩同朋友食飯嘆番杯紅酒chill下🤓香烤雞扒厚身多汁，雞皮煎到薄脆😋帶有香料嘅微微辛香，唔會太搶🥰配埋Sourdough一齊食，外脆內鬆，口感層次即刻提升🍞黑松露忌廉貓耳朵貓耳朵意粉煮得啱啱好，咬落去有彈性🍝忌廉醬滑而不膩，黑松露味道尚算濃🥰另有好多蘑菇，整體味道平衡，食完唔會覺得滯❤️甜品方面，Tiramisu走Creamy路線😛口感柔滑，甜度適中，中間有朔滿晒咖啡嘅小蛋糕☺️Casalforte呢杯紅酒唔會太霸道，果香明顯🍷配雞肉或者忌廉意粉都幾夾，飲落順口，唔會搶走食物嘅風頭😌整體嚟講，呢度嘅菜式有心思但唔浮誇😜啱晒想慢慢嘆、靜靜地傾偈嘅人😇…查看更多

元朗YOHO最近多咗唔少特色餐廳🍴今次同朋友揀咗一間韓式Cafe，木系設計加上柔和燈光，令人一入去就放鬆心情❤️🍗 無骨半半炸雞可以自由配搭口味，我哋試咗蜂蜜炸雞同牛肋骨醬汁炸雞👍蜂蜜醬汁包裹醬每件炸雞，裏便仲保持到肉汁🤤牛肋骨醬汁則鹹香濃郁，層次分明🥰🍝 玫瑰醬八爪魚豬五花意粉係創意之作，海鮮同肉類嘅結合帶出豐富口感😚意粉掛汁均勻，食落有驚喜😋🧀 拉出一絲芝士排骨鍋呢客芝士排骨係視覺與味覺兼備，芝士拉絲效果一流排骨嫩滑入味，熱辣辣上枱好吸引🤩🍈 比初戀還要甜的蜜瓜窩夫窩夫外脆內鬆軟，配上鮮甜蜜瓜🧇忌廉都有啲蜜瓜嘅香氣，落埋糖漿一齊食真係超正☺️🥤 飲品方面，初夏青柑柚子梳打同濟州柑橘乳酸梳打都好有韓系Cafe風格，果香清爽，為整餐添上清新一筆。整體感覺舒服自在，食物有心思，係一個適合朋友聚餐嘅好地方😇…查看更多

呢日同朋友喺荃灣行完街，之後上咗去燒烤堂食串燒❤️6:00仲可以Walk in，但走嗰陣就全場爆滿啦！所以想食嘅朋友，禮拜日一定要book咗枱先😇海鮮方面叫咗超厚肉嘅紅蔥油蒜蓉粉絲燒元貝😍仲有好鮮甜嘅蒜蓉燒日本廣島蠔🥰串燒一定唔少得食雞肉🍗叫咗呢度嘅招牌鹽燒鮮三黃雞腿肉，外脆內嫩😋唔少得汁燒免治雞肉軟骨棒，沾埋蛋黃食真係好正！另外叫咗惹味爽口雞腎、鹽燒雞軟骨，送酒一流🍻仲有雞皮墨魚滑，燒到卜卜脆嘅雞皮包住幾彈牙嘅墨魚滑🤓牛肉方面食咗必食嘅厚切鹽燒牛舌拖羅😍粉嫩有肉汁！鹽燒和牛牛小排肉味濃郁👍韓式燒惹味牛肋肉醬汁甜甜地，唔會蓋過啲牛肉味🍖和牛棒（配松露一口飯）幾過癮😚完全係一個迷你和牛漢堡扒嘅松露飯🤤焦糖鰻魚芝士玉子燒，焦糖玉子燒中間包住鰻魚同埋少少芝士，所以都唔錯😛另外仲叫咗啲韭菜好幼嫩嘅孜然豚肉韭菜花卷、牛油蒜蓉焗金菇同埋鹽燒秋葵🥬食到幾飽都好，最後一定要叫埋超甜超多汁嘅蜜糖燒菠蘿呀🤩…查看更多

週末同屋企人去咗蘭桂坊食自助餐，原本無乜期望，點知一試之下真係有驚喜🥰海鮮選擇超多，有即開生蠔、長腳蟹、青口、翡翠螺，仲有原隻龍蝦任食🦞龍蝦包都幾特別，不過我最鍾意都係啖啖肉嘅龍蝦鉗，食到停唔到口😍除咗海鮮，沙律、冷盤同芝士都好有誠意，尤其係熱熔芝士薯條，芝士控見到一定心心眼🧀肉食方面都有驚喜，炭燒西冷、燒雞、五花腩、燒羊架，每款都香口又惹味，啱晒鍾意食肉嘅朋友🍖即煮意粉有三款選擇，醬汁可以揀卡邦尼或者茄汁，味道都唔錯，啱晒想食啲熱辣辣嘢嘅人🍝甜品區都唔可以錯過，水果夠甜，焦糖燉蛋滑到不得了，仲有豆腐味雪糕，幾有特色🍰食到最後真係捧住個肚走，滿足感爆燈❤️…查看更多

