angelayui的個人專頁

環境舒適，食物份量多味道又好有驚喜。雖然假日食價錢貴過閒日少少，但我覺得味道同份量都對都住個價錢。佢唔係一般只有一般酸菜魚，佢有啲其他新式口味。試咗海派蝦湯魚，啲魚超滑又唔腥，啲湯勁鮮甜差少少想飲曬佢（可惜太飽）真心值得推薦！睇返啲食物嘅相都回味無窮…查看更多

今日lunch見呢間餐廳環境ok，又唔多人，諗住咪試吓。點知完全中曬伏。首先落單後，主食等咗好耐！本身我同男朋友唔趕時間，諗住都無咩所謂咪等吓。但係當我地等到主食嚟，只係上咗我男朋友叫嘅排骨擔擔麵但爭個排骨，職員話之後會上。咁我男朋友有啲肚餓諗住慢慢食住等，但食到可能都有一半啲排骨未嚟，我叫嘅酸菜魚麵都未嚟。第一次追職員，職員話等等好快上。過咗一陣我碗酸菜魚麵到啦，但男朋友嘅排骨都未到…… 咁我男朋友好無奈地繼續食住啲麵先，去到都差唔多食曬啲麵我忍唔到去再追問職員，結果職員話仲炸緊要再等等，嗰吓我真係著咗火但我都盡量保持自己嘅情況同佢地講道理，啲麵都上咗咁耐都食曬啦，排骨都未到，會唔會過分咗啲呀？職員都有道歉叫我地再等吓，好，咁再等吓囉。但之後啲排骨上枱我同男朋友都呆咗….啲排骨似係人地食完啲餸頭餸尾咁，真係佛都有火，男朋友食咗一啖，係熱嘅，但咁嘅模樣叫人點食？之後佢都唔想再食同唔想再留喺餐廳，即刻埋單走人。下面有啲排骨上枱嘅相俾大家睇睇。…查看更多

人生第一篇食評估唔到就係俾左呢間, 仲要係劣評, 無辦法, 因為真係唔post唔得。話說我地一行6人去, 係朋友生日飯, 我打電話問佢有無切餅費, 佢話無, 之後就精彩啦!(稍後再講)我地點餐既時候, waiter不停咁sell我地套餐, 咁我地唔想叫咁多燒肉, 咪散叫囉, 咁第一round朋友未到齊, 只係叫左兩碟肉同其他野食, waiter已經講我地有兩個爐, 如果叫咁少要收返爐費, 問佢要叫多先得, 佢話一個爐要叫兩碟燒肉, 咁ok啦, 我地之後人齊咪再叫多兩碟肉, 另外一個男waiter話我地要叫多兩碟先可以, 我地當場O嘴, 之後講講下佢都自打嘴巴, 話一個爐係要叫2-3碟肉, 咁我地兩爐四碟肉咪可以囉, 佢話再幫我地問問, 後來先話OK。野食其實係正常既, 不過因為都有少少火火地所以都無影相。最精彩既部分黎啦, 食到差不多最後諗住叫waiter上蛋糕啦, 佢就咁一野隊個蛋糕盒埋黎, 我當時已經完全黑人問號? 心諗唔通因為唔收餅費所以咁樣? 好啦, 咁自己黎, 問waiter拎碟, 個應該有咁上下資歷既女waiter用一個勁串+惡既表情話, "無碟呀!" 果下真係心料咩料, 我都客客氣氣唔該前唔該後, 你咁既態度? 之後問一個後生仔waiter, 佢問俾碗得唔得, 我話ok啦, 麻煩俾6隻碗, 之後佢只係俾一隻碗我地咁想點? 好啦都算啦, 所有野自己黎, 自己搣包裝盒當碗用, 女waiter竟然過黎收走我其中一個朋友既餐具, 我地都係後來先sense到, 咁我朋友用咩食蛋糕?? 都已經放棄再搵waiter, 拿拿聲埋單走人算, 我地起身走既時候, 有個waiter好似俾說話我地聽咁話:"隻碗用都無用過" 我心諗, 叫你俾6個碗又唔俾, 所有野自己黎仲要覺得好似我地唔岩?俾錢時係果個有咁上下資歷既女waiter收錢, 個樣串都好似我地成班人得罪佢咁, shxt, 好似俾錢受人氣咁。走左之後我地見到有個poster寫咩9-10月生日優惠什麼的,又免切餅費又送野咁,  咁佢地餐廳都有搞呢D野點解仲可以連俾碟個客食蛋糕都無??仲要收走客人餐具想點? 仲要受咁多氣?總結: 試左今次, 食物係ok, 但服務態度令人不了, 唔會有下次! …查看更多