msyummyyummy的個人專頁

一到大閘蟹季節，成班朋友就一定攪大閘蟹放題既飯聚今年已經係連續第三年幫襯淘源，仲要3年都係食尖東呢間分店連續3年都揀陶源一定有原因咁多年未食過死蟹黑鰓蟹記得某年幫襯左觀塘某間大閘蟹放題打開幾隻都臭仲餐飯即刻唔想食除左大閘蟹，片皮鴨、糯米飯同壽包好加分今年啲蟹又大隻左，片皮鴨keep到水準最尾太飽，竟然唔記得咗食壽包我個人都係最中意清蒸，原汁原味如果鍾意重口味嘅話，應該好欣賞鹽焗等11食蟹公時一定要補返個壽包先得…查看更多

上星期六帶住2個小朋友經過見到餐牌岩食就坐低叫左2個麵一個飯，食物都ok，價錢合理主要想講下service ，我地一行4人包括2個小朋友叫左2個麵一個飯，order完我有再講多次total 3樣野，但等左好耐個酸辣牛肉麵都未到，就追下點知漏左無落單，咁我就叫佢幫我落返，快少少唔該點知個女侍應答左我一句，都要煮架其實係你地漏左無幫我落，好似係我問題咁當時差唔多3點，餐廳唔忙既…..…查看更多

以前係大都烤鴨常客，除左片皮鴨最中意食佢個牛肋骨自從搬左office過海就好耐無黎過今次朋友生日指定食佢滿懷希望，但覺得無以前咁好食片皮鴨食落就知唔係即時片似擺左一段時間不過有片有肉，係我杯茶，皮夠簿，呢個價錢都可接受最可惜係個二食，都幾臊，啲菇吸晒，食唔落口…查看更多

好耐無去過西灣河鯉景灣一帶飲野食飯今晚揀左間意大利餐廳，一邊係酒吧，一邊係餐廳酒吧半開放式，係到飲下野吹下風，感覺好CHILL餐廳主打意式風情，透過落地玻璃，環境舒適♥ 新鮮 / 芝士焗生蠔 Fresh / Baked Oyster $88/108 我地揀左3隻生蠔+3隻焗蠔，生蠔隻隻都好新鮮又肥，口感爽滑，味道鮮甜，微微帶海水味♥ 鮮蜆湯 Fresh Clam Soup $88新鮮蕃茄湯，濃郁既蕃茄味，再加大量碎洋蔥，配上蜆肉，鮮味十足♥ 烤魷魚配檸檬汁 Grilled Calamari with Lemon Sauce $148魷魚圈聞到燒烤既香味，但咬落嫩口彈牙♥牛肉燴意大利飯 Risotto with Beef $168芝士同牛肉好惹味，risotto 煮至軟硬適中，入口奶滑煙韌♥ 龍蝦燴扁意粉 Lobster Linguine in Tomato Sauce $268原隻龍蝦開邊上，芝士加啖啖龍蝦肉，龍蝦底係蕃茄醬扁意粉♥ 烤肉眼配忌廉蘑菇汁 Grilled USA Angus Rib Eye Steak with Creamy Mushroom Sauce $388order左medium，配上蘑菇醬，肉質細嫩，肉味香濃，表面焦香，內裡粉嫩，火候控制得啱啱好…查看更多

好中意呢種紅黃配搭既懷舊麵食招牌見親麵會好想入去食返配雲吞麵係中環咁貴舖租既一區，仲可以屹立不倒一定有過人之處5:30坐低，仲係下午茶時間成碟麵份量好夠，唔似平時麵食店咁食幾啖就無軟硬剛好，加一大埋蔥同蠔油，口感非常好雲吞好滿意，好大粒，啲蝦都新鮮 而且唔多肥肉鵝腸彈牙，係略嫌無咩味，可能係咁，佢另上左碗豉油平時食碗都唔會覺得飽，今次一碗已經飽肚，下午茶抵食！！…查看更多

台式火鍋 晚市120分鐘放題有4個PLAN可以揀，我就揀左麻吉遊‧吃台南湯底🔸有九款台式養生湯底及秘製醬汁，MENU特別推介好呷酸菜白肉鍋同埋好呷麻辣鴨血藥膳鍋台灣小吃🔸超過20款台灣小吃，全部都係自助區，可以一解我對台灣夜市既思念，另外有2款特別口味既爆谷，係甘梅同埋麻香爆味！飲品🔸係任飲既，除左一般冷熱飲品同汽水，仲有唔同既手搖飲品同埋多款手工冷泡茶。加$30@位 仲可升級台灣啤酒放題火鍋配料🔸有大量唔同款既丸、菜、菇，一定滿足到你需求甜品🔸有好呷綜合紅豆湯，同埋每人一杯movenpick雪糕個人推介﹕紫芋地瓜球🧡外脆、入口煙韌、入裡就有紫芋泥香油蔥酥🧡呢個係醬料區，作為一個蔥迷，混醬時一定要加蔥，除左有青蔥既香味仲好鬆脆好呷綜合好豆湯🧡芋圓、仙草、小湯圓伴、紅豆湯糖水，口感同甜度岩岩好，有驚喜…查看更多

