kasin0505的個人專頁

華麗嘅裝修睇其他食評都已經好多相就唔講喇，要推介一下冇人講既🔥打邊爐🔥大家可能唔知呢度有得打邊爐，我都係有日食中餐時聽到隔籬枱講，所以拎咗個Menu嚟睇就嚟試吓喇。當晚叫咗菌黃花膠魚湯鍋，有個木瓜裝住花膠，啲花膠份量好多炆得好淋，湯底香濃，用心機做唔求其。👍🏻👍🏻👍🏻打邊爐一定叫牛肉，之前試過牛頸脊唔得，今次叫安格斯牛小排，都幾鮮甜，可以切厚多少少，口感會好好多，切得太薄，都浪費咗嚿牛肉。海鮮叫咗桶蠔、蟶子王、龍躉片，質素都唔錯，各樣都有鮮甜味，份量亦都好足。👍🏻👍🏻👍🏻其他配菜叫咗牛肝菌皇餃、蟹黃蝦丸、素千層、豆腐紙、黑松茸菌、唐生菜、炸魚皮。牛肝菌皇餃有驚喜🤩，好香牛肝菌味，餡料冇肉不過唔會寡，餃子皮食倒自己做嘅，新鮮即包，依度既餃子皮好Al dente ，個人好喜歡😘，唔喜歡既朋友要烚耐小小，推介🥳華麗裝修唔再講，好喜歡依度打邊爐檯與檯之間夠闊落，梳化位又舒服，疫情之後唔喜歡去啲迫既地方打邊爐，發掘到依度，廳住老上海風既歌曲打邊爐👍🏻👍🏻👍🏻，服務都好好呀，態度積極，招呼好周到，環境地點加埋食物質素埋單$1800都抵試埋打邊爐之後，中菜比較遜色，雖然好鍾意呢度嘅環境，但如果唔係因為有打邊爐其實都唔會再嚟，因為晚市中菜嘅款式選擇實在太少喇。…查看更多

睇咗YouTube介紹好正，網上book位1號9:50開定網站，10點鐘狂㩒搶倒4月30號晚有位，疫情幾年啱啱復常，都希望人地做多d生意搵下錢，但實在忍唔住要寫，各位準備去嘅朋友唔好咁大期望。是日食晚餐buffet ，從來未試過食自助餐係d野食冇再重複攞嘢，所以亦都冇咩興趣影相，因為實在太差喇😤😤😤凍海鮮有長腳蟹，麵包蟹，翡翠螺，青口，一律都係無咩味，新鮮的即烚龍蝦一啲都唔新鮮完全冇味，就好似一嚿煲完湯嘅豬展一樣食緊果啲肉咁樣既冇味，因為標榜係新鮮所以要形容仔細d讓大家想像下，而且龍蝦尾係冇連住個頭嘅，係新鮮既應該會連住個頭，唔會尊登斬左個頭去吧，牛扒韌到切嗰陣時，見到切俾我嗰個人係好出力鋸😅😅😅，而唔係切，羊架冇試，朋友話好羶。刺身係好OK，YouTube介紹冇落差的，當晚冇海膽，拖羅肥美冇渣，帶子刺身好大粒，三文魚都唔錯，不過問題係自助餐去到10:00，8:00再去攞已經冇得再攞，刺身師傅已經響度做清潔消毒，唯有攞d牛蒡漬，青瓜漬食下🥺西式熱葷比中式好，黑松露薯蓉好夠黑松露味，牛油汁比目魚，煎鴨肝好大舊，咖哩冇試，但佔左好多位置都係唔同既咖哩😓，中式有清蒸魚，芥蘭炒臘味啲臘味勁羶，當晚亦冇鵝掌，係鮑魚菇花膠，前邊擺咗三個冷盤，青瓜木耳好「確」喉，子薑皮蛋，同埋齋鹵味😞，主菜都已經冇咩野食，仲要見倒盤齋滷味真係有啲無奈，唯有攞多幾碗湯飲吓，赤小豆湯好有豆味。甜品好好味👍🏻👍🏻👍🏻，紅絲絨蛋糕、巴斯克芝士蛋糕都好滑好香，即整班戟有糖漿藍莓醬，不過冇cream🤔除左我地，眼見其他人都冇再點攞主菜區野食，好早堆晒喺甜品區，隔離10個人果檯好早已經埋單走人添，應該其他人都有同感。😔😔😔本身book既時候都已經book定第二次諗住好食既過幾個星期再食，但食完當晚番到屋企已經取消左，冇下次喇🫣，1000蚊既自助餐有更好既選擇。…查看更多

入到鋪頭坐低落單，員工態度差，仲要應對又九唔搭八卡位好污糟，好似開鋪到而家都冇清潔過檯凳，地下黑色嫁，痴笠笠叫左蕃粉牛肉通，攞到黎係一pat野，睇見都想嘔，食左一啖冇食，煲到尾淨個底好心就唔好攞出黎賣，海南雞河粉攞到埋黎又係冇湯既，餐廳用雪藏雞絕對正常，但都應該要整過醃過先拎出黎賣啦，成陣雪藏血水味，仲要碗野係唔熱嫁一句講哂，員工差，食物差，環境清潔差，荔枝角番咁多年工都未見過咁差既餐廳絕無下次（系統設定至少一粒星，一粒星都唔應該比）…查看更多

已光顧多年，以前飲夜茶，午市飲茶，晚飯都次數不少，一路都覺得幾好食，環境又舒服，服務又好，不過近期服務差左都可以理解，疫情之下生意差左，要精簡人手都係無可厚非，但係食物差左好多就真係好難再黎幫襯喇，唔知同最近海港城做coupon 有冇關係，如果係咁而將貨就價的話，真係不如唔好做coupon好過喇，咁樣仲做衰左自己個名，因為而家真係美心仲好食啊，所以唔會再幫襯，冇左個咁舒服既地方飲茶好可惜。（P.S.不過中環置地果間上個月食都仲係ok ge）…查看更多