AllyFC2425的個人專頁

自從搬左過嚟佐敦後放假會偶然係返同區試新餐廳今次試呢間都幾多哈哈笑既牛腩鋪呢到仲有崩沙，同坑腩位賣但我鍾情牛筋，所有我就要碗牛筋河$44老公試麻辣牛筋牛腩撈麵$65牛筋湯河，湯底係正常腩汁味，味精唔重河粉份量勁多，多到好似加左底咁大碗到主角牛筋，牛筋件件真係筋位，冇溝到D肉口感好滑，但可惜炆過火，過淋，唔爽口試左老公份麻辣撈麵麻辣係辣到痺果種，辣味都重，但唔係勁辣個麵底都爽口，份量正常，唔似我份河粉咁特大牛筋一樣係滑，唔爽，煮得過淋牛腩有D鞋口，似炆過火跟個湯底都幾清，幾好味食完辣野有D清湯飲下幾好整體味道可以，份量足夠鋪頭員工都幾nice，有禮貌但主角牛筋牛腩口感就麻麻地，似炆過火…查看更多

有日嚟開TST睇完e生係返附近食dinner，TST區開飯想價錢合理，唔洗排隊，又要乾淨，好食，同份量足，真係5隻手指都數完，所以我幾推薦會嚟返呢間食如果唔係因為我配開contact lens搬左嚟呢個商場，我都唔知呢個basement有得開飯，所以唔洗點排隊，都唔知好事定壞事😗去到門口，阿姐就派$10 coupon比我地，2條友一定過百用得到今次我食生牛肉湯河$62. 份量好足，生牛肉浸一陣岩岩好，個湯都幾好味，飲左少少唔覺味精男朋友食豬扒撈檬$67. 撈檬正正常常r今次我地冇特別叫野飲，因為一坐低就有茶飲，好似係荔枝茶？都幾好味，阿姐又會過嚟加茶比我地，服務好好呢到冇收加一，最後有得現場用返-$10 coupon, 感覺好抵食…查看更多

今朝再到V8買早餐食, 之前有人介紹佢地奶茶正, 買左份牛油果吞拿魚三文治$15 配熱奶茶+$8試試, 雖然平時我好少飲奶茶, 但佢地奶茶都幾岩我口味, 茶味夠濃, 口感滑, 唔係溝左好多水, 吞拿魚餡算足料, 呢個價錢係灣仔區算好合理…查看更多

某朝早過嚟佐敦body check，做完肚飯要搵早餐食，係mtr 附近行左個大圈，見到呢間幾光猛，就入去試下，鋪頭環境好乾淨，睇menu似粥同粉多，但lunch都有飯食，夜晚仲賣埋糖水。最後我叫左碗牛丸湯米粉$35，冇叫野飲，碗粉比得幾足料，牛丸夠大粒，味道正常唔錯，用具又乾淨，可能星期六日朝早早餐時段，堂食客唔多，我可以慢慢食，慢慢坐，阿姐又客客氣氣咁，唔會催，遲d再經過呢頭，可能再嚟幫襯試下食個粥…查看更多

幫襯左呢間小店大約有1年幾，因為唔近公司位置，我都係閒時朝早早左到，先嚟幫襯，會考慮再幫襯呢間三文治因為食過好幾次，未試過食到佢地賣隔夜包。同埋佢地用料好足，我最鍾意揀麥包食，牛油果都大粒，碎蛋有填滿唔係得中間餡，街坊價嚟講，呢份牛油果碎蛋三文治都係賣$15，我覺得好抵，好正，新鮮人手做既三文治，比足料，乾淨，唔hea做，定價又唔貴，真心唔比返個好評佢地都唔得，希望呢d小店可以繼續長做長有，繼續用優惠價賣比客人…查看更多

而家做60週年，港人身分證中number 主菜就有6折，坐底睇清楚佢地menu，原來主菜得意粉類先6折，仲要好少款揀，最後冇用6折，揀左個60週年2人set $416上第一份係蘑菇，以為係大蘑菇，點知係小蘑菇，得5粒，勁細粒個pizza又揀錯左，得火腿做主餡，冇辣肉腸個蜆意粉要另外+$28，d蜆有沙唔好食個甜品又要額外+$38，係普通圓形麵包仔點焦糖煉奶包野飲，最後埋單$5xx，但我返屋企要再食宵夜先飽CWB分店好多人，上菜都等得幾耐下，我地d野飲又飲晒，要等個甜品仔好耐都未嚟，又唔走得住，搵待應想比杯水飲，叫2次先比到水我地如果真係做promotion想吸多d客, 一係menu多d款類可以用6折，唔係淨係限主菜先用到，同埋餐廳既然放得水係點餐位stand by 比待應隨時倒水比客，不如一開波客人坐底就主動比水客人飲，咁至少d野食要等得勁耐，客人都可以有啖水飲下慢慢等…查看更多