係金鐘返工，食野食到悶既時候，我第一時間就會意起呢間沙律bar 雖然都係偏貴，最近仲加左價，但唔影響我幫襯佢佢有2個size，我次次都order大size $80源住條隊行，一路揀自己中意食既材料記得個菜底起碼要揀2款，如果唔係最尾位沙律會唔滿😂😂😂😂所有材料都好新鮮，爽口，唔係一食落口就擺左好耐果啲沙律貴得有道理…查看更多

一行四人想搵有室外坐位既餐廳，仲要有冷氣，呢間之前黎過一次，加上OpenRice 有85折，又再一次比我地選中但今次再幫襯就有啲失望喇，所有食物都偏咸，食材係ok既，但無上次咁好食，當中叫左個牛柳粒，好騷…雞腎串細粒到差啲夾唔到，炸紫菜蘆筍卷同埋個木魚絲苦瓜玉子薄餅就好推介，好好味！價錢偏貴，如果食物味道有改善，都仍然係我選擇之一！BTW店員服務好殷勤，唔會話我哋坐咗outdoor冇其他人就好少理我哋…查看更多

朋友介紹，黎呢到食係為左佢個100蚊100支啤酒，飲唔晒做可以存，2個月內有效掛住飲唔記得影食物相當晚無食海鮮，可能飲左好多啤酒，都唔係叫左好多野食，我最中意係佢火鍋有苦瓜，呢樣唔係好多地方有…查看更多

一如既往既水準連鎖店黎講，呢間算keep到個質量食過幾間分店都係同一水準食材新鮮，無投訴，係偏貴同埋呢間分左2層，我坐上層，每張枱都好高私隱，但可能唔係一眼望晒，同埋感覺佢唔係好夠人手，所以如果想叫野食或加水果啲，要行出去叫店員…查看更多

見到有酸菜魚，即刻入去試下點左小辣，都做幾辣我同朋友唔係好食得辣，最後要過一過水先食到唔食得辣既人要留意酸菜魚不過不失，但其他小菜有驚喜果到啲房有得唱k，但隔音好差，我地坐廳聽到晒，都幾嘈下同埋佢都收得幾早…查看更多

好耐無去過將軍澳，估唔到依家靚咗咁多，仲有個咁chill嘅地方呢度一行有幾間餐廳，全部都有outdoor位置，海風吹埋嚟好舒服不過因為天氣真係太熱，我哋都係想坐室內，多間餐廳得返呢間有位，所以就直接入咗去開頭諗住西餐一定食唔飽，但係估唔到又OK大份喎嘢食質素OK，份量夠多，而且味道好好食，三個人都飽咗個肚走…查看更多

星期六又一城食lunch ， 間間都排晒長龍可能比較少人中午想食火鍋，所以我地一拎飛就有位隔離牛角就勁多人，排晒隊我地一行五人，三大兩小，唔想諗直接叫左個4人餐店員服務好好，見我地有2個小朋友好細個，坐唔定，比即刻比紙比筆佢地畫，仲會同小朋友講下笑牛肉好有牛味，但好薄，丸物有驚喜，好彈牙又大粒唯一一樣唔滿意係所有野都好淡味，枱面又冇豉油，每次都要叫店員提供…查看更多

雞夠滑，味道ok ，配菜都好食唔洗等，好快手，加左半份萵筍，半隻雞$92係好貴，$92行過啲食到成隻雞睇之前食評外賣都係紙盒，唔知點解依家轉左膠盒8點去到配菜得返好少，應該好好生意…查看更多

餐廳佈置以日式和風為主，坐位闊落，成個氣氛令人好輕鬆店員有禮細心，更加令我好似置身日本咁我地叫左2個套餐分別係日本產特選黑毛和牛同埋日本產黑毛和牛(赤身肉)每款套餐都會有前菜，日本生雞蛋，主食，日本米飯，野菜盛合，烏冬同埋甜品前菜有四款：日本蕃茄沙律 好清新又甜又多汁日本生蠔 夠晒肥美，配埋三文魚籽提鮮，口感豐富和牛他他 因為加左鵪鶉蛋黃，令到個牛口感更加嫩滑柚子海蜇 酸酸甜甜又爽口，十分開胃開始準備主食，店員會親自烹調，咁就保證到和牛唔會overcook影響口感， 先用牛脂開爐， 再加壽喜燒汁，未落和牛盲已經聞到香味壽喜燒 日本產 特選黑毛和牛 (A5) （$689）壽喜燒 日本產 黑毛和牛 (A3赤身肉)（$529）2款和牛唔洗我講，睇相都睇到油脂分布平均，入口即溶，A5肉質細膩，A3肉質軟腍，加上壽喜燒汁，令肉味更香濃野菜盛合湯底係壽喜燒及鰹魚湯底混合，將蔬菜及烏冬放入鍋煮鍋內有豆腐、大蔥、南瓜、年糕福袋等等食完肉有點膩再食菜中和返，成件事好滿足食埋甜品就完滿！享用日式甜品前，有杯白川茶，淡淡清香，再慢慢嘆個甜品甜品有3款，紅豆菓子、十勝紅豆、抹茶味蕨餅！十分精緻，份量岩岩好一流食材一流服務，一定要試下!!!!!…查看更多