點解唔食的個人專頁

天氣熱辣辣，胃口就會想食泰菜。本身諗住就腳求其係旺角試吓泰菜，點知都有驚喜一如題目所講，椰雞湯真係全晚至愛！湯底嘅酸度、椰香、香茅等既比例都岩岩好，超開胃之餘又唔辣，雞肉全部冇骨又夠嫩，秀珍菇又勁多，例牌份量已經足夠3-4人分（我哋兩個人每人飲咗三轉），呢個抵食。另外第二推介係黃咖喱羊，好似係限定，好彩呢晚有得order. 黃咖喱好香又濃味，所以忍唔住叫咗碗飯（人哋係酒盜芝士，呢個係飯盜咖喱 ），羊肉好似係羊腩，林得黎又入味。如果唔係叫左椰雞湯 ，通常我都係試咖喱雞，唔會想轉羊肉，估唔到都很不錯👍🏽另外叫咗一碟炒菜，roti (又可送咖喱），豬肋骨（太多野食呢個可以skip），芒果糯米飯（芒果超甜，糯米飯仲係熱辣辣好煙靭）整體嚟講係坐得舒服又好食嘅一餐，起碼唔使下下去九龍城，好熱㗎嘛（是日33度🫠🫠🫠）…查看更多

想當年銅鑼灣間春嬌啱啱喺肺炎嘅時候開，都有幫襯過堂食。直至最近叫袋鼠外賣送貨又突然order返，但同之前真係相差好遠！我哋叫咗牛肉pho 加底+蔥油豬扒飯。豬扒飯還可以，蔥油味幾香，但係豬扒過度落鬆肉粉變得太淋冇質感。 牛肉pho 叫得外賣要求不會太高，但係得兩塊牛肉片，好似真係少咗啲。湯底偏淡，諗住清清地食一餐都還可以，但食到最尾，以為咬到不知從何而來的魚骨，一望！竟然發現係一條鐵線！！唔知係洗碗嘅鐵布定係任何工具鬆脫嘅鐵線，但真係好彩冇吞落去，如果唔係入院都似！附上圖片俾大家驚嚇一下。袋鼠外賣已經退錢，但係餐廳仲未有回覆！特登上嚟OP再提醒吓大家。…查看更多

難得出灣仔見到新開既餐廳，樓下放左街招推介$78 lunch buffet , 好耐無食印度菜所以即管一試！估唔到CP非常高！雖然lunch buffet 選擇唔多，但有齊晒沙律、餐前薄脆、小食（炸蔬菜，好似天婦羅咁）、烤雞、咖哩（咖哩魚同素）、羊肉、魚香茄子d frd、薑飯白飯同Naan, 仲包左可樂檸茶等飲品。 每樣都好食，烤雞真係都係雞髀肉同雞髀，好嫩又入味，無一件係烤到乾的。茄子入味又唔會好似中式魚香茄子咁油，烤物小食都岩岩好脆，唔係用翻炸油；naan幾chewy ，見我哋第一round攞唔到，仲親自成個藍攞黎分俾我地，非常nice 既叔叔！餐廳細細地位置唔多，但企理乾淨，所以見有人開始等位就走了。但都食左兩round因為真係好食，野食都refill得好快。推介附近番工既朋友…查看更多

