ross202的個人專頁

以前食過，朋友想再食， 但係見呢到d食評講到有d嚇人， 一直拖得就拖，等到佢生日還佢一個心願。 牛排無之前某d食評寫既咁差 (話薄過茶記快餐), 海產類都好新鮮， 係鰻魚質素差d , 不過都明既，而家鰻魚難求， 無奈自己鐘意食。 其他咩炒飯炒菜中規中矩。 服務方面， 呢類餐廳服務總會帶點ego , 但佢地反應好快而且盡量係你未開口已經幫你處理好， 呢方面我覺得無咩好挑剔。 可惜食到咁上下有一群印藉人士入座肆無忌憚高談闊論仲坐到逼埋我朋友到， 餐廳都主動話幫我地換位，不過個環境實在變得太吵鬧(真係嘈過午市茶記) 就埋單走， 唯一遺憾無得傾多陣。…查看更多

叫左cheeseburger, 同朱古力香蕉shake. 個burger 一打開兩個感覺： 1. 個包唔挺身， 以近乎100 蚊個包你俾兩pat好似濕水紙巾既野我叫bun, 然後你話強調質素我真係得啖笑2. 好多水， 配料同漢堡牛肉夾埋既水份溝淡哂d醬料同牛肉既味， 另外兩片patty似碎牛多，散修修， 你可以話呢個係無添加既表現， 但味道上無煎香或火爐味真係好失望。 以前加拿大食Harveys個價得佢一半有包有薯條有飲品， 重點係人地有backyard bbq既味道， 但 five guys係乜都無， 只係有一pat野， 好大攤水， 同果張包裝紙。 Shake除左甜就係得個甜，香蕉同朱古力mix 果個味道同質感完全欠奉。 呢間野真係不可一， 不可再。 overrated. 應該全線撤出香港指日可待…查看更多

沙律個味唔會太酸， 係d蝦好似早得滯整定。份量ok大既16oz肉眼ok, 正常， 無一d劣評講既根多或肥膏多情況， 可能咁岩抽到好簽特別菜單既12oz香草焗牛柳唔係好掂外層唔脆，香草唔香，唔似焗出黎， 肉質唔太欣賞，切落霉霉溶溶咁，因為外層d 香草真係唔香， 無牛油無蒜 無調味，肉本身又無味，成件事係睇落好似好多功夫但到頭來攪左舊無味既野出黎， 呢個請避之則吉兩件排出黎個成數都跟返要求， medium唔會好紅心， medium rare又無變well done. 飲品， 我叫左個奶昔好稀， 冰太多完美唔shake, 我朋友杯mocktail, 佢只係話椰奶多d會好d. 服務正常到偏好， 但未至於之前某d評語講到咁差環境係有d嘈， 不過呢個我諗食客自己要負返責任， 無得賴哂落餐廳到， 好似今晚隔離檯4 位未到前環境都ok, 但果4 位一座落黎就大大聲你一句佢一句即刻變左個墟， 俾個維園你都無意思， 有時睇傳媒d 香港人成日自詡點質素高， 但行出黎幾有教養其實人地有眼見。…查看更多

叫左兩個香港茶記平常到無得再平常既干炒牛河， 焗豬排飯。 真係無諗過可以難食到咁， 食完要專登download apps黎誡大家真係唔好食。 個牛河， 好似無落汗炒咁， d 色好似將隻未洗乾淨既鑊d 鑊load 兜上d 河炒兩野就算， 睇見十足隔過夜， 食落當然係乜味都無。 焗豬排飯d豬排全部碎濕濕， 似d豬肉鋪斬左d豬排唔要既果d部位， 加上d豬肉全白焯就pat上飯面， 係d飯底仲食得下唯有問佢要d茄汁撈飯吞左就算…查看更多