idablank的個人專頁

15/4/2024映完魔鬼山日落，緊係去醫肚😙喺Open rice 搵咗呢間老友記廚房試吓，即刻覺得好運氣，揀啱咗🥰平靚正！！！ 我哋一行七人嗌咗兩個套餐，$328龍躉三寶(金銀蒜雲耳蒸頭腩、翡翠炒斑片、密椒薯仔牛柳粒）和$238精選三寶（鳳梨生炒骨、豉汁蒸白鱔、椒絲腐乳通菜）另後加咗椒鹽鮮魷，每個小菜都夠鑊氣，又好味，份量都好足夠。還有點菜後餐廳奉送每人一盅無味精靚湯，當晚是眉豆雞腳豬骨湯，好足料亦美味。 我自己就最欣賞個翡翠炒斑片及椒鹽鮮魷，前者味道適中，斑片啖啖肉夠新鮮；後者夠鑊氣，除咗炸蒜蓉外還夾雜咗少少鹹蛋黃令整個鮮魷更加香和惹味，伴酒一流😋 當然餐廳都有進步空間，例如個蒸頭腩有點過火，但味道OK，還有鳳梨生炒骨，用的是薄豬扒，上炸漿後略乾硬，整體味道不俗，賣相好。 重點嚟喇，除咗以上嘅餸，我哋仲嗌咗四支啤酒就三罐汽水和四個白飯，全餐消費只係$892，每人除開只係$127.5, 勁抵食🔥🔥面對北上消費熱潮，香港食肆好難維持，希望呢篇食評可以支持吓呢間良心食店，我哋一定會再幫襯，下次可以試吓個龍蝦伊麵餐，真心期待🥰⋯⋯ …查看更多

下雨天一行六人去行山，喺OpenRice見到呢間泰菜幾吸引就去咗銅鑼灣試吓，原本冇抱特別期望，不過卻有驚喜 我們點了火山排骨、咖喱三重奏配蒜蓉麵包粒、鹽燒鯽魚、串燒雞豬、泰式蛋包炒金邊粉和飛天椰菜苗，當然唔少得飲品啦，包括有芒果梳打、青檸梳打和柚子蜜。火山排骨(醬汁另上）因同行友人唔辣得，賣相麻麻，有啲似煲湯骨，不過食落又幾好味，軟硬適中，醬汁香辣，幾醒胃。咖喱三重奏配蒜蓉麵包粒 我覺得最精彩，一煲有齊紅黃綠咖喱，配蝦、青口、貝類、魷魚、炸魚柳、炸軟殼蟹和蔬菜。軟殼蟹大件又厚肉，綠咖喱集香濃滑於一身，用蒜蓉包點嚟食，好正。鹽燒鯽魚 魚肉軟滑鮮甜，唔會太鹹，配香辣醬汁又有另外一番風味。串燒雞豬各三串，唔似炭火燒嘅，不過肉質剛好，肉比其他店大少少，唔乾只係冇炭火燒過嘅香味，沙嗲醬夠香濃。泰式蛋包炒金邊粉 金邊粉味道正常，疍包有噱頭，疍皮略硬，不過上面啲蝦用茄汁炒過，有用心。飛天椰菜苗 應該係用麵醬和辣椒炒，夠野味。飲品甜度適中，芒果夠香。總括嚟講，今晚食物有驚喜，菜式有新鮮感，味道好！餐廳環境氣氛都幾好，牆畫繽紛，給人開心熱鬧感覺，環境唯一缺憾係男女共用一厠，內門不能上鎖，有女友人推門撞上正如厠之男客，極尷尬！…查看更多