gigileung7552的個人專頁

又到星期五覓食日今次去到觀塘想食漢堡包就揀左依間本來去到門口有少少卻步因為户外位置少又有人飲酒食雪茄但好彩原來裏面food court都有少少位可以坐兩個漢堡包都係軟軟既面包裏面有認真烘脆既塊漢堡扒兩塊其實係一樣都係好juicy有菠蘿果個食起黎就多口感啲另外果個就普通啦以依個價錢可以再好食啲😆薯條既肉醬有少少辣但係淋得好快肉醬同芝士都唔多但係薯條就好大份薯條都係同茄汁好食啲如果80蚊左右可以有更好食既…查看更多

放工想食泰國菜又想試下新野就係九龍城揀一間未試過既依間泰國菜餐廳比起其他食過既光猛叫左個泰式生蝦烏頭炒金邊粉豬頸肉通菜再加兩杯野飲龍眼冰同青檸梳打泰式生蝦蝦唔係用普通刺身蝦係用反泰式果種 藍色尾既蝦好厚肉 食到都新鮮既個醬好好味😋我唔食得太辣但係點下都好ok佢係酸加辣 好開胃 正第二個係豬頸肉炒通菜通菜爽脆唔會炒淋曬我依啲食肉獸平時唔中意食菜都覺得好食好有鑊氣 好夠味 咸香咸香咁依個金邊粉係全晚最大份量既一上枱嘩左一聲個蛋包好靚份量都好多 不過蝦比較少得三四隻炒得唔會太濕，略嫌酸左少少可能係落得太多青檸烏頭整得唔好好易有臭味但依條完全無開頭覺得佢唔係幾夠味實在係愈食愈惹味啲酸菜同粉絲好好味湯好泰式 酸得黎又好有魚味唔會太重口味龍眼冰普通 青檸梳打好飲夠酸 好refreshing 唔似糖水味下次經過可以再試🤤🤤…查看更多

今日下午同朋友行過嘅時候決定搵間餐廳坐低食下下午茶而呢間餐廳一直都係我個wish list入邊嘅所以就去咗試吓啦呢間銅鑼灣分店個位置原來喺莎莎裏便然後下午茶時間竟然唔使排隊我同朋友一人叫咗一個下午茶餐其實普通下午茶來講佢算係比較貴少少但礙於佢喺銅鑼灣有好適合打卡來講我同朋友都冇乜所謂我哋兩個人帶咗一個番薯條一個肉鬆蛋牛角包同埋兩杯crazy chocolate嗰兩杯朱古力真係好好飲完全飲完都唔會漏因為入邊飲到有苦嘅朱古力又有甜嘅朱古力好正個番薯條有好濃嘅番薯味，炸得夠乾身同脆身牛角包就蛋好香濃啦佢個芥末汁配埋啲肉鬆好好食有機會下午茶都要再食…查看更多

當日朋友請食生日飯已經book咗枱入到去裝修其實都好豪華職員安排左我哋坐張吧枱餐廳係用手機自己落單嘅其實我覺得咁樣幾好隨時可以加自己想食嘅嘢我哋兩個人單叫咗三舊壽司一個壽司set一個刺身set仲嗌左幾串串燒+1隻燒帶子其實食物質素都唔算差嘅都可以接受但係我個人覺得性價比唔高如果要比較旺角的話有一間企喺度食嘅性價比會更高以呢個價錢來講我覺得應該要有咁嘅質素係基本加上最重要嘅一個問題就係我同朋友坐係吧枱我嘅左邊係完全冇人坐既係出菜嘅位置而右邊係有好多空間可以侍應行埋黎嘅但係喺我哋食飯嘅途中起碼個侍應有四五次係我哋兩個中間收碟呀加茶啊上菜啊咁樣仲衰過大排檔啲阿姐每一次都完全打斷晒我同我朋友嘅對話係呢一點令到我哋覺得唔係好愉快姐其餘都冇乜話好差嘅…查看更多

之前見朋友上過去食好似啲擺盤幾精緻我OpenRice又咁啱有八八折又見到有beef Wellington就想去試吓啦因為香港有得食呢味菜嘅地方唔算太多就算有嘅餐廳都係serve大份量嘅見呢間個份量細細地就去試一試當日上到去朋友其實已經到咗咁我哋上到去就同門口嗰個侍應講話我哋book咗枱啦之後個侍應竟然話我梗係知你book咗枱啦我哋呢度有分邊爐同埋西餐咋嘛我就即刻呆左 咁確實佢同一個門口入但係有兩間餐廳😐經過咁樣第一印象已經麻麻㗎啦之後同朋友揀咗Beef Wellington 西班牙炒飯焗菠菜同埋雞翼個西班牙炒飯同個雞翼就還好西班牙炒飯都夠乾身嘅，份量都算幾多雞翼就普通啦不過不失但係嗰個菠菜上邊有隻流心蛋唔係好明白點解菠菜上面嗰隻流心蛋其實個人來講覺得味道好唔夾加上如果你係同朋友share食嘅話呢道菜真係好難分享到主角beef Wellington 我上網睇一啲西式廚師會加Parma ham落去嘅但係呢度就冇嘅佢做得細細份上枱嘅時候係幾精緻嘅但係其實個肉唔係好夠肉味一定要點佢旁邊嗰個汁但係個蘑菇醬其實幾香佢打得幾好同埋始終少食呢道菜覺得味道都過得去嘅…查看更多

