kcc419的個人專頁

母親節完左又到父親節,以往都冇特別去慶祝,話實父親節同平時又有乜分別:),出街食飯都係我俾錢架啦,點知早一晚,年青人話聽日父親節,佢地夾錢請我食放題喎,真定假先真係架,不過到時未知邊個埋單啫200元樓下平價放題食過幾間,都覺得普普通通,呢間吉壽朋友早幾日食完話ok,就去試試啦,打去訂8:45分,佢話要到9:15分至有位,去到門口9:10分要等等,見門口好多人等位,好好彩等左15分鐘就有檯,坐卡位,一坐低見有一本點菜紙,包括刺身、沙律、夀司、串燒、鐵板燒、炸物、天婦羅、飲品、一品料理及粥麵飯等成十張紙,食放題最怕漏單,唔理三七廿一,先劃多幾張紙仔等食嘢任飲罐裝汽水,美連達提子汁、可樂、綠茶、忌廉、啤酒、+C.....等等d野食都出得幾快,第一round主角剌身到啦,叫幾多又黎幾多,希靈魚細細舊又幾鮮甜,三文魚同吞拿魚厚切好鮮甜,整體算新鮮,味道唔錯,可再encore特別一讚剌身係用冰鎮上,夠凍又保新鮮牛奶海鮮鍋,味精太多串燒蝦爽甜好食,串燒和牛好食我覺得燒羊架好好食,咬落肉質Juicy和腍身,可能我鍾意食壽司就一般般,不過不失炸蝦天婦羅夠大隻不錯、吉烈蠔粉多蠔細粒,都幾油又熱氣燒菠蘿超甜好好味,燒蕃薯細細舊幾得意,咬落煙韌清甜最後甜品有雪糕, 有四隻味可以揀蟹粥味精太多 酸蘿白淡而冇味 再黎燒羊架,咬落肉質Juicy和腍身,又係咁好食 甜粟米,一粒粒香甜好食 燒雞翼皮脆肉嫩秋刀魚麻麻泰式鳳爪普通螺頭凍冰冰,難食沙律ok叫左2份牛柳粒軔左d,麻麻翠肉瓜帶子,得2小粒帶子,翠肉瓜ok再encore串燒蝦爽甜好食,串燒和牛都係咁好食 炒蜆細細粒,點解殼多過肉架 又黎燒羊架,咬落肉質Juicy和腍身,又係咁好食 第2 round刺身又係厚切,幾新鮮算唔錯…查看更多

今晚去左觀塘飲喜酒,事原侄仔個BB女擺百日宴,上年先飲完佢地結婚酒,斬吓眼佢地BB女又壹百日啦我地一家大細一收工就去,去番上年食飯間彩晶軒酒樓,去到見到好多好耐冇見面既叔伯兄弟,鄉親父老,例牌坐低吹吹水先上酸羌紅雞蛋,食個打打底先脆皮乳豬,入口甘香鬆脆,皮脆肉嫩蘸上乳豬醬汁,更加好食肉蟹扒伊麵,味道幾好,如果將肉蟹拆肉就更加好,伊麵更好食碧綠鳳片蝦球,西蘭花夠腍有咬口,蝦球爽口又彈牙,菜菜啱晒我紅燒雞絲大生翅,十分之足料,加少少醋非常美味清蒸游水大海斑,全晚最正佢,條魚都幾大條,條魚蒸至剛剛熟,十分嫩口, 肉質好滑,很好吃,最後連魚頭魚尾都俾我食埋生財海鮑片,今次用白菜仔鋪底當紅脆皮炸子雞,雞皮很脆,內裡肉質非常嫩滑,簡直係皮脆肉嫩,幾好食飄香荷葉飯,香口又微濕潤的炒飯,沾了荷葉香,幾好食鮑汁金茹炆伊麵,美點雙輝起沙又香甜的紅豆沙飯後食個橙…查看更多

