babe_c.ariel's Profile

之前一直煩緊個女生日會叫咩嘢好呢🤔經過幾位媽媽大力推薦依間到會🤗做咗啲research就落單✌🏻佢哋都超多款式選擇，無論主食、小食同甜品都任君選擇🤩樣樣都好足料，而且送到嚟都係熱辣辣㗎❤️‍🔥呀女生日會當日大人小朋友都食得好滋味😋今次我哋order咗依下幾款：❤️‍🔥鮑魚瑤柱帶子雞粒荷葉飯每一啖飯都勁足料👍🏻散發淡淡荷葉清香❤️‍🔥意式香草芝士肉醬意大利麵小朋友大熱最愛之一🙌🏻味道剛剛好唔會太咸太酸❤️‍🔥鮮蝦、細帶子香濃龍蝦汁螺絲粉龍蝦汁味道超濃🫶🏻螺絲粉口感非常好，唔會太冧❤️‍🔥即燒波蘿梳打BBQ美國豬仔骨依個不得了👏🏻豬仔骨勁入味，而且一啲都唔韌❤️‍🔥BBQ蜜糖雞翼另一小朋友最愛小食🤩bbq蜜糖超惹味❤️‍🔥芝士牛肝菌焗翠綠西蘭花芝士勁勁勁勁多🧀西蘭花煮得啱啱好，夠哂爽甜❤️‍🔥鮮蝦生果薯仔沙律食款又係勁足料，生果食得出係勁新鮮嘅❤️‍🔥荔枝蟹肉撻配飛魚籽（9件）估唔到荔枝同蟹肉係咁夾，加埋飛魚籽超好食😋…Read More

🤩話說女女成日都話好想好想飲珍珠奶茶，（我有時飲果陣都要偷偷地唔比佢知🫣）有次行街經過旺角圓貝，見依間店舖推出全新小朋友都啱飲嘅珍珠奶茶🧋店員話佢哋係自家製植物奶、無咖啡因仲要採用健康糖🥰每杯小童飲品都有唔同營養價值，而且店內以簡約設計裝修，環境舒適，又有位可以坐低chill下。Yeahhhh！媽媽我終於安心比女女飲珍珠奶茶啦❤️今次我地飲左以下依4款：🧋Baa Baa Black Pearl依杯顏色配搭真係超靚呀🤩估唔到牛油果同椰子奶係咁夾，而且菠蘿味好清新🧋Cookie Monster香濃又滑溜嘅朱古力味，有多款配料口感超豐富，麻糬同黑珠都煙韌🧡私心推介🧋Peppa George飲得出士多啤梨同藍莓超新鮮，排毒炭黑珠煙煙韌韌好，正呀🤩Dragon Trainer超健康又好fresh嘅一杯飲品…Read More

🌙我哋全個家族差唔多都係無辣不歡🌶️今次屋企人帶咗我去食位於旺角瓊華中心嘅「麻辣風雲」🥰聽到個名都知夠哂氣派呀🌟店內裝修以中國宮廷風為主🪭座位寬敞舒適，坐得舒舒服服😌🏮荔枝蝦球必食之選🌟無論係外觀定係味道，真係十分驚喜😋蝦球外皮米果炸到卜卜脆，蝦肉彈牙爽口，另外配上酸酸甜甜醬汁食落又另外一番清新風味。🏮炸饅頭一上菜時勁吸引眼球，由諸葛亮先生坐船送上熱辣辣炸饅頭，夠哂氣勢呀😎炸饅頭外脆內軟，就算凍左都仲係脆㗎🤩配上濃濃煉奶真係冇得輸呀💯🏮水煮田雞可以選擇不同麻辣度🌶️味道夠哂香辣，田雞份量十足，髀肉都勁多又肥美😍另外配料都好豐富，例如：蓮藕，寬粉，豆卜⋯⋯索哂啲湯汁，勁正🏮京蔥牛肉京蔥超香加埋滑嫩牛肉真係超夾，而且勁有獲氣❤️‍🔥送飯一流呀🏮手撕包菜依個菜勁開胃，椰菜清甜爽脆，花椒乾辣椒帶出淡淡嘅麻辣味👍🏻讚🏮水蜜桃雜果茶超級大壺🤩水蜜桃味超香，放心唔會超甜😉配上其他水果勁清新，仲可以解到辣tim🫶🏻…Read More

