tsm619839的個人專頁

整體餐堂內用餐感受非常差，餐廳不願意簡單地照顧有需要的客人合理的需求。兩大一細入去叫咗兩個餐再加一份小食，其中一個係薯條漢堡包。叫侍應畀多一隻碟好讓我們可以將漢堡包分食，侍應話啲碟只係可以用嚟裝一份一份嘅食物唔可以畀多一隻碟畀我，只可以畀多一個碗。我同佢解釋個碟係攞嚟分漢堡包同薯條。冇可能用一個好細嘅湯碗裝漢堡包同薯條。佢最後都係拒絕幫呢個好少嘅忙。每個餐之內都有一隻流心蛋。但係餐牌冇寫話有。雖然佢哋好心話係免費贈送，但係某啲人係唔食半生蛋嘅，未熟曬嘅蛋亦都有可能有沙門氏菌。可以話好心做壞事。我埋單嘅時候有同收銀嗰位小姐講呢兩件事。佢同我講如果唔鍾意可以唔嚟食。整體餐廳內用餐感受不好。…查看更多

整體用餐經驗非常差，衛生水準非常第三世界。6點半入座4位。坐低見到餐具中有兩個底碟有上手食淨嘅食物。將兩個底碟俾翻個侍應，佢話佢地出曬名好污糟。佢哋張台同餐牌好似好耐冇清潔過，油膩感好強。唔知政府食環署見到咁樣會唔會即刻同佢地講要停業休整。點菜嘅時候問個侍應伯伯是日焞湯係乜嘢，佢話 "海中寶” 。我問佢乜嘢叫做海中寶，佢話好難解釋好抽象，我請佢去廚房問清楚佢就話不如叫第二個湯水啦。我地同佢解釋話因為小朋友唔鍾意飲餐牌上第二個湯，但係有希望有個湯水，所以想請佢問清楚。佢一路都唔願意去問清楚於是我地唯有唔叫湯。落單之後，我地再問門口嘅經理乜嘢叫做海中寶，佢都拒絕回答我地。明顯廚房同樓面冇足夠嘅溝通。之後個經理仲好意思不耐煩咁樣問我地點左菜未，未點要快啲。我於是毫不客氣咁同佢講你自己唔睇下個電腦我地有冇入到單，你就嚟問，不如你入去厨房叫下你地啲廚房大佬快啲出菜啦。另外佢地亦都有一啲淨係招呼熟客嘅壞習慣，對於比較生面口嘅客人一系就唔埋嚟，冇招呼，一系要好大聲叫佢地，或者行到去佢地面前先至會睬你。…查看更多

通常先出第一個餸需要約10分鐘至15分鐘。之後佢地會故意拖延至少等45分鐘至一個鐘。如果你催促店員，佢會問你想點，而唔係幫你入廚房跟進。甚至有時佢地專登唔催促廚房，可能知道無用。如果你見到餐堂大約有一半換咗你就要預左過半鐘左右先至出得齊所有餸。…查看更多

一行7人，店內只有其他一檯客，我地想分兩張枱坐，但店主要求我地 迫埋同一張檯。 終於其中一個男士 因為實在太迫，自己走去第二張檯坐。店主仲話不論幾多個人都要每人派一份甜品就算嗰個細路都要。我地個小朋友3歲，就同佢講我地少叫一份。。。。佢死死地氣話今次免我地。。。。本來新年期間唔係好想鬧人，都同佢講咗兩句。 咁兩夫婦同埋個手抱bb入嚟，唔通都要叫三個甜品？…查看更多

6月14日晚上 叫了 蝦仁炒蛋 和 紅燒豆腐 水平不錯. 6月 15日中午 叫了乾炒牛河，但炒出來的牛河 不論顏色 或味道都不夠火喉。 乾炒牛河看來並沒有加老抽 所以炒起上嚟 不上色也不夠味道。很明顯新的店舖仍然未能在廚房裏管理好出品的水平。…查看更多

2月3日 11點30分 走進夏麵館始創中心 的店舖 11點38分落單 , 到到十二點十五分 才有第一碗麵到。原来师傅只在12点才到。楼面经理仲叫我地唔好再催促 因為越趨會越慢. 感覺 整個廚房沒有管理 點樣可以客人比師父仲要早到30分钟， 如果員工冇辦法準時開工管理層應該考慮唔好咁早開。 或者 一早喺舖頭門口寫明唔可以催單， 只會越催越慢。…查看更多

7點59分點菜， 八點九先至嚟第一個。 最後九點十五分先至全部上齊菜。 叉燒又貴又硬。128蚊 只得10块。 周圍嘅人都投訴。 有人一碟聖子寫明四隻隻係嚟咗三隻。 不老實 服務不好 …查看更多

本來我們一家每星期六日都定期去，認識大部份的伙計，以前多數很友善，我們家兩個小女孩也和幾位伙計叔叔和姨姨打招呼。 今天我們大約在下午6時45分到達， 在門外已經有大概四台左右等著。 我們也很修規矩在這些人的後面排隊。 不久我們認識的 餐堂大佬"家明" 看見了我們一家。 因為我們是認識的， 他突然用一個很不屑的眼神和口氣對著所有人說 "識我又唔早啲打電話嚟留枱, 你睇下而家咪領曬嘢囉"。 其實我們從來沒有要求任何的特權或者打尖 我們只想開心的在這裡吃一餐飯。 我們意想不到一個我們熟悉的臉孔竟然以這種 傲慢的態度來對待我們。 以餐廳的角度來說這就是一粒老鼠屎搞壞一鍋粥。 一個態度傲慢的夥記 就可以摧毀當年嚟辛苦努力建立的餐廳 的聲譽和招牌。…查看更多