成日係香港食飯,今日特登上深圳按摩同食飯,按摩完去左小肥羊打邊邊,去到超多人,等左大約30分鐘先有檯:(一坐底,先叫嘢食先,可能按摩完特別肚餓,叫左好多嘢食招牌鴛鴦湯底次次必食涼拌青瓜,酸酸辣辣爽脆好食有新嘢推介,精品羊肉,服務員話汋2分鐘就食得,我汋左成5分鐘先食,食落又吾會太un,肉質嫩滑好食,無介紹錯 羔羊肉,今次羊肉好似肥左D,不得都好好食烏雞片,上次食過幾好食,今日再點過,肉質又嫩又滑,爽口好食手工生三鮮水餃,先放落湯度,食完其它再食水餃,餡料新鮮紮實,內餡多汁好好味,一啖一個啱啱好 烤羊肉串.1客3串,肥瘦恰好,肉質緊實有一點點咬口,並不會覺得騷火鍋當中加入大白菜,鮮甜味美手攪麵,麵質夠爽有嚼勁,手攪麵索入湯汁,煙煙un un好好食唐生菜一汋就食得,又爽又脆 健康木耳,爽脆有益羅白清甜又腍,很好吃…查看更多

一年一度母親節又到了,唔想太太咁辛苦煮,一於出街揾食,太太話打邊爐,大家舉腳贊成,去左平時食開間稻香,貪佢加8元有任飲飲品加甜品,去到人山人海,等左2零分鐘至有檯一坐低先去拎抔嘢飲吓,再自助混醬太太叫左個魚鍋湯底,有一碟魚片加清湯底,魚腩嫩滑彈牙好好食叫左好多嘢食,放D冬菇粟米落去先炸魚角外脆內軟,香口好食今晚碟炸魚角縮左水,得8件仔買38元(好貴)美國肥牛,小朋友至愛牛筋丸爽口彈牙,貢丸口感結結實實,好香冬菇味,爽口彈牙好食炸響鈴逐條響鈴放入湯內,一滾就食得魚皮餃特別大隻,餃皮薄而柔韌,咬下去彈牙好好食鯪魚滑爽口彈牙好好食駝鳥肉肉質嫩滑,味道都唔錯冰鎮豆腐先放入湯內,等豆腐沾滿濃郁的湯汁,特別好食韮菜餃太太好鍾意食架,多菜少肉零舍好食芝士腸,細細條,一啖一條啱啱好…查看更多

太太今日無時間煮飯,小朋友想食壽司,平平地就去呢度食,之前食過土瓜灣呢間分店,價錢平平地算ok啦,以下任叫任食,有部份無既,叫嘢食啦鰻魚壽司麻麻,希靈魚壽司ok煙鴨胸壽司ok,八爪魚壽司幾好食吞拿魚ok,熟蝦壽司ok吞拿魚沙律壽司,又幾好食喎炸帶子壽司,炸帶子熱辣辣幾好食蟹籽壽司麻麻、吞拿魚壽司ok、魚翅海蜇壽司又爽又脆三文魚壽司,ok芝麻八爪魚壽司ok帶子壽司麻麻…查看更多