見呢間浜燒夜晚都唔平，而且搵唔到咁多飯腳既我決定都係lunch 黎獨食一下。A(燒海鮮1件）+B(main)加埋一齊計一set, 第二set有半價但一個人食唔到咁多不過A既海鮮另外單點都有7折，所以豪一豪要左三件侍應無啦啦攞盤野俾我睇，先知原來佢會show下一陣燒俾你食既食材，真係好新鮮同埋好！乾！淨！（有洗開海鮮既朋友會知，d腸同邊邊位既內臟都清得好乾淨）然後佢就會係隔離燒，大部分都係butter +herb, 可以先原味食再點佢既miso (小辣）/ 柚子鹽/甜燒醬，隻隻都好match!馬刀貝好大隻，蟶子皇黎講真係好甜、高溫燒到岩岩好 鎖住肉汁又爽口，很推薦btw 前菜既小卷物係熟三文魚沙律飯卷，估唔到都好食 ，仲有去日本會去超市掃既三色芝麻（梅子味同海苔味），魔鬼在細節呢！Scallop 當然都正，白色肉係介乎生同熟之間，膏就岩岩好熟咁超嫩同鮮甜榮螺係以昆布湯煮形式上，好清淡既味，螺肉彈牙，但湯好淡所以無飲到，同前面既浜燒比，會想燒既多d🥹主菜本來無乜期望，但反而係最有驚喜的！薄薄既燒和牛已經好重牛味，油香十足，中間唔係金菇 而係芽菜同少少韮菜，好爽脆又多汁，呢個combo非常好！飯夠香同飽滿，完全吸收晒牛油同芽菜爆出黎既汁（我仲將食完既scallop 牛油汁倒埋入去一齊食）lunch time 經理仲送左甜品，係造型好靚既lemon sorbet ，冰好細滑，酸甜味好balanced…感動。希望下次搵到飯腳一齊share, highly recommended 👍🏼…查看更多

邁入中女年齡層，發現自己該食的都食了，不該食的都真的會說不了；食量雖減少但質素不能差，亦唔會因表面浮華所心動⋯（好返回正題）見到呢間咁多人買外賣既泰國菜，看着很實在，價錢也實在，姑且一試。實在的二人行叫左🍢🍳前菜（沙嗲串燒、蠔仔煎蛋）🍚🐟主菜（蝦醬炒飯，泰式蒸烏頭）🍹🥥飲品（龍眼冰、椰青）本身想叫埋甜品糯米飯，但好彩無衝動，因為已經太飽。雞x3 同豬x3 ，重花生口味既沙嗲醬 ，香口又nutty，兩個人分有d多😅說時遲 那時快，蠔仔煎蛋都好快上咗嚟：估佢唔到係佢真係用咗好多蠔 ，而且粒粒都好飽滿多汁，睇番好似係$118？但濕街市買既浸水蠔仔都要$100/2盒 ，很肯定無咁大隻架。配埋煎蛋同甜酸醬係easy combo 。好食。蝦醬炒飯望落好普通咁，但係用 糯米炒的！粒粒都好香 咸度適中，打破用蝦醬乜乜醬就會好咸既印象 雖然唔知果幾舊臘腸喺度做乜，但又幾好食喎（fusion?)😅好大既一條烏頭，我地叫左小小辣所以唔辣，但酸度好夠，鋪滿好多肉碎同秀珍菇，魚肉岩岩好（但以免佢越滾越熟，強烈建議叫佢熄火）。兩個人食好誇張，起碼要三個人分⋯好想特別推薦個椰青，作為一個椰子狂人，任何嘅椰子產品我都食。呢個椰青真係非常出色，清甜，無澀味，椰肉刮到出黎食而且嫩口，大粒多汁（唔係飲兩啖無晒果d)。由於佢有個黃色label 我決定叫佢黃金椰青！實在的一餐飯同實在的人食，飯太多打包埋因為唔想浪費，知足常樂就係咁解…查看更多

記得讀書時期的大角咀得奧運站附近有野食，依家已經伸展到大酒店附近。天時暑熱係港灣商場決定食個簡單中式下午茶，環境幾舒服之餘估唔到食物都有驚喜！首先要多謝自己，平時唔食泡飯既我突然之間想試泡飯，而呢度既#手撕雞泡飯 完全滿足到味蕾同肚仔：飯粒飽滿 唔係d雪到溶晒既隔夜飯，湯底濃濃既雞味，加上勁多手撕雞，唔係雞絲係真係去晒骨既手撕雞，啖啖肉又好飽肚，兩個人分係超飽（加上d點心）其次想重點表揚係#綠豆餅，見幾少見咁又好抵食 所以叫左。薄薄一塊但竟然做到9成係綠豆蓉餡！口感似超薄皮版老婆餅，但餡料唔甜，非常岩岩好，綠豆蓉好滑好細膩，呢個真心會令我再幫襯 絕對需要自己食晒三舊。另外有驚喜既唔太甜甜點包括#薑汁糕（超煙軔又多層）同#斑蘭蒸糕，係白糖糕既質地，好彈，斑蘭味唔重但亦唔甜，老人家應該都好岩食。咸點例如#煎釀茄子、#炒鳳爪都唔錯，中規中矩夾大份。整體黎講係好抵食，坐得舒服，無加一，茶介都好似只係$5一位。大人細路都應該飽到摸住個肚仔走…查看更多

