Martin Fung的個人專頁

久仰大名的博多一風堂，之前數次於晚餐時段排隊，都要等數百個位而放棄。上個月到日本博多旅遊，親身試了當地的博多一風堂，一試難忘。回到香港很想再試這間拉麵店，亦想比較一下，日本菜來到香港後，其質素是否一如以往被嚴重「打折」。昨天友人六時已排隊取票，已經要等一百個位....之後七時半再回來，仍要等十數個位...終於到八時可以吃了！店面裝潢不錯，餐桌用木做，跟日本的一樣！來到一風堂，當然要點招牌的白丸元味拉麵加半熟玉子！白丸元味是豬骨湯底加香濃蒜油，味道香而濃郁！最重要是豬骨湯底肯定是真材實料熬製而非用濃縮湯底。至於麵條，例牌是九州那種幼麵條，爽口又彈牙，口感很好，只是麵條份量好像比日本的一風堂少。叉燒，只有兩片，日本的則有四片，不過日本的叉燒是小片，香港的是大片。肉質OK，沒有特別的驚喜，但不會覺得很肥膩。還有半熟玉子，即溏心蛋，普通啦，蛋黃看上來偏熟。最後我把整碗拉麵連湯吃掉！我們還點了叉燒角包，這個很特別！但感覺像上海菜？另外還點了炸雞（風神雷神），很大件，但似乎用了很多油來炸，吃完應該會頗熱氣！總括來說，新港中心的一風堂，其拉麵質素跟日本的一風堂有八九成相似，其實已經很不錯了，唯一的問題:1. 等候時間太久，今次等了差不多兩小時2. 價錢偏貴，日本的赤丸新味和白丸元味，不含半熟玉子分別為800 yen及700 yen，香港的則賣68元，不過麵條份量較少，再加上兩地的物價指數相比，所以香港一風堂真的賣得貴。…查看更多

在香港要找一間百分百正宗的拉麵應該是一件極度困難的事, 我覺得如果能找到八成水準的已經很好了終於有時間來到鼎鼎大名的一平安拉麵吃飯, 等了約十分鐘左右便可以入座了甫坐下就有應該是從日本來的侍應招呼, 且內裡的裝潢很像日本的居酒屋, 感覺上這間拉麵店真的很有誠意經營!點了一個特製什錦豬骨湯拉麵, 不到十分鐘, 麵就來了這碗拉麵有紫菜, 蛋, 叉燒,豬腩肉等, 用料相當充足至於味道豬骨湯底不夠濃, 可能我在日本吃過豬骨湯底拉麵, 覺得豬骨湯夠濃才好吃, 但味道都OK麵質頗爽有彈性, 叉燒亦好食不太肥, 反而是豬腩肉太肥, 可能我不太喜歡太肥膩的食物至於溏心蛋, 看起來不覺得是半生熟, 但吃下就覺得蛋黃應該是半熟了其他配料也不錯, 各種配料數量也很平均, 不像某些麵店一味下大量芽菜和蔥就充拉麵就算整體來說, 味道是不錯, 有正宗日本拉麵的八成水準價錢方面, 這碗拉麵$72加一, 以分量和質素來說是OK的, 這樣的拉麵在日本賣1000 yen也不為過…查看更多

剛才去了愉景新城的Domon札幌拉麵吃午餐, 點了一個牛油拉麵加兩串雞軟骨味道...正如標題所說...麵質跟公仔麵無異, 還下了大量的芽菜及蔥, 再加上一片五蚊銀咁大既牛油, 結果當然是吃不出牛油味!至於兩串雞軟骨也算了吧! 像縮了水一樣!結果, 付了七十個大洋吃了不飽又難吃的午餐! …查看更多

這間位於北角碼頭的拉麵店, 店外的裝修很有日本feel但通常都好大機會只是"金玉其外", 但原來內裡的也很像日本的餐館!光看裝修已覺得他們有誠意經營日式餐館!甫坐下服務員即送上熱茶, 這應該是焦茶吧! 很濃烈的香味我點了一個螃蟹拉麵加炸雞蛋飯我初時R晒頭不明白什麼叫炸雞蛋飯, 還滿好奇地認為"雞蛋"是"炸"出來, 但原來只是炸雞+蛋+飯這個炸雞蛋飯味道不太特別然後到螃蟹拉麵, 湯底味道比較濃, 麵條有煙韌感, 螃蟹其實只是蟹柳, 但絕對不是超市買到的那種所謂蟹柳餐飲方面, 我點了凍檸茶, 但這個真的要改善一下!我經常認為在香港做的日本菜，拉麵是做得最差的很多店鋪做的拉麵湯底差 (很多味精或無味), 麵條沒有煙韌的感覺又有鹼水味, 份量有時會很少最要命是這樣的拉麵居然賣六、七十元一碗的不計其數，很有呃錢的感覺...在日本用差不多的價錢絕對可以吃一碗非常好味又有份量的拉麵...這間店鋪的拉麵雖然還未及日本的水準, 但在香港來說已經做得很不錯了!…查看更多

