杜拜的個人專頁

經過個頭見到有間望落唔錯嘅日本餐廳就同朋友入左去食叫左白豚拉麵+送嘅一款小食(鰻魚飯) 可樂上菜時見到賣相都麻麻地 同餐牌都幾大分別... 試飲左湯 味精湯嚟 不過濃度我都幾鐘意叉燒真心整得好普通 中式叉燒可能整得好過佢而鰻魚飯嘅鰻魚超級細...同餐牌望落唔同但我覺得呢間舖唔得嘅位係服務同衛生一入嚟望一下餐牌就見到有蟲係張台爬第二次係紙巾盒見到有蟲爬出嚟 極度噁心唔知係唔係呢間舖侍應唔夠 就算男侍應出嚟幫手時想加單時根本冇人理我 舉左幾次手 叫過幾次 佢經過都應該會睇到同聽到 見其他客人都望左我幾次最後係個女侍應出嚟幫我加單飲品係去到食緊去一半先上 有一罐仲要唔記得上要提返…查看更多

之前有同朋友一齊係呢度食過lunch，我地兩個都係食卡邦尼意粉，之後朋友係食物中搵到有小強嘅屍體。今次到我一個人去食時，同樣都係食卡邦尼意粉。食個時未發現有任何昆蟲屍體，所以都幾放心。但係我食完後晚上就肚痛同肚屙。見到食評有幾個人都係食完後肚屙，加上上一次嘅經驗，我諗九成都係同呢間餐廳有關。雖然味道唔錯，同埋學生減$10，侍應都幾活潑有禮貌，但為左自己身體著想真係唔會再嚟食。順帶一提，餐牌食可以加餐湯，但唔知點解呢間餐廳經常都冇餐湯，本身都想試下。…查看更多

今日拉麵控又出發去元朗搵拉麵食。見呢間拉麵好似幾好食、評價都幾唔錯，就去食左。拉麵有四款選擇。野飲方面都幾特別，我記得有櫻花汽水（$24）。我叫左個“白前”拉麵（叉燒、筍、一顆糖心蛋、黑木耳）加可樂（$9）。食落湯底幾濃，本身飲得濃湯嘅我最後都飲唔哂碗湯（因為太濃）。麵食落幾有口感、夠彈牙。叉燒方面數量都比得幾好，肉質幾好食又大塊。呢款拉麵應該係店舖最多人必叫嘅拉麵。等候時間唔算長。侍應服務態度良好。而環境同氣氛都唔錯。環境雖然細細地，但都幾安靜下。有吧檯受四人台，比較遺憾今次坐唔到吧檯食拉麵。呢間舖都係元朗值得一試嘅拉麵店。如果有機會，會再去試多一次。…查看更多

作為拉麵控，想食哂所有元朗拉麵。於是就試左呢間。之前見到間餐牌都幾抵。唔洗等候太耐，一入就立即有位，可能因為我嚟得早。餐點方面，各有烏冬、拉麵、日本料理同各種小食，款式較多選擇。價錢相對嚟講中等。叫左個自家製吉列豬排拉麵。豬排份量唔錯，有十件，唔會落太多炸粉，配埋沙律醬食落味道都幾好。拉麵方面，湯濃度唔錯，適合鐘意飲濃湯嘅人。但係麵方面可能就有啲多同冇甘彈牙，食得多時可能會有啲濟。屬於比較貼地嘅拉麵，可以去試一試。…查看更多