時光過得特別快,一年一度小弟生日又到了,今年想食吓自助餐,見網友Ada推介尖咀呢間月瀧天,上開飯睇過食評,有好有差,同太太商量過一於去試吓,早兩日太太打電話去book左位,一家大細同埋細妹佢地共六個人,一齊去食自助餐慶祝,訂左9:00pm,去到見好多人係門口排隊,未夠鐘唔比入,個場唔算大,入面坐滿晒人,侍應安排好我地坐位,檯面有一大本紙仔,分中、日、越、泰四國料理,分八大類:刺身、壽司、火炙壽司、手卷、燒物、一品料理、中式美食、越式美食、辣味篇、飲品、甜品......等等。 張廣告排到密密麻麻一大堆,好似幾多嘢食, 睇到眼都花開始畫紙仔啦,唔理三七廿一,每張畫D先,畫好俾侍應,就等食啦 畫左好多嘢食,有D送錯,有D畫左無黎,開頭好肚餓,唔理食左先,所以食完好多都唔記得係邊樣食物火炙壽司,三文魚、玻璃蝦、蟹棒、風味船,加左沙律醬,感覺味道怪怪的,玻璃蝦幾爽口剌身到幾新鮮,係冇黎八爪魚、北寄貝,唔理照食 重慶雞,淡而無味,一D都唔辣黑豚炒泡菜,豚肉爽口,味道ok燒魷魚鬚太腍唔好食北越蒸粉卷無味,塊扎肉就幾好食鹹魚炒通菜,咸左少少不過好惹味辣椒膏炒青口爽口入味幾好食燒雞軟骨有咬口,口感煙煙韌韌 左宗棠雞普通,咸左D燒雞肶菇小朋友至鍾意食 酸辣鳳爪, 酸酸辣辣幾好味壽司無特別驚喜,普普通通蒜片牛柳粒好食,再點又無黎 第三round刺身得少少,之前叫左2次八爪魚都無,今次又有2件喎 泰式蝦膏炒豬頸肉,幾爽口老干媽炒鮮魷,味道咸了一點 天婦羅好香脆,係粉太多油多D香芧煎豬扒,好食 大千雞球麻麻咸魚炒界蘭,爽脆好食醬爆鴨胸肉,又酸又甜好難食 再來串燒牛肉,嫩滑好食炒什菜,爽脆好食 沒有海鮮既冬蔭公湯,太太話幾好飲 再來辣椒膏炒青口爽口好食 之前唔夠食,又叫過燒豬頸肉,爽口幾好食 差不多10:25分,last order叫多2碟菜食 叫定雪糕,想叫甜品,見甜品櫃已經無乜甜品唔夠再叫多4杯侍應跟著拎埋個生日蛋糕俾我地,訂檯時說明有人生日就會有架,都幾好食 …查看更多

一年一度既外母生日大日子又到啦,外母對我地一家都好好,佢生日梗要同佢好好地食餐飯啦:),下午約左佢飲下午茶,飲完下午茶,太太陪佢行街街shopping,晚上大家一早訂定檯同佢賀壽,呢間酒樓食左好多次,食品水準不錯,價錢合理;我地一行十四人,叫左一個皇席宴、粟米班塊、古魯肉、三隻貴妃雞(啱啱做特價1文雞),一人加8元任飲汽水甜品先上2盎燉湯,棗杞滋補燉海味,燉湯好香,湯水清澈,,飲一啖湯先,味道鮮甜及香濃,材料豐富,滋補健康,好好飲,我都飲左2碗,湯料重可以點少少辣椒鼓油同食酥炸石蠔伴素鵝,石蠔又酥又脆,外脆內軟蠔肉肥美,一口咬下,素鵝口感酥脆鬆化,呢個菜香口好食,不過都幾熱氣,唔怕,食完飲多杯清涼茶啦碧綠淡水龍蝦球,我掛著影相,手慢無得食蝦球,佢地話爽口彈牙,配料就無乜人搶食,重好,我慢慢食,瓜菜爽脆清甜健康好好清蒸大海班,今晚條海班好似細左D,肉質又嫩又滑好好食,大家都唔夠喉,食剩得條骨一文雞,肉質無乜雞味,都ok既,一文大大隻算喺咁銀絲鮮竹泡青菜,呢個齋菜煮得好好,健健康康,D小朋友唔多啱,我就食左好多蠔皇金錢扣鮑魚,外觀好靚,鮑魚爽口彈牙又入味,花菇香甜,又腍又入味,底下生菜鮮甜爽脆好食外婆鴨,鴨肉炆到好腍又入味,不過咸左D,送白飯好D重有壽包、珍珠荷葉飯、黃金炸軟殻蟹、古魯肉、粟米班塊、合時西瓜加8元任飲既甜品,有芝麻糊、杏仁糊、紫米露、紅荳沙…查看更多