近排發現某E字頭app訂位好多都有折，岩晒我呢d weekend 好late lunch /early dinner 既人，咁諗住試下呢間廟街既印度野，Google review 都唔錯，心諗應該可以一試。但成個體驗係一個字「伏」！ 伏位絕對唔係野食，而係餐廳既營商手段！講下野食先, overall 野食都真係唔錯，特別係lamb curry , 羊腩好淋又唔會俾肥膏你，咖哩偏重蕃茄味，酸度適中，有order mild 但反而一d都唔辣；garlic naan煙軔得黎唔會太厚，底層有點兒香脆，蒜味唔太重但我幾鐘意。Pani puri有8粒，同之前食既相比呢間無咁辣，薄荷味mild d所以唔會太「冰感」、整體而言都係滿意既。Tandoori chicken: 鐵板上菜有「炸」一聲既效果，底層蔬菜都煎都好香，雞肉唔鞋 又唔會乾爭爭，又係有surprise 既烤雞。Palak Paneer: 芝士菠菜經常係我會order黎做curry alternative , 感覺上有蔬菜又可以食埋d naan, 呢間d芝士比較溶，無咁多cube俾你嚼，而且偏咸，不推薦。另外試左印度啤King fisher ,偏淡的lager 但可能都balance 番印度菜既重口，係幾好既配搭 /重點來了，雖然古語有云「行商必奸」，但使用過幾次E字頭app既經驗話我知，未必的 ，總有餐廳需要用唔同平台俾d discount 去吸引唔同客群。但天真既我今次錯了，呢間餐廳野食真心ok, 係環境比較雜（我下午3點行過黎都俾街上伯伯望）但身邊有壯男加上日光日白唔怕的，內部環境就係好舊式既印度紅同印度啡，無乜裝修，但起碼乾淨企理。app度寫係a la carte menu 野有5折，但埋單果陣佢竟然話佢俾我地睇既menu 已經5折左。 我地真係打左個突，咩叫5折左？咁叫佢俾original price menu我地睇 ，佢話無，話就算walk in 入黎都係睇呢份menú, 咁即係無論點都係得一份menu 一份價錢，從來無折，佢俾app既original price 資料根本係無根無據。同佢理論下佢係咁二平幾十蚊我地，但已經唔係價錢問題，而係佢成個經營手段太唔老實， 就算前面既野食有幾滿意都好，最後果下已經咩心情都無晒。btw順帶一提，佢餐牌上24號既煎雙蛋係$50， 如果呢個真係5折左既menu,即係原價係$100一份煎雙蛋:0)仲黎唔黎呢度食，請自行參詳If you want to try some average -good indian food, this may be a place for you. BUT, what we have experienced is we are entitled to have 50% off on the a la carte menu since we used the Exxxgo app, but what the dodgy owner / waiter told us was that the menu is already a discounted menu, and no matter you are a walk-in, or using any apps for any discount, they are using the SAME menu. This is a very dishonest way to run a business so no matter how good the food is, I will never come again. …查看更多

周末同耐無見既朋友食下late lunch 吹下水，見呢間環境幾好就訂左。是日氣溫33度，上到去的確有WOW一聲既感覺：強勁既冷氣、藍天白雲既維港、同⋯一齊黑面既侍應們。weekend lunch set 有湯、前菜、主菜同餐飲，係呢個地段同海景258，都係唔錯既選擇。雖然佢話限時2個鐘，但食物上菜速度都幾有效率，唔驚等好耐都無野食。首先餐湯係蕃茄湯，重茄膏，偏酸，但好在佢唔太咸。前菜不約而同order左tuna, 一人前黎講都幾多件，無筋 都算鮮甜，但出面既芝麻無芝麻香，正體係靠炸蒜同「橋頭」吊味，建議多加一款汁邊上。主菜我既燒春雞中規中矩，唔係肥美既春雞，好處係食得clean d..但feel到係翻焗既雞，d鮫位偏乾，肉開始痴骨，好似我自己係屋企翻焗既咁😅 但好在旁邊多燒蔬菜，三色椒、菠蘿、西蕃花都好甜，呢個先似係成餐飯既主菜雖然唔係行高級路線，但都叫做尖咀高層維港靚景，但侍應們黑面到好似欠佢地錢咁，由入門攞位到走人都無greeting, 無笑容，無正眼望下你，可能天氣太熱個人燥底？ 除非上天台飲野，如果唔係應無下次…查看更多

