claireli012的個人專頁

上星期同事原來收工去咗COSMOS，今日Lunch 又話好想再去唱K，就陪佢再來。 有Staff 同我地講原來限期內做會員有好多優惠，仲可以即刻enjoy 到， 我地點了和風鰻魚炒飯和脆炸薯格，即刻開波食住唱! 點知俾我搵到有韓團最新既歌!!!! 歌庫都幾新同闊, 食住野唱歌真係好Chill! 鰻魚炒飯色水唔錯粒粒飯都沾到汁，有日式炒飯既味道，食到鰻魚粒幾香口仲有D 菜粒幾爽口。識我都知我係薯格愛好者， 而呢度既薯格我敢講係令人印象深刻， 好脆口! Lunch 來講可以唱卡拉OK 又食到好野，值得推薦俾大家!…查看更多

上個月尾諗住係旺角食個快飯，之後跟住去聖誕party慶祝，門口見到舖頭入面睇落裝修好舒服！Order 咗個晚市套餐，原來係期間限定，7:30前離座係每位208，包咗餐湯主菜，旺角市區嘅位置來講價錢合理。頭盤係煎吞拿魚青瓜沙律幾清新，仲有少少蟹子增加口感。另外揀咗海鮮意大利粉，海鮮份量都俾得足料，忌廉汁同蒜味都幾夾，啲汁比較濃，建議同朋友share一份，個set可以另外加錢叫甜品，不過食得太飽冇加到。…查看更多

今日team Lunch 同同事去試咗公司附近間Dpd Deluxe ，一坐低店員好熱情，就介紹咗幾款熱門美食俾我地， 原來呢度既意粉是五星級酒店出身的意菜主廚出品，我地最後決定叫帶子意大利麵來試試。 上菜時一見到擺盤咁精美忍唔住相機食先! 食得出帶子同食材用料新鮮，煎過後更加帶出香味，意粉煮得剛剛好， 唔會過熟保留番應有既口感。 另外仲叫多咗杯黑咖啡提提神，佢地既咖啡豆原來係用KIMBO,  就算唔加糖飲落都非常順滑，地方泥講光猛又坐得舒服， 放假去開炮台山附近會再番泥試試下午茶! !…查看更多

來到Happy Friday姐係又到約朋友食飯的日子，最近俾來佬餐館個聖誕新menu吸引住，有焗鴨肉批仲可以食到芝士火鍋，都覺得幾啱食就入咗去。頭盤我就叫咗一份鵝肝二重奏，而朋友就叫咗個light 啲既沙律balance 番。上菜時先知係鵝肝兩食，一面係香煎鵝肝配多士，另一面就mix咗鵝肝mousse再焗到creme brulee 咁加埋一層薄脆焦糖，都幾有驚喜！湯方面就叫咗松露蘑菇濃湯，另外會跟埋一塊加咗蘑菇整成的曲奇，配埋湯一齊食仲正 （正評俾塊曲奇）上主菜前仲有個鴨肉批，聽講原來係融合咗來佬特色同傳統既節日菜式為創作意念，食落真係幾classic同有聖誕feel。黎到主菜係我最期待既焗法國春雞，真係幾嫩口又冇渣，仲好有雞味，絕對係我食過頭3 好食既春雞，份量俾好大足，2 個人都食到好飽雖然好飽到上心口，但甜品係落第二個胃既！朱古力樹幹蛋糕造型有心思，又有節日氣氛，最重要既係朱古力唔甜都唔算膩，食得出有調整過甜度。 整體黎講年尾未plan去邊食飯既可以試下～…查看更多

呢排少咗帶飯， 同同事去搵Light Food 個時發現有間來佬吧午市有農夫包食，睇落超吸引!午餐包餐湯同飲品， 我地叫咗一份煙三文魚農夫包同一份黑松露蘑菇長通粉。好快就上咗餐湯, 係南瓜忌廉湯， 都幾香濃同幾滑，仲隱約食到啲南瓜蓉。 好快就到重頭戲--煙三文魚農夫包， 一上枱就聞到好香芝士味， 三文魚份量仲俾得好大方， 唔會最後冇野配麵包食，切開先發現入面收埋咗好多忌廉焗菠菜，啖啖都好滋味!黑松露蘑菇長通粉勁Creamy 又邪惡， 濃濃既松露配蘑菇真係好夾， 長通粉又索汁, 食到最後一條都好滿足!…查看更多

今日去開旺角做野順便食埋lunch 先番Office, 上次食過一次DPD，坐得舒服而且食物都有水準, 所以今次試埋午市。作為意粉控既我就試咗海鮮卡邦尼意大利粉，海鮮份量俾得好足料，有煎香咗既帶子，魷魚，大大隻既鮮蝦, 仲有雜菇，而意粉煮得好彈牙好al dente， 食完成碟都唔會覺得膩。仲有好多款都想試，下次有機會再約friend 試其他先!…查看更多

最近見IG幾多人講來佬餐館既秋日滋味套餐 ,  今日收工約見約得成朋友就一齊去試試! 呢個套餐每位$348 起, 最少2 人成行先食到, 店員有介紹進食次序, 整體進食體驗良好! 前菜一共有4 小碟, 香草煙肉芝士焗蠔, 食得出蠔肉新鮮, 亦唔會俾芝士味道蓋過。蟹粉蟹籽一口酥外皮炸得鬆脆, 包著惹味蟹粉同金黃蟹膏，好食!烤美國露荀沙律 露荀爽甜冇苦味同草味又爽嫩， 加埋松露蛋黃醬又增添一番風味。蟹肉蘋果沙律沙律以紅及青蘋果混合而成, 爽甜又開胃, 食落發現原來仲撈入新鮮蟹肉, 好鮮甜!餐湯我同朋友都揀了來佬酥皮海鮮湯 (+$20) 用匙羹打開面頭焗得香脆既酥皮, 一陣帶海鮮香氣既霧氣直衝出來, 熱騰騰的海鮮濃湯配上厚身酥皮, 正到想再encore 多一碗!主菜方面, 我地揀了 慢煮香烤鴨胸，  以慢煮方式整鴨胸果然係超軟冧又保留到鴨肉既鮮味, 再煎香表面迫番鴨油的香味出來，非常好味! 我地聽店員介紹後加了$40 試試鮮拆蟹粉天使麵， 原來可以仲單點， 一上碟就見到澎湃蟹粉同蟹膏多到蓋住哂天使麵， 食落口鮮味直程爆發出來，絕對回本之選!食到甜品都已經好飽, 我地揀了自己最愛, 我先試芒果西米奶凍, 入口好香奶味又好夠滑, 夾埋芒果雪糕同芒果蓉, 清新又解膩。朋友就用流心朱古力心太軟伴雪糕作為成餐飯既甜美總結。…查看更多

預早book 枱可享有二人同行，一人半價優惠，四個人食仲可以其中一人免費，非常抵食。飲品可以仼飲，款式多，甜品仲有4款haagen daz雪糕選擇。職員服務好好，非常細心…查看更多