當日星期五下午去到嘅時候發現餐廳一個人都冇已經覺得好奇怪㗎啦因為佢係新開第二日就去食啦結果不出我所料真係伏個批一啲都唔脆唔係好濃烈嘅蘋果味而且食落去好酸唔排隊都唔會回購啦價錢仲要唔係平個蘋果批都好細個下放喺佢嗰個紙袋得一半個賣相可能有加少少分嘅真係不會再回頭…查看更多

由好細個讀小學已經幫襯呢間榮記唔知道佢同另一間榮記有咩關係但係從來都只會食呢間嗰間個湯底係好濃嘅味道唔係嗰啲普通車仔麵清湯既味雞翼尖整得好入味蘿蔔係好甜每一次都必叫嘅豬頸肉又係好好食佢牛腩係真係硬左少少麻麻哋嘅但係一間舖頭總有好食唔好食依家算係質素都一直keep到如果食蔥嘅朋友，一定要加蔥佢嗰啲蔥裏面有冬菜依家唔係好多地方有得食同埋其實食呢啲車仔麵一定係會好頸渴嘅佢呢度有得飲玻璃樽裝嘅可樂我個人就最情有獨鍾玻璃樽嘅可樂飲落去特別好飲行過一定要試試…查看更多

一行四人專門到荃灣吃吉列牛點知想食嗰間大排長龍兜咗個圈就見到呢間吉列牛就排隊試吓簡直係顛覆左我對吉列牛嘅感覺佢嗰道菜叫香草吉列牛嗰啲香草味同啲牛一啲都唔夾搞到啲牛完全冇咗吉列嘅感覺佢嗰種吉列係硬身唔係脆卜卜嘅但係佢勝在餐廳夠多食物嘅選擇另外在帶多咗一set壽司有乾冰喺壽司下面既 幾有噱頭而且壽司可以keep到凍係好食啲嘅壽司都新鮮係幾好食嘅但係如果呢間野主打係食吉列牛嘅話就真係唔會再去食啦要排隊嘅話更加唔會當日佢安排左我哋坐門口嗰張枱唔知係唔夠冷氣地點樣佢開晒風扇但係始終都係好熱因為佢開着門叫Number…查看更多

排隊排左好耐而且嗰個位烈日當空職員指示一定要企喺嗰度排隊實在有啲排得辛苦但係山長水遠嚟到都係想試吓我哋一行三人嗌左三款甜品加三杯飲品有厥餅，卷蛋，同埋店員推介嘅芝士蛋糕厥餅同卷蛋我都覺得還好有做到有水準嘅有佢應有嘅味道反而最出色係個芝士蛋糕不過如果可以再說硬啲就會更加好好香濃嘅芝士味卷蛋入邊就包左紅豆餡唔會太甜都可以厥餅就不過不失，綠茶味好濃黃豆粉就唔係好夠不過略嫌黑糖漿唔夠多，食到最後都唔夠點了…查看更多

一直都想食任食雞好耐㗎啦但係次次都搵唔到唯有食住呢間主打食雞翼嘅餐廳先入到去店員好快安排到位置但餐廳來講食物選擇唔算太多而且價錢都頗貴最後只揀到一個鐵板炒面芝士年糕同埋兩款雞翼雞翼食咗唔記得影相兩款雞翼我哋都食晒一隻比較鹹啲一隻比較香口啲個味道就係好似食緊薯片味嘅雞翼如果下次再想食的話可能會揀外賣雞翼買走食仲有個芝士年糕其實真係同元氣炸芝士年糕一樣味道雖然都明白尖沙咀始終價錢係貴少少但係佢食物嘅選擇真係有啲少…查看更多

咁啱經過尖沙咀想食午餐就見到呢間雞飯諗住清清地就去食下啦要排隊不過都好快職員就安排坐低就算一個人食都唔會安排你搭枱對面係冇人坐既嗌咗一個午市餐嘅雞飯同要咗一杯泰式奶茶真係好似泰國嘅味道啲雞唔會好鞋杯奶茶好友泰式嘅味道本身係想要走甜嘅奶茶但係職員話已經係事先調教好嘅咁我就諗住甜少少都唔怕啦，點知嚟到真係有驚喜杯茶一啲都唔甜反而仲有少少澀澀哋嘅香味就算好飽我都成杯飲晒跟餐仲送咗一個湯個湯好重胡椒味嘅但係飲完又唔會好似味精湯好頸渴不過始終覺得有少少貴因為喺泰國呢啲係好平嘅嘢不過喺香港食到咁嘅質素算係好好啦…查看更多