午餐快食，無影靚相既一餐不過真係有驚喜所以特此出post表揚👍🏼首先成間小店既裝修都好「泰」：路邊攤、室外坐、無冷氣（但有簷蓬同風扇）、小而企理、賣的都不是花巧泰菜係實實在在既主食。當然係呢個大熱天時，自問唔係佛系既我一定係買外賣，但食物質素並無因為打包而降低！青咖哩雞飯：比較稀身的青咖哩，無特別勾茨收水但反而香好多，好多蔬菜係入面，雞肉又滑，份量多（一不小心成盒飯食晒！）Pad thai: 金邊粉炒得勻，亦可customize 走芽菜等等但落單要講低；辣度稍為無係泰國食既咁辣但都唔惹小，怕辣既朋友請講明。lunch 都有供應芒果糯米飯，當然要叫！$55 雖然同泰國真係無得比，但我敢講係好食過好多泰國本地店！芒果肉多、甜、糯米煮到岩岩好軟硬，椰漿甜度適中，仲加左d米脆脆係上面令口感更好由於大家分食，食到一半先醒起影相 原圖好靚架極力推薦，灣仔泰菜外賣首選…查看更多

上網見好評如潮，趁長假期去M+前黎佐敦食個late brunch /lunch ，menú都好吸引，西式burger /pasta/all day breakfast ，日式串燒/鰻魚飯/吉列豬，仲有cake (佢地叫tea set，但都可以嗌)，拉花咖啡等，可以話係集齊各家喜好於一身，二人行決定一西一日試試佢真功夫。牛面頰肉寬條麵有超香既野菌同野菌汁又濃，夠稠身掛麵一流，牛面肉係超淋又入味，用匙羹都輕易切得開；fettuccini 都幾煙軔，整體好平衡、唔膩但又夠味道、同份量都岩岩好。有驚喜😂重點推薦既「Mizu 燒鳥定食」已包左燒雞翼、青椒仔、煙肉生菜卷、招牌既yakitori雞肉棒、同燒冬菇，真係每一樣都水準之上！青椒仔唔辣，細細條燒到皮皺皺的，好似西班牙tapas d 青椒咁，咸香又夠椒味；煙肉燒本身驚好咸，但一d都唔會，連埋菜一切都剛剛好而招牌雞肉棒更不負所望，嫩滑細綿、配上蛋汁真係一流（ps.隻日本蛋真係好靚，蛋控表示好想知係咩牌子😂）最後將蛋汁全部同飯撈埋一齊食，日本米粒粒飽滿又煮得恰到好處，真係好滿足！😌定食外另外試左個紫蘇葉雞肉串，同雞肉棒係同一個雞肉，但加上紫蘇葉既香氣，係可以一食再食既串燒！咖啡黎講都十分之不錯，iced americano 好夠焦香味，latte都唔會得奶，偏向flat white 既比例，仲要本身兩樣都可跟餐點！好抵！兩人表示係非常「舒服」既一餐，無論係夠闊夠乾淨既環境、亦或係恰當好處既各款食物飲品，甚至係果位好專注整野食既師傅，連灑個鹽都好有儀式感（而且係調味岩岩好），都算係少數一間對得住客人既café/居酒屋了///後記：bar枱師傅招呼兩位似乎好熟既客人，細聽（偷聽）下原來係岩岩外國番黎既屋企人！佢地一坐低就被熱情招呼自家釀梅酒，睇黎下次要食串燒omakase 先夠皮⋯///…查看更多

