eat_fatfatfoodie的個人專頁

平時成日去深水埗搵嘢食，今次比我搵到呢間隱世酒吧，朋友揸車門口咁啱有位泊添，好好彩😍一入到去感覺好有藝術感好寫意，門口牆身嗰幅畫好特別，一問之下原來係店主請咗畫家嚟畫，真係好有心思🥰而家星期日至四 4-8PM 指定食品仲有半價，性價比真係超級超級高🥺| 德國咸豬手 $238豬手食落腍滑好入味，外皮超級脆好惹味，配埋德國酸菜同自家調配蜜糖芥末醬，解膩之餘亦令咸豬手更富層次。而家嗌一份豬手仲送2杯醉檸茶，超抵啊！😍| 炸啤酒魚柳薯條 $148呢度炸魚嘅粉漿加咗少少啤酒，等啤酒中嘅二氧化碳令外皮蓬鬆酥脆，同時保留魚肉嘅鮮嫩多汁。佢哋用咗口味較清爽又唔苦澀嘅啤酒，完美地突出魚肉嘅鮮甜味，外脆內嫩，佐酒一流！| 威士忌 BBQ 豬肋骨 $188聽店員講呢個係 Amuse 嘅招牌菜，佢哋嘅燒烤醬加咗威士忌，令豬肋條肉質變得腍滑而且醃得更入味。豬肋條完全吸收咗醬汁嘅味道，超級惹味，同一般豬肋骨有別。| 腸仔拼盤 $198呢個腸仔拼盤一上枱真係比佢嚇親，大份到痴線😱佢有3款腸，每款嘅份量都超多，好彩我哋有幾個人，唔係肯定食唔晒🙈Amuse (深水埗)📍深水埗九江街 161C 號地舖…查看更多

星期五 Happy Friday 緊係同同事一齊出去食 lunch 啦，見喺 office 附近，一於試試佢！我哋 4 個人嗌咗 3 個 set lunch，再單點 2 款嘢食。Lunch set 有得揀湯或者沙律，仲有甜品同嘢飲送，好抵食啊😍| Lunch Set: Chicken Pasta $120呢度嘅 Pasta 有意粉或者長通粉，呢個雞肉 Pasta 係配長通粉，醬汁好濃好 creamy，超好食🥰| Lunch Set: Pita Gyro $120佢係一個 Wrap，有得揀豬 / 雞 / 素菜，我哋揀咗豬，配埋醬汁同少少洋蔥，爽口得嚟又好夾，仲有薯條做 side，唔洗驚唔夠飽，呢個大推！| Lunch Set: Souvlaki $150呢個串燒可以揀雞 / 牛，我哋揀咗牛，食落有啲韌，同埋得一串肉同薯條，性價比唔太高！
| Cheese Platter $230由於成班同事都係芝士愛好者，所以嗌咗呢個 Cheese Platter 試吓，一上枱好香好吸引，點咗中間個醬試吓，原來佢配咗希臘嘅蜜糖，鹹甜鹹甜咁，成件事好夾！😍| Beefteki $198呢個係一個牛肉漢堡，普普通通冇乜驚喜，想食牛可以一試。| Greek Frappe $48 (跟餐 +$30)Santorini Greek Restaurant (中環)📍中環蘇豪伊利近街51號伊利閣地舖…查看更多

由於仲係生日月，朋友揀咗呢間餐廳同我慶祝，當晚係星期五嘅 7:30pm，一入餐廳人山人海，8 成客都係外國人，大家都好熱情好有氣氛😍每當有人上生日蛋糕 / 甜品時，全場會播好大聲嘅生日歌同埋全場嘅 Staff 都會一齊唱生日歌，如果係 I 人要做足心理準備先好去慶生🤣| CLASSIC CAESAR SALAD $135 Caesar Salad 有蕃茄、羅馬生菜、鯷魚、煙肉、巴馬臣芝士、麵包糠，當然唔少得呢個沙律嘅主角—Caesar Salad 醬😆生菜好新鮮，食落好脆口，配埋芝士同沙律醬，普普通通但又幾好食😋| SALMON TARTARE $175呢個他他上枱嘅時候真係嚇親，比想像中大份，兩個女仔食有啲多，絕對對得住佢個價錢！新鮮嘅三文魚配上青瓜、小蔥、酸豆、Tabasco、檸檬、原粒芥末醬同紅蔥頭油醋汁，食落好 fresh，做 Starter 就啱晒😍| GARLIC BREAD $70蒜蓉包睇相好吸引，但因為佢係酸種麵包，所以食落淋淋哋，但重點係佢冇乜蒜味，完全唔洗浪費 quota 食佢，$70/6片，不值一試🥲
| USDA BABY PORK RIBS $295 去到見到隔離枱食好吸引，即刻嗌嚟試吓先🤩半份豬肋骨配咗蕃薯條同 Apple slaw豬肋骨啲肉軟嫩，骨肉好易分離，蕃薯條就有啲遜色，上枱時唔係熱辣辣，唔知係咪太忙一早炸定不過整體嚟講呢份豬肋骨都幾抵食🥰FRITES Belgium on Tap (中環)📍中環皇后大道中 152 號皇后大道中心地舖…查看更多