大家樂又出新款下午茶啦👋🏻👋🏻 今次係甜味菠蘿包遇上咸味豬柳芝士滑蛋。個菠蘿包就正常，未至於有出爐咁新鮮脆口，但就唔會係隔夜冧晒。食一啖菠蘿包，配一啖豬柳芝士滑蛋，味道係甜味加咸味，可以接受既人會覺得好食，但唔接受既人會覺得好奇怪😂😂😂 但我係屬於前者😎 覺得好好味✌🏻✌🏻呢個新下午茶，仲有另外2款口味，係午餐肉配芝士滑蛋或者港式叉燒配芝士滑蛋。呢個下午茶係$34跟野飲，下午茶嚟講，個份量已經好足夠了😎😎…查看更多

灣仔分店幫襯過應該都有10次試晒佢地沙薑雞，海南雞同覇王雞我覺得沙薑雞比較最穩定同好味海南雞唔係唔好食但雞皮太肥，同埋冇咩肉食，肉切得太薄反而沙薑就好d, 次次都有肉食下每次幫襯我都會加$2轉菜飯因為真係比得好多菜落去而且個白飯應該溝左dd 雞油落去唔會好dry, 好味雞肉鋪底係一堆大豆芽同紅蘿蔔絲配菜係免費的唔鍾意可以remarks唔要我次次用openrice落order順便有得用積分平d配菜同d雞油一齊浸住好肥，但又好好食我呢盒係細(雞)份量，$36+$2（轉菜飯）女仔嚟講都好夠食ga la …查看更多

上次lunch嚟，午市冇蜆食，今次故意晚市嚟食蜆意粉，但失望了。叫左份西冷8oz ($118)，一份double蜆肉炒蝴蝶粉（$198）。份西冷扒跟埋半隻大蒜頭，用左好多牛油去煎，但冇炭燒香味，塊扒肉味唔夠濃，似用原味去煎，連salt pepper都冇咩點用，冇醬汁點，8oz呢個size唔算大塊，$118呢個價錢，試一次就夠了另外個蜆，係細細粒果款，應該似係新鮮蜆？因為食左好幾隻都有沙，蝴蝶粉用牛油香草炒，但係依然好淡味，因為蜆肉有沙，成碟粉好啖而無咩味，今次試完，真係唔會再翻轉頭了…查看更多

紅星餐廳有2間分店1間係鰂魚涌, 另1間係筲箕灣未嚟之前, 上網見過有人介紹係好懷舊走平價路線既西餐廳嚟有晚收工同男朋友去左鰂魚涌分店到試下由於我地係平日收工去, 唔算好多人呢到氣氛好好, 特別岩情侶來食因為好靜, 好有情調,私人度又高張枱背係勁高, 唔會見到前後既人我試一份厚切豬梅肉扒 ($90) 配熱鮮橙茶 (+$10)男朋友叫Angus Beef 肉眼扒(8安士) 配黑松露燒汁 ($180) 再加個酥皮湯 (+$20)酥皮湯正正常常, 冇咩特別份厚切豬扒真係好大份, 勁厚肉冇咩脂肪位, 但好冧, 唔鞋，但肉味比較淡可能另加少少salt pepper 調下會好味d男朋友份肉眼扒煎得幾靚同大塊個黑松露燒汁我覺得都幾好味但男朋友覺得塊扒肉味又係比較淡雖然呢餐感覺D扒係比較淡味左少少但呢個價錢, 襯上呢到環境同服務同埋食物係比足份量, 真係冇得再高要求了…查看更多

今日lunch經過呢間水門海南雞見價錢唔貴，又未試過就同男朋友一齊試下呢間男朋友叫無骨海南雞飯，跟泰式檸檬茶 $55我就要雙蛋併雞飯 $60佢地d雞係好滑，面頭有少少豉油汁？個調味都好味但因為無骨，層雞肉實在太薄啦本身我唔太食白飯由於我已經好肚餓，基本要靠食晒d白飯先夠飽另外男朋友形容個泰式檸茶好攪笑話好似飲緊涼茶咁，好難形容…查看更多

