linglaile的個人專頁

有水果同椰粒（有啲咬口同甜甜哋），甜度叫咗少甜，飲落清清哋又有啖啖嘅水果香，炎炎夏日，夏天消暑解渴店員有禮，出單都快手，唔洗等好耐。同埋，值得一提，鋪頭仲好貼心提供埋杯套，方便顧客攜帶，呢樣好好…查看更多

Lunch Set 牛油果🥑青醬雞肉意粉 配玫瑰🌹咖啡鋪頭環境舒適，燈光好氣氛佳，佈置得唔錯，可惜午餐時間太多人，walk in預要等15-30分鐘，入面既台與台之間太近，坐入面既行出去都幾牙煙，建議再排好d台既擺位。雞肉同菇菇既份量足夠，意粉硬度適中，唔會太淋或太硬，食完唔會頂住個肚，份量岩岩好。玫瑰🌹咖啡，跟餐+8蚊拉花好靚杯咖啡係有水準既，好滑溜，同creamy！！下次會試吓叫凍拖肥咖啡～～～…查看更多

☕️玫瑰鮮奶咖啡好少飲Cappuccino 原味以外既口味，於是叫左杯有玫瑰🌹味既Cappuccino 試一試。 咖啡唔算太濃，岩曬想提神又容易入口既人選擇，同時又可以品嚐到淡淡既玫瑰香味，都幾特別飲得過既，入口好順滑而且拉花又靚，好滿意😎🧇士多啤梨🍓雲呢拿雪糕忌廉waffles份量好夠，好大份，兩個女仔根本食唔曬，食完飽到上心口。一次過滿足曬我食甜品既願望，有齊水果士多啤梨🍓兩球雪糕、一大pat既忌廉、果醬、四大片既waffles，雖然好邪惡，但食完好滿足🫠 🍝蘆荀蘑菇青醬雞肉意粉第一次試呢款意粉，青醬都幾好味🤤味道好開胃，兩條蘆筍好嫩口，煮得都幾淋易入口，唔會食到渣，雞肉好嫩有汁唔會乾，意粉煮得岩岩好，唔會太硬或太淋。 整體好滿意，價錢合理份量大份足料，環境坐位又舒服😌，服務員有禮貌服務好，呢個加一服務費抵比！下次會再幫襯～～…查看更多

當約左成班朋友既時候，最適合就係去食放題作為首選，因為點都實有野岩你食！！鋪頭位置好大，座位舒適闊落，職員好有禮貌咁檢查每位入場客人掃QR code，確保客人安心食用。入到去當然就馬上落單，有好多款式，例如：刺身盤（好新鮮、甜蝦同三文魚必點❗️）、大量壽司🍣（竟然有鮑魚仔壽司）、炸蝦🍤、海膽手捲、芝士焗蠔（超正，必食‼️）、海鮮烏冬、白酒蜆湯、花膠湯（呢個好少有，要試好滋補🙈）補充一下，上菜速度算快，都冇出現漏單情況，呢個抵讚！飲品、甜品、雪糕、小菜等等係要自行出去拎既，人流管制得好，職員會從旁協助，客人唔會拎野拎到打蛇餅，爭先恐後咁去搶住，大家可以好優雅咁拎完野食坐返埋自己個位慢慢食。總括而言，價錢、服務、環境、食物都好滿意，成場都食得好盡興愉快，下次會再幫襯…查看更多

見到鋪頭都幾大間，坐位幾舒服😌，又有卡位可以坐，行完商場就可以坐低休息一下。 去到咁岩夠兩點係下午茶時間，所以清清地叫左一份生牛肉湯河，係輕食版，感覺都好健康。生牛肉好食，有配料調下味，加上湯底好夠味配河粉浸住食，好爽口。有d口渴又叫左杯特飲三色冰，呢杯特飲就好一般，唔值得再加錢轉特飲，飲普通都ok，總結嚟講性價比好抵食既一間越南餐廳可以再encore。…查看更多

素食三寶粗麵餐🍜裡面包左三個餸，有豆卜、蘿蔔、冬菇，好健康既餸，清清地身體無負擔，食完唔會感覺好頸渴要灌水。而D蘿蔔係甜甜地既清甜，豆卜有豆香味，冬菇就普通，粗麵份量足夠飽肚。另外再加左個餸豬軟骨，大大件好入味好稔身。$43一個餐包埋杯奶茶，性價比高會再幫襯～…查看更多