聽日休息,太太話不如上深圳行吓街街,跟著去按摩啦,搭火車上深圳,過埋關成12點,食少少嘢至去行街街,行完先去按摩,由地鐵行過去香格里拉嗰邊,有很多食店,有茶餐廳、印度菜、上海菜、Pizza、過橋米線、腸粉店…等等,太多選擇啦我地行左一圈,樣樣都好似幾好食,左揀右揀,見舖面乾乾淨淨,就決定入呢間叫蒙自壹品,食雲南過橋米線:) 叫左過橋米線套餐加個窩貼26元服務員已經倒晒D材料落過鍋先至上檯,啖湯好清甜,米線又爽又滑,真正又平又好食窩貼皮脆肉嫩,要趁熱食,都係幾好食太太叫左酸辣粉,個湯酸酸辣辣幾好飲喎,酸辣粉煙煙韌韌,太太越食越熱,到最後個嘴唇腫左另外叫左小食,涼拌青瓜加酸辣,青瓜爽脆好好食太太愛吃南瓜餅,叫左一客試試,外香脆內軟,不會太甜幾好食,不過幾多油呀食食吓,見隔離檯食薄餅,太太話叫個食囉,我話食唔晒喎,太太話食唔晒咪打包咁又叫個蔥油薄餅,熱辣辣,酥酥脆脆,外皮好脆,一咬就溶化晒好好味,好彩有張紙索走D油,唔喺都幾肥架 …查看更多

呢排都幾忙,是關有個由細玩到大既親人(喺細妹),搵我幫佢屋企裝修,其實自從身體差左之後,我都無接裝修好耐,幫老細打工重舒服,因為接一單工程,從頭到尾要2-4個月,從畫圖設計、搵木工師父、水電師父、油漆師父、到清潔工人、帶人買瓷磚、地板、油漆、門框、門鎖、電制位、 傢俬、燈飾.....等等所有大大小小事程,都要親力親為,錢雖然賺得多,但壓力就大很多,今次如果唔喺細妹叫到,又推佢唔倒,錢又無得賺,只好辛苦D啦今日收工約左細妹倆公婆、同太太,落紅磡訂做傢俬,順便去埋對面世家訂燈飾,我從來買嘢都好快,睇啱就買,我同所有客人講,一間新屋,要買好多大大少少、濕濕碎碎的物品,如果每買一件物品,都左諗右諗,既浪費時間又浪費人力物力呀,訂好燈飾跟著喺附近食埋飯,去左紅磡廣場入面間稻香打邊爐,之前都食過幾次,覺得食物新鮮,價錢合理,坐得都幾舒服,我地一邊傾一邊食,好開心點左豬骨鍋、木耳、稻庭烏冬、扎肉、貢丸、芝士腸、羊肉片、炸魚角、脆肉鯇魚片、駝鳥肉、豬夏青、冰鎮豆腐、韮菜餃、魚皮餃、唐生菜駝鳥肉是肉類中的優質選擇，不但擁有低脂、低熱量、低膽固醇的特性，更富含高量的鐵質、蛋白質和多元不飽和脂肪酸，有益人體健康。韮菜餃太太好鍾意食架,多菜少肉零舍好食最後落個稻庭烏冬,…查看更多