我好鍾意呢d港式扒餐冇咁多芝士奶既野食又冇生out  out既沙律菜有暖笠笠既紅湯同牛油餐包呢間鋪d裝修玩舊香港風味，勁多霓虹光管座位都好寬落，係懷舊但唔係殘舊😂 都乾淨整齊佢地menu超級多唔同牛扒揀有少量羊，豬同雞，仲有d焗飯意粉我同男朋友第一次嚟試，咁梗係揀牛啦我要牛仔骨($140)，男朋友要個唔知咩牛($2xx) 待應話佢地而家有個肉眼做promo ($238)同男朋友揀果個牛價錢差唔多但做緊promo 個肉眼靚d唔洗加汁都好食咁男朋友就試下個餐包正常貨但個湯太濃味，我覺得甜左d廚房今日重手左🤣我個牛仔骨都幾大份，有2大塊，少少厚肉職員問我要黑椒定蒜溶汁我揀左黑椒，不過都後悔要左汁因為牛仔骨本身肉味夠再加黑椒汁就濃味左少少同埋個底d薯條好快冧晒男朋友個肉眼都幾大塊，得一塊切左少少唔加汁嚟食塊扒原味已經好食，幾正略加少少salt pepper 就好好味唔洗點黑椒汁了最後食到埋尾，待應突然走埋嚟話有啫喱仔食加埋花奶，係個套餐包埋甜品我都N咁多年冇再食過啫喱仔真係童年回憶返晒嚟r…查看更多

呢間早排有人上網介紹個個都推佢地個泰式蟹餅同男朋友bookmark左好耐要試個蟹餅有日放工同男朋友各自衝過嚟好彩男朋友6.30pm到可以坐窗枱位我地避過排隊因為遲多10mins出面已經大排隊。叫左個炸豬皮$38好脆口，當小食吹住水幾過癮但味道普通左少少事關曾經係尖咀韓國街斜路上面食過一間係本地人開既泰國野竟然有鹹蛋黃炸豬皮果間好食到好似發現新大陸咁🤣有對比就有傷害了😜。試左個黑豚肉船面$88因為有叫炒牛河，所以試多個豬肉呢個豚肉有d鞋口不過佢個湯幾岩本地人口味雖然我冇食過正宗船面但我覺得佢個湯幾好味仲送左幾粒炸豬皮係湯入面。之後試佢地重頭戲蟹肉奄列$168面層塊蛋皮有d鞋口，但入面d蟹肉超級多同埋唔係罐頭蟹肉，似係新鮮蟹肉嚟仲要啖啖肉，冇咬到殼碎但味道係啖左少少男朋友都話呢件蟹餅係賣緊手工貨因為要拆蟹肉都幾浪費時間。然後試左個醉貓炒河（揀和牛）$118個河粉正正常常，牛肉幾冧幾好味唔算好辣，但諗唔明同醉貓有咩關係🤣。整體味道OK正常，但價錢偏少少貴如果未試過，嚟試一次OK但要排隊就唔考慮再幫襯了呢到用饍好似冇提過有時限…查看更多

坪洲其實有2間茶樓一間係賣菜內街入面，細間少少另一間係賣芝麻餅同一條街(落船行去郵局斜對面)近郵局呢間茶樓，係一間2層舊式既大茶樓開左超級耐，真係陪住街坊長大所以老闆都好老，就係負責企係賣點心果位茶樓朝朝5點幾就做生意，唔好以為咁早冇人飲就係5點幾已經有老街坊去飲早茶所以茶樓淨係做早市同午市，唔做晚市咁老闆都要休息，仲要半夜起身做點心呢我由細食到大，最鍾意食佢地盅頭飯$34其實佢地點心都好食但我鍾意佢地d蒸飯粒粒好分明，好爽口仲要keep到10幾20年都保持呢個水準出面市區店鋪用日本米都未必咁爽口r何況呢到茶樓唔會用日本米做盅頭飯呢…查看更多

呢間舊式傳統包餅店本身係坪洲開左好多年第一任老闆因為年老就冇做所以轉手比而家既老闆娘因為我係呢頭大既街坊嚟所以舊個老闆做既芝麻餅我都有食過同而家呢間賣既芝麻餅味道有唔同呢間做既芝麻餅係比較薄身size大dd, 味道比較淡少少但佢都一樣係脆既$4一塊算OK 平因為佢地出貨賣得好快算新鮮芝麻餅唔係隔夜留太耐我地係街坊隨時經過都可以買到但要排2hrs就唔會啦 因為只係正常既懷舊芝麻餅唔算係咩驚為天人咁特別得閒經過，未試過既，可以買嚟試下但要排咁耐就唔建議了…查看更多