位於中環鬧市之中的呢間西餐廳，由法國藍帶主廚主理🧑‍🍳環境舒適，氣氛悠閒，適合情侶或朋友聚餐🥰晚市二人套餐定價$699，性價比算合理❤️加$28升級前菜為澳洲M8和牛他他😋肉質細嫩，連薄脆一齊食口感豐富☺️野菌忌廉湯🍄香氣濃郁，忌廉比例恰到好處，不膩口😉主菜低溫慢煮雞胸配扁意麵🍝雞肉一啲都唔嚡，冬陰功醬汁微辣帶酸，為傳統意粉添上新鮮感😚紅館姜母鴨🪿鴨皮微微脆，鴨肉滿滿肉汁，估唔到喺西餐會食到一隻咁高質嘅鴨腿👍法式香草焗蝸牛配薯茸🐚蝸牛處理得宜，薯茸滑順，整體味道平衡😄甜品芒果拿破崙🍰酥皮鬆化，芒果鮮甜，為整晚劃上清爽句號😇整體而言，菜式有創意但不浮誇，味道穩定，值得一試🤓…查看更多

今日去咗北角搵阿姨食晚飯，佢今次帶我去咗佢成日去食嘅泰菜😝清邁秘製串燒拼盤雞肉燒得啱啱好，肉質嫩滑，外層微微焦香☺️豬肉就比較實淨，但唔乾仲有啲肉汁添😋蛋網鮮蝦炒金邊粉蛋網包住炒粉，賣相幾靚，蝦爽口彈牙🍤炒粉唔油膩，調味有微甜中帶少少辣，唔會太濃，食落有層次感🤩香茅雞扒沙律配泰式沙律汁雞扒燒得香口唔乾柴，雞皮仲燒到微微脆身😚泰式沙律汁酸酸地，幾醒胃，配埋生菜，食落清新又解膩🥬另加$24 迷你芒果糯米飯份量唔多，但芒果夠甜，糯米飯煙韌唔黏牙，椰漿唔會太膩❤️泰式凍奶茶最經典嘅泰奶口味，茶味夠晒突出😌青檸梳打青檸梳打就清新解渴，配串燒一流🥰…查看更多

堅尼地城呢間老字號粥舖，屹立咗喺呢度咁耐，一直都未試過，今次一於買外賣試吓啦，結果真係令人非常失望，果然係咁多年都無買過係啱嘅！油炸鬼應該係返炸再返炸，仲要啲油應該唔係滾油，所以成條油炸鬼朔滿晒油，油炸鬼入口唔係香脆，而係滿嘴都係油，食左一啖已經覺得滯，完全食唔到落去，買咗兩條，白白浪費咗$20。炒麵同樣誇張，油淋淋到飛起！作為一間開咗咁耐嘅老店，仲要係老區，應該更加關注食材同烹調方式，尤其係對老人家嘅健康會有影響。…查看更多

最近同朋友去咗石塘咀一間任食雞煲火鍋店聚會價錢係 $268 加一，以食物質素同選擇嚟講，性價比真係唔錯！🔥 雞煲部分 雞煲有五款辣度選擇，我唔太食得辣，所以揀咗「BB辣」都食得好舒服。味道夠惹味，花椒八角香氣十足，啲雞件滑溜入味，食落口感一流。🦞 海鮮拼盤 食完雞煲之後就上海鮮拼盤，有鮑魚、蟶子、扇貝、海蝦、龍躉、花蜆，用蒜蓉粉絲蒸，蒸得啱啱好，唔會過熟，保持鮮味。🍲 打邊爐時間 湯底我哋揀咗冬瓜花膠瑤柱清湯，真係有花膠落湯，誠意十足！配料方面任食手切封門柳，肉味濃郁，牛魔王朋友食到停唔到口；黑豚肉厚切爽彈，口感好正！🥬 自助配料區 自助區選擇超多，必食推介包括海蝦、牛柏葉、鵝腸同各款火鍋丸類，樣樣都新鮮又足料。🍧 甜品環節 食完鹹嘢就到甜品時間！有任食自家製椰汁雪燕，奶香味十足；仲有水果杯、雀巢雪糕、維記雪糕糯米糍，口味超齊全，甜品控一定滿足！🍻 飲品選擇 飲品方面都好有驚喜，有我最愛嘅解茶任飲，仲有幾款啤酒可以揀，啱晒鍾意小酌嘅朋友。…查看更多