以前已數次光顧澳洲牛奶公司，最近一次為兩年前，每次光顧總覺得它的炒蛋和燉奶很好吃，只是服務給人有點窒息的感覺事隔兩年再度光臨吃晚飯，可能是八點多的關係，店鋪外沒有排隊等入座的人龍，一進門口便有侍應來招呼我們店內裝潢完全沒有轉變，人潮依舊很多，侍應送餐的速度依舊很快唯一的變化是，澳牛跟其他食肆一樣要面對通漲的問題...望見餐牌, 茶餐已加到30元 (上一次茶餐為26元)由於我有在此進餐的經驗，所以甫坐下便立刻點餐"多士 炒蛋 意粉"，點餐後五秒內便送上叉燒意粉叉燒意粉是很普通的貨色，只有兩三片不肥不瘦的叉燒，感覺比兩年前退步了一點火腿炒蛋也是退步了一點，份量少了一點，炒蛋也不太滑，但這不等於不好吃，它還是在水準之上但比之前質素下降了一點多士很厚，哄得很有水準之後再來一個凍蛋白燉鮮奶，蛋味和奶味很濃郁，很甜但不漏，是全個晚餐最有水準的食物，但價錢也貴了($20)凍奶茶有三分二是冰，味道很普通全個晚餐只花了十五分鐘便完成埋單走人總括而言，以食物質素來說，感覺有點退步，但仍算是有水準的，希望澳牛將來還可以keep住水準之餘再把食物質素作一點的提升以送餐的速度來說，澳牛絕對是全香港No.1店面十幾個侍應走來走去看似很亂，但我相信其實是很有條理的，否則不會五秒鐘就可以送上叉燒意粉以這樣的進餐環境來說，澳牛絕對不是一個好地方壓力真的超大，整個環境有如戰場，點餐/進餐慢點也不行所以進入澳牛前務必要預先想好點餐的食物進餐時又受制於周圍無形的壓力，食客基本上會開「自動波」加速進餐，盡快吃完就走，侍應便可以招呼新一批食客這絕對是「客如輪轉」的最佳例證！P.S. 吃完所有食物後聽到侍應對另一個侍應說「XX號枱準備起錨」起錨？果然是很有創意的說法，言下之意是叫你快點埋單走人...雖然進餐環境不好，但如果想體驗另類「軍訓」，可光顧澳牛但如果想要high class一點的服務，還是另覓其他高檔食肆吧！付出三十元就想要酒店式的服務？來茶餐廳吃飯，請還是不要諸多要求了！…查看更多

今日lunch食左涮牛肉鍋, 發覺這個牛肉鍋既質素下降左好多!今日既涮牛肉鍋好似係清湯底, 但我覺得好似比清湯更清...即係無味加左好多七味粉都仲係好淡其他既配料好似都縮左水...以前有好多金菇, 今日個鍋我只搵到以前既一半面鼓湯...似味精湯最後埋單仲要收成50蚊, 比兩年前貴左, 但質素退步左, 用料仲要縮水, 又無野飲呢個set lunch完全唔值50蚊去柚子食飯唯一既好處係....地方寬敞同夠靜, 同埋可以慢慢食…查看更多

今個星期第二次食日本野, 亦係一個月內第二次食千両有朋友於ICC工作, 所以下班後好容易就到千両等位, 由於太早既關係(6:30pm)唔使等好耐已經入去坐剛坐低, 即刻點極上吞拿魚鮫繼上次係中環食特選吞拿魚腩 ($35)後, 今次試更貴既極上吞拿魚鮫($48)...一樣咁鮮甜肥美, 油份很重, 有點入口即溶既感覺...唯一不足係多筋同切得幾薄...究竟值唔值得以48蚊既價錢食一塊有筋又薄既吞拿魚鮫? 真係見仁見智...部份唔錯既壽司另外千両最近搞北海道祭, 有一些比較特別既食物其中一個係鱈場蟹件($150), 蟹肉很新鮮! 我平時不太喜歡食蟹, 都覺得呢隻蟹唔錯!之後我地發覺仲係食唔飽, 所以每人點了一個海鰻壽司…查看更多

今日lunch time係意蠔屋食飯, 一入去就出現少少問題...成間鋪面得一個人 (可能係老闆?) 忙於招呼食客, 人手有點不足餐牌上最貴果個lunch叫"芝士焗珍珠蠔蘑菇意粉"價值88大元, 跟一個湯, 蒜蓉包同埋飲品心諗賣到咁貴係咪真係咁好食呀, 咁我就膽粗粗點左呢個餐老闆果然落足料, 珍珠蠔比想像中大隻肥美, 味道唔錯, 但芝士多左D, 有少少油膩既感覺至於湯, 蒜蓉包同埋飲品則是普通貨色, 不欲多談...但總體上算係水準之作, 雖然88蚊係有點貴, 但食到咁好味既珍珠蠔已值回票價另外我想推介呢個餐: 石斑蘑菇意大利飯 ($68)石斑同意大利飯好有嚼頭, 石斑成塊雞扒咁厚! 半年前食過, 但好似唔係成日有, 希望下次再次光臨時食到呢個餐!…查看更多

上兩個星期係咁OT到十點都未食飯, 收工之後不如豪少少去千両食飯, 因為有IPO等住我收錢由於係十點幾既關係, 排隊等位既人唔多, 一陣就可以入去啦( Sorry 圖片欠奉 )我地total叫左十幾碟壽司黎食, 一般既壽司如三文魚, 帶子, 鰻魚等真係好一般, 不過好過元氣少少至於拖羅, 我相信應該係全店最好食既壽司! 每次黎千両必定會叫拖羅! 今次叫左幾件大拖羅壽司, 水準依舊, 又肥大又新鮮又甜美, 我相信係香港都幾難搵到一間壽司店好似千両咁有水準! 雖然要成30幾40蚊一件, 但我覺得絕對係抵食!P.S. 唔知係咪太夜既關係, 我見到係迴轉帶上連續出現6, 7碟腐皮壽司…查看更多