以前一直都有同屋企人北上食太二酸菜魚，今次我哋留港消費，食吓香港嘅太二酸菜魚先，去到已經勁多人排隊，大概等咗一個鐘左右，終於到我哋入去食啦。我哋5個人叫左6個菜，包括有：酸菜魚（三至四人份量）、蛋酥軟糍粑、蝦仁娃娃菜、笑茄茄芝士牛腩、亂刀雙椒炒牛肉、大滿貫小吃拼盤。酸菜魚（三至四人份量）：太二酸菜魚個金湯底真係冇得輸，撈飯一流，而且肉質鮮嫩，不過其中有一兩舊略帶小小魚骨蛋酥軟糍粑：上碟熱辣辣，糍粑炸得外脆內軟，配上黃豆粉紅黑糖，無論係口感定係味道，都係100分👍🏻蝦仁娃娃菜：正常發揮，份量十足笑茄茄芝士牛腩：因為有屋企人食唔到太辣，所以叫咗啲一道菜俾佢🤭蕃茄味十足超級開胃，牛腩亦煮得好腍，係呀一道好好送飯嘅菜亂刀雙椒炒牛肉：將紅綠辣椒、香芹、牛肉切成碎粒，炒得超級惹味，味道有啲似泰式生菜包👍🏻不會太辣大滿貫小吃拼盤：有多款小食，包括雞翼、魷魚、薯波、炸蝦片，每樣都炸得好香口，完全唔會有溢味…Read More

有日喺附近做完嘢，見肚餓經過見到呢間小食勁多人圍住食，望到鋪面好細門但原來佢勁多小食，有香港地道小食，亦都有台灣小食。我就叫咗串燒賣，同埋一碗細牛雜。細牛雜一碗其實份量都好多，樣樣都煮到好腍好入味，超香😋加埋甜醬同配嘅和芥辣，將成個味道昇華另外一個層次👍🏻另外燒賣都好有驚喜，粒粒爽口彈牙，唔會係成舊粉團咁～而且辣椒油非常惹味，夠晒辣🔥下次同老公一齊嚟試埋佢個招牌煎釀三寶先🤤聽講呢一間小食店仲開足廿四小時，下次喺觀塘玩到夜一夜都唔使擔心冇嘢食💯…Read More

成日都聽人講牛池灣有間大排檔好好食，今日終於同同屋企人一齊食啦🤗去到嗰度爆晒場，好彩屋企人有book枱，我地5大2小叫左8樣餸菜，包括有：招牌燒鵝、豉油王炒麵、避風塘釀茄子、椒鹽鮮魷、鮮魷蒸肉餅、水煮鮮牛肉、薑汁炒芥蘭、豉油王海中蝦😋而家諗起都覺得好好食🥰份量又夠十足👍🏻招牌燒鵝：燒鵝皮脆卜卜，肉質鮮嫩，咬落去啖啖肉，爆哂啲肉汁出嚟，真係好食到暈呀～豉油王炒麵：一路行入餐廳，都見到枱枱都有叫依一碟豉油王炒麵，即刻都叫一碟先，超有鑊氣，每樣材料都份量十足，味道亦都唔會過鹹，剛剛好⭕️唔知我哋係太肚餓定係好味嘅關係，真係秒清！避風塘釀茄子：茄子入面釀咗魚肉，口感十足～配埋啲啲炸蒜超級惹味!!椒鹽鮮魷：炸粉超薄，唔會食到成口粉，味道正常發揮，十分香口鮮魷蒸肉餅：肉餅咬落有層次感，再配上鮮魷鮮味，撈飯一流水煮鮮牛肉：味道菜超級有驚喜，辣味超夠，並唔係死辣，入面介有寬薯粉同菜，索哂啲汁，食完條脷勁麻勁麻，超過引薑汁炒芥蘭：薑汁味勁濃，超有獲氣豉油王海中蝦：火喉掌握得非常好，炒得好乾身，蝦肉介係好鮮嫩，啲蝦殼都卜卜脆，成隻可以食哂，味道剛好超惹味，十分推薦…Read More

