zenki1985的個人專頁

85蚊。乳豬拼燒鵝飯，錯過左下午茶，唯有試個正價。點完餐先睇吓openrice食評，見到負評如潮，心諗又中伏，都幾失落。不過點左餐就要食架啦，正所謂路係自己揀，仆乖唔好喊。結果出乎意料之中，一心打定輸數，竟然有轉機，有驚喜。乳豬皮脆卜卜，肥瘦適中，正喎，燒鵝反而冇乳豬咁出色，不過都好食，唔會係又柴又肥 ，老友食個碗燒鵝瀨粉同樣出色，如果價錢稍為平民化多少少就更高cp值…查看更多

麻辣蛋牛治烘底，麻辣味夠不會太辣，牛肉係鮮牛肉，唔係罐頭咸牛肉，熱奶茶，奶茶順滑，水準之作。 今餐好滿意，正喎。座位略嫌擠迫，店員服務態度不過不失，整體來說，可以翻灼…查看更多

好食，味道好粉漿家製，可以選擇多醬，可以選擇脆身啲，即叫即做 ， 製作需時 ， 耐心等候。店員姐姐親切有禮 。身為格仔餅愛好者的我，這檔首推。問姐姐邊款果汁當造 ， 推薦芒果椰汁西米飲，試過果然有料到，值得一試。…查看更多

食個早餐 ， 簡簡單單，野食份量少質素平平都算，同區來算，價錢中高價位，最重要係員工啲態度真係世界級咁差，冇禮貌，呼喝食客😂😂單憑呢幾樣野已經可以注定好快執笠，要試伏就趁早，遲左冇機會，真係點到你唔伏？？？？？…查看更多

第一次飲呢啲花臣野，平時都係飲珍珠奶茶，出位少少都係飲黑糖珍珠，今日試吓啲潮物，芝士混合莓，都幾好飲，飲到尾段覺得啲芝士味好怪雞，唔係咁接受到飲芝士，總括黎講唔錯。＃賣野飲個女仔好靚女吓＃有禮貌有笑容…查看更多

行行吓，口痕又口渴，咁就搵杯野飲吓，本身諗住叫杯珍珠奶茶，有野𡁻吓，又有得飲。不過又比我發現到杯特飲，個名聽落古怪，不過口味創新，寒天凍綠茶奇異果，飲落不果不失，幾甜吓。我已經叫左少甜，7分糖。廿幾蚊杯，抵唔抵好難講，不過冇下次。店員服務都係咁。…查看更多

路經彩虹，先前入左間九唔搭八茶記，假日冇下午茶即轉。 見到呢到好多選擇是但搵一間，選中幸福茶餐廳。點左個芝士漢堡牛扒包配薯餅，凍鴛鴦。女友就要腸仔五香肉丁米，配熱奶茶。佢個單我唔介紹，唔係我食冇食評。我個單就一句講哂，茶記食到呢個水準，冇得輸！！…查看更多

麻麻地，見多來好評去試試，中伏。個楊枝甘露甜到喊…芒果酸既，食兩啖頂唔順，埋單走，冇下次！！老闆娘態度又差，出品又慢，唯一可取係員工服務態度幾有禮貌。相都冇影，不可一，不可再。…查看更多

因為自己懶的關係,遲遲未去準備book位食自助餐。之後我估係由於父親節將近,所以好多地方都full booking。好彩呢到有得waiting list 後補, 所以接完老婆放工就去尖沙咀行下街, 睇下有冇機會後補。到左8:25分, 早5分鐘已經有call back , 亦詳細解釋點樣去間酒店, 大讚。去到坐左5分鐘就有位嚕。入座後店員解釋還有5分鐘才到自助餐開始 , 所以先飲杯水坐下吧。 開始時候大家都去排隊拎生蠔,每次3隻, 有2款,美國同蘇格蘭,之後仲有澳洲?計落好似3款。我食左三十幾隻。開生蠔的小妹態度很好, 笑面迎人。再讚。 另外美中不足, 蠔的size屬於細隻的, 有2隻有蠔殼碎。小龍蝦,長腳蟹,螺,青口,凍蝦,我覺得比較咸。我老婆話ok。湯有2款,一款係南瓜湯,味道很好。另一款是赤小豆煲豬骨,味道麻麻。開生蠔的小妹見冇人排隊拎生蠔就轉去整芝士, 將d芝士整熔再落去塊面包到, 有餅塊/餅條/面包等提供作個底。佢叫我試下架, 真係很好味,不過太飽了。吃一塊就夠。另外羊架,牛肉,也不錯, 生熟度剛好。其他肉就麻麻地, 火腿夾哈蜜瓜太咸。辣酒煮花螺同蜆肉一流。薯容普通。刺身壽司,八爪魚超好食,三文魚同油甘魚不錯。生果方面, 西瓜同波羅唔好食。哈蜜瓜同蜜瓜超好食。甜品方面, 燉蛋,老婆話好食。 我自己喜歡個朱古力莫絲, 咖啡cake , 芝士cake都唔錯。糖水有紅豆沙不過冇試, 朱古力噴泉有4種生果你選擇,老婆話好食,我冇試。汽水支裝任飲, 見到你飲完即刻問你要唔要多支, 另外最後有餐飲, 老婆要熱奶茶,經理好細心, 話呢到奶茶同一般唔一樣。 會比較淡, 出黎效果非常好, 老婆很喜歡。我要左凍0茶, 味道同茶記一樣, 沒什麼分別。沙律有好多, 不過我無試到。仲有其他熱食我都冇試到。坐位方面好舒服, 地方唔大, 所以員工可以照顧到每一位人客的需要。擺放食物的區域有點細, 拎生蠔的時間就會阻住左海鮮吧。之後尾段我多謝個帶位小姐, 唔係佢, 我同老婆都唔知去邊到食好。更透露今天是結婚週年紀念日, 佢就話送個蛋糕比我, 仲問需唔需要臘蠋, 因為太飽的關係, 我表示唔需要, 另外就非常多謝佢。有個後生仔,表示一讀完書就入左酒店到做, 好好傾。,很Nice, 同佢傾左十幾分鐘。女經理也很好, 笑容好, 服務周到。可能我講野比較細聲, 我叫佢比多支可樂的時候, 佢主動烏低身聽我講, 嘩, 服務態度超好。p.s 本人去過幾間酒店食, 最貴6xx都有, 可能場大, 反而冇咁好服務, 呢到真係一流。埋單最後用信用卡, 670蚊。下個月同朋友慶祝生日, 一定要再黎！信用卡冇比到貼士, 呢下就真係同佢地講聲唔好意思啦。…查看更多