kellyleung1228的個人專頁

尋日去左尖沙咀行街，經過見到呢間「The Right Place」，幾有feel 咁就入左去食dinner,就黎萬聖節所以見到有佈置d 蜘蛛網咁，好應節！佢仲有個大投影幕播緊歌！我地2個人叫左沙嗲雞肉串，雞軟骨，凱撒沙津同鹹蛋王帶子意大利飯沙嗲雞肉串出色燒得好香，沙嗲汁係熱既原來係好食咁多，呢個出色！凱撒沙律新鮮，份量唔少，仲有脆面包粒同煙肉脆脆增加口感！鹹蛋王帶子意大利飯第一次食，用鹹蛋王好特別，鐘意鹹蛋王既人應該會勁like, 個帶子煎到岩岩好，佢仲有用左玉子，第一眼仲以為係無煎既帶子，飯煮到岩岩好，小小生有口感。最野味就係雞軟骨配埋七味粉蛋王醬好好食，送酒一流，可惜無叫到酒整體食物唔錯，份量都唔少，埋單5百零蚊左右，慶祝Chill下一流，CP值高👍🏻…查看更多

今次試左雞胸雞柳同雞胸套餐加錢轉咗蔥油撈麵同清湯米粉另外仲加咗好出名嘅肉餅、糖心蛋同娃娃菜海南雞飯雞肉嫩滑無比，加埋濃郁醬汁更顯鮮美雞胸都做到好滑，一啲都唔鞋，雞油香氣撲鼻，入口回味無窮撈麵有啲似上海粗炒，米粉用咗新竹米粉糖心蛋仲有少少流心好入味肉餅肉汁豐盈，鹹香恰到好處熱柚子蜜清香撲鼻，天然柚香清新解膩，暖胃又舒心，為豐盛一餐畫上完美句點。仲有另外一間分店係北角港島嘅Gym友都可以試下👍🏻地址：北角和富道21-53號和富地庫B50-51號舖和富美食廣場C1及C2號舖…查看更多

今次去食屯門市廣場既御滿屋日本料理，一早book 左位，所以好快有得入去首先行左一轉出面既甜品，飲品，熟食區，真係幾多野食，重點係有清酒飲，酒鬼岩晒！熟食區有點心，炸物，pizza另外仲有鮑魚同青口，每次一出都比人搶晒飲品款式都有十幾樣一坐底緊係即刻掃qr code 落單，首先叫左刺身拼盤，黎到既係厚切的三文魚、甜蝦，帶子，螺肉同北寄貝光澤動人，每樣刺生都係入口鮮甜肥美！燒物黎講雞軟骨同燒鰻魚真係幾好食，我地2 個人都叫左10 串黎食🤣另外炸物個吉烈生蠔好多汁，唔似出面果d 勁乾天婦羅叫左蝦同南瓜比目魚食落好嫩口碗仔翅有一大條竹笙唔錯甜品兩款芝士蛋糕都好食特別推介Oreo👍雪櫃有5,6款雪糕🍦簡，不過我一定會食haagen dazs既焦糖脆餅雪糕，食左兩杯，飽飽全場點重點其實一直都無提過，就係極品榴槤，仲係任食，我一個人都食左5件，隔離枱仲狼過我，叫左幾轉，真係回本必選✨…查看更多

Book mark咗呢間好耐今次出銅鑼灣，經過就試吓好彩早咗去差唔多六點已經開始要等位咁啱最後一張入到叫咗最平嘅$168赤身套餐一個女仔已經好夠食套餐包咗前菜，蔬菜拼盤，烏冬同埋甜品有缺餅赤身好夠肉味又唔太油唔會食食吓好漏前菜又酸蘿蔔可以食吓肉，又食吓前菜再開胃啲168冇加一真係良心價！值得一試會再去…查看更多

經過元朗突然想食蒲田好耐無食過！6點去到唔洗等位直入小食有炸紫菜同龍眼乾，兩樣都好食！叫咗必叫嘅荔枝肉，豆腐燉大白菜同炒米粉荔枝肉嘅荔枝超甜，肉嘅炸粉唔會好厚！豆腐燉大白菜清清淡淡都幾好湯底清甜仲有啲蜆肉，蠔仔，蟶子豆腐好食索曬湯底嘅味！炒米粉加佢個特色辣醬仲好食！加埋啲炸紫菜食口感好好😌…查看更多

呢間點心想試好耐今次星期六晚黎到等左一陣先入到叫左點心拼盤咩都可以試下試枱好打卡able!樣樣都好唔錯！不過燒賣就唔係好食到鹹蛋黃味下次會想試下佢個燒賣拼盤！西蘭花苗煮得好淋，上面好多薑食點心都要食下菜呀！一口鹹水角都好食！個造型幾得意！兩粒咁串住芝士菠蘿包入面真係拉絲要趁熱食凍左就唔拉芝啦！紅米卷唔係香港度度都食到！脆卜卜好正！唔洗返深圳都食到！最後叫多咗個鳳爪排骨飯都唔錯！埋單兩個人三百幾蚊，尖沙咀物價黎講算係咁！…查看更多

叫左個番茄湯底好濃郁，手工麵有啲似烏冬質地幾好咬口，鐘意食粗麵可以試吓配料有酸菜，芽菜，腐竹，揀左鮮牛肉加左個餸炸鮮蝦雲吞有3粒配泰式甜辣醬勁好味超脆！入面有粒蝦仔炸雞扒都好唔錯！略嫌杯乳治抹茶米麻薯有啲稀，米麻薯可以再杰少少就好，不過米線舖黎講有啲咁特色既野飲都好唔錯！位置有啲偏遠，yoho行過去都行左好耐但食得出有小店既味道，睇住職員逐碗係你面前整都幾特別，係有溫度嘅小店！下次會想試下糯米酒/雞湯底！…查看更多

今日嚟到尖沙咀突然好想食韓國菜就搵到呢間係韓印紅開嘅海陸空好多侍應都係韓國人，亦都有好多韓國人幫襯餐廳氣氛好好12月仲有聖誕樹同朋友叫咗三樣嘢share 一嚟就有六碟前菜，每碟都好好味泡菜豆腐肥牛湯飯$98 冬天食一流，暖笠笠又唔會太辣另外仲叫咗糖醋肉$128一，嚟到超大碟糖醋肉炸得外脆內軟配埋酸酸甜甜嘅醬好開胃海鮮煎餅$98 煎餅厚薄適中又唔會太油入面有好多海鮮好似魷魚蔥令到人一件接一件食到停唔到口呢間餐廳份量全部都偏大建議可以叫多幾個朋友一齊share就可以試多幾樣嘢食總括嚟講性價比超高，兩個人埋單都係三百幾蚊…查看更多

今日lunch去左荃灣享和街呢間泰Grill入座後都越嚟越多人幫襯坐滿晒佢紅日都有lunch setLunch set會包青木瓜沙律或者冬陰功湯仲可以優惠價加配嘢飲同小食叫咗其中一個lunch set係蛋包虎蝦炒金邊粉$138大蝦有兩隻兩隻都好大隻金邊粉都好惹味另外我哋仲叫咗兩串燒菠蘿同埋三串串燒串燒嚟講雞同豬最好食！燒菠蘿都好甜！肉碎生菜包少少辣好惹味生菜都好新鮮有好多塊最後食埋個芒果糯米飯，芒果超級甜糯米少少暖暖地加埋椰汁好開胃…查看更多