Wai pang的個人專頁

首先講到達時間大約晚上7:15左右，家人已經提前落單，到咗兩個菜，但食完兩個菜之後覺得唔夠，再點三隻乳鴿，其實乳鴿嚟嘅時候都正常，但乳鴿質素差啲，仲有魚蟹未到，但估唔到後者嗰兩個餸可以等超過一個鐘，係咁催，係咁催，都係咁樣，淨係叫我哋等等等等等，已經係星期日，仲要係黃金時段，但仲有勁多吉位，點能夠上菜上咁慢，蟹先到，味道正常冇乜特別，都熱嘅，到最火滾嘅魚到啦，但等咗差唔多一個鐘，又話新鮮整要時間，魚到既時間，一睇條魚已經知道唔新鮮，在者食落去魚肉有小小梅，所以先叫經理換咗佢，然後經理一睇就話魚魚肉白色係新鮮，咁其實食嗰個覺得有問題係咪需要更換？並唔係聽你去解釋，咁最後都有換，本身換薑蔥蠔，點知轉頭又話冇，然後再換椒鹽鮑魚，仲要同我哋講比多兩隻，我地都算，諗住好嚟好去，唔好嘈，都最後食完埋單，竟然計埋嗰兩隻話送既鮑魚嘅錢，然後同佢哋理論，佢哋就話同咗我哋講補差價，但我哋聽唔到，咁即係又係我哋錯，計返數，$70.1隻鮑魚，兩隻即係140，最後不歡而散，只能夠講，永世唔會有下次，希望大家可以睇到呢一段食評先決定去唔去食，先講食物質素，未去到最差，但都唔係好，服務質素方便，勁差，差到冇人有，唔怪之得啲人北上消費…查看更多

首先天氣問題令到星期六既吉吉燒基本冇乜人，燒烤爐位置可多，但職員態度十分惡劣，例如唔俾掉位，會俾說話你聽，語氣帶責備，10分惡劣其次係佢哋將所有Booking嘅人放埋晒同一個地區，但其實仲有好多位唔比人坐，稍為用多一張枱或者有小朋友要飲既水都唔俾帶入去，完全冇同理心最後，如果有去開心農莊的話，吉吉燒基本上不用選擇，直接去開心農莊，就係因為自己懶又就近，所以去咗吉吉燒，去完呢一次，永遠唔會再去，亦唔會推薦俾所有朋友…查看更多

首先環境唔太乾淨，張抬好似重來冇抹過咁10分污糟食物方便完全冇味，份量又小又唔夠熱飲品方便叫咗凍檸茶，完全係超級健康，因為冇咪冇糖最後叫左份小食咖哩魷魚，一份小到不得了收20蚊最後總結唔會再有下次，如果唔係肚餓貪方便，都唔會上當…查看更多

琴晚諗住凍凍地又行得累，見到外邊好多人食就走入去試吓，點知。。。。。。。。。。。入去先點左個臘味煲仔飯，點知冇味嘅，又唔乾身第二道係梅菜扣肉煲，鹹到黐肺，飲水都唔掂第三個椒鹽鮮魷，出邊塊炸皮厚過我塊腳皮最後一碗例湯，完全係溝水溝出嚟，真係唔會有下次，最後埋單二百幾眼見衛生情況，十分惡劣，用完枱布抹枱冇消毒，枱上邊仲有食物殘渣…查看更多

環境尚算可以，餐廳位置酒店樓下食物唔熱不特止，又冇嬰兒坐位，冇安全帶嗰隻泊車仲要冇優惠又唔講清楚比人知，等人買單去問佢先話冇價錢同食物不成正比，小到爆，疫情期間求其想搵間中菜來慶祝生日，但真係食到出火一定冇下次…查看更多