happinessfood2019的個人專頁

今次lunch time同同事去呢間上海坊，試吓上海嘢，我叫咗鎮江骨菜飯，整體都好好味，不過以健康來講，如果可以加啲菜就好，不過+$有菜飯都ok ge，如果大家想食健康啲可以加$9叫多碟菜。另外佢呢個餐仲送熱豆漿，佢嘅豆漿係一大支，真係好鬼抵，加埋都係$49 ，會再幫襯。而我個同事就揀咗口水雞，佢俾咗啲我試，有啲辣，好惹味，個雞肉夠淋，整體好好食😋呢間鋪仲有一點都好值得讚揚，就係店員嘅服務態度都唔錯。…查看更多

尖沙咀呢間米線陣成日都有位，我都去過好多次，座位舒服，自助落單，鍾意食佢嘅糖醋排骨，今次試吓佢嘅自選米線，我揀咗蕃茄湯底，不過覺得加嘢飲有少少貴，要加$9雞，我揀咗手打豬肉同埋冬菇，本身對個手打豬肉好有期望，畢竟佢係要個餐（包1餸）再加多額外+$3 ，或者當第二個餸，以正價加+多$9 ，但係味道真係好一般，唔知係咪比健康人士食，真係冇乜味，仲衰過去佳寶買嘅豬肉丸，食晒成個米線，淨係記得佢嘅蕃茄湯底有蕃茄味。…查看更多

同老公慶祝結婚一周年，諗住去呢間高級西餐廳慶祝，上網睇啲相係幾靚，但係實際上夜晚黑黑，而且玻璃反光，我坐個位就影唔到海景。但去到食嘅嘢就一般，服務都幾好，可以幫我哋影相📸️主要用英文同waiter溝通，不過食物質素感覺同價錢唔成正比， Pizza我寧願食Pizza Hut，啲飯同通粉太重口味。晚餐有set會開心啲，我見都多家長帶小朋友去，好似見到有兒童餐，抵食啲。食完發現有兒童遊樂場，不過唔知點book，有小朋友嘅家庭可能可以考慮吓。個場地都大，就算小朋友喺嗰度喊，都唔會太騷擾。如果想飲吓嘢，後面有bar枱。…查看更多

中午同同事去食飯，一點到兩點，排隊排咗5分鐘左右就有位，係卡位，手機掃描QR code落單，都坐得舒服，上菜都快，不過佢個羅宋湯就鹹咗啲，照燒雞扒飯如果有多啲菜咁就會健康啲，整體都好食嘅！另外朋友叫咗個咖喱牛脷同埋魚柳飯，我見佢嗰碟都大大碟，2大片牛脷+1大片魚柳，食咗佢少少魚柳，味道都OK！…查看更多

越翠苑lunch time同同事一齊去食越南野，我叫左個1. 香茅豬肉撈檬$54（肉同檬的份量啱啱好，夠晒飽）2. 椰汁紅豆糕$6（唔知係咪因為價錢平，覺得冇乜椰汁味）3. 椰青 $38（好新鮮，厚肉）一餐就$98，如果有套餐會好啲😮‍💨食物質素都有4/5環境都OK舒服，4/5落單同上菜時間都快👍🏻我閒日一點到兩點期間去唔使等位。ps: 水要自助，有啲唔習慣。地址：荃灣德士古道西36至60號地下A101B…查看更多

大吃大喝之前同朋友去油麻地買生果，無意中喺b2出口發現呢間咁近地鐵站，有咁抵食嘅外賣店，之後就最少幫襯咗佢五六次，每樣嘢食都好好味，最近佢出咗下午茶餐，明明寫住六點完，不過五點去買已經冇晒，唯有叫晚餐。因為呢間野成日都好多人排隊買，建議大家打電話去叫定外賣！9559 85881. 韓式燒豬腩片飯 $50（送嘢飲）2. 沙嗲豬飯 $50（送嘢飲）3.芝士蛋三文治 $25 位置：油麻地B2出口（望右手邊就見到）#香港美食 #美食推介 #窮遊 #食 #美食 #eating👍🏻…查看更多

日日食的飯糰🍙真係令人回味無窮🤤佢哋的飯糰都係即叫即做，等左5分鐘，新鮮製作的飯團就誕生啦！因為餡料多，食落好有層次好有口感😍飯糰淡淡醋味，配上新鮮食材，真係獨一無二咁好食！我今次揀咗店主的特別推介：泡菜飯團🍙（使用多種不同新鮮食材製成，包括青瓜，冬菇，泡菜，香酥❤️）如果想搵啲特色小食，一定要嚟華都一兩47 A度幫襯，佢仲有好多特色飲品，例如露兜水，可以清肝熱。#香港美食 #美食推介 #窮遊 #食 #美食 #eating #日日食 #荃灣 #荃灣美食…查看更多

