mayfong的個人專頁

今晚只是路經的, 原本無想過食壽司, 但實在太餓了, 見又有位, 食幾件再搵其他野食啦, 油甘魚壽司, 血色有些少淤, 加上唔夠凍, 沒有整件吃下, 切除了紅和淤色部分才敢食, 日本蝦壽司, 夠凍, 鮮味足, 海膽壽司, 望落, 一件新鮮, 另一件比較差, 有溶化偏向, 味道比超市買的為淡, 而且沒有青瓜伴, 不太滿意, …查看更多

差唔多十年無嚟啦, 上星期再度到訪, 前十年係山林道開工時, 一星期食三四次, 個陣時, 隔離重有間農場餐廳, 真係今時唔同往日, 多人到呢... 下次咪攪我, 出左名就出事, 叫左一個薄餅, 一杯紅酒, 還可以, 但水準肯定差過之前, 一個牛扒, 花園餐廳貨色, 餐湯與大家樂差唔多, 重要迫到前椅撞後椅, 總之一句, 出名累事... …查看更多

講緊係成兩個月前啦, 上星期落去, 原來執埋笠, 都預左啦, 間店愈做愈差, 都話左一味斗平斗多, 梗死啦, 食物愈做就愈唔掂, 最初開張時, 我都每星期去一次, 當時, 食物水準都唔太穩定, 但都叫做有貴野食, 隨後不但無左的貴野, 重全部係平野, 想比多少少錢食貴些少都無, 於是招攬晒的平價客, 你愈平, 的客就要求你再平, 唔執笠有鬼!…查看更多

周街都見到香港仔魚蛋, 間間都話自己最正宗, 都未試過一間好好食既, 包括呢間, 但佢地既牛腩就好味啦, 所以次次嚟都只係食牛腩河, 麵都係唔得, 太淋, 唔夠彈牙, 油菜一般, 菜心太淋, 生菜太油, 芥蘭太 韌, 所以次次都係食通菜, 衰極有普…查看更多

中午食飯時間跟左日本仔山士落去祟潔街遊花園, 比日本仔帶翻轉頭, 認真神奇, 佢提議去佢去開個間只有上海雲吞的店, 無辨法, 佢已經上左癮, 本去我對上海雲吞無嘜興趣, 覺得無廣東雲吞咁好味, 因為廣東雲吞有蝦, 咬落彈口, 而上海式雲吞只有菜與肉, 咬落軟淋淋, 但係, 唔知係期望低定係真係好味, 呢間上海式雲吞有特別之處, 就係咬落有爽口感覺, 我專登食少隻, 拆散佢驗貨, 原來係….呀…係..唔肯定.. 好似係豆, 又好似係菜莖, 因為食飯時間太多人, 無機會問, 下次落嚟再問過, 講翻個午餐, 包左一碗有十隻的上海雲吞, 女士會覺太多, 男士則剛剛好, 再加上一碟小食及豆漿, 我地分別叫左蒜泥白肉和五香薰魚, 蒜泥白肉一般啦, 薰魚好好味, 好味過其他上海鋪好多, 可以添飯呀… 不過..原來無賣飯喎… …查看更多

因為住得近, 平均一個月都有一兩次落去飲茶, 冬天就多幾次落去幫襯"任食打邊爐", 其實這種傳統大酒樓, 無嘜特別驚喜, 勝在夠平, 飲茶點心就只是一般偏差, 據我食左禁多次既經驗, 午市飲茶最好食既係"假煲仔飯", 假係因為, 唔係真正的用火燒的, 只是蒸的, 不過, 勝在夠干身, 飯不太軟, 另外, 上海點心亦不差, 當然不及上海鋪啦, 咁既價算合格有餘, 另外, 最多人投案的"任食打邊爐"問題係, 又係根據我經驗, 想食得好, 千萬不要好日子幫襯, 一多客人, 他們就亂籠, 地下那張宣傳單張上的食品, 只有在非煩忙時間才有效, 但一遇上甚麼大時大節, 就千萬要三思了, 所以我只會閒日才幫襯, 否則... "德興"啦, …查看更多