一直都好想試呢間被網上評為「預約困難店」嘅扒房，早排見到佢 IG 寫做到 7 月就結業，即刻上網捕住佢幾時開放訂枱先，幾經辛苦終於 book 到當晚最後一張枱🥺| Tasting Set $680pp$680 set 包咗 9 樣嘢，包括 Entrée, Salad, Soup, Garlic bread, Steak platter, Fries, Sauteed Mushroom, Stir Fried Sweetcorn, Dessert其中 Salad, Soup, Fries, Dessert 可以無限追加Soup店員上枱時冇講係咩湯，到收碟嘅時候叫我哋估用咗咩材料整，估計係老闆想同食客多啲交流對呢個湯印象都幾深刻，一飲落去有兩種味好強烈，就係咖喱同鹹蛋黃，聽落好奇怪，但飲落出奇地幾好飲👍🏻配埋個聞落好香嘅蒜蓉包，簡直係絕配！
Steak platter當晚食咗3款牛，3款都係和牛，有軟嫩嘅肉眼，油脂感重嘅澳洲和牛同埋肉味濃郁嘅西冷。
Fries不得不說呢度啲薯條真係好好食，佢係粗身薯條，即叫即炸，脆卜卜真係好好食🥺Salad普通沙律一個，啲菜都幾新鮮，勝在可以解膩，我哋都 refill 咗一次😂*留意餐廳只收現金。Pheromone - Steak House (大坑)📍大坑蓮花宮西街 1-9 號地舖…查看更多

見到 Flat Iron Steak 開咗姊妹店做 burger，即刻去試試佢先！Happy Friday 一於約友人去中環陪我試🤤當日喺中環街市行過去大概 10 分鐘，好彩有半山扶手電梯，唔係行咁多樓梯同斜路都咪話辛苦🫣| THE FLATIRON $98由於嗰日唔算太肚餓，所以嗌咗個最基本嘅 THE FLATIRON 配套餐，一上枱份量超驚人，塊漢堡食落好重牛味又多肉汁，最正嘅係佢個包底面都搽完牛油再烘，食落脆卜卜又好香！😍| FLATIRON DELUXE $128友人嗌咗 FLATIRON DELUXE，啲芝士多到爆，同埋多咗煙肉，啱晒重口味又鍾意食肉嘅佢🥰| +$38 配薯條 & 汽水On top +$40 將薯條升級做 FRENCH FRENCH FRIES薯條大份到同友人一齊食都食唔晒，睇住佢即刻炸啲薯條再舖芝士焗，加埋啲醬食到我哋舔舔脷😋Flat Iron Burger (中環)📍中環蘇豪伊利近街 27 及 29 號地舖…查看更多

放假想遠離煩囂，可以嚟旺角呢間隱世 Bagel 店—Bforbagel by 404 LOT FINE朗豪坊行過去大概 5 分鐘，主打低糖手工 Bagel，每日提供唔同口味，絕對係放鬆休息嘅好地方🥰| Bacon Egg & Cheese Bagel $68一上枱就畀隻太陽蛋吸引到，蛋白煎到脆卜卜，蛋黃依然流心😍煙肉煎到濃邊啱啱好，配埋熱辣辣煙韌嘅 Bagel 一齊食，滋味十足🤩| Smoked Salmon Cheese Bagel $78煙三文魚份量驚人，食落啖啖煙燻味，配埋搽咗芝士嘅 Bagel，冇諗過芝士嘅鹹香同煙三文魚係咁夾🥰| Cappuccino $48食 Bagel 梗係要配番杯咖啡，呢杯 Cappuccino 不過不失，都係正常嘅味道☕️| Tiramisu Latte $57見好少地方有得飲，一於就試吓，Latte 加埋自家製嘅 Tiramisu 口感好特別，一次過滿足你兩個希望！…查看更多