8:00嚟到都有少少要等位同朋友一行二人就揀咗牛板腱同埋間隔膜一上菜來係成個套餐咁上有包埋汽水之前食過第二啲類似嘅但係就塊熱石好快就唔熱但係依間就絕對冇咁嘅問題食到最尾都係熱辣辣嘅肉質都好好如果大食嘅朋友仔真係要點返300 gram 先夠食因為我冇乜點食飯之下就要食300 gran先夠食佢枱嘅旁邊仲有好多唔同嘅醬你自己揀成個餐就有一個沙律一碗麵豉湯，飯或者跟薯蓉，仲包汽水如果係要挑剔嘅話就係舖頭抽氣唔算太好朋友食食吓都話食到隻眼流眼水要食的話預咗一定係成身都係味道…查看更多

今日難得過嚟荔枝角搵個朋友食飯點知周圍都爆曬場唯有揀呢間睇落去冇咁多人排隊本身一開始覺得佢加嘢飲好貴但係食落其實佢啲嘢都高質我哋坐喺枱度會好清楚見到師傅喺廚房度整嘢食其實佢用整得好用心慢慢擺盆雖然係比普通食肆等得耐左但係都值得等嘅我哋兩個人嗌左兩個lunch嘅套餐一個係魚嘅青醬意粉另一個係漢堡包一個就揀咗配沙律一個就揀咗配湯另外再加左$10換一支好細樽嘅奶茶知奶茶係錫蘭紅茶嘅味，但係就唔記得影相，佢係一支好細支嘅奶茶如果十蚊來講就有啲貴始終個套餐都唔係真係好平lunch來講嗰個青醬意粉，我自己就麻麻地青醬但係朋友就覺得OK，但我始終覺得冰鮮雪住嗰啲魚有浸味，但係又唔係唔可以接受嘅反而個漢堡包就有驚喜佢個包烘到超好食，就算我放咗一陣先食都唔會濕晒底面上下都係脆嫁再配一隻流心煎蛋啲菜呢就另外擺喺側邊咁個包就冇咁容易淋仲可以揀走啲自己唔食嘅蔬菜🙈薯角一樣炸得超脆但係你唔好預佢係連鎖店嗰種薯角佢真係食落去入邊實芯仲有即磨芝士但係個人就覺得茄汁酸左少少呢餐午餐食得好飽環境都坐得舒服嘅午市可以搵到間先到下計嘅餐廳都唔容易呢間環境都幾好服務都好好…查看更多

平時食開太安樓既芋圓，唔講都應該知邊間㗎啦但係佢每一碗糖水芋圓嘅份量好少，如果本身有芋圓嘅話都唔可以再加錢加今次呢間就唔同呀之前食過佢嘅主食都係超高水準性價比好高今次食完飯就黎試吓呢間糖水喺東區其實冇咩芋圓嘅選擇，依間暫時外賣做緊有九折都係30幾蚊一碗糖水價錢就普普通通啦但係其實出邊普通食一碗糖水都$30 㗎啦佢嘅芋圓大細啱啱好雖然唔可以每一粒都食得出係咩芋圓嘅味但係芋頭味嘅芋圓係真係食到有少少芋頭粒粒我個人來講就好喜歡呢種質感其實佢入邊仲有紅豆啦仙草其實係涼粉啦仲有少少好似珍珠咁樣但係佢啲珍珠特別啲冇咁韌之後到個口好攰配芋圓食啱啱好，咁當然如果你飲珍珠奶茶嘅話係應該要有趙口再來講吓佢份量其實佢份量都好多吓依度已經係我食咗半碗先記得影嘅有興趣不妨試吓…查看更多

食過果啲呀x來了搬左舖就唔好食 程x長 小時x各式各樣既台灣料理 依間真係有令我喜出望外疫情期間已經少咗好多機會出街食好西發現到依間 好似幾正就去試下點菜紙一如既往好似台灣餐廳咁樣一格格自己tick店家好貼心將筷子同埋匙羹用膠袋封好我哋兩個人嗌左一個排骨飯加魯肉蛋餅仲有滷味拼盤樣樣都好好食個滷水拼盤所有滷水野都切得好薄好入味仲有好香嘅麻油味成盤野如果講最冇乜特別嗰樣就係嗰隻雞翼啦開頭望到豬切得好薄都驚佢冇乜口感但係真係滷得好入味一入口嗰啲花椒8角既味就曬出來滷肉都真係好正 係我喺花蓮街邊食嗰啲滷肉味超好送飯個鹽酥排骨飯係我男朋友叫嘅但係都真係揸得好脆好香 唔會炸粉同埋豬扒分開一嚿嚿咁樣呢個蛋餅皮好薄好好食醬油膏好吊味肉鬆嘅料好多第一啖入口有浸好香嘅油味 好似牛油咁香嘅味配埋嗰種辣椒醬真係一流最後埋單帶多咗兩杯嘢飲都係$164價錢真係差唔多唔算太貴㗎啦依家出街如果想好地地坐低食台灣野都差唔多要呢啲價錢外賣仲有九折㗎大家不妨多啲幫襯呢啲小店…查看更多