坐電車喺堅尼地城總站落車，行幾步就見到間小小雪糕舖😚天氣又熱，不如就食杯雪糕透心涼😇其中一杯係Tiramisu配日式焙茶🍨Tiramisu味幾香，帶少少酒香但唔會太霸道😇入口滑溜，仲有微微咖啡苦味☕️焙茶就好有茶香，味道偏乾淨，同Tiramisu啱啱好互補，冇搶風頭✌🏻兩款都唔算太甜，口感偏creamy，好適合唔鍾意膩嘅人😌另一杯揀咗西西利開心果配呂宋芒果雪葩，外加$10包個雞蛋仔❤️開心果好濃郁，似真材實料，裏面仲有粒粒果仁🥜芒果雪葩就幾突出，酸甜平衡好，有啲似食芒果口味嘅乳酪，口感比較清爽。雞蛋仔脆身帶蛋香，包住雪糕好有層次感，影相都靚，打卡位無誤📸整體嚟講，唔係嗰種誇張嘅打卡名店，但用料有誠意，味道配搭都有心思🥰…查看更多

朋友生日🥳所以帶咗佢去銅鑼灣超靚嘅餐廳慶祝😛呢度有好多杯Cocktail都好特別，喺其他地方都冇見過🤩RUHNAMA超有儀式感嘅一杯自製Cocktail 🍎魔法書增添神秘感，包保有驚喜😌SMILING飲落有啲似抹茶latte，所以都幾好味😚澳洲M3和牛肉眼扒M3和牛肉眼扒煎得剛好😋五分熟軟嫩又juicy，油花分佈均勻😇牛肉味香濃，簡單灑點海鹽就很夠味🥰美式豬肋骨配香辣菠蘿莎莎醬豬肋骨煮得夠軟😚醬汁帶點甜辣，菠蘿莎莎加了清新果味，味道平衡❤️香煎澳洲盲曹魚盲曹魚煎得外皮脆，魚肉嫩滑🐟味道鮮甜，擠點檸檬汁更清爽，調味簡單但很到位😌脆炸薯條配黑松露醬薯條炸得外脆內軟，黑松露醬有濃郁菌香🍟味道鹹香適中，配薯條很搭😍火焰雪山火焰雪山外層嘅蛋白泡口感軟綿綿🤗裡面冰淇淋滑順，甜度剛好🍨底層仲有啲士多啤梨蛋糕🍰…查看更多

發現咗最近灣仔新開嘅共享餐廳😇特別適合附近Office嘅打工仔！呢度主打健康飲食，食材新鮮，選擇又夠多真係性價比超高❤️絕對係中午、break或者加班晚餐嘅最佳去處😜無論想食得輕盈定飽肚，呢度都有唔少配搭畀你揀🤓我試咗佢哋嘅大蝦牛油果通心粉沙律🥗蝦肉爽彈，牛油果creamy，通心粉咬口剛好，調味清新👏食完呢個lunch box完全無負擔，返工都keep到精神😎甜品嘅手工乳酪好滑，微酸帶甜，係繁忙工作嘅小確幸☺️飲品飲咗生椰咖啡，椰香同咖啡味mix得超match，清涼解壓，完美提神☕️最方便係佢有Apps可以提早落單，Office一族趕時間嘅救星，唔使排隊即刻拎餐😌見到佢仲有團購優惠，約埋同事一齊order，食得健康又慳錢😍真係要大大力推介比附近嘅打工仔😆…查看更多

近期食過最難食嘅日本嘢🤯估唔到會喺朗豪坊度食呢日星期六嘅下晝全場都滿咗八成，佢哋生意都幾好㗎我叫咗個月見豚肉丼飯，調味非常重口味比廣東臘肉更加鹹，鹹嘅程度應該拍得住鹹魚，認真！呢一set午餐價錢係$128仲要收+1服務費，味道嚟講$38都比多佢🥶朋友叫嘅吉列豬扒烏冬，嗰塊吉列豬扒都好乾食物就無影到相啦，但忍唔住影低杯茶食到啲咁難食同埋咁鹹嘅嘢，梗係想飲返杯茶沖淡下個味蕾！但係杯茶勁多茶渣，我真係未食過一間日本嘢，供應嘅茶會係咁樣！…查看更多