位於灣仔依間人氣極高嘅黑白餐廳🖤🤍期待已久今日終於出關即刻全家去食啦🥳無論場景、嘢食、飲品同甜品都一樣咁吸引🤩真係充滿驚喜呀～全間餐廳以黑白色為主，牆身係以全人手繪畫作，睇得出係極具心機之作呀，坐係現場簡直覺得自己藝術氣息都昇華咗😝係未上菜果陣，女女一直要出去不同位置打卡，不停細細聲係咁話好靚呀😍媽咪幫我影多啲靚相📸🩶日式西京燒比目魚🖤比目魚份量超多，外皮煎昏而肉質嫩滑，醬汁香甜濃郁🩶京式烤鴨薄餅🖤薄餅餅底超脆可口，大大件中式烤鴨啖啖肉，配上特製醬汁及厚厚芝士，成個薄餅係冇得輸呀!!🩶烤焗美國豬鞍扒🖤豬鞍超厚身，一切就知到係幾腍同嫩滑🤤食落仲好juice，配埋蘋果醬，味道再昇華去另一個層次，完全唔膩👍🏻🩶炸香脆薯條配黑松露🖤即叫即炸🔥炸到金黃色剛剛好👏🏻配上原黑松露和黑松露醬又濃又香，完全食到停唔到口呀😆🩶夢-森の家🖤依個甜品係必點之選🍄可愛到唔捨得食呀🥰🍄蘑菇頂部外層係白朱古力🫶🏻入面係士多啤梨慕絲蛋糕🍰磨菇柄入面係超多嘅士多啤梨醬同果蓉🍓入口唔會偏甜，味道剛剛好唔會滯🥹加埋曲奇碎一齊食，口感更豐富🍪而且外型真係迷倒不少人呀。🩶富士芝櫻祭-丸久小山園抹茶Tiramisu 🖤推薦👍🏻抹茶味超濃唔會太甜，配上香濃嘅芝士，兩者超夾，外圍仲有好多培茶餅碎，口感勁有層次，而家諗起都想再encore🤤🩶Rose Sangria🖤爸爸點咗杯cocktail 放鬆一下😌酒味唔算太濃，散發淡淡嘅玫瑰花香氣，搭上有清新嘅橙汁同菠蘿汁，絕配👍🏻…Read More

帶小朋友返興趣班，經過采頤花園見到有狗仔粉食，即刻買碗試下先😋狗仔粉材料份量超足🤩蜆肉蝦米超多，啖湯勁鮮甜，加埋辣菜甫，簡直係冇得輸💯夠哂惹味，口感豐富。另外，再叫咗盒酸菜紅燒肉飯，酸菜夠爽口，唔會太酸或過咸👍🏻紅燒肉望落去層次分明，入口即溶而且冇渣，唔會有柴皮感覺😎醬汁撈飯真係好正。下次經過會再嘗試蔥油豬扒蛋飯✌🏻…Read More

天氣凍冰冰，係旺角行完街想搵返啲暖笠笠嘅嘢食吓啦🥰我想食雞煲、屋企人又話想食蒸氣鍋或者羊腩煲🙄諗左好耐都唔知點好，好彩終於搵到間叫《㷫烚烚》一次過滿足哂，食齊3款菜式🤩我地成家人都食到舔舔脷啊😋🔥火焰雞煲依個雞煲簡直好似睇表演咁，店員先灒酒後點火，係係熊熊烈火下再將雞件炒香，香氣撲鼻，惹味十足，份量都好多👍🏻🔥海鮮拼盤海鮮拼盤一上枱，已經聞到好香嘅蒜蓉同海鮮香味～海鮮包括有蝦，扇貝，鮑魚，蟶子，魷魚，貴妃蚌等，啲粉絲吸哂海鮮同蒜蓉嘅味道真係超人間極品❤️🔥雙冬羊腩煲/蒙古冰羊煲今次我哋揀咗店員熱烈推介嘅蒙古冰羊煲，羊件啖啖肉，羊味濃但一啲都唔羶；湯底有蕃茄酸酸甜甜味道好開胃，仲可以加埋其喺火鍋配料享用🌟仲有手機落單及自助美食/飲品區，多款新鮮食材及小食甜品揀，真係食到攬住個肚腩仔返屋企呀～…Read More

