wkcheung11的個人專頁

通常寫得食評不然就是去多過一次覺得真心推介，一係有嘢令我嬲豬。今次能的起心肝寫食評，是因為覺得店主好有誠意值得嘉許同埋支持。第二次來，今次食的係Chicken Burger同Pulled Pork:Chicken肉質好鮮嫩，juicy, 醬料獨特，微辣，因為有墨西哥辣椒Jalapeño；另外手撕豬配上太陽蛋，色彩漂亮，口感亦都一流。之前試過佢嘅安格斯牛肉漢堡，不過當時未影低。有機會會再分享。係呢一區來講價格都相宜，88-98個burger, 加18 fries & coke; 另外可買Lime Pierre water, my favourite! 食得健康!小食都好正，最有驚喜嘅係甜薯條Sweet potato fries, 但係洋蔥圈同雞翼醬汁都唔弱!店主都好友善:)其實仲有好多嘢想分享，留待下一次! 因為我一定會再返嚟!! …查看更多

第二次去海福樓食嘢，覺得真係想推介一下。話說佢係由福臨門主理嘅。今次食左以下菜式詳細就唔多講啦。總括而言佢嘅菜式比出邊好味得來唔肥膩，覺得係健康嘅，點心都做得好精緻，唔係大大件嗰隻。以上係四人份、食得好滿足。今日星期日，都好多人捧場但係又未至於要等好耐位。價錢大家可以睇返餐單啊，因為有事早走，不是我埋單。但係家人最近都成日去嘅。覺得係合理價錢 :)…查看更多

琴日去食下午茶，俾芝士撈丁吸引左。睇餐牌嘅時候，好熱情咁樣叫我地入去慢慢睇。入到去態度又唔係特別好。佢有咁多個菜式想慢慢揀佢就不停吹我哋。都估到係中伏㗎啦。之後上菜仲樣樣都搞錯晒。芝士撈丁俾咗咖喱撈丁，芝士蟹鉗雞翼飯冇芝士，以為係個蟹鉗裏面，一滴都無。不過算啦都唔係真芝士。本來想share試下，間鋪係冇碟嘅，只有墊住啲杯嗰啲好核突嘅碟。但係佢好好意思咁樣飛一隻俾你。之後去第二間食返個甜品舒緩返。講完。…查看更多

上次食過其他菜式已經係失望而回。諗住上次可能咁啱唔係咁好味，今次再俾多次機會佢，因為唔使等位，餐牌同價位都算吸引。瑞士雞翼汁太重口味，都算啦... 重點係嗰個窩夫根本唔會連到上面咁大舊嘅配料食之餘；佢啲牙籤係極度隱藏式會吉死人嘅🙄 最安全嘅食法係拆開所有配件食，但係咁又有咩意思呢🙄 全部野最OK係舊橙，最唔OK係薯條... 麥當勞都好食過佢另2人枱好擠迫..完…查看更多

黃埔金御，雖然個商場其貌不揚，但點心即叫即蒸之餘，質素拍得住酒店，大大件但個樣好得睇。如果依個質素，酒店大約貴一倍。幫襯多年，真心推介俾大家。不過提提大家，早餐時段好快賣完，有時為咗心愛嘅食物，特登上去酒樓捱貴少少，又冇位可以坐低，同埋態度一段，始終拎走又未必會多。叫咗食物之後大家可以於半個鐘。自己行入去多幾次。佢哋唔會有人提你拎得ga。不過為咗自己鍾意嘅嘢，又唔係成日去，都值得嘅。住得近亦都可以索性叫屋企人落埋你一齊坐喺度食。推介菜式：蝦餃、燒賣、菜苗餃、粉果、鳳爪排骨飯等 :)…查看更多

嚟過呢度兩次，第一次覺得好鍾意，不油，有湯、前菜同埋主菜甜品，好似仲有嘢飲。裝修好公主feel，枱凳你話好舒服又唔係。但係你話真係好靚又唔係。價位貴，不過食材OK。第二次係慶祝生日，一行成10人，a la carte咁叫食物。覺得set dinner好食好多。飲品都好味。但係最低消費都偏貴。a la carte真係食到人都癲。完全違反健康個概念。都要諗下顧客通常食素係為咗乜。重點想講嗰張咁嘅儲分卡，每一次惠顧無論你係午餐晚餐定係生日會成千幾蚊都係一個stamp...而且2次嘅服務都唔係特別好(唔係差)，仲找少咗錢。好難再惠顧...…查看更多