今次叫左下午茶餐-抹茶意大利芝士蛋糕🍰配迷你醬油拉麵🍜。首先講講件蛋糕唔錯，入口順滑又軟綿綿，甜度夠甜，抹茶味唔係好濃烈，size細細件，淺嚐唔會食得太飽。而碗醬油拉麵就不過不失，普通水準，幼麵嚟，口感淨d，自己鍾意食有咬口、Q彈d既拉麵，所以有少少失望，配料一般般。 由於個餐食完都唔係好夠飽肚，所以我又加叫左一份牛肉薯餅，炸得好，夠曬脆口，個餡就麻麻，但勝在填飽個肚，食埋就岩岩好夠曬飽。整體嚟講，性價比都滿意，價錢合理，總數食左$56埋單。下次會試下扒餐或者飯餐！…查看更多

今次試食雞蛋豬肉腸粉，蛋好金黃，冇厚粉既味道，陣陣炸蒜鋪滿好香口，豬肉都足料，豉油就普普通通，不過係份量少d，如果可以加底就夠飽啦。下次會想試下黑糯米腸粉，因為冇乜地方有呢款揀…查看更多

鋪面乾淨企理，店鋪員工有禮，主動上前招呼客人。外賣叫柱侯牛腩米，味道不過不失，牛腩新鮮肥瘦分明，唔會太硬又唔會太稔，米粉普通，湯底飲唔出係正宗大地魚湯底既清湯味濃口味，純粹係味精湯底。…查看更多

呢間米線價錢合理，每個餸都只係$5-6，份量足。外賣叫左碗酸辣米線🍜加豬軟骨、腐皮，先講下個湯底算有驚喜，個湯底係有啖啖既奶香味架，再加上酸酸辣辣地，真係好開胃，食完都唔會覺得口渴要灌水。米線就好爽好彈，唔會有浸到淋哂個種口感，份量亦岩岩好夠飽。腐竹、豬軟骨普通，豬軟骨係冇經過醬油浸既，有少少失望，但肉質係ok鬆軟，唔會好硬，有機會可以試下其他配料。…查看更多

呢間朝牛開係天一商城，行過鋪頭見到d餐賣相吸引價錢又合理，就入左去食下。入到鋪頭位置唔多，一條直廊坐到4-6張台，每張容納到4人。今次叫左份石板牛扒飯套餐，有齊哂扒飯連同味噌湯、沙律菜，仲有個醬汁點嚟食都幾野味。以嚟個價錢嚟講食到石板扒餐，性價高都算高。雖然塊扒偏細左小小，鋪頭有心細地用石板上台，所以送到上台都仲脆、熱騰騰，牛肉就較少，其他食物味道普通正常，不過不失，但都有哂一個套餐，食完都夠哂飽。…查看更多

一入去鋪頭唔算好大，位置有20人左右，最岩係午餐時段一人去食即刻就有位。環境古色古香睇得出有佈置過，台台凳凳都係用木製品。坐底叫左一碗秘制豬骨濃湯、川味湯粉，配料我就揀海帶同豬耳，仲有一杯凍奶茶。奶茶不過不失，茶淡，好多冰。而碗米線就好大份，吃到飽，米線夠爽唔會淋哂，但湯底就嫌佢唔夠濃味，清左d。配料係好食😋，好新鮮，終於食到米線鋪少有既豬耳。總結，價錢合理，碗米線合格，杯野飲就真係一般般啦。anyway, 下次會再去幫襯。…查看更多

今次去食冰室推薦暢銷產品—秘製豬軟骨拼鮮蝦菠菜雲吞米線。 首先講下秘製汁既豬軟骨好濃、好軟棉既肉，係好食但份量較少。而蝦雲吞普通、米線有點過熟、湯底較肥膩，呢個湯底特別在落左果皮，好唔好就見人見致啦。而呢間冰室既凍奶茶係好飲， 茶底夠，同奶既比例岩岩好，做到入口順滑既感覺。…查看更多

呢間上網落單好方便去到就有得拎，預返大概十五分鐘外賣自取。今次試飲鋪頭五大皇牌之一鐵觀音珍珠奶茶。飲落奶味唔算太重，味道偏甜，鐵觀音茶味就好夠，整體而言飲落都ok，珍珠唔算大粒，但就好足料，目測有50-70幾粒，個人覺得珍珠太多，飲到好飽。anyway, 下次會再飲。…查看更多

本身自己係一位抹茶控，係官網見到今次下午茶有做緊優惠～$175/位，幾抵食就唸住去試吓！揀咗係週末時間去食，酒店已安排好，去到服務員就會帶你入去。今次食嘅係百樂酒店嘅抹茶主題下午茶，有三層層架，有咸食同甜食，咸食有涼麵、生蠔、炸物，甜食有沙糖冬甩、搽茶慕絲蛋糕、泡芙、搽茶果凍等等，咸食比較少啲，會跟一杯飲料可以揀咖啡類或花茶類。總結而言，環境舒適，乾淨，食物自己鍾意咸食多啲但款式少，甜食冇乜特別，有少少失望，勝在價錢都算合理，想打卡食下午茶嘅朋友不妨一試。…查看更多