ChristineLau112的個人專頁

午市唔太需要等位,15分鐘左右已經可以入去,以pacific place黎講算可接受,環境都唔錯但係我哋兩個人各叫咗一份午市套餐, 兩份都唔!好!食!牛筋腩飯半冷不熱, 筋煮得唔軟,口感一般最一肚氣嘅係餐廳出面大大隻字寫午市套餐每人$198, 原本諗住就係$198加一,結果原來下面最底超超超細隻字寫話要另收$40 點心費, $25 熱水 仲有加一, 埋單每個人$29x 接近三百蚊點解餐廳唔直接寫$263加一,  要大字體寫$198誤導人,然後再搵呢樣嗰樣黎收多人錢呢? 如果好食都算, 重點係份量細味道都係中下, 一個普普通通牛筋腩飯收$300, 而且係收到張單先知，感覺不太良好…查看更多

今次去食既係係深水埗好出名既新香園！新香園出名蛋牛治，一定要叫烘底呀～～新鮮熱辣辣，不過略欠味道唔係特別濃厚，唔似得出面街既蛋牛治通常偏鹹。勝在料非常多，女仔食一個都飽lu!…查看更多

平時好少去西環食野，今次一食就有驚喜！今次叫既鰻魚飯便當性價比超高，雖然只係叫半條但份量已經超足，仲配埋湯同小食，連湯都好足料❤️❤️$85食得好滿足，一定會encore…查看更多

車仔麵之家出名既係豐富嘅配料、特色湯底、同大大個麵底~ 唔少人都黎特登幫襯，我都唔例外。雖然冇以前咁抵食，但有香港風味又夠豐富! 料足湯底濃，絕對係平民恩物。lunchtime食一個麵已經夠飽👍🏻👍🏻👍🏻…查看更多

十三姨呢間太出名喇，出名到要排一個鐘！潰已崩，但好在最後食到🙈鵝肝飯基本係必食，配埋佢既配料係超級好味！煎得脆口而且鵝肝肥瘦適中，靚料～不過配料比較辣，如果唔食得就唔好撈均黎食喇…查看更多

一向都係牛一忠實粉絲，今次就叫左澳牛和牛放題！睇個油花色水都唔錯，咬落肉味濃郁有口感。推薦番茄湯底同埋芝士豚骨湯底，兩隻都好入味～最後最緊要係有frozen yogurt可以食，咁就圓滿喇！…查看更多

同朋友叫左個午市放題，張檯好大，坐得係幾舒服，但係服務同食物都好差😢環境係咁，個架係幾靚的第一輪叫左一啲小食，叫左6樣有3樣都冇，唯有食下魚皮頂肚。原本點餐紙有幾款野飲睇落唔錯，我叫左杯黑糖珍珠鮮奶，等左三十分鐘唔見野飲，問左侍應先知全部野飲都係冇，得出面果啲竹蔗水。其實冇唔緊要，但落單左咁耐又唔通知冇，等到口乾自己問先講冇就體驗好差。牛肉方面都係一般。唔係叫最貴個隻，但真心太多肥膏，我唔係好食得落肚。。。菜就正正常常冇乜問題，不過就冇切底部既莖，麻煩左啲。總體黎講真的唔好食，服務幾差，我未試過食放題都可以食唔飽，唯獨呢間食唔落。都真的幾失望。…查看更多