星期日已經十一點半到, 都要成半個鍾頭等位, 這間應該是全區最貴的酒樓, 門口招呼的女員工, 美貌欠奉, 但十分有禮與客氣 水準合格, 基本上與酒樓的格局相稱, 無奈, 幫襯的客人則水準十分低, 在半小時內見到三四個客人發老皮, 其中一位中年女士一來到就不斷問幾時有位.幾時有位.. 真係.係到不斷咁問, 都已經比左張"號碼飛"你啦. 阿嬸, 重要死唔斷氣咁, 係個櫃台前不斷地說, 咁耐架.. 幾時有呀.., 最後重自己走入去死梗霸左張四人台, 好在有位經理叫翻佢出嚟, 排佢前面果個打交都似, 講完的無質素的香港人, 講翻的食物, 兩個人叫了三個點心加一碟炒飯, 香蒜牛松炒飯好大碟, 我覺得好好味, 夠干身, 香蒜灑飯面, 一口氣食左三碗, 另外點心, 蝦餃皮不太厚又不太薄, 蝦肉彈牙不太實, 剛好, …查看更多

中午時段, 順道到銅鑼灣Nokia中心整機, 途經白沙道, 想了又想, 到底對面吉列店還是太平館, 最後都是入了太平館, 可能時間早, 未有坐滿, 到離開時, 門口已經人山人海, 看餐牌又是想了又想, 到底食燒豬脾還是瑞士汁干炒牛河, 兩種都有瑞士汁, 最後選擇了燒豬脾, 可能期望不太高, 見到後十分滿意, 首先並不是一舊式的燒豬脾, 而是一片片的, 有三片, 而且每片都很大, 應該是在很大舊的那種燒豬脾切出來的, 最開心的是, 燒豬脾片放在一碟瑞士汁上, 十分吸引, 白飯是放在另外一隻碟, 非常好的安排, 最後都只是吃了兩片多少少, 眼見隔離枱碟瑞士汁干沙牛河, 好想食, 唯有等下次…查看更多

以前住佐敦, 差唔多一星期嚟兩次, 但係好奇怪, 以前唔識得叫蝦子撈麵, 可能細個唔捨得食咁貴, 每次都只係食雲吞麵, 佢地既雲吞真係好正, 全蝦, 細細粒, 咬落去不單夠彈牙, 而且夠實, 不似其他鋪頭的鬆散, 今次梗係叫左蝦子撈麵啦, 蝦子滿碟都是 香味濃烈, 實在太好味了, 眼見隔離枱碟豬手撈麵豬手大大件, 脹咆咆, 南乳味十足, 可皆太飽, 唯有等下次, …查看更多

這間店鋪的問題, 就是不能夠保持水準, 今次叫了豬頸肉摻摻, 一咬落去, 十足煲湯豬肉, 又淋又散, 完全不是豬頸肉般的彈口, 明顯煲過龍, 已經第6次到這間店, 頭5次都是食同一樣, 都是豬排蝦摻摻, 基本上每次的味道都不同, 第一次食時, 覺得湯的味道十分濃, 但第2次同朋友食, 就唔同左, 湯明顯”淡”了, 也都是每次都叫涷白咖啡, 又係每次都唔同, 一時淡一時甜, 一時有”泡”一時又沒有”泡” 但整體而言, 摻摻係幾好味既, 若然價錢在$30以下, 倘可接受,…查看更多

上次食午餐時都無咁衰, 起碼食得落肚, 自問都唔係要求高啦, 但係今次應真唔掂! 叫左碟司華力腸配薯條下午茶, 條腸外暖內涷, 表面肥淋淋, 重有"益"味, 唔知係"油"定係"條腸"問題, 薯條重離譜, 深啡色, 又係油淋淋, 用隻鐵匙噤落去, 擠晒的"油"出嚟, 明顯係放左落個"唔夠熱"的油裡炸, 好耐未見過咁求其既食店! …查看更多