自從上次食過依間意大利餐廳之後☺️一直好想搵時間去再品嘗🤤終於抽到時間再去食啦!!今次去到都仲係覺得咁舒服，好有氣氛嘅感覺，而且仲發現換左新菜單🤩樣樣都好想食呀😋🌙Marinated Sous Vide AUS Lamb Shank真空低溫慢煮澳洲羊腿 $188羊腿低溫慢煮處理，肉質勁嫩滑，而且一啲都唔羶🤩另外仲有個多重口感嘅薯蓉，香氣惹味，味道濃郁🌙Grill Seabass Fillet with Mash & Vegetables 牛油刺山柑醬烤鱸魚$178鱸魚烤得剛剛好，魚皮有啲脆口，肉質鮮嫩；配上特製嘅lime cream sauce 真係將味道升去另外一個層次🌙Italian Porcinl Mushroom Risotto 意大利牛肝菌燴飯 $148這個經典口味菜式，濃厚嘅牛肝菌香氣意大利飯煮得不會太軟太硬，有嚼勁🍸: Pink Smoothie(Stawberry, Banana, Orange Juice) $58…Read More

難得同老公倆小口拍下拖，即刻搵間日本菜食下先😋今次我哋揀左尖沙咀厚福街樓上舖嘅德美壽司🍱出lift門已經好似去左日本咁，林林總總嘅日式裝潢及陳設，超有feel🇯🇵座位環境優雅舒適，可以舒舒服服咁一邊傾偈一邊品嘗美食🤤🍣火炙左口魚邊（2件）火炙左口魚邊壽司入口魚油超豐富，超級好食🍣海膽壽司、三文魚子壽司、蔥拖羅茸壽司海膽入口鮮味濃郁；三文魚子份量多，鮮味十足；蔥拖羅茸口感細滑冇筋，魚味香濃🍣大蝦天婦羅吞拿魚茸卷大大隻大蝦天婦羅，夠哂脆卜卜，亦不會太油；配上細滑超鮮味嘅吞拿魚茸一齊食，口感多重層次，夠哂豐富🍣沙律貝柱軍艦（2件）貝柱超鮮甜，份量超多，配上調製沙律醬，超夾好好味🍣火炙鵝肝（2件）鵝肝火炙後外脆內嫩，口感肥美濃郁🍱鰻魚朴葉飯哇🎊依個飯真係不得了!!朴葉包住鰻魚、蛋絲同飯來烹調，入面所有材料都散發淡淡嘅朴葉香味😌鰻魚相當肥美，而且冇食到啲細骨或尖刺👍🏻醬汁亦調得剛好，沒有過甜或過咸。🍢安格斯牛肉串安格斯牛肉串牛味香濃😌厚度適中，肉質軟嫩，亦散發燒烤香口味親，超惹味🥚日式海膽茶碗蒸海膽味道濃郁，茶碗蒸口感滑嫩，湯汁鮮味🍮飯後仲有甜點附送，係芒果汁牛奶布丁🥭入口覺得布丁勁滑勁香濃，配上酸酸甜甜嘅芒果汁，超正，為依一餐畫上完美句號💖…Read More

