星期一電視睇到銅鑼灣有間食法國同意大利野既私房菜, 睇落好似好吸引就約埋女朋友一齊上去開餐。前一日打去卜定位, 一上到去就舒舒服服咁坐低啦。一睇個餐牌真係花多眼亂，total有4個唔同既set選擇。老實冇得揀就由至可, 一有得揀呢就死火喇... 果個set又好似幾好，果個set又好似唔錯對於我呢D選擇恐雛症既人黎講真係好辛苦。好彩waiter哥哥都算細心，見我地都唔知點揀好會主動黎推薦下每個set有咩好食。 更值得一提，果個哥哥真係每個set都會介紹一個多似既菜式而且全程都好好笑容，唔似其他咁樣一係會推介貴既set一係就交行貨話咩都好食!!!結果我係佢既推介下同女朋友要左兩個唔同既set。事關我前菜已經非我所好，對於醋我更好聞風喪膽。呢間餐廳既沙律據waiter哥哥講用既都係意大利既上等黑醋，一放低我都已經嗅到陣陣醋香。鍾意食醋既朋友呢道沙律一定岩你，但係我就真係好麻麻，一放低已經隨即轉交到女朋友手上，所以相片欠奉。第二道菜係餐湯，為左可以食多小小野又唔想同女朋友個餐湯都係一樣，我就加錢轉左waiter哥哥推介既黑松露野菌忌廉湯。黑松露野菌忌廉湯，3個字形容晒 鮮、濃、滑。我都飲過唔少野菌湯，但係真係少有地咁做晒以上三點，值得一試。餐湯又甜又滑，不過我都係鍾意個黑松露野菌忌廉湯多D。 主菜香煎三文魚，呢個好食煎到皮脆肉滑，佢配既汁又好好食好滑同好香cream味。 安格斯牛扒，呢個女朋友話唔錯牛扒成數拿揑得好準繩，件牛扒仲好有牛味唔似比野拿過! 之後到甜品~兩款女朋友都話唔錯，甜度同抵都唔錯。不過我又唔好甜品既~只係食左兩啖但係唔識評，因為所有甜品對我黎講都係一樣XDDDDD係呢個時代入面難得可以靜靜地食餐飯又坐得舒服又食得好既地方真係愈黎愈少，呢間餐廳靜靜地野食又得環境又唔錯，總括黎講呢間餐廳可以試…查看更多