好幾年前當金鶴只有兩間分店既時候，試過佐敦果間，當時獨沽兩味，得雞白拉麵同鰻魚飯，想多個小食都無，但lunch hour 依然排長龍。依家周圍都見到，唔洗點樣排隊啦仲可以外賣，又有勁多新口味！龍蝦啊蟹啊鮮蠔拉麵等，好多串燒、Sake、連啤酒都有free flow ! 睇黎要同居酒屋拼過由於友人對好多海鮮都敏感（而本人亦好懶等駁殼）最後決定再食番signature雞湯同試下黑蒜。極濃雞白湯拉麵依舊係超濃奶白湯底，雞味濃 飲完咀唇癡粒粒的，係豐富既骨膠原啊 炸牛蒡唔單止係得個樣，仲係好香口的，同雞湯好夾。溏心蛋亦係無得輸！雞胸肉係慢煮的勁嫩，又有同多蔥同木耳絲，拉麵黎講都係比較健康！黑蒜拉麵一上黎就好重既蒜頭味，係真係好濃，所以真係要蒜頭愛好者先好嗌啊😂 比起雞白會油dd, 但都係好好既配搭適合重口味人之選👍🏼另外試左d skewer, 留意番餐牌有清楚寫明係一串定兩串，就唔怕叫太多食唔晒啦！推薦燒帶子，簡單搽燒肉醬燒一燒 好鮮甜又嫩滑。另外既秋葵同牛柳咸香咸香，送酒一流（但拉麵已經好飽肚所以飲唔落酒）。保持到水準仲要新增咁多款式多咁多分店，係有d料到…查看更多

第一次去Caliente係成班朋友，當時所有野都正正常常，係nachos淋左少少，taco濕左少少咁解。第二次揀左taco tuesday 去，$29/個 可以揀veg/fish/chicken/pork/beef, 咁我地兩個人就每樣黎2件，再加左沙律同啤啤佢。Salad 係可以的，好多料又有黑豆等令到佢好「mexicana」但！牛肉揀錯左，望落明明幾raw下但咬唔開，韌，有肉汁但有d位真係咬唔爛（自問唔係阿婆棚牙）主菜tacos 一如即往係偏濕，其中俾我地發現d用料同a la carte menu上既taco好唔同！！首先veg, fish, chicken 都應該係一樣的，但豬肉唔係pull pork 了，無烤過直接一堆豬肉絲咁白雪雪同雞肉一樣色，咬落都唔係一絲絲的係一大pat; 牛肉更離譜，本來散叫係牛肉條煎香切粒，依家變左免冶牛醬，好似⋯好似譚仔既炸醬咁！！太重口味啦，想像下本身夾米線湯一齊食既炸醬不經稀釋直接轟落口⋯OK可能你覺得平野無好野，但佢menu d taco dish 係百幾蚊有三件，依家$29件仲要咁既質素⋯超市減價都多過佢喎仲要俾緊同一件貨。 算，係我地天真被taco tuesday 呃左，但最最最重要係：我哋兩個果晚都肚屙！真係痛到起身要肚痾嗰隻！無論係咪taco tuesday都好，大家去Caliente真係好諗諗佢啦。真係痾到忽忽好caliente架！…查看更多

好耐無入大西北，呢排天氣開始濕，味蕾反而想找些刺激食下辣野，見呢間新店企企理理，有唔少街坊幫襯，直接一試無妨。記得第一次聽螺絲粉係來自一位廣西既同事，名符其實「食螺絲」，但後來發現只係唔同版本既米線米粉而已。螺絲粉湯底偏酸，酸豆角酸筍令人食得酸爽、炸豆皮吸收晒湯底令辣味更燙口， 望落清清地既湯底其實係螺煮出黎既，帶有一份鮮甜。配料方面揀左「炸蛋」，香酥不油膩，蛋味又香，好似海綿咁好吸湯；另外揀左鴨腳（適合無「腳」不歡既我），夠淋，唔洗出手都輕易吮到骨，不過小心吮既時候俾辣湯俗親！同米線店唔同既除左係米粉質地較爽口滑溜，就不得不提果種獨特既「味」：有人話係臭，有人話係香，同榴連都有異曲同工之妙呢。但只要放膽一試，真係好容易會上癮，想一食再食！襯新店未排長龍，可以再反兜！…查看更多