今朝起身,打開窗都幾大風,望落條街無乜人第一時間打開電視,望吓原來已經掛左8號風球,難得打風可以休番一日息,先同小朋友講,今日唔駛返學,大家瞓多一陣,我又再瞓番落床,一瞓醒起身,諗著打俾朋友叫佢去飲茶,點知佢一早出左去飲茶行街街,我地自己去飲茶囉其實我覺得去飲茶,來來去去都是食那幾種點心,已經厭厭地,不過好在可以慢慢暵吓報紙,飲啖茶,食食點心,飲茶不失為一個消磨時間最好的地方呢間酒樓好少去,去到唔駛點等位,一座低開好茶水,就拎張點心紙畫點心先,熱辣辣點心到小籠包皮唔算薄,咬落無湯汁,好大陣雪藏豬肉味煎羅白糕,我喜歡煎得香口一點,外香脆內軟腍,加埋甜辣醬就好好食咸水角,層皮太厚,不過又幾脆喎臘腸卷,唔喺間間酒樓都有,外皮軟綿綿白白淨,加上肥瘦適中嘅臘腸,好味道呀!!飲茶必叫嘅义燒包,普普通通,包皮太厚太乾,失敗之作蟹籽燒賣,豬肉混蝦肉,蝦爽肥豬肉少,都幾好味荔芋鴨腳扎懷舊點心之一,太太次次飲茶都食嘅,用腐皮包著鴨腳、芋頭條、豬肉一同扎好,可以一試唔係間間酒樓都有嘅雞球大包,見有就叫一個試試,包皮太厚,餡料唔多,無驚喜得個大字上湯鮮竹卷,餡料豐富,用上湯浸過幾好味,食落更健康潮洲粉果,是我其中一種最愛點心之一,餡料健康,一籠三隻,普普通通,但不致於難食蜜汁叉燒飯,叉燒半肥瘦,外皮烤得夠香,叉燒肉嫩香甜,甜甜蜜蜜,幾好食潮洲四寶丸窩米線,睇落顏色鮮艷好睇,小朋友食落話好難食,我一試,嗰湯有一陣陣魚鯹味,可能丸丸唔新鮮,算吧等我食啦,加大量辣椒食,夾硬先食左2碗,正一好睇唔好食食完返屋企,中意做乜都得,打風真喺好…查看更多

太太前幾日生日,同埋太太2個老友,之前已經訂定位食飯(早排見佢地個廣告好吸引,就團購左尖咀間「宮MIYA」食自助餐),大家約定時間9:00喺宮門口等,等齊人就入去啦坐低一陣,先點個主菜,自助餐包左1人1個主菜,跟著出去拎嘢食一睇店內自助餐提供從飲品、沙律、前菜、甜品、關東煮、炸物、麵飯、熱食款式唔多得幾樣,佢有羅宋湯、忌廉粟米湯、味噌湯,先不碗羅宋湯飲,麻麻地,淡而無味免費任飲飲品，包括冷/熱紅茶、綠茶、咖啡、七喜、美蓮達、百事可樂、青擰水等熱食唔多有炒麵(麻麻)、炸雞腿(ok)、關東煮(普通)天婦羅(有茄子、蕃薯、薯仔),玉子豆腐,蛋糕(得1款)健健康康田園沙律,冷豆付(小朋友話好食),壽司每次只可拎3件,飯已造好,有專人放刺身上去,有帶子壽司、甜蝦壽司,普普通通同百佳買差不多豚肉薯仔好食(成盆得幾舊豚肉),炒麵,關東煮羅白夠腍入味好食三文魚壽司關東煮樣樣試吓,熱D會好食D又來三文魚壽司,1次拎3件,洗碟洗到手軟 三文魚壽司帶子壽司、玉子壽司冷豆付寫著咖喱牛肉飯,不到底都搵唔倒牛肉,咖喱汁撈飯又幾好味炒麵,關東煮主角出場啦,食品包括: (8選1) 燒三文魚扒,日式羊架,漢堡扒,什錦串燒,日式煮魚,燒雞,豬扒,照燒雞扒等等我地點左鐵板豬扒,鐵板豬扒肉質軟腍好食我點鐵板日式羊架,肉質鬆軟嫩滑,多汁有羊味,加上鹽燒汁,好好食小朋友要鐵板漢堡扒,肉太腍又咸,食唔晒唔好食鐵板日式羊架,都好好食 鐵板三文魚扒,普普通通都可以另1個朋友點鐵板日式羊架,佢都話好好食又一round帶子壽司、三文魚壽司、吞拿魚壽司烏冬加少少鼓油就食得甜品楊枝甘露,酸酸甜甜幾好味 甜品有什果蛋糕,紅豆糕,杏仁豆腐,什果啫喱......等等什果蛋糕,紅豆糕,蜜瓜紅豆湯丸西瓜,蜜瓜…查看更多