飲茶地方：東哥點心同幾個朋友一齊過嚟食，點心選擇多，上菜快，份份點心都大大件，非常抵食！環境清幽，坐得舒服，四人一台。大大籠好抵食，平均每人叫兩籠都夠晒飽😋味道：4.5/5送菜速度：4/5環境：4/5人均消費：$50#美食推介 #美食點評 #香港 #窮遊 #元朗👍🏻…查看更多

餐廳名：Savour Cafe元朗隱世西餐廳，我由豐年路輕鐵站行過去，大約行10分鐘。果度環境優美，座位舒服，感覺似高級西餐廳，平民價錢，同朋友同事喺度食lunch，一邊傾偈，一邊享受美食，個湯好好飲，每一款菜式都有廚師用心製作，色香味俱全，絕對係打卡勝地。電話：24422111營業時間：1200-2300味道：4.6/5環境：4.5/5服務：4/5人均消費$100ps: 餐廳星期日放假#美食推介 #美食點評 #香港…查看更多

天氣開始轉涼，相信大家一定會諗起打邊爐，大家樂打邊爐❤️性價比好高，幾廿蚊就可以食一個豐富嘅單人邊爐，不過打邊爐係需要耐性，如果你處於極度肚餓，就最好食啲嘢先，我覺得分量十足，而且專人幫你開火，絕對食飽飽。#大家樂 #打邊爐…查看更多

丸亀製麵呢間有別於一般餐廳，佢係自助點餐，一兩分鐘就整好啲嘢食俾你，然後你再排隊去俾錢，然後再自己搵位食，然後再自己將啲盤擺返去清潔部，基本上冇乜服務，店員個個木口木面，對公司來講係慳水慳力。問佢拎個牛汁，個店員都好詫異，仲將心裏面嗰句講咗出嚟，好似覺得個汁嘅份量已經足夠，暗示我唔需要問佢攞牛汁。食物質素：3.8/5服務：3/5環境：3.5/5性價比：3.5/5#尖沙咀 #isquare #foodcourt…查看更多

一點心⭐️食物質素：4.5/5（部份食品食得出係人手製作，非一般茶樓可以食到）⭐️環境：4.5/5（座位後有壁畫，畫得好靚，特別有香港味道）⭐️服務：3/5（侍應冇乜反應）⭐️抵食指數：4/5茶錢$6@位人均消費：$60左右地址：九龍旺角通菜街209 A -209 B地下（太子A出口）ps: 逢星期六日同公眾假期要收+1服務費，所以閒日過嚟食就最抵食啦！#太子 #太子美食 #飲茶 #你今日飲咗未 #香港 #香港窮遊 #foodie #foodiehk…查看更多

星期日同老公去深水埗搵食🎃呢間餐廳賣的嘢好多元化！每樣嘢都好好味好有特色🥳雖然上菜慢咗少少，但每一款美食都係用心製作，值得推介❤️叫咗五款食物，最值得推介就係佢嘅阿華田西多士，真係好流心好好味😋而係個煎餃子都唔錯，金黃色，一啲鑊燶都冇，真心色香味俱全❤️食物：4.5/5環境：4/5服務：4/5款式多？：多值得再食？：值得下次我要試埋佢啲車仔面同飯先得❤️地址：深水埗基隆街172號地下，近A2出口#聚來車仔 #深水埗 #深水埗美食 #香港 #西多士 #窮遊👍🏻…查看更多

樂意點心每款食物都足料好味，茶位都係$5雞，仲有個人套餐都係$68有飯有湯，+$10仲有得+點心（最多+2款）餐具同茶壺都別具特色，帶少少韓風，環境好靚，配上時尚背景音樂🎵有別於一般茶館❤️每一樣點心都係用心製作，唔係一般茶樓可以食到，好新鮮，而且嗌套餐真係抵到爆！啲燉盅都好好飲，啱晒無飯家庭！美味指數：4.5/5環境：4.5/5服務：4/5抵食指數：4.5/5地址:尖沙咀漢口道19-21號漢宜大廈地下tel: 23368939#香港美食 #尖沙咀美食 #尖沙咀點心 #點心 #茶館❤️…查看更多

odelice同朋友好耐冇見，喺荃灣西行去海之戀商場覓食，呢度有好多唔同嘅餐廳，最後都係揀咗呢間，因為其他餐廳感覺性價比一般，不夠格調。不過佢個吞拿魚沙律麻麻哋，吞拿魚味道唔出，我要加啲海鹽先食得落。漢堡包大大份，可以兩個人share食，但係啲牛嘅質素麻麻地。而佢個甜品就做得好出色，必食！味道：4/5服務：3.6/5環境：4.5/5想同朋友係個有格調的地方，可以嚟呢度試吓😆2人埋單參考價錢：$538最近近荃灣西C4出口，喺海之戀商場入面#香港美食 #海之戀👍🏻…查看更多