今日同屋企人去左尖沙咀睇燈飾，睇到餓餓地就去左朋友介紹嘅<KEW+>性價比好高嘅靚靚餐廳，餐廳環境好大，裝修都非常靚，氣氛相當唔錯，座位亦好闊落，餐牌內有各式各樣菜式，包括，中、西、日、泰、越嘅菜式都有，可以滿足唔同食客嘅口味😋店員態度ok👍🏻當日天氣好凍，店員好細心，我地坐低之後好快已經送上暖水❤️我地一人六人就叫左6款菜式，分別係三式刺身沙律配紫蘇汁、黑松露雜菌薄餅、老壇酸菜鱸魚、KEW+招牌鴛鴦咖喱蕃茄炸厚切豬扒飯、蜜汁叉燒蛋飯和卡邦尼意粉。三式刺身沙律配紫蘇汁超驚喜嘅沙律，特製醬汁好特別超開胃，刺身非常新鮮，食完簡直係打開味蕾，家人們都讚不絕口👍🏻黑松露雜菌薄餅黑松露超香濃，薄餅批邊勁勁勁脆，正呀老壇酸菜鱸魚鱸魚魚質厚滑，非常新鮮。味道夠哂酸、夠哂辣🌶️薯粉非常煙韌，索哂啲湯汁味，好惹味KEW+招牌鴛鴦咖喱蕃茄炸厚切豬扒飯雖然係厚切豬扒，但煮得剛剛好，咬開仲係好鮮嫩多汁，食落似係慢煮煮法，外脆內軟，又唔油膩。鴛鴦飯兩合醬汁上面勁多芝士，啱哂芝士愛好者❤️而且用鐵板送上，食到尾聲都仲係好暖身蜜汁叉燒蛋飯叉燒正常發揮，醬汁加靚靚太陽蛋撈埋啲熱飯真係好好味呀～冇得輸呀～～卡邦尼意粉卡邦尼醬汁好香濃，再撈埋蛋汁意粉👍🏻好滿足…Read More

今日嚟探屋企人，佢地極推介依間「天廚」口水雞油飯同手撕雞米線，好啦～見都餓餓地親外賣左依兩樣返屋企慢慢食🤤店員態度十分親切，而且非常細心，見我帶住小朋友，會主動詢問口水雞醬要否另上👍🏻另外飯餐可選要例湯或紙包飲品。例湯飲得出唔係味精湯係老火湯，湯料都好多🫶🏻口水雞油飯（可選白飯）雞肉質鮮嫩，滑身可口，雞味亦好香濃，份量十足；而油飯都十分出色，有啖啖香茅味♨️好正口水雞油十分惹味，夠哂辣🌶️手撕雞飯份量十足，有花生、青瓜、芝麻同雞絲。雞絲肉質都好滑，一啲都唔乾唔柴皮，醬油好香好惹味，撈飯好正，青瓜都好新鮮，極脆口清新🥒…Read More

行東薈城啲outlet行到勁攰勁口渴，行到頂樓見到天仁茗茶，簡直係雙眼發光呀🤩排左幾分鐘，就叫左杯「香芋珍珠奶綠」，等左5分鐘左右就已經有得飲啦😋香芋珍珠奶綠（茶濃、半甜）芋頭粒超級足料，大小適中，不會太大☺️芋頭粒煮得剛剛好，綿綿的🤤芋泥又夠粉😋奶好香滑，綠茶味好香濃，真係冇得輸👍🏻珍珠煮得好好，好有咬口，而且份量都好多,飲哂啲奶綠都仲有好彈珍珠可以食😉成杯飲品所有別都好match 💯…Read More

同屋企人嚟Airside行街街，經過見到依間韓式烤雞，之前都聽過朋友講好好味，所以就同屋企人入去試下先，等左大約10分鐘就可以入座，店內環境好舒服，裝修以小清新為主，座位都好闊落，我地4大1小叫左芝加哥薄餅、果味醬油蒜香烤雞、韓式雞蛋卷、鐵板泡菜煎餅，食到超超超飽。上菜速度都算好快，而且店員好細心，見到有小朋友，會自動換上兒童餐具🫶🏻芝加哥薄餅：勁多多多芝士🧀芝士愛好者必叫，醬汁有少少少辣，好惹味，薄餅批邊勁脆口，而且有少少薯蓉底，令人一試愛上果味醬油蒜香烤雞：雞皮勁脆口，肉質鮮嫩多汁勁juice🥹味道少少酸酸甜甜又帶蒜香味，食落唔會油膩韓式雞蛋卷：蛋卷內餡好足料👍🏻勁多芝士，蛋整得剛剛好，香滑厚身。唔會煎到乾哂，好嫩滑💯鐵板泡菜煎餅：鐵板熱辣辣超正，泡菜好脆口，煎餅都好酥脆酸蘿白：超好味，唔會過酸，而且勁爽脆…Read More