太太好鍾意飲茶,我地放假就會全家人去飲茶,星期日朝早起身,特登座車去呢度飲茶兼吃午飯,之前我都去過幾次,呢度D嘢幾好食,一去到茶樓,入面例牌高朋滿座,門口有不少人在等,先拎張紙仔等位,等左20分鐘有位啦,開定茶水就劃點心紙,真係水滾茶靚點心精緻,點咗好多碟點心食呀平時例牌點有燒賣,蝦餃,叉燒飽,潮州粉粿,鴨腳扎,珍珠雞,白灼西生菜......,另外重有:紅油抄手,細細粒,一啖一個,皮滑肉鮮,好好味:)懷舊點心,荔芋鴨腳扎,用腐皮包住鴨腳,有一舊芋頭,一舊豬肉,太太食鴨腳、豬肉, 而我食芋頭、腐皮,味道不錯值得一試南乳豬手,又腍又入味,非常好味道,雖然膽固醇幾高,但間中食吓無問題嘅咸水角拼煎堆仔,皮脆中帶點軟,好食:)呢個唔記得叫乜餃,皮軟而帶點煙韌,菜多肉少,健康好味炸鲮魚球,一碟4粒,外脆內軟,配上蜆芥醬,真的很搭潮州粉粿,皮薄餡靚,又健康,飲茶必食雪白的叉燒包,一籠有三個,咬下去鬆軟而不渴喉,濃濃的叉燒餡,甜甜地汁多料多,好食鳳爪排骨飯,只是收小點價錢,唔算太細盅,鳳爪夠腍入味,唔錯炸春卷鬆脆香口,不過油多左少少白灼西生菜,又爽又脆皮蛋瘦肉粥,粥底好綿,粥要熱辣辣先好食,淨番個碗有D點心食左無影…查看更多

早排見團購有咖喱買,呢間店舖好多年以前食過,D咖喱幾香幾好味,見價錢好似幾平,89元一個2人餐,就團購定幾張,得閒可以去食琴晚太太無買餸,我就話不如出去食咖喱啦,一行3人去左佐敦呢間阿龍咖喱,去到門口見到有2間都叫阿龍咖喱拎張團購影印紙一睇,原來我地訂呢間多左巴基斯坦4個字,入去見有幾檯客人,重有幾張空檯,都唔駛等位,好快就安排我地座好,我見檯面有張紙寫著:團購2人餐,包左2個主食咖喱(6選2),白飯、薄餅(2選1),炒什菜,汽水2罐點左咖喱雞,可能無叫加辣,今次D咖喱唔夠辣,雞肉得3小舊,食得出雪藏雞味,不過D汁就好多,幾香要來送白飯、薄餅一流:)另一個叫左咖喱鮮魷,得6舊,鮮魷彈牙幾好食,又喺一大碗汁,你話無白飯點得蒜蓉炒什菜,清清地好好食,最衰得嗰細細碟另外自己點左個咖喱牛腩跟薄餅,,唔知點解自己點呢個牛腩超多,起碼有十舊,D汁滿到牛腩又腍又入味,好好食,點解團餐無包呢個嘅:(團購餐跟左白飯,普普通通一小碟,薄餅又喺細細塊,重有2罐汔水得一小碟白飯點夠我地食,再叫多碟白飯先夠總括來講,團購食物味道ok,不過食物質量太少,分量有少少唔合理,團餐得一小碟白飯或薄餅,2個人邊夠食,我見檯檯都有多叫一碟白飯10元,,下次我都會再去食咖喱,但喺就唔會買團購囉,價錢平嗰少少,食物分量少好多,唔抵…查看更多