陪男友shopping行到攰，經過忍唔住試下依間。吸引我的是清新的門面，空間算是寬敞，傢俬同埋佈置比較新穎，靜得來又不至於有伏味。但入去之前都上咗open rice確認一下係評分ok先😂😂CPU形象活潑，賣衫賣鞋形象深入民心，萬萬沒想到佢餐廳咁有水準。食咗龍蝦海鮮意粉同轉向蟹肉意粉，佢嘅所有海鮮都沒有異味，食得出係好新鮮嘅嘢，調味料不會遮蓋本身嘅味道。我哋兩個一致認為意粉嘅軟硬度適中，係Al Dente👍🏻加$60變set, 再加$30將餐湯and salad upgrade就最抵玩。ham食得出係好嘢，麫包味道同埋脆度都👍🏻👍🏻 mushroom soup嘅菇足料，有原粒菇同磨咗ge粒子，又香又有口感。啲餐茶係靚茶成壺上架☺️☺️💁🏻男人好挑食，比佢讃性價比高的食肆萬中無一。我哋仲打算再嚟食🤗見佢條片影出嚟加個漢堡包嘅巨扒超bouncy and juicy 😂😆一定要試!! Support :)…查看更多

It is very crowded with just 2 staff and a (seems to be) manager sometimes. Service was poor. No one would serve you, you need to get your own menu and tea, and wait forever.The customers next to us facepalmed and felt very ridiculous too... The food is under quality and overpriced. these are only ok, not too bad, but the facial features and ribbons taste like plastic. Bear in mind, do not order this one 🤦🏻‍♀️👇🏼👇🏼The place was not easy to locate... The experience is definitely horrible for many girls and especially kitty fans with expectation, especially in summer.…查看更多

依間除咗tatami之外，老實說食物好味但冇乜特色，加上太隔涉，未至於令人一試再試。值得一讚係員工又我哋未入嚟(喺門口等friend)直至我地走時態度一直都好友善☺️需說有限時但基本上6 7 點入坐唔會full, 一般不會趕走。大家要留意係，真係唔好叫熱飲。因為餐抵食好多，所以連續試咗幾杯飲品，同一個款，凍飲正常，熱飲好稀........ 係好好好稀環境舒服嘅，除咗tatami有機會腳痺之外😂有啲方面可以再做好啲，加油!…查看更多

今日諗住同同事輕鬆下，因公事走遲左10分鐘姐。一到達個阿姐講：下次唔該準時啲！心諗。頭先出咗主菜，差不多完先到嘢飲，再到湯...期間漏單，埋單又係叫咗，俾咗反應叫我地等，跟住忘記。其實我哋都趕住返番公司，都冇催佢哋，不過真心有一刻想同佢講：下次唔該準時啲！另外想講，之前不停俾人sell，開咗佢個會籍，唔記得咗幾錢但係記得都頗貴。啲餐券只有幾個月期限。而且部分分店食物質素同出菜時間好差。所以係唔會用得晒啲餐券。講時講呢一間分店午餐味道都ok不錯。不過比得呢個價錢有質素都正常。否則附近有兩間酒店啲餐廳性價比都有返咁上下。…查看更多

因為家住附近約5分鐘路程，而且質素穩定，近年家人喜歡到這裡午飯。是日點心：都是常吃的。尤其喜歡其海蜇多肉又乾淨; 棗蓉糕甜味很適中! 春卷今天則略嫌淋了一些。另今天同樣選了蟹籽燴麵，清清酒香，正!其他推介： 如果有外國嘅朋友，亦都可以點一人嘅點心拼盤另外仲有一個龍鬚糖扭麻花之類特別又好味👍🏻入咗海逸Diners club平日八折，假日九折。有個無敵海景，心曠神怡，值回票價!👍🏻…查看更多

雖然之前有築地借鋻，還是有點期待試吃打響旗號的九號海產。結果還是有些失望。其實可以準備得更好才開始試業。今天在超市部分閒逛後，選了熟食較多的饒之味。感覺如下：金菇牛肉卷，量少是意料之內。但好味的。評價同上。皇帝蟹炒飯，在一般平價日本店也吃到這個水平。另外叫了皇帝蟹燴粥。沒有鮮味。炒飯遲到，蟹粥漏單。大蔥雞串雪味和腥味重到我和媽不能下嚥(平時不算挑食。等候時間非常長，如果有長輩不建議帶他們過來。吧枱流轉比較快，年輕一族可以一起排排坐。價錢也貴，不會回頭。:(…查看更多