之前試過預約waitlist 唔成功，今日約好frd早兩星期上網訂位，終於可以一試。但可能期望越大，失望越大，雖然整體體驗都唔差，但未feel到好似其他好評咁好🤔weekend lunch 有$390/人既menu揀，或者A la carte咁叫，價錢唔會差好遠，但二人唔係好食得多，就散叫試吓：Hummus and Flatbread , Roasted Brocolli, Feta cheese, Lamb chop. 同每人一杯飲品首先hummus 真係一定要食，豆蓉超綿滑，唔係油浸出黎果d, 加左d paprika 粉但唔辣，反而好香；個人本來唔太鐘意蒜味，但呢款好mild唔會一口都係味，非常喜歡💕Flatbread一份有三塊，都幾厚身，又軟又熱，配hummus涼涼地咁很開胃，食完其實已半飽⋯（姐姐老了）以為Feta cheese 屬於snack /appetizer, 原來係main, 因為好飽滯！用鐵鍋仔加蜜糖烤，唔好以為好細塊，我地兩個share已經好飽，夾落flatbread +hummus 都好好食（基本上hummus配乜都好食）Lamb chop 都係有三塊，size唔大，焗得不過不失，唔太夠嫩同埋無乜肉汁，下面sour cream搭救⋯roasted broccoli 係有點意外的，其實入面只係得兩塊，其他綠色既東西係炸過既蘇葉⋯下面亦都鋪左d綠色既paste, 老實說唔知咩黎，有d粗既纖維感，但味道唔酸又唔香，點左好似無點咁⋯都係番番去我既hummus吧⋯雖然仲有好多野未試，但感覺上main有點失色，搶唔到hummus風頭；單價望落合理，但個菜會令人覺得有點太少⋯畢竟只係烤西蘭花🥦⋯…查看更多

難得在第五波前約到食飯，黎到好耐無踏足的深水埗扮一扮文青。睇中呢間係因為 可以book到位之餘又冇限時間，啱晒同朋友吹水。店舖位置好易搵，裝修亦都簡單舒服；食物、飲品餐牌選擇不多，但對選擇困難症人士很有幫助。注意，雖然係Cafe，但係冇咖啡飲，大多數係牛奶類飲品同幾款茶；去counter落單時看到開放式廚房如此簡單，就明白佢「獨沽一味」嘅原因了。一行三人叫左：🍜海鮮咖喱烏冬：我算比較滿意既一碟，烏冬夠滑，日式咖哩汁雖不濃也有點稀，但味道微辣同帶有蛋味，就咁當湯飲都幾好；但始終太稀，另外加配嘅薄餅掛唔到汁，只能倒上湯汁一齊食。（建議餅用返印度naan或其他較spongy 既餅先吸到汁）海鮮係冰鮮貨，但幸好無雪藏味。👌🏼🍗南蠻炸雞配自家醬汁：自家醬汁其實只係Honey Mustard加少少檸檬，沒有驚喜但好食，做前菜不錯。👌🏼🥯蝦哈哈牛油果Bagel：算係招牌菜吧，造型幾靚，蛋係twisted egg做法，有蛋汁之餘又不會散晒，牛油果係非常熟成的，份量亦沒吝嗇，不錯；Bagel包底有少少失望，較薄身同實淨，不過始終廚房係組合簡單食材為主，選材方面已經算ok了。👌🏼飲品方面因為無咖啡，大家都一齊飲奶🍼🍓草莓雲朵：造型最靚，草莓係士多啤梨醬；🍫熱可可：朋友話係朱古力唔濃嘅朱古力奶；🍵我杯抹茶婊：亦到係抹茶味唔濃嘅抹茶奶😅😅😅 總結：飲品係失望的，始終佢係出面有造型既咖啡既價錢。🍰甜品輕嘗左個茶味卷蛋，忌廉不甜又夠輕盈，糕身雖濕度偏高，但都唔錯👌🏼短短一兩個鐘已經見到不少於六七隻狗，店內外都可以帶狗，對喜歡毛孩人士的確係個好地方；但如果你係純粹為食物飲嘢而黎，可以有更多其他的選擇。…查看更多