早幾晚有得飲,親戚個仔結婚,早兩日特登去剪個靚頭,早D收工就返屋企,沖個靚涼換件飲衫去飲囉間酒樓喺觀塘APM隔離鱷魚恤大廈,坐地鐵去啱啱好,見去到重早,我地喺APM樓下行左一陣先上去一入去酒樓,侍應帶我地去一個獨立房間,入面D水晶燈好靚,佢地擺左幾圍,全部都喺比較親嘅親友,例牌先恭喜主人家,再同佢地影影相,坐低同平日很少見面嘅親友吹吹水,除左D大嘅聚會,平時都好少機會見面,大約9時入席啦好彩坐埋成檯自己人,點影相都唔失禮睇吓今晚食D乜先打頭炮第一道上嘅有鴻運乳豬全體,乳豬皮脆卜卜,夠鬆化,肉帶少許肥肉,咁鬼肚餓,一啖一件啱啱好跟著上肉蟹扒伊麵,味道幾好,如果將肉蟹拆肉就更加好碧綠鳳片蝦球,西蘭花夠腍有咬口,蝦球彈牙百花炸釀蟹鉗,新鮮炸起夠熱,外皮脆,肉幾彈牙,都唔錯紅燒雞絲大生翅,十分之足料,加少少醋非常美味,我重食左2碗添清蒸游水大海斑,全晚最正佢,條魚都幾大條,大魚蒸至剛剛熟,十分嫩口,肉質好滑,很好吃,最後連魚頭魚尾都食埋。生財海鮑片,鮑片食完唔記得乜味,生菜就夠爽脆:)當紅脆皮炸子雞,雞皮很脆,內裡肉質非常嫩滑,簡直係皮脆肉嫩,幾好食鮑汁金茹炆伊麵,我個人就好飽無食,以下嘅菜我都無食,飽到停晒手啦!飄香荷葉飯,香口又微濕潤的炒飯,沾了荷葉香,太太話幾好吃百年好合,起沙又香甜的紅豆沙,太太話碗紅豆沙唔太甜,幾好美點雙輝,笑口棗與合桃酥鬆脆、香口又美味最後黎埋合時鮮果拼盆,生果唔係幾甜,今餐叫做飲飽食醉啦,劃上完美句號返家啦:)在此衷心祝福2位永結同心, 百年好合,早生貴子:)…查看更多

以前小弟對團購抱有一個懷疑的態度,心諗咁平唔會有好嘢可能呃人嘅今日就由小弟試一試,在網上團購左一間平價午餐任食自助餐,以55元價錢,喺尖沙咀食個好少少Lunch都唔得啦,我咪當平時食完個 Lunch,加多個甜品囉開餐時間由12時-3時,我地12:15分去到,侍應問我扲左團購張影印紙後,就安排我地去入座,呢度喺一間食印度嘢嘅餐廳,地方乾乾淨淨,坐得幾舒服,:)裝修帶中東色彩,夜晚就變身一間酒吧,可以三兩知紀談天說地唔講咁多,開波啦免費飲品有可樂、檸檬汁、白開水,自己去拎食物大約有十幾個,分兩邊擺好,一邊有無骨鳳爪、木瓜絲蕃茄沙律、西瓜、甜品,而,另一邊裝有一格格的熱食,有烤雞、咖喱魚塊、咖喱羊肉、青咖喱雞肉、焗爺菜花茄子、炒什菜西蘭花、炸雞中翼、炸春卷、,薄餅、白飯、炒意粉等等、唔理喺乜東東,每樣試少少,滿滿一碟慢慢食先,無骨鳳爪普普通通,味道麻麻地好食:(,木瓜絲蕃茄沙律,木瓜絲爽脆蕃茄開胃:) 薄餅唔夠熱,可能一次做好多,點咖喱汁食都ok嘅炸雞中翼皮脆肉嫩,炸春卷香脆,熱辣辣最好食,烤雞烤得太乾 咖喱羊肉又腍又入味,辣辣地幾好食,送飯同薄餅食都得炒什菜西蘭花,健康之選好好食焗爺菜花茄子,幾好食,炒意粉腍得濟,好難食西瓜唔甜,爺汁西米露不過不失…查看更多